Morgunblaðið - 17.06.2006, Blaðsíða 36
36 LAUGARDAGUR 17. JÚNÍ 2006 MORGUNBLAÐIÐ
DAGLEGT LÍF Í JÚNÍ
ÞJÓRSÁRVER
Ný upplýsingamið-
stöð og veitingasala
UM NÆSTU helgi verður opnuð ný
upplýsingamiðstöð í Þjórsárveri þar
sem einnig verður veitingasala og
aðstaða til listsýninga. „Þetta er
svolítið sérstakt, vegna þess að hér
er dreifbýlt og hreppurinn fámenn-
ur,“ segir Valdimar Össurarson, um-
sjónarmaður Þjórsárvers. Þessi
nýja upplýsingamiðstöð Flóahrepps
og aðstaða til listsýninga yfir sum-
arið, er til húsa í nýbyggingu við
Flóaskóla. „Þetta er útvíkkun á
þeirri menningarstarfsemi sem
Þjórsárver hefur staðið fyrir. Þjórs-
árver hefur verið vaxandi sem
menningarmiðstöð hér í Flóanum.
Tónahátíð í Þjórsárveri er árlegur
viðburður og einnig var stofnuð leik-
deild hérna á vegum Ungmenna-
félagsins Vöku sem hefur sett upp
stór verk. Nú ætlum við að bæta
listsýningum við og hér verða tvær
til þrjár sýningar yfir sumarið. Við
erum svo heppin að eiga efnilegt
fólk hér á heimavelli og byrjum því á
að opna stóra sýningu á útskurði
eftir hana Siggu á Grund, en hún
hefur verið kölluð drottning skurð-
járnanna. Þetta er yfirgripsmikil
sýning á hennar verkum. Seinni
sýningin í sumar er á verkum Jóns
Inga Sigurmundssonar frá Selfossi
sem er eftirsóttur listmálari.“ Í
Þjórsárveri er ættarmótaþjónusta
fastur liður og tvö ættarmót eru þar
um hverja helgi allt sumarið.
NÝJAR farangursreglur ganga í
gildi hjá flugfélaginu British Air-
ways innan skamms. Reglunum er
meðal annars ætlað að stytta bið-
raðir við innritun. Reglurnar taka
til handfarangurs, innritaðs far-
angurs og umframfarangurs og
gilda á öllum áfangastöðum BA, að
því er fram kemur í fréttatilkynn-
ingu. British Airways flýgur m.a. á
milli Íslands og Bretlands.
Í byrjun júlí verða þyngd-
artakmarkanir á handfarangri af-
numdar og öllum farþegum verður
heimilt að taka með sér um borð
eina handtösku, skjalatösku og
hefðbundna tösku undir fartölvu.
Handtaskan má stærst vera
56x45x25 cm. Á öllum áfangastöð-
um British Airways verður mæli-
tæki sem farþegar geta notað til að
ganga úr skugga um stærð tösk-
unnar áður en komið er að örygg-
ishliðinu á vellinum, en þess má
geta að litlar ferðatöskur sem
venjulega má taka með sér um borð
eru innan þessara marka.
Í október nk. taka gildi nýjar
reglur um innritaðan farangur þar
sem hámarksþyngd sérhverrar inn-
ritaðrar ferðatösku verður 23 kg, í
samræmi við öryggis- og heilsu-
sjónarmið. Breytilegt verður eftir
tegund farseðils og áfangastað
hversu margar töskur má innrita
án endurgjalds. Á styttri flug-
leiðum er það yfirleitt ein taska, en
tvær á lengri leiðum.
Frá 11. október nk. verður inn-
heimt fast gjald fyrir umframfar-
angur. Gjaldið mun taka til allra
farþega og ráðast af lengd ferða-
lags viðkomandi, en í flestum til-
fellum verður það lægra en það sem
nú er greitt fyrir umframfarangur.
FLUG | British Airways
Nýjar farangursreglur
Reuters
Stokkhólmur hefur upp ámargt að bjóða, ekki síst ásumrin þegar borgin skart-ar sínu fegursta. Þar geta
allir fundið eitthvað við sitt hæfi;
fjölskyldufólk og einstaklingar,
áhugafólk um listir, náttúru, búð-
arráp og góðan mat.
Best er að byrja á því að útvega
sér kort af borginni. Góð leið er að
kaupa sér eitt slíkt á flugvellinum á
30 sænskar krónur um leið og keypt-
ur er miði í rútuna niður í bæ. Þá
fær maður aðeins veglegra kort með
götuskrá. Síðan er kíkt á kortið í
rútunni til að átta sig á borginni sem
maður er að heimsækja.
Östermalm er fínasta hverfið, Sö-
dermalm er svalasta hverfið, á Norr-
malm eru stærstu verslunargöt-
urnar o.s.frv. Hægt er að fá öðruvísi
sýn á borgina með því að kaupa sér
miða í einhverja af mörgum útsýn-
isbátsferðum sem í boði eru.
Fínasta gatan í borginni
Strandvägen á Östermalm er fín-
asta gatan í Stokkhólmi og eftir
göngutúr um hana með íspinna í
hönd er ekki úr vegi að setjast um
borð í einhvern af útsýnisbátunum
sem leggja í hann frá Nybroviken.
