Morgunblaðið - 01.08.2006, Blaðsíða 27
MORGUNBLAÐIÐ ÞRIÐJUDAGUR 1. ÁGÚST 2006 27
MINNINGAR
✝ Helgi Valdi-marsson húsa-
smíðameistari fædd-
ist í Reykjavík 7.
ágúst 1928. Hann
andaðist á líknar-
deild Landakotsspít-
ala 25. júlí síðastlið-
inn. Foreldrar hans
voru Valdimar Guð-
laugur Runólfsson, f.
14. maí 1899, d. 24.
janúar 1991, og
Rannveig Helgadótt-
ir, f. 5. október 1897,
d. 22. apríl 1991. Þau
bjuggu í Hólmi í Landbroti í V-
Skaftafellssýslu. Faðir Helga sem
var húsasmíðameistari stofnaði
smíðaskóla í Hólmi sem var vísir að
fyrsta verkmenntaskóla á Íslandi.
Bræður Helga eru Runólfur, f. 23.
nóvember 1929, og Sverrir, f. 18.
ágúst 1938.
Helgi kvæntist 13. nóvember
1954 Þóru Gísladóttur, f. 22. ágúst
1932. Börn þeirra
eru: 1) Rannveig, f.
21. ágúst 1954, gift
Einari Pálssyni,
börn þeirra eru:
Þóra, hún á tvö börn,
Einar Helga og Þór-
dísi Gyðu; Páll og
Ævar. 2) Þröstur, f.
23. febrúar 1960,
kvæntur Eyrúnu
Húnfjörð Árnadótt-
ur, börn þeira eru:
Elínborg, Sólrún,
Rakel, Svandís og
Helgi.
Helgi var menntaður sem húsa-
smiður og síðar sem húsasmíða-
meistari og starfaði hann við þá iðn
lengstan hluta starfsævi sinnar.
Helgi var virkur félagi í frímúr-
arareglunni.
Útför Helga verður gerð frá
Garðakirkju í dag og hefst athöfn-
in klukkan 13. Jarðsett verður á
sama stað.
Elsku pabbi. Mig langar að skrifa
nokkur orð til þín. Það er sárt að
hugsa til þess að þú skulir ekki vera
hérna lengur hjá okkur en þínar
þjáningar eru á enda og þér líður vel
núna þó svo enginn viti hvað taki við
eftir dauðann. Þú hafðir þá trú að
þú myndir koma aftur heim til
mömmu og ég trúði því líka. Þú
stóðst þig frábærlega til síðasta
dags.
Elsku pabbi, ég á eftir að sakna
símhringinganna frá þér, þú sem
hringdir nánast á hverjum degi og
oftar, stundum til að spjalla um eitt
og annað eða gefa mér ráðlegging-
ar. Ég á eftir að sakna þess að heyra
ekki frá þér í næsta veiðitúr því þú
vildir alltaf fylgjast með hvort við
værum búnir að veiða eitthvað,
hvort sem það var fiskur eða gæs og
alltaf brýndirðu fyrir okkur félögun-
um að passa okkur á byssunum.
Þetta sýndi hvað þér var umhugað
um okkur.
Já, elsku pabbi, það er stórt tóma-
rúm sem myndast og enginn fyllir í
eftir að þú ert farinn. Ég hugsaði
ekki um það þegar þú varst hérna
hjá okkur. Mér er minnisstætt eftir
veiðiferð sem þú tókst mig með í.
Ég var lítill gutti þegar þú kenndir
mér að veiða. Sú ferð var norður í
Mývatnssveit. Mér er svo minnis-
stætt að þegar ég var að kasta mín-
um fyrstu köstum hélt ég að sá stóri
hefði bitið á en óhljóðin skýrðu það
nánar. Þegar ég leit við sá ég að
ekki hafði viljað betur til en sá stóri
værir þú, pabbi, flugan hafði lent í
efri vörinni á þér en við náðum
henni með smá basli. En ferðin end-
aði ekki fyrr en þú bakkaðir yfir allt
veiðidótið og eitthvað af því
skemmdist, en allt fór vel að lokum.
