Morgunblaðið - 01.08.2006, Blaðsíða 30
30 ÞRIÐJUDAGUR 1. ÁGÚST 2006 MORGUNBLAÐIÐ
LOKASPRETTURINN í A-flokki
opna tékkneska mótsins í Pardubice
varð Hannesi Hlífari Stefánssyni
(2.569) ekki happadrjúgur. Í áttundu
umferð atti hann kappi við alþjóðlega
meistarann Nikita Maiorov (2.490) frá
Hvíta-Rússlandi. Upp kom staða sem
var með afbrigðum leiðinleg og hélt
Hvít-Rússinn sér fast með hvítu
mönnunum. Hannes missti þolin-
mæðina og glataði þar með undirtök-
unum sem leiddi til þess að Hvít-
Rússinn sveið hann í drottningar-
endatafli með peði meira. Þessi ósigur
gerði að verkum að með sína fimm
vinninga hafði Hannes enga mögu-
leika til að ná toppsæti á mótinu og til
að bæta gráu ofan á svart tapaði hann
í síðustu umferðinni með hvítu gegn
þýska Fide-meistaranum Martin
Kraemer (2.434). Stórmeistarinn ís-
lenski tapaði 13 skákstigum á mótinu
og lenti í 115.–168 sæti en eftir nánari
útreikninga varð hann í 121. sæti af
406 keppendum.
Hjónunum Lenku Ptácníkovu og
Omar Salama gekk betur á mótinu en
Hannesi þar sem þau hækkuðu bæði
á stigum, Lenka græddi 22 stig en
Omar tvö stig. Lenka gerði jafntefli í
8. umferð og lagði svo Rússa að velli í
síðustu umferð 2.290 stig sem þýddi
að hún lauk keppni með helmings
vinningshlutfall, fékk 4½ vinning af
níu mögulegum. Hún lenti í 169.–247
sæti en Omar fékk 3½ vinning og lenti
í 291.–348. sæti. Feðgarnir Sigurður
Eiríksson og Tómas Veigar Sigurðs-
son tefldu í B-flokki mótsins, Sigurð-
ur í flokknum b1 og Tómas í flokknum
b2. Sigurður fékk þrjá vinninga af níu
mögulegum og lenti í 325.–363. sæti af
392 keppendum en Tómas hlaut fimm
vinninga og hafnaði í 104.–150. sæti af
361 keppanda. Tómas hefur ekki al-
þjóðleg stig en ætti að fá prýðileg
byrjunarstig. Nánari upplýsingar um
mótið er að finna á heimasíðu þess,
http://www.czechopen.net.
Góður árangur Rimaskóla-
piltanna Hjörvars og
Ingvars í Politiken Cup
Sjö íslenskir skákmenn tóku þátt í
Politiken Cup sem lauk nýverið í
Kaupmannahöfn og yngstur þeirra
var Hjörvar Steinn Grétarsson
(2.130) og þrátt fyrir það fékk hann
flesta vinninga íslensku keppend-
anna. Hjörvar átti sérstaklega góðan
endasprett þar sem í sjöundu umferð
mætti hann Dana sem hafði 2.272 stig
og gerði við hann jafntefli. Þetta var
fyrsti punkturinn sem Hjörvar fékk á
mótinu gegn stigahærri andstæðingi
og var hann í raun og veru óheppinn
að vinna ekki skákina með svörtu
mönnunum. Í næstu umferð mætti
hann Dananum Jakob Aabling-
Thomsen (2.271) og þegar Íslending-
urinn ungi lék sínum 37. leik kom eft-
irfarandi staða upp:
Sjá stöðumynd
Í stað að leika 37. … Hg7 og standa
þá betur að vígi lék Daninn 37. …
Kh5?? og eftir 38. Kh3! gafst svartur
upp enda er hann óverjandi mát.
