Morgunblaðið - 08.06.2006, Qupperneq 8

8 FIMMTUDAGUR 8. JÚNÍ 2006 MORGUNBLAÐIÐ
FRÉTTIR
Það er ekkert skrítið, Guðni minn, þetta er nú okkar prívat sól, góði.
Þar sem Þjóðverjareru gestgjafarheimsmeistara-
mótsins í knattspyrnu að
þessu sinni þurftu þeir
ekki að taka þátt í und-
ankeppni, ólíkt hinum lið-
unum sem öll hafa komist
gegnum undankeppni í
sinni heimsálfu. Fyrstu
undankeppnirnar hófust
árið 2003 og í nóvember á
síðasta ári varð ljóst
hvaða 32 lið keppa um
heimsmeistaratitilinn. Allar
heimsálfurnar eiga fulltrúa á
mótinu, flestar þátttökuþjóðirnar
eru evrópskar, alls fjórtán, en
Ástralía er eini fulltrúi Eyjaálfu.
Liðin keppa í átta riðlum og
hefst mótið á tveimur leikjum í
A-riðli. Í opnunarleiknum, sem
hefst kl. 16 á morgun, tekur lið
Þjóðverja á móti Kosta Ríka-
mönnum og strax á eftir fer fram
leikur Póllands og Ekvador. Síð-
an fylgir stíf dagskrá og allt til
loka 16-liða úrslita verður leikið
á hverjum degi, tveir til fjórir
leikir á dag, en þegar nær dreg-
ur úrslitaleiknum verða lengri
hlé milli leikja.
Hátíð fyrir áhugamenn
um tölfræði
Þjóðverjar og Ítalir taka nú
þátt í úrslitakeppninni í 16. sinn.
Nýliðar í ár eru sjö en aldrei
hafa mætt fleiri þjóðir til leiks í
úrslitakeppninni, sem ekki hafa
tekið áður. Brasilía er eina liðið
sem hefur alltaf tekið þátt í úr-
slitakeppninni og því eina þjóðin
sem oftar hefur verið með en
Þýskaland. Sjö sinnum hefur
þýska landsliðið leikið til úrslita
og þrisvar hafa Þjóðverjar
hampað titlinum, þar af einu
sinni sem gestgjafar en það var
árið 1974. Alls hafa gestgjafar
hrósað sigri á HM sex sinnum.
Þótt 78 þjóðir hafi tekið þátt í úr-
slitakeppni HM hafa sjö þeirra
skipt heimsmeistaratitlunum
milli sín. Flesta titlana hafa
Brasilíumenn unnið, fimm tals-
ins, síðast í Japan/Suður-Kóreu
fyrir fjórum árum.
Þjóðverjar hafa staðið í
ströngu við undirbúning mótsins
en leikið verður á tólf leikvöng-
um í jafnmörgum borgum. Úr-
slitaleikurinn fer fram á Ólymp-
íuleikvanginum í Berlín sem
hefur verið endurnýjaður fyrir
um 23 milljarða kr. og er stærst-
ur leikvanganna. Heildarkostn-
aður við endurnýjun eldri leik-
vanga og byggingu nýrra nam
um 128 milljörðum kr. og rúmar
sá minnsti nú 37 þúsund áhorf-
endur í sæti en sá stærsti 66 þús-
und.
Hræringar á
sjónvarpsmarkaði
Heimsmeistarakeppnin er
stórviðburður sem nýtur mikilla
vinsælda og í samræmi við það
felast mikil verðmæti í sýning-
arrétti frá keppninni. Fyrir fjór-
um árum afsalaði RÚV sér sýn-
ingarrétti frá HM 2002, sökum
fjárskorts, og tryggði sjónvarps-
stöðin Sýn sér í kjölfarið réttinn
til að sýna bæði frá því móti og
keppninni í ár. Gjald fyrir áskrift
að Sýn er til muna hærra, fyrir
aðra en þá sem skuldbinda sig til
áskriftar til lengri tíma, þann
mánuð sem heimsmeistara-
keppnin stendur yfir, en aðra
mánuði ársins. Hefur erindi
vegna þessa verið sent sam-
keppniseftirlitinu og þess óskað
að það rannsaki háttsemi Sýnar
að þessu leyti. Skjárinn mun, að
kröfu Sýnar, loka fyrir endur-
varp á erlendum stöðvum meðan
þær sýna frá leikjum í keppninni
en viðlíka ástand ríkir á Spáni.
Skjárinn ætlar á sama tíma að
beina sjónum sínum að þeim sem
lítinn áhuga hafa á knattspyrnu
og bjóða upp á dagskrá sem köll-
uð er stelpudeildin og er henni
fyrst og fremst beint að kven-
þjóðinni.
Víðtæk áhrif á daglegt líf
Fréttir hafa borist af því að í
Þýskalandi og á Englandi bjóði
gististaðir viðskiptavinum upp á
sérstaka HM-fría dvöl sem á að
vera algjörlega ósnert af fárinu
sem væntanlega ríkir kringum
keppnina. Ef svo mikið sem
minnst verði á fótbolta meðan á
dvölinni stendur fái viðskiptavin-
urinn bætur, einn gististaðurinn
býður t.a.m. upp á frían drykk.
Í vikunni birtist svo skýrsla
þar sem fram kom að breska
þjóðarbúið verði líklega fyrir
gríðarlegu tjóni vegna HM. Bæði
vegna þess að starfsmenn verði
óvirkir í vinnu meðan þeir horfa
á leiki og vegna aukinna „veik-
inda“ starfsmanna daginn eftir
leik, þar sem starfsmenn boða
sig veika vegna timburmanna
eftir að hafa skemmt sér óhóf-
lega yfir leikjum. Skýrsluhöfund-
ar gefa sér að breskir launþegar
verji að meðaltali einum tíma á
dag í fótboltagláp og tjón breska
þjóðarbúsins, vegna tapaðra
vinnustunda, verði þá á sjötta
hundrað milljarða ísl. króna.
Engin skýrsla eða aðrar upplýs-
ingar af þessu tagi liggja fyrir á
Íslandi en þó má ljóst vera að
ráðstafanir verði gerðar á mörg-
um vinnustöðum vegna mótsins,
til dæmis verði komið upp sjón-
vörpum og því viðbúið að kaffi-
tímar dragist á langinn.
Fréttaskýring | Heimsmeistaramótið í
knattspyrnu hefst í Þýskalandi á morgun
Einn mánuður,
32 lið, 64 leikir
Búist er við að knattspyrnuveislan verði
sú glæsilegasta sem boðið hefur verið til
Ólympíuleikvangurinn í Berlín.
Krafist aðgerða stjórn-
valda vegna vændis

Vændi var lögleitt í Þýska-
landi árið 2002 og er gert ráð
fyrir því að viðskipti muni aukast
til muna í gleðihúsum á meðan
keppnin fer fram. Er áætlað að á
bilinu 30-40.000 konur verði
fluttar til Þýskalands til að
stunda vændi meðan á keppninni
stendur. Hafa ýmis félagasamtök
af þessum sökum krafist aðgerða
af hálfu þýskra stjórnvalda og
FIFA alþjóðaknattspyrnu-
sambandsins.
Eftir Jóhann Magnús
Jóhannsson
johaj@mbl.is