Morgunblaðið - 08.10.2006, Blaðsíða 49

MORGUNBLAÐIÐ SUNNUDAGUR 8. OKTÓBER 2006 49
NÚ fer mér að verða nóg boðið
af yfirlýsingum sérskipaðra sér-
fræðinga í hinum ýmsu málum,
ekki hvað síst umhverfis- og her-
setumálum! Alltaf skulu þeir viðra
sínar skoðanir eins og þeir komi
fram fyrir hönd allra Íslendinga
og þær séu þar af leiðandi skoð-
anir allra. Uppi eru hróp og köll
um að þjóðin hafi fengið nóg af
þessu og/eða fólkið hafi fengið nóg
af hinu! Einna öflugust í þessum
ófögnuði eru Steingrímur J. Sig-
fússon, formaður Vinstri grænna,
Ólafur Hannibalsson, forsvars-
maður hinnar svokölluðu Þjóð-
arhreyfingar (sem ég er ekki þátt-
takandi í þó að ég telji mig til
þjóðarinnar) og Ingibjörg Sólrún
Gísladóttir, formaður Samfylking-
arinnar. Oftar en ekki stilla þau
mér á þennan ósiðlega hátt við
sína hlið þrátt fyrir að ég hafi
bara alls ekki sömu skoðun á mál-
um og þau!
Nú vil ég gjarnan fara að fá frið
fyrir þessu óþolandi áreiti. Mér er
nákvæmlega sama þó að viðkom-
andi aðilar hafi sína skoðun á mál-
um en ég kæri mig alls ekki um
að ég sé á einn eða neinn hátt
bendlaður við málflutning þeirra.
Ég vil lýsa því yfir hér og nú að
ég persónulega ætla ekki að draga
fána að húni vegna brotthvarfs
bandaríska hersins af landinu.
Mér finnst ekki ólíklegt að þau
u.þ.b. 300 mannslíf sem björg-
unarsveit þeirra hefur bjargað
gegnum tíðina ætli sér það ekki
heldur. Ég lít svo á að hér séu að
yfirgefa landið gestir okkar sem
gegnum tíðina hafa reynst okkur
hið besta. Því finnst mér nær að
við sýnum þann manndóm að
þakka þeim kærlega fyrir allt sem
þeir hafa gert fyrir okkur í stað
þess að sýna þann dónaskap að
fagna brotthvarfi þeirra.
Jafnframt vil ég lýsa undrun
minni á að ónafngreindir aðilar
sem hæst höfðu í Keflavíkurgöng-
unum á sínum tíma hafi vogað sér
að kvarta og kveina yfir brott-
hvarfi hersins þegar sú ákvörðun
lá fyrir og slást svo aftur í hóp
hinna Reykásanna nú þegar að
kveðjustund er komið og fagna
brotthvarfinu. Ég gef ekki mikið
fyrir þannig lið.
Hvað varðar umhverfismálin
finnst mér oft að menn séu hrein-
lega að gera sig að kjánum. Nátt-
úruöflin hafa í árþúsundir verið að
bylta heiminum á alla mögulega
vegu, grafa gil og ryðja fjöllum til.
Ég sé hreint engan mun á t.d.
Hálslóni við Kárahnjúka eða ein-
hverju vatni sem náttúran hefur
sjálf skapað. Væri þá ekki rétt að
tæma vötn landsins svo við getum
notið náttúrunnar sem þar liggur
undir?
Mér er nákvæmlega sama þótt
menn mótmæli, geri þeir það í
sínu nafni og á sinn kostnað. Mér
er þó gjörsamlega ómögulegt að
þola mótmæli erlendra „uppa“
sem hingað koma með vasana
troðna af pabbapeningum til þess
eins að drepa tímann þar til þeir
verða fullorðnir og skríða svo aft-
ur til baka undir pilsfald mæðra
sinna, í hlýjuna af olíu- og/eða
kjarnorkukyntum híbýlum for-
eldra sinna. Að slíkt lið skuli koma
hingað til lands til að mótmæla,
fljúgandi á þotum úr áli, og aka
svo á bílum, að hluta úr áli, austur
á land til að taka út sín bernsku-
brek finnst mér ekki beint traust-
vekjandi eða til að fegra þeirra
málstað. Ég myndi kannski hlusta
á það lið kæmi það siglandi hingað
fyrir seglum ofnum úr nátt-
úrulegum efnum á skipum úr líf-
rænt ræktuðum trjám og gengi
svo á sínum sauðskinnsskóm upp á
fjöll til að viðra skoðanir sínar.
