Morgunblaðið - 01.08.2006, Blaðsíða 28
28 ÞRIÐJUDAGUR 1. ÁGÚST 2006 MORGUNBLAÐIÐ
MINNINGAR
✝ Helga MargrétSigtryggsdóttir
fæddist í Kumblavík
á Langanesi 5. ágúst
1916. Hún lést á
Hjúkrunarheimilinu
Hlévangi hinn 22.
júlí síðastliðinn.
Foreldrar hennar
voru Guðbjörg Frið-
riksdóttir, f. 3.5.
1887, d. 1971, og
Sigtryggur Helga-
son, f. 13.9. 1878, d.
1964. Systkini Helgu
voru: Svava, f. 1910,
d. 2000; Valgerður, f. 1912, d.
1920; Kristrún, f. 1914, d. 2002;
Friðrik, f. 1919, d. 1997; Olgeir, f.
1922, d. 1961; Valgerður, f. 1926,
d. 1977; og Sigtryggur, f. 1928, d.
1974.
Hinn 26. desember 1942 giftist
Helga Jóhanni Dalberg Sigurðs-
syni, f. 3. nóvember 1920 á Skálum
á Langanesi, d. 30.9.
1994. Þau hófu bú-
skap sinn á Húsavík
í Þingeyjarsýslu.
Eftir tveggja ára bú-
skap þar fluttist þau
til Innri-Njarðvíkur,
bjuggu þar í þrjú ár,
en hafa síðan búið í
Keflavík. Þau hjónin
eignuðust þrjár dæt-
ur. Þær eru: Dagný,
f. 1944, maki Jóhann
Hákonarson, búsett
í Reykjavík; Erna, f.
1945, maki Jón Pét-
ursson, búsett í Mosfellsbæ; og
Lilja, f. 1951, maki Hreggviður
Hermannsson, d. 8.4. 2006, búsett í
Keflavík. Barnabörn eru níu,
barnabarnabörn sextán og barna-
barnabarnabörn tvö.
Útför Helgu verður gerð frá
Keflavíkurkirkju í dag og hefst at-
höfnin 14.
Ástkær móðir okkar hefur lokið
þessari jarðvist. Þegar hugurinn
reikar til baka er margs að minnast
og margt að þakka:
Minningin um umhyggjuna á
uppvaxtarárunum, tryggðina, ást-
úðina og kærleikann við okkur og
fjölskyldur okkar allra.
Minningin um hnyttnina og
kímnina óborganlegu.
Minningin um allar útilegurnar
og hve mikil veiðikló hún var.
Minningin um gestrisnina og
gestaganginn á heimilinu.
Mamma var okkur kletturinn í
tilverunni. Hún bar okkur á hönd-
um sér þegar við vorum litlar,
gladdist með okkur þegar við uxum
úr grasi. Sársaukinn nísti hana
þegar einhverjum í fjölskyldunni
leið illa.
Mamma var mjög gefandi mann-
eskja, sál sem ekkert aumt mátti
sjá. Minnisstæð eru jól frá
bernsku- og uppvaxtarárum þegar
hún sótti þá sem hún vissi að væru
einir og gaf þeim hlutdeild í jóla-
haldi fjölskyldunnar. Þar sáði hún
fræjum sem lifað hafa með okkur
systrum alla tíð síðan
Á uppvaxtarárum mömmu voru
margir sem liðu sára fátækt. Fá-
tæktin kenndi fólki nýtni. Mamma
mótaðist af þessum tímum og ætíð
var ríkt í henni að láta aðra njóta
góðs af öllu sem hægt var að nýta.
Mamma var alla tíð mikil dama.
Hún var fríð sínum og hafði yndi af
fallegum fötum og naut þess að
klæðast þeim.
Vart er hægt að hugsa sér mynd-
arlegri húsmóður en hana mömmu.
Maturinn hennar var sannkallaður
mömmumatur með stóru M. Mikil
hannyrðakona var hún sem prjón-
aði og saumaði allt sem hugsast
getur. Við dætur hennar minnumst
allra jólakjólanna sem hún saumaði
á okkur, en fyrir hver jól fengum
við tvo kjóla. Henni var einkar
hugleikið að við værum miklar
dömur eins og hún sjálf. Fannhvít-
ur þvottur fallega upp hengdur bar
húsmóðurinni fagurt vitni.
Sjómannskonan, hún mamma,
helgaði sig svo sannarlega fjöl-
skyldu sinni. Eins og oft var og er
hlutskipti sjómannskvenna kom
það í hlut mömmu að stýra öllu
sem viðkom heimilinu og fjölskyld-
unni.