Ég gæti rifjað upp margar
skondnar sögur um þig, mig og
mína æskufélaga á Marargrundinni.
Elsku pabbi minn, takk fyrir alla
hjálpina og stuðninginn. Þegar ég
stofnaði mitt fyrirtæki, Blikkhellu,
áttir þú stóran þátt í því. Ég mun
alltaf sakna þín.
Fyrst hann er farinn, faðir minn kæri,
er sál hans frjáls á ný.
Við síðasta andvarp losnaði úr læðingi
lífsandinn hans lagði af stað
inn í ljósið til fundar við þá
sem sárast var saknað.
Þinn sonur,
Þröstur Helgason.
Mér brá þegar móðir mín hringdi
og lét mig vita að afi væri látinn, þó
hann hefði verið veikur. Ég hafði
heimsótt hann sunnudeginum áður
og virtist hann hinn hressasti þrátt
fyrir erfið veikindi. Áttum við gott
spjall og talaði afi um að honum liði
betur en síðustu daga. Ég er ánægð-
ur með að síðasta minning mín um
afa er ekki myrkvuð af sársauka og
depurð heldur tengd gleði og hlýju.
En af því sem ég kynntist afa þá
var hann mjög jákvæður, hress og
stutt í hláturinn. Jafnvel þó að þessi
erfiðu veikindi tækju sinn toll þá gat
afi alltaf séð björtu hliðarnar og þær
hjálpuðu mér í þessari sorg.
Kannski var hann að vernda okkur í
kringum hann.
Afi var mikill sögumaður og
stoppaði ég alltaf lengur í heimsókn-
um en til stóð. Hafði hann frá mörgu
að segja og hef ég lært mikið af
heimsóknum mínum til hans. Hann
lýsti hverfinu sem ég bý í þar sem
hann bjó á þessum slóðum í æsku.
Hann kunni margar gamansögur
um atvik sem hann hafði sjálfur lent
í eða var áhorfandi að og man ég
þær vel. Sérstaklega man ég söguna
um jólatréð í Garðabænum sem var
alltaf eins skreytt þar sem það var
bara sett inn í skáp á þrettándanum
og tekið út á jólunum.
Þó að samskiptin væru ekki mikil
milli mín og afa þá var alltaf eins og
við hefðum hist í gær þegar ég hitti
hann og síðustu mánuði voru sam-
skipti okkar orðin náin og góð.
Ég á tvo spúna sem afi smíðaði
handa mér. Ég geymi þá enn á hill-
unni hjá mér og eru þeir mér mjög
kærir. Ég hef ekki veitt í mörg ár en
eftir að hafa setið hjá afa og rætt
um veiði og horft á myndbönd um
veiði með honum þá held ég að ég
byrji aftur, enda gaf hann mér
nokkur góð ráð.
Ég vil þakka þér, afi minn, fyrir
hlýjar og dýrmætar minningar.
Þinn
Páll Einarsson.
Hinn 25. júlí sl. kvaddi Helgi
Valdimarsson þennan heim eftir
nokkurra mánaða sjúkralegu.
Fyrsta vitneskja mín um tilveru
hans var í Finnlandi þar sem vænt-
anleg eiginkona mín Auður sýndi
mér giftingarmynd af Þóru systur
sinni og Helga.
Við nánari kynni síðar kom Helgi
mér fyrir sjónir sem hávaxinn,
grannholda, dökkhærður maður.
Reyndist vera smiður, húsasmíða-
meistari. Seinna varð ég var við að
járn mótaðist í höndum hans, ekki
síður en viður. Hann var laginn
kunnáttumaður með vélar.
Líf Helga á unglingsárunum mun
hafa skipst milli sveitabæjarins
Hólms og Reykjavíkur. Ekki varð
ég var við að hann hefði neinn sér-
stakan áhuga á hestum eða öðru
skepnuhaldi, en taugarnar austur í
Hólm voru engu að síður sterkar.
