Morgunblaðið - 01.08.2006, Síða 44
ÁSKRIFT-AFGREIÐSLA 569 1122 ÞRIÐJUDAGUR 1. ÁGÚST 2006 VERÐ Í LAUSASÖLU 220 KR. MEÐ VSK.
Opið 8-24 alladaga
í Lágmúla og Smáratorgi
MEÐALVERÐ á ýsu á fiskmark-
aðnum í Grimsby var í gær komið
niður í 138 kr. á kílóið en það var
167 kr. á sama tíma í síðustu viku.
Að sögn Magnúsar Guðmunds-
sonar, framkvæmdastjóra
Atlantic Fresh, er ástæðan fyrir
lágu verði á ýsu sú að framboðið
er mikið og eftirspurnin hefur
minnkað. Ýsuveiðin sé yfirleitt
mikil á þessum tíma árs en einnig
kaupi Bretar minna af ýsu um
þessar mundir.
Sigurjón Óskarsson, útgerðar-
maður í Vestmannaeyjum, segir
eina ástæðu þess að meira sé flutt
út af ýsu en áður að mikið sé um
sumarfrí hjá fiskvinnslustöðvum.
Gert er ráð fyrir að framboðið
muni minnka nokkuð í næstu viku
og verðið muni því jafna sig. | 11
Verðlækkun
vegna mikils
framboðs á ýsu
ÞORGERÐUR Katrín Gunnarsdóttir, mennta-
málaráðherra og starfandi forsætisráðherra,
kvaddi í gær leiðangursmenn í fjórða árlega
Grænlandsferðalagi skákfélagsins Hróksins.
Flogið var frá Reykjavíkurflugvelli til Grænlands
á hádegi í gær.
Í kveðjuskyni ávarpaði Þorgerður hópinn, en
um 40 manns eru í föruneytinu. Hrókurinn mun
efna til margra viðburða á austurströnd Græn-
lands, fyrir bæði börn og fullorðna. Hápunktur
hátíðarinnar er IV. alþjóðlega Grænlandsmótið –
Flugfélagsmótið 2006.
„Þetta er stór og myndarlegur hópur sem held-
ur áfram þessu merkilega verkefni, að efla skák-
íþróttina á Grænlandi. Um leið er verið að hjálpa
krökkunum þar því það hefur sýnt sig í gegnum
tíðina að skákiðkun styrkir nemendur í náminu,“
segir Þorgerður. „Síðan er þýðingarmikið að
halda tengslum við þessa bræður okkar og systur
á Grænlandi. Framtak Hróksins er virðingar- og
þakkarvert og eins þáttur fyrirtækja sem
styrkja.“
Á kveðjustundinni voru Þorgerði færð „falleg
blóm og falleg orð“, eins og hún sagði sjálf. Að-
spurð sagði hún því ekki að neita að hún hefði ver-
ið til í að slást í hópinn fyrst hún var komin alla
leið á flugvöllinn.
Morgunblaðið/Sverrir
Kveðjustund á Reykjavíkurflugvelli áður en haldið var til Grænlands. F.v. Árni Gunnarsson, framkvæmdastjóri Flugfélags Íslands, Þorgerður Katrín
Gunnarsdóttir menntamálaráðherra, Andrés Burknason, yngsti leiðangursmaður Hróksins, og Hrafn Jökulsson, formaður Hróksins.
Hrókurinn í sinni fjórðu Grænlandsför
MEÐALHITI í júlímánuði í ár var
11,1° C samkvæmt upplýsingum frá
Veðurstofu Íslands.
Að sögn Trausta Jónssonar veð-
urfræðings er það 0,4 gráðum yfir
meðaltali mælinga Veðurstofunnar
frá árunum 1961 til 1990. Mánuður-
inn var þó kaldari en júlímánuður
síðastliðin þrjú ár, en til dæmis má
nefna að árið 2003 var meðalhitinn
í júlí 12,3° C.
Júlí með
kaldara móti
Eftir Brján Jónasson
brjann@mbl.is
FORSVARSMENN Hitaveitu Suð-
urnesja (HS) hafa sent fulltrúum
varnarliðsins kröfur hitaveitunnar
vegna meints brots á samningi
vegna brotthvarfs varnarliðsins. Þar
er krafist eingreiðslu vegna tapaðra
viðskipta, en sú upphæð sem krafist
er fæst ekki uppgefin.
Júlíus Jónsson, forstjóri HS, segir
að hann muni fara til Norfolk í
Bandaríkjunum í dag ásamt stjórn-
arformanni, aðstoðarforstjóra og
lögfræðilegum ráðgjafa hitaveitunn-
ar. Þar muni þeir eiga viðræður við
fulltrúa bandarískra stjórnvalda á
miðvikudag og fimmtudag um kröfur
hitaveitunnar. Hann segir ómögu-
legt að geta sér til um hversu langan
tíma taki að komast að samkomulagi.
