Morgunblaðið - 01.08.2006, Page 17

Reyðarfjörður | Andapollurinn
á Reyðarfirði er vinsæll veiði-
staður hjá veiðimönnum á öllum
aldri en í hann er sleppt spræk-
um fiski. Alvar Logi Helgason,
fjögurra ára drengur frá Egils-
stöðum, var ánægður með væn-
an silung sem hann fékk á nýju
veiðistöngina sína.
Alvar Logi notaði flotholt og
var með appelsínugulan nobbler
sem agn og dró rólega inn. Og
það var ekki að sökum að
spyrja, því nánast um leið og
agnið lenti í vatninu var fiskur
kominn á. Mikill hugur var í
veiðimanninum unga því hann
kastaði strax fyrir næsta fisk.
Morgunblaðið/Sigurður Jónsson
Vænn silungur í fyrsta kasti
Veiðihugur
Akureyri | Austurland
Minnstaður
Höfuðborgarsvæðið Guðrún Aðalsteinsdóttir, frett@mbl.is sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri sími 569-1100, Skapti Hallgrímsson,
skapti@mbl.is, 669-1114. Vesturland Guðrún Aðalsteinsdóttir, frett@mbl.is, sími 569-1290.
Austurland Steinunn Ásmundsdóttir, austurland@mbl.is, sími 669-1115. Árborgarsvæðið og
Landið Helgi Bjarnason, helgi@mbl.is, sími 569-1310 og 669-1310 og Guðrún Aðalsteinsdóttir,
frett@mbl.is, sími 569-1290.
Mínstund frett@mbl.is
Liðlega 150 manns tóku þátt í Jök-ulsárhlaupi og göngu sem framfór sl. laugardag.
Flestir hlupu frá Dettifossi í Ásbyrgi,
32,7 km. Jakob Þorsteinsson úr Reykja-
vík og Auður Aðalsteinsdóttir frá Sauð-
árkróki komu fyrst í mark. Einnig var
hlaupið úr Hólmatungum í Ásbyrgi, 21,2
km. Thomas Reidick frá Þýskalandi og
Sif Jónsdóttir úr Reykjavík sigruðu.
Stysta leiðin var úr Vesturdal í Ásbyrgi,
13,2 km. Fyrst urðu Heiðar Smári Þor-
valdsson frá Húsavík og Elsa Guðrún
Jónsdóttir úr Ólafsfirði.
Mikil veðurblíða var í Jökulsárgljú-
frum og háði hitinn hlaupurunum.
Ljósmynd/Aðalsteinn Örn Snæþórsson
Jökulsárhlaup í himneskri blíðu
Friðrik Stein-grímsson vinnurvið náttúruböðin í
Mývatnssveit. Vísur hans
geta haft góð áhrif á
starfsandann:
Ekki kemst hann Frikki í feitt
frekar er því bitur
upptekinn við ekki neitt
í afgreiðslunni situr.
Oftast nær er þó yfrið
nóg af gestum:
Gekk ég inn í gufubað
gert víst höfðu fleiri það.
Þar stóð mærin mjó og löng
sem minnti helst á fánastöng.
Friðrik orti afmæl-
isvísu til Kollu, samstarfs-
konu sinnar:
Hvimleið ellin sérhvert sinn
sína hrelling þylur
yfir hellist aldurinn
eins og fellibylur.
Útlendingur bað Heiðu
að standa kyrra því hún
væri falleg eins og blóm.
Sumir öðlast aldrei neitt
ævi þeirra grá er
Heiða getur brosað breitt
„beautiful like a flower“.
Falleg eins
og blóm
pebl@mbl.is
♦♦♦
Ísafjörður | Hreinn Friðfinnsson mynd-
listarmaður og Ólína Þorvarðardóttir,
skólameistari Menntaskólans á Ísafirði,
undirrituðu síðastliðinn föstudag sam-
komulag um kaup skólans á útilistaverkinu
„Ljós“ sem Hreinn Friðfinnsson vinnur nú
að. Verkið verður sett upp í minningu Jóns
Sigurðssonar „forseta“ á lóð menntaskól-
ans og verður afhent 1. desember næst-
komandi.
Upphaf máls þessa má rekja til þess, að
því er fram kemur í fréttatilkynningu, að
fyrir nokkrum árum stofnuðu hjónin Marí-
as Þ. Guðmundsson og Málfríður Finns-
dóttir Minnisvarðasjóð Jóns Sigurðssonar.
Lögðu þau í sjóðinn eina milljón króna til
þess að koma upp listaverki í minningu
Jóns Sigurðssonar forseta á lóð Mennta-
skólans á Ísafirði. Sjóðinn afhentu þau
skólanum til varðveislu og fólu Ólínu Þor-
varðardóttur skólameistara forgöngu
málsins ásamt Gunnlaugi Jónassyni, Jóni
Páli Halldórssyni, Konráði Jakobssyni og
Gunnari Jónssyni. Var þá hafist handa og
sótt um styrki til ýmissa aðila. Listskreyt-
ingasjóður ríkisins svaraði kalli og veitti
1,5 milljónir kr. til verksins ásamt bæjar-
stjórn Ísafjarðarbæjar sem ætlar eina
milljón til verksins á fjárhagsáætlun.
Samningur Menntaskólans á Ísafirði við
Hrein Friðfinnsson um gerð og uppsetn-
ingu listaverksins var síðasta embættis-
verk Ólínu Þorvarðardóttur í starfi skóla-
meistara, en hún lét af starfi í gær.
Hreinn Friðfinnsson er fæddur árið
1943 og hefur verið búsettur í Amsterdam
undanfarin 35 ár.
Kaupa minn-
isvarða um
Jón forseta
Reykjavík | Skákfélag Vinjar, eitt athvarfa
Rauða kross Íslands fyrir geðfatlaða, hélt
afmælismót til heiðurs Róberti Harðarsyni
fyrir skömmu. Grænlandsþema var á
mótinu, í tilefni af ferð Hróksfélaga til
Grænlands nú í byrjun ágúst.
Fimm umferðir voru tefldar. Tómas
Björnsson, FIDE-meistari, skákaði öllum
og náði fullu húsi vinninga. Í öðru sæti varð
Henrik Danielsen stórmeistari með fjóra
vinninga og þriðji varð Hrafn Jökulsson
með þrjá og hálfan vinning. Árni B. Jó-
hannsson og Birgir Berndsen voru með
þrjá vinninga og afmælisbarnið sjálft, Ró-
bert Harðarson, með tvo og hálfan.
Sigraði á skák-
móti Vinjar
Hér í Skagafirði hefur sumarið verið
ágætt, að minnsta kosti fyrir þá sem ekki
þurfa að eiga sitt undir sól og regni. Um
þetta hefur lítið verið fjallað enda hér eng-
in útvarpsstöð fremur en víða annars stað-
ar á landsbyggðinni, þar sem þáttagerð-
arfólk sem lítið hefur að segja getur
lúbarið lóminn vegna voðalegs veðurfars á
höfuðborgarsvæðinu.
  