Hersetan og vinnan sem þá bauðst
hefur sennilega lokkað hann á möl-
ina eins og marga aðra.
Helgi var í eðli sínu mjög þjóð-
legur. Hafði skoðanir á flestum mál-
um sem vörðuðu Ísland. Fastheld-
inn var hann, einhver myndi jafnvel
segja þrjóskur. Mér er minnisstætt
þegar Helgi fór fram á gangbraut-
arvörslu í Garðabæ yfir varasaman
Hafnafjarðarveg. Beiðni hans bar
ekki árangur svo að hann ákvað að
keyra dóttur sína í skóla vestur á
nes þann vetur.
Veiðar voru hans stærsta áhuga-
mál og þá í eigin læk, en einnig víða
annars staðar.
Eitt vorum við ósammála um, það
var trjárækt. Hann var á móti henni
en ég auðvitað hlynntur enda Finni.
Ég skildi þó afstöðu hans eftir ferð
okkar hjóna austur að Kirkjubæj-
arklaustri og við sáum fagurt um-
hverfi Hólms þar sem hann átti ræt-
ur. Þar voru græn tún, hólar og
hæðir og fallegt bæjarstæði. Þá
skildi ég hvernig ólíkt umhverfi get-
ur mótað mann.
Mér fannst Helgi vera einn af
þeim Íslendingum sem hernámsárin
náðu ekki að breyta. Mikið af hinu
gamla og góða varð eftir í honum og
mótaði hann.
Við hjónin erum ævinlega þakklát
fyrir þær faglegu leiðbeiningar sem
hann veitti okkur þegar við stóðum í
byggingarframkvæmdum, og vin-
áttu í gegnum árin. Þá vottum við
Auði Þóru, Rannveigu og Þresti og
fjölskyldunni allri samúð okkar.
Lauri Henttinen.
Elsku afi,við söknum þín, vonandi
líður þér vel núna og við vitum að þú
ert kominn á góðan stað, en hefðum
viljað hafa þig lengur hjá okkur, en
svona er nú víst gangur lífsins. Við
eigum margar góðar minningar um
þig, afi, þú vildir okkur allt svo vel
og vildir alltaf hafa öryggið í fyr-
irrúmi eins og eitt skiptið þegar við
fjölskyldan fórum að skoða jakana
eftir skeiðaráhlaupið um árið’96.
Okkur stelpunum fannst það svolítið
skondið að þú hafðir sent pabba með
reipi til að binda okkur fjölskylduna
saman í halarófu og nota stafinn
þinn til að pota ofan í sandinn og at-
huga hvort óhætt væri að ganga
áfram. En við vitum að þú gerðir
þetta af væntumþykju.
Alltaf í jólaboðunum heima hjá
þér og ömmu spiluðum við fjölskyld-
an Trivial pursuit og aldrei vildir þú
taka þátt en vissir samt flest svörin
við spurningunum og ljóstraðir þeim
upp svona öðru hverju, sem kom sér
vel þegar maður var í vanda. Einnig
minnumst við þess hversu góður
teiknari þú varst eins og þegar við
báðum þig að teikna Óla prik og kis-
una fyrir okkur þegar við vorum litl-
ar, sem okkur þótti voða sniðugt þá.
Elsku afi við eigum eftir að sakna
þín og eigum alltaf eftir að minnast
þín.
Þínar afadætur,
Elínborg og Sólrún.
HELGI
VALDIMARSSON
Ástkær sonur okkar, bróðir og barnabarn,
BIRKIR HAFBERG JÓNSSON,
Öldubakka 19,
Hvolsvelli,
sem lést af slysförum sunnudaginn 23. júlí verður
jarðsunginn frá Háteigskirkju miðvikudaginn
2. ágúst kl. 13.00.
