Morgunblaðið - 05.09.2006, Blaðsíða 26

26|Morgunblaðið
Smellpassa í
heilsuræktina
HEILSUSKÓRNIR
HAFA SLEGIÐ
Í GEGN Á
ÍSLANDI
Útsölustaðir:
Valmiki Kringlunni - Euroskór Firðinum
- B-Young Laugavegi
EUROCONFORTO
Stærðir 35-43
Verð 4.400 kr.
Árskort, sem gilda í sal og sund í Sundlaug Kópavogs,
veita einnig aðgang að íþróttamiðstöðinni í Salahverfi.
Tilboðið gildir til 5.október 2006.
Bjóðum upp á ókeypis prufutíma
undir leiðsögn þjálfara.
Panta þarf tímann með fyrirvara.
16 ára aldurstakmark.
Árskort gildir á báðum stöðum.
www.nautilus.is · Salalaug · Sími 570 0480 · Sundlaug Kópavogs · Sími 570 0470
AR
GU
S
/ 0
6-
04
53
H
inn heimspekilegi
grunnur jóga-
fræðanna er sá að
maðurinn sé ekki
einbert efni heldur
jafnframt andi, en þessir þættir
verði ekki aðskildir heldur virki sam-
an. Í jóga styrkist líkaminn og liðkast,
hugurinn skerpist og sálarlífið kyrrist.
Sívaxandi vinsældir íþróttarinnar, bæði
vestanhafs og -austan koma fáum jóga-
leiðbeinendum á óvart. Í þeirra hópi er
jógakennarinn Ingibjörg Stefánsdóttir
„Þörfin fyrir jafnvægi og innri frið er
aldrei meiri en nú á tímum þegar streita er
orðin eins og stimpilklukka hverrar mann-
eskju. Hraðinn er orðin svo mikill í sam-
félaginu að fólk er búið að fá nóg. Það vill
öðlast frið og ró og komast nær sjálfu sér.
Jóga er einmitt góð leið til að draga úr
þreytu og spennu. Ingibjörg kynntist
fyrst jóga þegar hún nam leiklist á
erlendri grundu og heillaðist
samstundis af þeirri meðvit-
uðu nærveru sem jóga
kenndi henni. „Einn
danskennarinn minn not-
aði Ashtanga vinyasa-
jóga mikið til að hita upp
fyrir leiklistaræfingar en
ég gerði mér fljótt grein fyr-
ir þeim undramætti sem
jóga býr yfir. Með reglu-
legri iðkun eflist smám
saman meðvitund okkar
um eigin tilfinningar og
hugsanir, en slíkt gerir
okkur færari til að
taka ábyrgð á eigin
lífi, sem aftur eykur
hamingjustuðulinn.
Það er svo margt
sem glepur hugann, áreitið er endalaust, en í jóga dvelj-
um við hér og nú.“
Margar tegundir
Fyrir ári opnaði Ingibjörg sína eigin jógastöð, Yoga
Shala í Engjateigi. „Ég býð upp á ýmsar útgáfur af
Hatha-jóga sem er eitt algengasta jógaafbrigðið á Vest-
urlöndum. Til eru í dag margar útgáfur af Hatha-jóga,
eins og til dæmis Ashtanga vinyasa-, Kripalu- og Iyeng-
ar-jóga, svo ég nefni aðeins nokkrar. Í Hatha-jóga er
einna helst lögð áhersla á æfingar sem styrkja og liðka
líkamann, en öndun og hugleiðsla eru einnig stór hluti af
æfingunum.“ Sjálf kennir Ingibjörg einkum Ashtanga vi-
nyasa-jóga, sem hún segir vera mjög taktfast og flæð-
andi. „Það byggist á röð æfinga sem fólk lærir smám
saman utan að, sem er afar hentugt því þannig getur fólk
að lokum gert æfingarnar heima við eða í ferðalögum.“
Engin samkeppni
Allar kynslóðir koma saman. „Ég hef verið með fólk á
áttræðisaldri í tímum en eldra fólk hefur mjög gott af
jógaiðkun því líkami þess er farinn að stirðna og styrk-
urinn farinn að þverra. Hreyfingin veitir líka andlega
vellíðan sem hjálpar mörgum sem þjást af þunglyndi,
sem stundum fylgir efri árunum.
Það er mjög misjafnt hversu oft fólk æfir í viku. „Hver
og einn verður að finna sinn takt og tíma og fólk stundar
flest jóga tvisvar til fimm sinnum í viku. Það er enginn
betri en annar í þessum tímum og heldur engir speglar
til að skoða sig í. Jóga gengur út á að finna hvernig
manni líður ekki hvernig maður lítur út,“ segir hún bros-
andi. „Jóga snýst fyrst og síðast um meðvitaða nærveru
við sjálfan sig.“
Öndun er mjög mikilvæg í jóga en rétt öndun getur
dregið úr ýmsum kvillum eins og kvíða og streitu, lang-
vinnum höfuðverkjum og mígreni. Hún fær vöðvana til
að slaka á þannig að farið er mjúklega inn í jógastöð-
urnar. Þá hitar öndun líkamann gífurlega og það mynd-
ast ákveðið hljóð í hálsinum sem gott er að hlusta á, að
sögn Ingibjargar. „Öndunin tengist tilfinningunum og er
einnig mikilvæg í þeirri hugleiðslu sem er hluti af jóga.
Maður róar hugann fyrst og fremst í hugleiðslu og hún er
góð til að bæta svefn og einbeitingu. Það er ekkert auð-
velt að sitja kyrr og hugleiða, en að læra hugleiðsluæf-
ingar hefur erindi sem erfiði. Hugleiðsla er ansi mögnuð
og á eftir að vera notuð miklu meira í framtíðinni.“
Í jógaæfingunum er stefnt að því að sameina öndun og
hreyfingu, sem krefst nokkurrar einbeitingar en lærist
fljótt. „Ég kenni fólki að draga skynfærin til baka, til
dæmis með því horfa í ákveðin tíma á vissa staði svo aug-
un séu ekki á sífelldri hreyfingu. Líkaminn er svo fjör-
ugur og heilinn virkur. Það er eðli hans. Rétt áður en
jógatíminn byrjar er iðulega allt á fleygiferð í höfðinu á
fólki.“
Skynfærin finna frið
„Maður finnur lykt, heyrir hljóð og veltir hinu og
þessu fyrir sér. Síðan heldur þetta aðeins áfram inn í tím-
ann, en smám saman minnkar allt þetta áreiti. Fólk fer
að hlusta á öndunina, anda dýpra, hreyfa og styrkja lík-
amann og nær að slaka og hugleiða. Jóga er lífstíll, hug-
arfar og heimspeki, er tvinnar saman aldagamla speki og
reynslu sem færir nútímamanninum meðal annars að-
ferð til skilja við annríkið og leita inn á við um stund. Það
er ekki svo lítið að læra hver maður er.“
Jóga er streitubani og
skynsamlegur lífsstíll
Morgunblaðið/Ásdís
AP
Jafnvægi Þörfin fyrir innri frið er aldrei meiri en nú á
tímum þegar streita er orðin eins og stimpilklukka
hverrar manneskju.
»Hraðinn er orðin svo mikill í samfélaginu að fólk er búið að
fá nóg. Það vill öðlast frið og ró og komast nær sjálfu sér.
Merking hugtaksins jóga er sam-
eining, sem lýsir vel því heildræna
heilsuræktarkerfi sem íþróttin
miðar að. Jóga er forn aðferð sem
sameinar uppbyggingu líkama,
huga og sálar.
Andleg Ingibjörg
Stefánsdóttir
jógakennari.