Morgunblaðið - 01.08.2006, Side 15

MORGUNBLAÐIÐ ÞRIÐJUDAGUR 1. ÁGÚST 2006 15
ERLENT
stórir snúðar
og litlir snúðar
UM tvö hundruð líbanskir borgarar, aðallega
eldra fólk og veikburða, komust út af bardaga-
svæðum í bænum Bint Jbail í suðurhluta Líb-
anons í gær þar sem hörðustu átök Hizbollah og
Ísraela hafa átt sér stað síðustu daga. Flestir
komu fótgangandi þar sem vegir eru ónýtir og
gengu sumir til Tibnin um átta kílómetra frá Bint
Jbail, þar sem næsti spítali er. Fólkið hafði dvalið
dögum saman inni í húsum, margir í kjöllurum, á
meðan átökin stóðu yfir, flestir án matar og vatns.
Mehdi al-Halim, 73 ára gamall maður, var einn
þeirra sem komust af svæðinu í gær. Hann haltr-
aði frá þorpinu ásamt eiginkonu sinni Shamiah en
þau eiga tvö börn sem búsett eru í Bandaríkj-
unum. „Ég hef ekki séð sólina í tuttugu daga,“
segir Mehdi. Þau höfðu falið sig inni á heimili sínu
síðan loftárásir Ísraela á Líbanon hófust 12. júlí.
„Við höfðum hvorki mat né vatn. Hvort okkar
fékk bara eitt sælgætisstykki á dag og ekkert
annað,“ segir hann og sýnir hvað buxurnar eru
orðnar víðar á hann.
Margir flúðu strax
Margir íbúar bæjarins, sem um 30.000 manns
búa í, flúðu strax og loftárásir Ísraela hófust. Þeg-
ar herinn réðst inn í þorpið fyrir átta dögum
bjuggust þeir sem höfðu orðið eftir aðeins við að
átökin myndu standa yfir í tvo eða þrjá daga.
„Allir sögðu okkur að vegirnir væru svo hættu-
legir og þá þorðum við ekki að yfirgefa heimili
okkar. Svo sprungu sprengjur á hverjum degi og
sprengingarnar hættu ekki. Við héldum að hver
dagur væri sá síðasti,“ segir Shamiah.
Tveir íbúanna létust á leiðinni frá þorpinu í
gær, einn úr vannæringu og annar úr hjartabilun,
að sögn Nabil Harkus, læknis í Tibnin, en þangað
var komið með líkin.
Nýttu hlé til að ná í eigur sínar
Ísraelskar hersveitir hertóku bæinn fyrir níu
dögum en drógu sig í hlé fyrir þremur dögum.
Þeir mættu harðri andstöðu frá Hizbollah-liðum
sem felldu 18 hermenn. Ísraelski herinn kveðst
hafa fellt 50 Hizbollah-liða en samtökin neita því
og segja þá ekki fleiri en 25.
Þá nýttu margir íbúar í suðurhluta Beirút sér
48 stunda hlé á árásum Ísraela til að skjótast inn í
hverfi sitt til að ná í eigur á heimilum sínum. His-
bollah-samtökin afléttu banni við því að fara inn í
hverfið Haret Hreik, þar sem aðalbækistöðvar
samtakanna voru, til að íbúar gætu komist heim
til sín í stuttan tíma. Sjá mátti íbúana fara inn í
leigubíla klyfjaða pokum og ferðatöskum með eig-
um sínum en borgaralega klæddir Hizbollah-liðar
fylgdust með öllu og stjórnuðu umferð fólksins.
„Ekki tíminn fyrir brúðkaup“
Moahmmed Rashid, 27 ára, og yngri systir hans
Mayada gengu yfir glerbrotin á götunni með föt í
poka og uppáhaldspúða Mayada. Þau telja sig
heppin, þar sem heimili þeirra virðist hafa sloppið
við skemmdir í árásunum, en það er nálægt bygg-
ingunni sem hýsti sjónvarpsstöð Hizbollah-
samtakanna, sem er nú rústir einar.
Rashid, sem er kennari, er hóflega bjartsýnn á
að vopnahlé náist á næstunni. Hann segir hins
vegar skjóta skökku við að Ísraelar segist þurfa
allt að hálfum mánuði í viðbót til að vinna á Hiz-
bollah á meðan Condoleezza Rice, utanrík-
isráðherra Bandaríkjanna, segist bjartsýn á
vopnahlé í þessari viku. „Eru fjölmiðlar í útlönd-
um að sinna sínu starfi? Sýndu þeir börnin sem
dóu í Qana? Hvernig getur fólk vanist því að sjá
fjöldamorð aftur og aftur?“ spyr hann.