Um borð fá farþegar ýmsar upplýs-
ingar frá leiðsögumönnum, t.d. þær
að Stokkhólmur sé byggður á fjór-
tán eyjum, þar sem Södermalm er
sú stærsta. Þar voru áður verka-
mannabústaðir og snemma á síðustu
öld var umhverfið í niðurníðslu. Við
tók endurnýjun og húsavernd og til
hefur orðið fallegur bæjarhluti og
eftirsótt íbúðahverfi.
Á Söder eins og bæjarhlutinn er
jafnan kallaður eru einnig margar
skemmtilegar búðir sem selja „se-
cond-hand“ föt og húsgögn, litlar og
öðruvísi tískuverslanir og hönn-
unarbúðir. Að ógleymdum öllum
kaffihúsunum, veitingastöðunum og
sælkerabúðunum.
Hverfið fyrir sunnan Folk-
ungagatan á Södermalm er kallað
SOFO (Söder om Folkungagatan) í
líkingu við SOHO í New York og
London. Grandpa er t.d. skemmtileg
búð þar sem hægt er að fá flott föt á
ýmsu verði. Húsgögn frá sjöunda og
áttunda áratugnum er einnig hægt
að kaupa í búðinni. Þeim er ekki
staflað upp eins og stundum er þeg-
ar notuð húsgögn eru til sölu, heldur
raðað upp á smekklegan hátt og eru
í raun innrétting verslunarinnar þar
sem t.d. er hægt að fá sér sæti í
gömlum hornsófa eða við gamalt
símaborð þar sem tímarit liggja.
Í klukkutíma bátsferð sem ber yf-
irskriftina „Hop-on Hop-off“ er
hægt að nota bátinn sem nokkurs
konar leigubíl. Íslenskur þúsundkall
fer í miðann sem gildir í sólarhring
og hægt er að velja um sex staði til
að hoppa í og úr bátnum. Báturinn
gengur reyndar bara á milli 10 og
16, en á þeim tíma er hægt að sigla
um og hoppa t.d. af í gamla bænum
og kíkja aðeins á höllina eða skoða
sig um á Djurgården, eyjunni þar
sem tívolíið Gröna Lund og Astrid
Lindgren garðurinn Junibacken
eru.
Stokkhólmur er ein af þeim borg-
um sem gaman er að ganga um. Út-
sýnið er alltaf fallegt, annaðhvort út
á sundin eða á virðuleg hús og
græna garða. Skeppsholmen er ein
af eyjunum í miðborg Stokkhólms.
Tilvalið er að ganga út í hana og
heimsækja Moderna Museet, þ.e.
Nútímalistasafnið, þar sem alltaf er
eitthvað áhugavert að sjá. Í sama
húsi er Arkitektúrsafnið þar sem nú
stendur yfir yfirlitssýning á verkum
arkitektsins og húsgagnahönnuðar-
ins Bruno Mathsson og stendur sýn-
ingin fram í ágústlok.
Blasieholmen tengist Skepps-
holmen með brú og þar gnæfir Nat-
ionalmuseum yfir, þ.e. rík-
islistasafnið. Fram í febrúar á næsta
ári stendur þar yfir yfirlitssýning á
verkum listamannsins og föður
sænskrar iðnhönnunar, Stig Lind-
berg. Lindberg myndskreytti
barnabækur, málaði olíumálverk,
gerði keramikvasa og postulínsbolla,
hannaði stell og öskubakka. Hann
vann mestan sinn starfsferil hjá
postulínsframleiðandanum fræga,
Gustavsberg, auk þess að sinna
myndlist og kennslu. Hann var á há-
tindi ferils síns á sjötta og sjöunda
áratugnum og Íslendingar kannast
við mörg mynstrin sem líta má á
sýningunni. Á tímum afturhvarfs til
þess tíma í hönnun gefa margir mik-
ið t.d. fyrir kaffibolla eftir Stig Lind-
berg. Greiða þarf aðgangseyri inn á
sýninguna á verkum Lindbergs en
að öðru leyti er ókeypis inn í safnið.
Húsakynnin eru heimsóknarinnar
virði, auk þess sem veitingastað-
urinn Atrium er í miðju húsinu í afar
fallegum salarkynnum og þangað er
upplagt að fara og fá sér hádeg-
ismat.
SVÍÞJÓÐ | Listasöfn, skemmtileg hverfi, bátsferðir, tívolí, búðarráp og góður matur
Alltaf gaman að
heimsækja Stokkhólm
Séð yfir Stokkhólm.
Ljósmynd/Bodil Karlsson/Nationalmuseum
Verk iðnhönnuðarins Stig Lind-
berg eru til sýnis í ríkislistasafninu
í Stokkhólmi.
Morgunblaðið/Steingerður
Ríkislistasafnið í Stokkhólmi í öllu sínu veldi.
Tilvalið er að fara með útsýnisbátunum í ferð. Þeir leggja í hann frá Nybroviken. Um borð fá farþegar upplýsingar
frá leiðsögumönnum, t.d. þær að Stokkhólmur sé byggður á fjórtán eyjum, þar sem Södermalm er sú stærsta.
Eftir Steingerði Ólafsdóttur
steingerdur@telia.com
www.stockholmsight-
seeing.com
Grandpa
Södermannagatan 21
www.grandpa.se
Moderna Museet
Skeppsholmen www.mod-
ernamuseet.se
Arkitekturmuseet
Skeppsholmen
www.arkitekturmuseet.se
Nationalmuseum
Blasieholmen
www.nationalmuseum.se