Þessi óvænti sigur gerði að verkum að
Hjörvar hafði 5½ vinning fyrir loka-
umferðina og í henni gerði hann jafn-
tefli við danska alþjóðlega meistarann
Ole Jakobsen (2.387). Með sína sex
vinninga af níu mögulegum lenti
Hjörvar í 20.–46. sæti af 260 kepp-
endum en efstir á mótinu urðu stór-
meistararnir Vadim Malakhatko
(2.594) frá Úkraínu, Nigel Short
(2.676) frá Englandi og Jonny Hector
(2.508) frá Svíþjóð með 7½ vinning.
Líkt og Hjörvari gekk Ingvari Ás-
björnssyni mjög vel á mótinu og
hækkar jafnvel enn meira á stigum en
félagi hans úr Rimaskóla. Ingvar
gerði jafntefli við nokkra sterka skák-
menn og fékk 5½ vinning og lenti í
47.–71. sæti. Hafsteinn Ágústsson,
Bjarni Sæmundsson og Daði Ómars-
son fengu 4½ vinning og lentu í 103.–
145. sæti. John Ontiveros fékk 3½
vinning og lenti í 187.–213. sæti en
Lárus H. Bjarnason fékk þrjá vinn-
inga og lenti í 214.–230. sæti. Nánari
upplýsngar um mótið er að finna á
heimasíðu þess, http://www.politiken-
cup.dk/.
Lenku gekk vel
en Hannesi illa
SKÁK
OPNA TÉKKNESKA MÓTIÐ 2006
21.–29. júlí 2006
Lenka og Hjörvar stóðu sig vel á
sterkum alþjóðlegum mótum.
daggi@internet.is
HELGI ÁSS GRÉTARSSON
Atvinnuauglýsingar
Sölufulltrúar óskast
Remax heimili og skip óskar eftir 2-3 reyndum
sölufulltrúum til starfa ásamt starfandi sölu-
fulltrúum í nýju útibúi miðsvæðis í Reykjavík.
Áhugasamir sendi inn umsóknir í gegnum
tölvupóst: stefanp@remax.is eða pantið viðtal
hjá Huldu í síma 420 0800.
JetX er íslenskt flugfélag í örum vexti sem býður uppá bæði krefjandi og skemmtilegt vinnuum-
hverfi með góðu samstarfsfólki og sanngjörn laun. Félagið er með þrjár flugvélar í rekstri í Evrópu
og frá og með október nk bætist við flugvél sem starfrækt verður frá Keflavík. Vorið 2007 verður
JetX einnig með flugvélar sem fljúga út frá Kaupmannahöfn, Billund, Gautaborg og Stokkhólmi.
Eftirfarandi stöður eru í boði:
Aðstoðarmaður flugrekstrarstjóra
Starfið býður upp á að koma að flestöllum þáttum flugreksturs. Starfssvið er fjölbreytt;
dagleg samkipti við yfirvöld, viðskiptavini og flugáhafnir sem og skilgreining vinnuferla
og uppfærsla á handbókum flugfélagsins. Auk þess sinnir aðstoðarmaður flugrekstrar-
stjóra mörgum öðrum málum sem upp koma í rekstri og stjórnun flugfélags.
Leitað er eftir starfsmanni sem er:
Framtakssamur, nákvæmur og ábyrgðarfullur.
Sjálfstæður og getur tekið mikilvægar ákvarðanir óstuddur.
Lipur í samskiptum þar sem samskipti við breiðan hóp fólks er stór þáttur af starfinu.
Hæfniskröfur:
Traust reynsla úr flugrekstri.
Starfsreynsla á stjórnunarsviði er kostur.
Góð kunnátta á Microsoft Office forrit sem og góð almenn tölvukunnátta.
Gott vald á ensku, bæði í ritun og máli.
Umsóknarfrestur er til 13. ágúst 2006. Vinsamlega fyllið út umsóknareyðublað á
heimasíðu okkar www.jetx.is
JetX flugliðar
Leitað er eftir starfsmönnum sem:
eru með ríka þjónustulund og eiga gott með að tjá sig
vinna vel með öðrum
eiga gott með að vinna undir álagi
er annt um öryggi
eru tryggir, með opinn huga og bera hag fyrirtækisins fyrir brjósti.