Kröfurnar voru sendar undir mið-
nætti síðastliðið föstudagskvöld, og
segir Júlíus að um miðjan dag í gær
hafi engin viðbrögð borist frá banda-
rískum stjórnvöldum vegna krafn-
anna. Hann segir í þeim felast að
samningar varnarliðsins við HS
verði uppfylltir með eingreiðslu til að
hitaveitan verði skaðlaus eftir.
Íslenska sendinefndin til
Washington í vikunni
Eins og greint hefur verið frá
vildu forsvarsmenn varnarliðsins fá
kröfur HS fram áður en viðræður
færu fram. Kröfurnar eru til komnar
vegna þess sem stjórnendur HS telja
samningsbrot af hálfu varnarliðsins,
þegar samningum var sagt upp fyr-
irvaralaust. Í viðauka við hitaveitu-
samning HS við varnarliðið frá árinu
1998 er tekið fram að varnarliðið geti
minnkað kaup á heitu vatni um 4% á
ári, og að semja eigi um ákveðna
greiðslu fari varnarliðið af landi
brott.
„Við höfum farið yfir ekki bara
tekjutapið, heldur líka hvaða eignir
sitja eftir sem við máttum ætla að
yrðu greiddar niður með tekjum frá
[varnarliðinu],“ segir Júlíus. Hann
segir að krafist sé eingreiðslu sem
tryggi að HS verði skaðlaus eftir,
eða því sem næst, en vill ekki gefa
upp hversu hárrar upphæðar er
krafist. Tekjur HS af sölu á heitu
vatni til varnarliðsins voru áætlaðar
570 milljónir króna í ár, en Júlíus
segir að reiknað hafi verið með því að
þær drægjust saman á næstu árum.
Næsti fundur samninganefnda Ís-
lands og Bandaríkjanna um varnar-
samstarf ríkjanna verður haldinn í
Washington dagana 3. og 4. ágúst
nk. Albert Jónsson sendiherra fer
fyrir íslensku samninganefndinni
eins og verið hefur, en nefndin er
skipuð fulltrúum úr forsætis-, utan-
ríkis-, fjármála- og dómsmálaráðu-
neytum.
Kröfur HS á hendur varnarliðinu ræddar í Norfolk
Krafist eingreiðslu en
upphæð ekki gefin upp
Varnarviðræðum fram haldið á fimmtudag og föstudag
TÓNLEIKAR Sigur Rósar og
Amiinu á Klambratúni á sunnudag-
inn fá fullt hús stjarna hjá gagnrýn-
anda Morgunblaðsins í blaðinu í
dag.
Í umfjölluninni segir meðal ann-
ars að líkt og tónlist hljómsveit-
arinnar hafi kvöldstundin ein-
kennst af hlýju og fegurð og að
heimilislegur og þægilegur andi
hafi svifið yfir vötnum. Þá kemur
fram að Sigur Rós hafi verið eins og
vel smurð draumavél frá fyrstu
mínútu til hinnar síðustu. | 38
Fimm stjörnur
ÞREMUR arnarhreiðrum í Breiða-
firði var spillt í sumar og á það sinn
þátt í því að arnarvarp í ár er eitt
það lakasta undanfarin tuttugu ár
að því er talið er. Þetta segir Jó-
hann Óli Hilmarsson, formaður
Fuglaverndarfélags Íslands, en
hann telur miklar líkur á því að
hreiðrunum hafi verið spillt af
mannavöldum og eggjunum stolið.
„Þetta getur haft mikil áhrif
enda er um að ræða stórt hlutfall af
hreiðrunum,“ segir Jóhann Óli og
bendir á að hreiður arnarins séu af-
ar viðkvæm og ekki þurfi mikið að
koma til svo varp þeirra misfarist.
„Það er nóg að sigla fram hjá
þegar ernirnir liggja á eggjunum
en menn hafa einnig stundað það að
setja út gasbyssur til þess að halda
geldörnum í fjarlægð. Svo er það til
að menn hreinlega ræni hreiðrin.“
Varp í fjórðungi arnarhreiðra
misfórst í vor og var þar fyrst og
fremst um að kenna kaldri veðráttu
í maí. Um þrjátíu arnarungar hafa
komist upp árlega undanfarin ár og
heldur arnarstofninn því áfram að
styrkjast og hefur ríflega þrefald-
ast á síðastliðnum 40 árum.
Að sögn Jóhanns Óla ætti bak-
slag í varpi þetta árið ekki að setja
strik í reikninginn varðandi þá þró-
un en það skipti hins vegar miklu
að varpið gangi vel að ári.
Ljósmynd/Guðlaugur Albertsson
Þremur arnarhreiðrum
spillt í Breiðafirði
Eftir Þóri Júlíusson
thorirj@mbl.is