Tali svo hver fyrir sig en ekki
mig! Okkur er öllum treystandi til
að hafa okkar eigin persónulegu
skoðanir á málum.
Dónar og mótmælendur
Páll Rúnar Pálsson fjallar um
varnar- og virkjanamál »Mér er nákvæmlegasama þó að viðkom-
andi aðilar hafi sína
skoðun á málum en ég
kæri mig alls ekki um að
ég sé á einn eða neinn
hátt bendlaður við mál-
flutning þeirra
Páll Rúnar Pálsson
Höfundur er framkvæmdastjóri.
Fáðu úrslitin
send í símann þinn
Erna er hagfræðingur hjá Bændasamtökum Íslands.
Hún var í matvælaverðsnefndinni og sat m.a. í vinnu-
hópi utanríkisráðherra um stöðu íslensks landbúnaðar
gagnvart ESB og WTO 2002-2003.
Mánudaginn 9. október flytur Erna Bjarna-
dóttir erindi: Matvælaverð í brennidepli.
Allir velkomnir
Fræðsluerindi Landbúnaðar-
háskóla Íslands á Keldnaholti
Erindið hefst kl. 3 e.h. og er haldið í fundarsal LbhÍ á
Keldnaholti, 3. hæð.
Áhrif leiðtogafundarins
í Höfða 1986 á lok kalda stríðsins
Hvað segja nýbirt skjöl úr rússneskum og bandarískum
ríkisskjalasöfnum okkur um fundinn?
Málþing Reykjavíkurborgar í samstarfi við Háskóla Íslands og Icelandair um leiðtogafund
Ronalds Reagan Bandaríkjaforseta og Mikhails Gorbachev Sovétleiðtoga í Höfða
11. og 12. október 1986. Málþingið, sem er opið almenningi, fer fram í Tjarnarsal
Ráðhússins föstudaginn 13. október nk. klukkan 13:30 til 16:00.
13:30 Innritun
13:45 Málþingið sett, Vilhjálmur Þ. Vilhjálmsson, borgarstjóri.
13:55 Ávarp, Ólafur Ragnar Grímsson, forseti Íslands.
14:05 The Role of the Reykjavík Summit in Mikhail Gorbachev’s
Biography. William Taubmann, prófessor við Amherst
College, sem nú vinnur að nýrri ævisögu um Mikhail
Gorbachev. Taubmann hlaut Pulitzer-verðlaun árið
2004 fyrir ævisögu Nikita Krusjeff: The Man and His Area.
14:25 A Breakthrough to Trust: Reykjavik as a Milestone in U.S.
Soviet Relations. Svetlana Savranskaya er forstöðumaður
verkefna hjá National Security Archive. Hún stýrir samstarf
þess við rússnesk skjalasöfn og er ritstjóri gagnasafns NSA
um fyrrum Austurblokkina. Hún hefur nýlokið rannsókn á
rússneskum stjórnarskjölum um leiðtogafundinn 1986.
14:45 Kaffihlé
15:10 Reagan and Reykjavík: How Close to Nuclear Abolition?
Thomas H. Blanton, forstöðumaður National Security Archive
(NSA) við George Washington University. Hann hefur
rannsakað bandarísk skjöl frá Höfðafundinum.
15:30 Umræður með fyrirlesurum. Stjórnandi Valur
Ingimundarson, prófessor við Háskóla Íslands.
16:00 Málþingi slitið, Hanna Birna Kristjánsdóttir, forseti
borgarstjórnar.
Fundarstjóri: Margrét S. Björnsdóttir, forstöðumaður
Stofnunar stjórnsýslufræða og stjórnmála við Háskóla Íslands.
Í lok fundarins verður opnuð ný heimasíða hjá National Security Archive við George Washington University með gögnum
um fundinn 1986, sem flest hafa ekki birst áður. Ennfremur mun Thomas H. Blanton afhenda Reykjavíkurborg nýja
samantekt á gögnum frá leiðtogafundinum; undirbúningsgögn bandarískra og sovéskra stjórnvalda fyrir fundinn,
fundargerðir frá fundinum og nefndum sem störfuðu meðan á honum stóð. Auk þess gögn um mat stjórnvalda
beggja ríkja á niðurstöðum Höfðafundarins.