Til að sækja um þarf að:
hafa þegar lokið byrjendaþjálfun flugliða (Inital Training) og hafa starfsreynslu
tala góða ensku og að minnsta kosti tvö önnur tungumál og telst íslenska þar með
hafa góða menntun og góða hagnýta kunnáttu í stærðfræði
hafa hreint sakavottorð
hafa góða sjón og vera í góðu líkamlegu og andlegu ástandi
vera 160-185 cm á hæð og þyngd skal vera í réttu hlutfalli við hæð
geta synt 200 metra.
Þeir flugliðar sem ráðnir verða munu aðallega vinna um borð í vél þeirri sem flýgur
út frá Keflavík.
Til þess að sækja um starf flugliða og fræðast meira um JetX, vinsamlegast lítið á
heimasíðu okkar, www.jetx.is. Umsóknir þurfa að berast eigi síðar en 4. ágúst 2006
og umsækjendur verða að geta hafið þjálfun í seinni hluta september 2006.
Öllum umsóknum verður svarað með tölvupósti innan tveggja vikna frá því að skilafrestur rennur
út. Fullum trúnaði er heitið. Viðtöl við umsækjendur fara síðan fram á aðalskrifstofum okkar í
Kópavogi. Hafirðu einhverjar frekari spurningar geturðu hringt í okkur í síma 517 6000.
Fasteignasala
— sölumenn
Traust fasteignasala óskar eftir samstarfi við
reynda sölumenn. Ýmsir möguleikar.
Upplýsingar sendist til auglýsingadeildar
Morgunblaðsins eða á box@mbl.is merktar:
„F — 18845“.
Raðauglýsingar 569 1100
Bátar/Skip
Fiskiskip til sölu
Ársæll Sigurðsson HF 80
sskrnr. 2468, sem er 94,7 brúttórúmlesta
stálskip smíðað í Kína 2001. Skipið var yfir-
byggt, kaldzinkað og búið veltitanki í Póllandi
árið 2005. Skipið er selt með veiðileyfi en án
veiðiheimilda. Skipið er vel búið til netaveiða,
og auðvelt er að búa skipið til línuveiða.
Aðalvél Cummins 609 hö.
Gunnar I. Hafsteinsson, hdl.,
Magnús Helgi Árnason, hdl.,
Hafnarhvoli v/Tryggvagötu,
sími 552 3340, Reykjavík.
FRÉTTIR
Fundur um
ástandið fyrir botni
Miðjarðarhafs
UTANRÍKISMÁLANEFNDIR
Heimdallar og SUS boða til opins
umræðufundar í dag, þriðjudag, kl.
20 í Valhöll um ástandið í löndunum
fyrir botni Miðjarðarhafs.
Framsögumenn verða þau Guð-
rún Guðmundsdóttir mannfræð-
ingur, en hún bjó á svæðinu til fjölda
ára og hefur þekkingu á málefnum
Mið-Austurlanda og Örn Arnarson,
MA í alþjóðastjórnmálum frá Johns
Hopkins-háskólanum, blaðamaður á
Blaðinu og stundakennari í stjórn-
málafræði við Háskóla Íslands. Þau
munu fara yfir bakgrunn átakanna,
ræða hvernig alþjóðasamfélagið
geti gripið inn í atburðarásina og
hvað þurfi til að koma á varanlegum
friði milli stríðandi fylkinga á þessu
svæði.
Eftir stuttar framsögur verða um-
ræður og þau Guðrún og Örn sitja
fyrir svörum.
ÞAU mistök urðu við vinnslu
reynsluakstursgreina á Audi A3
Sportback og Mercedes Benz Viano
í bílablaðinu sl. föstudag að ekki
komu fram upplýsingar um umboð
bílanna. Hekla hefur umboð fyrir
Audi og Askja hefur umboðið fyrir
Mercedes Benz. Beðist er velvirð-
ingar á mistökunum.
LEIÐRÉTT