Rashid ætlaði að gifta sig í sumar en unnusta
hans er í Bekaa-dalnum í austurhluta Líbanons og
kemst ekki þaðan. „Við erum hvort sem er að
syrgja og þetta er ekki tíminn fyrir brúðkaup. Við
giftum okkur á næsta ári ef guð lofar.“
„Við höfðum hvorki mat né vatn“
AP
Sjálfboðaliði heldur á Didi Ibrahimi sem dvaldi í sex daga án matar og vatns í búð í Bint Jbail.
Eftir Bryndísi Sveinsdóttur
bryndis@mbl.is
MIKIL og hröð fjölgun innflytjenda
í Bretlandi frá Austur-Evrópu á
næsta ári gæti valdið glundroða í
skólum og á sjúkrahúsum og leitt til
bakslags í afstöðu Breta til þeirra út-
lendinga sem kjósa að setjast að í
landinu. Þá gætu ákvarðanir um að
falla frá því að neita erlendum um-
sækjendum um húsnæðis- og vel-
ferðarstyrki aukið enn á straum inn-
flytjenda til Bretlands.
Þetta kemur fram í frétt í breska
dagblaðinu Times í gær, sem byggist
á nýrri skýrslu stjórnvalda sem var
lekið til fjölmiðla. Þar greinir einnig
frá því að flutningur hundruð þús-
unda innflytjenda til Bretlands hafi
þrýst niður launum láglaunafólks á
vissum svæðum og að þessi þróun
gæti haft „alvarleg“ áhrif á sam-
heldni bresks samfélags.
Skýrsluhöfundar vara við því að
ástandið eigi eftir að þróast til verri
vegar og vísa til þess að innflytjend-
um muni fjölga þegar Rúmenía og
Búlgaría ganga í Evrópusambandið
á næsta ári. Máli sínu til stuðnings
benda þeir m.a. á að vandræði muni
skapast í skólum, vegna þess að til
landsins muni streyma þúsundir
barna sem ekki tala ensku.
Mafíustarfsemi fylgifiskur?
Þá kemur einnig fram að mörg
sveitarfélög hafi þurft að sækja um
aukafjárveitingu vegna mikils kostn-
aðar við að veita innflytjendum þjón-
ustu. Ennfremur áætla höfundar
hennar að allt að 45.000 „óæskilegir“
afbrotamenn frá Búlgaríu og Rúm-
eníu kunni að setjast að í Bretlandi á
næsta ári. Er fullyrt að straumi inn-
flytjenda frá A-Evrópu hafi fylgt
mafíustarfsemi og skipulagt vændi.
Óttast afleiðingar
innflytjendastraums
UMFERÐ bíla í miðborg Stokk-
hólms hefur minnkað um 20–25% á
sex mánuðum eftir að byrjað var að
rukka ökumenn fyrir að keyra inn í
miðborgina. Markmiðið með fyr-
irkomulaginu var að fá borgarbúa
til að draga úr notkun einkabílsins
og minnka umferð um borgina.
Þá hefur umferðin á morgnana,
sem er sá tími dagsins sem hún er
þyngst, minnkað um þriðjung.
Yfirvöld eru hæstánægð með nið-
urstöðurnar og segja þrengsla-
skattinn, eins og Svíar kalla gjaldið,
hafa sannað gildi sitt. Segja þau að
nú hljóti borgarbúar að líta gjaldið
jákvæðum augum en 17. september
verður haldin þjóðaratkvæða-
greiðsla um hvort áfram eigi að
þurfa að greiða fyrir að keyra inn í
miðborgina.
Ritt Bjerregaard, borgarstjóri
Kaupmannahafnar, segist sjá fyrir
sér að svipað fyrirkomulag verði
einnig tekið upp í Kaupmannahöfn,
að því er fram kemur á fréttavef
Berlingske Tidende. „Við getum
ekki haldið áfram með kerfi þar
sem fólk situr fast í umferð-
arhnútum dag eftir dag,“ segir hún.
Umferðin
minnkað um
fjórðung
Yfirvöld í Stokkhólmi eru ánægð.
Fréttir á SMS