Agnes Lilý Guðbergsdóttir, Einar Ingason,
Jón Jónsson, Ieva Marga,
Gunnar Svanberg Jónsson,
Sólrún Ósk Jónsdóttir,
Hjálmey Einarsdóttir, Halldór Leví Björnsson,
Karl A. Helgason,
Karen Jónsdóttir
og aðrir aðstandendur.
Eiginkona mín, móðir okkar, tengdamóðir, amma
og langamma,
HELGA KRISTINSDÓTTIR,
Stekkjargötu 27,
Njarðvík,
sem lézt föstudaginn 21. júlí, verður jarðsungin frá
Keflavíkurkirkju miðvikudaginn 2. ágúst kl. 14.00.
Jarðsett verður í Njarðvíkurkirkjugarði.
Þeim, sem vilja minnast Helgu, er vinsamlega bent á líknarfélög.
Björn Stefánsson,
Stefán Björnsson, Anna Steina Þorsteinsdóttir,
Kristinn Björnsson,
Erna Björnsdóttir, Hjörtur Sigurðsson,
Guðný Björnsdóttir, Grétar Grétarsson,
Höskuldur Björnsson,
barnabörn og barnabarnabörn.
Elskuleg móðir okkar, tengdamóðir, amma og
langamma,
VALGERÐUR SIGURTRYGGVADÓTTIR,
Bólstaðarhlíð 33,
Reykjavík,
sem lést þriðjudaginn 25. júlí á Landspítalanum
í Fossvogi, verður jarðsungin frá Fossvogskirkju
fimmtudaginn 3. ágúst kl. 13.00.
Blóm og kransar vinsamlegast afþakkaðir, en þeim, sem vilja minnast
hennar, er bent á Krabbameinsfélagið.
Sigríður S. Jóhannsdóttir, Ólafur Ólafsson,
Hafliði S. Jóhannsson,
Birgir S. Jóhannsson, Sigrún E. Valdimarsdóttir,
ömmubörn og langömmubörn.
Elskuleg eiginkona mín, móðir okkar, tengda-
móðir og amma,
SIGURLAUG MARINÓSDÓTTIR,
Sóltúni 30,
Reykjavík,
lést á Landspítalanum við Hringbraut aðfaranótt
sunnudagsins 30. júlí.
Jarðarförin verður auglýst síðar.
Jens Guðmundsson,
Katrín Kristín Ellertsdóttir,
Jens Líndal Ellertsson, Elín Bára Birkisdóttir,
Marinó Ellertsson, Guðmunda J. Sigurðardóttir,
Guðmundur Marías Jensson, Ingibjörg Gísladóttir
og ömmubörn.
Elskuleg eiginkona mín, móðir okkar, tengda-
móðir, amma og langamma,
LILJA ÁRNADÓTTIR,
Smáratúni 19,
Selfossi,
sem lést þriðjudaginn 25. júlí, verður jarðsungin
frá Selfosskirkju fimmtudaginn 3. ágúst kl. 13.30.
Loftur Jóhannsson,
Jónína Loftsdóttir, Haukur Stefánsson,
Jóhann B. Loftsson, Elfa Eyþórsdóttir,
Gíslunn Loftsdóttir, Hermann Bragason,
Heimir S. Loftsson, Stefanía M. Sigurðardóttir,
Svana Sigtryggsdóttir,
barnabörn og barnabarnabörn.
Okkar ástkæri,
ÁRNI BALDVIN SIGURÐSSON,
Kulturgatan 31,
Påskallavik,
Svíþjóð,
andaðist á sjúkrahúsinu í Oskarshamn, Svíþjóð,
föstudaginn 28. júlí.
Eygló Einarsdóttir,
Einar Ómarsson,
Arnar Árnason, Rebecka Tholén,
Þórunn Gyða Árnadóttir, Erik Lundgren,
Sigríður Sigurðardóttir,
Ingibjörg Sigurðardóttir,
Þórunn Sigurðardóttir.