Mamma dvaldi á öldrunar og
hjúkrunarheimilinu Hlévangi síð-
ustu átta árin þar sem hún naut
ástríkis og umönnunar starfsfólks-
ins þar. Aðstandendur þakka
starfsfólki Hlévangs af alhug ástúð
alla og kærleika við hana.
Þegar aldnir fá hvíld er auðveld-
ara að líta á dauðann sem upphaf
einhvers nýs og betra. Síðustu
mánuði var mamma orðin fangi í
lúnum líkama
Hún kvaddi fallega á 75 ára af-
mælisdegi Hreggviðs, ástkærs
tengdasonar síns. Við vonum að
hún hafi skynjað væntumþykju
okkar og þakklæti á dánarstundu,
er við héldum í hönd hennar. Það
er okkur ómetanlegt að hafa verið
hjá henni síðustu stundirnar í lífi
hennar. Við trúum því að nú sé hún
komin til pabba og sjáum fyrir okk-
ur langþráða endurfundi. Sú sýn
gefur lífinu eilífðargildi. Hún var
sátt og södd lífdaga og það var frið-
ur yfir henni
Okkur langar til að tileinka
mömmu orð Páls postula um kær-
leikann:
Kærleikurinn er langlyndur, hann er góð-
viljaður.
Kærleikurinn öfundar ekki. Kærleikurinn
er ekki raupsamur, hreykir sér ekki upp.
Hann hegðar sér ekki ósæmilega; leitar
ekki síns eigin;
Hann reiðist ekki, tilreiknar ekki hið illa
Hann gleðst ekki yfir óréttvísinni, en sam-
gleðst sannleikanum.
Hann breiðir yfir allt, trúir öllu, vonar allt,
umber allt.
Kærleikurinn fellur aldrei úr gildi.
Elsku mamma. Vertu Guði falin.
Hjartans þökk fyrir allt sem þú
varst okkur.
Þínar
Dagný, Erna og Lilja.
Elsku amma. Okkur bræður
langar til að kveðja þig með þess-
um fallegu erindum Hallgríms Pét-
urssonar með hjartans þakklæti
fyrir allt sem þú varst okkur:
Nú ertu leidd mín ljúfa,
lystigarð Drottins í,
þar áttu hvíld að hafa
hörmungá og rauna frí,
við Guð þú mátt nú mæla
miklu fegri en sól
unan og eilíf sæla
er þín hjá lambsins stól.
...
Þú lifðir góðum Guði,
í Guði sofnaðir þú,
í eilífum andarfriði
ætíð sæl lifðu nú
(Hallgr. Pét.)
James og Jóhann.
HELGA MARGRÉT
SIGTRYGGSDÓTTIR
Á sólbjörtum sum-
ardegi hinn 19. júlí
síðastliðinn lauk til-
vist Auðar frænku minnar og vin-
konu eftir tiltölulega stutta og erf-
iða baráttu við krabbamein sem
ekkert fékkst við ráðið þótt hetju-
lega væri barist með dyggum
stuðningi eiginmanns og sona. En
huggun harmi gegn og ljósið í
myrkrinu er minningin um nær-
veru þeirra við dánarbeð hennar
en hana skynjaði hún nánast þar
til yfir lauk. Seint og snemma var
Auður vakandi yfir velferð Palla
og sona þeirra þriggja sem hún
annaðist af einstakri umhyggju
með ívafi festu og aga. Henni
fylgdi mikill lífskraftur og gekk
hún til verka og viðfangsefna sinna
með eldmóði en öll einkenndust
þau af myndarbrag með hagsýni í
fyrirrúmi og gilti þá einu hvað hún
tók sér fyrir hendur. Auður var
hreinskilin og lá ekki á skoðunum
sínum þegar því var að skipta en
ávallt með réttsýni að leiðarljósi,
hún var mannvinur og vönd að
virðingu sinni. Leiðir okkar lágu
saman um árabil þegar við bjugg-
AUÐUR
GUÐMUNDSDÓTTIR
✝ Auður Guð-mundsdóttir
fæddist í Reykjavík
28. september 1947.
Hún lést á líknar-
deild Landspítalans
í Kópavogi miðviku-
daginn 19. júlí síð-
astliðinn og var út-
för hennar gerð frá
Hafnarfjarðar-
kirkju 27. júlí.
um í foreldrahúsum á
Suðurgötunni í Hafn-
arfirði. Þótt síðar
skildu leiðir lágu þær
saman á nýjan leik
fyrir hartnær tuttugu
árum, við þá báðar
giftar sjómönnum og
mæður sona sem
góður vinskapur
tókst með. Alltaf var
eitthvað sem tengdi
okkur en meðal sam-
eiginlegra áhugamála
voru ferðalög og
minnist ég þess þeg-
ar Palli sagði okkur hjónunum
með mikilli tilhlökkun frá fyrir-
hugaðri siglingu þeirra Auðar með
viðkomu meðal annars á Madeira
en þar höfðum við fjölskyldan
dvalist og farið heim með góðar
minningar í farteskinu. En ferð
þeirra hjóna leiddi til áframhald-
andi spítalavistar Auðar og fljót-
lega upp frá því var ljóst hvert
stefndi og hennar hinsta ferð var
óumflúin.