Hins vegar er nýr sveitarstjóri kominn í
hérað og tekinn til starfa, og heilmikið um
að vera í sveitarfélaginu. Unnið er að gerð
nýrrar trébryggju við Sauðárkrókshöfn
og mun þá öll aðstaða smábáta batna til
muna. Þá munu þegar eftir versl-
unarmannahelgi hefjast framkvæmdir við
útlagningu þvergarðs út frá hafnargarð-
inum til vesturs og einnig gerð ytri sand-
fangara, en þessum framkvæmdum er
ætlað að auka kyrrð í höfninni og hefta
sandburð, sem verið hefur til vandræða.
  
Heima á Hólastað eru á lokastigi bygg-
ingar, þrjú fjölbýlishús með 22 nem-
endaíbúðum og bygging að hefjast á rúm-
lega 3.000 ferm. hesthúsi með 200 básum,
tamningaaðstöðu og þjónusturými. Við
Varmahlíð er verið að byggja á annan tug
sumarhúsa og í gangi eru viðræður við
lægstbjóðanda um verulegar endurbætur
og breytingar á félagsheimilinu Miðgarði.
  
Á Sauðárkróki eru í byggingu allmörg ein-
býlis- og parhús og víða í héraðinu eru að
rísa ný íbúðarhús en eins og á síðasta ári
eru margir bændur að stækka og end-
urbæta fjós vegna uppsveiflu í landbúnaði
um þessar mundir.
  
Í Upplýsingamiðstöð ferðamála í Varma-
hlíð fengust upplýsingar um aðsóknarmet
í júní, þá varð 12% fjölgun gistinátta á
Fosshóteli Áningu á Sauðárkróki og Val-
geir Þorvaldsson hjá Vesturfarasetrinu á
Hofsósi sagði sumarið hafa verið gott til
þessa og stefndi í svipaðan fjölda gesta, 9
til 10 þúsund, og undanfarin ár.
Úr
bæjarlífinu
SAUÐÁRKRÓKUR
EFTIR BJÖRN BJÖRNSSON FRÉTTARITARA
Fáðu fréttirnar
sendar í símann þinn