Þegar menn þekkja móðurina, vita þeir,
hvers vænta má af börnunum.
Hver, sem þekkir móðurina og fetar
eins og barn í fótspor hennar, hefur
ekkert að óttast, þótt líkaminn farist.
(Lao-Tse.)
Við hjónin og synir okkar vott-
um systrum Auðar og öðrum að-
standendum samúðar.
Kæri Palli og synir, margs er að
minnast og margs er að sakna.
Ykkar „auður“ var Auður.
Blessuð sé minning hennar.
Jóhanna Gunnarsdóttir.Pantanir í síma 562 0200
Á fallegum og notalegum
stað á 5. hæð Perlunnar.
Aðeins 1.350 kr. á mann.
Perlan
ERFIDRYKKJUR
Minningarkort
535 1825
www.hjarta.is 5351800
Ástkær eiginkona mín, móðir okkar, tengdamóðir
og amma,
BJÖRK SIGRÚN TIMMERMANN,
Ljárskógum 2,
Reykjavík,
sem andaðist á Landspítalanum við Hringbraut
miðvikudaginn 26. júlí, verður jarðsungin frá
Fossvogskirkju fimmtudaginn 3. ágúst kl. 15.00.
Þeim, sem vilja minnast hennar, er bent á Krabbameinsfélagið.
Andrés Svanbjörnsson,
Frímann Andrésson, Sigríður Þóra Óðinsdóttir,
Markús Þór Andrésson, Dorothée Kirch,
Breki Þór Frímannsson.
Innilegar þakkir fyrir auðsýnda samúð og hlýhug
við andlát og útför okkar ástkæru
LÚLLU KRISTÍNAR NIKULÁSDÓTTUR,
Kirkjuvegi 5,
Keflavík.
Sérstakar þakkir fær starfsfólkið á Heilbrigðis-
stofnun Suðurnesja sem annaðist hana af alúð og
virðingu í veikindum hennar.
Guð blessi ykkur.
Elín Sigríður Jósefsdóttir, Snæbjörn Guðbjörnsson,
Ketill G. Jósefsson, Karen Valdimarsdóttir,
Jenný Þuríður Jósefsdóttir, Alan Terry Matcke,
ömmubörn og langömmubörn.
Elskulegur eiginmaður minn, faðir, tengdafaðir,
afi og langafi,
BJÖRN PÁLL VIGFÚSSON,
Brekkugötu 23,
Akureyri,
verður jarðsunginn frá Akureyrarkirkju föstudag-
inn 4. ágúst kl. 13.30.
Ragnheiður Valdimarsdóttir,
Örn Pálsson, Regína Þorvaldsdóttir,
Baldur Pálsson, Aðalheiður Eggertsdóttir,
Ragnheiður Valdimarsdóttir, Matthías Geir Ásgeirsson,
afabörn og langafabörn.
Sonur minn, bróðir okkar og mágur,
EYJÓLFUR GUÐNI SIGURÐSSON,
Austurbergi 8,
Reykjavík,
verður jarðsunginn frá Fella- og Hólakirkju
fimmtudaginn 3. ágúst kl. 15.00.
Þeim sem vilja minnast hans er bent á að láta
Ljósið, endurhæfingarmiðstöð krabbameins-
greindra, njóta þess.
Unnur Þorgeirsdóttir,
Þorgeir Sigurðsson, Þórunn J. Gunnarsdóttir,
Sigurður Ingi Sigurðsson, Guðfinna Thordarson,
Rósa Karlsdóttir Fenger, John Fenger.
Systir okkar, mágkona og frænka,
EYRÚN STEINDÓRSDÓTTIR,
Víðihlíð,
Grindavík,
verður jarðsungin frá Grindavíkurkirkju fimmtu-
daginn 3. ágúst kl. 11.00.
Jarðsett verður í Hrunakirkjugarði.
Fyrir hönd fjölskyldunnar,
Ágúst Steindórsson.
Kærar þakkir til ykkar allra sem sýnduð okkur
stuðning og vinarhug vegna andláts
LILLIAN ANNALISE.
Sérstakar þakkir fyrir allar blómakveðjurnar og
gjafir til líknarfélaga.
Þorvarður Guðmundsson
og fjölskylda.