Morgunblaðið - 13.10.2006, Side 11

MORGUNBLAÐIÐ FÖSTUDAGUR 13. OKTÓBER 2006 11
FRÉTTIR
SVOKALLAÐIR Jersey-steinar eru
víða notaðir til að stýra umferð um
vinnusvæði í borginni m.a. við
Geirsgötu nú um stundir þar sem
steinarnir mynda sveig norðan við
Seðlabankahúsið. Athygli hefur
vakið að steinarnir eru hvorki með
ljósum né endurskinsmerkjum en
lögregla hefur ekki gert at-
hugasemd við þann frágang. Að
sögn Árna Friðleifssonar, varð-
stjóra hjá umferðardeild lögregl-
unnar í Reykjavík, var götulýsing á
staðnum talin duga en í öðrum til-
vikum þar sem ekki er götulýsing
fyrir eru verktakar skikkaðir til að
setja ljós á steinana.
Að sögn Árna hefur fólk gjarnan
kvartað undan framkvæmdum á
umferðarmannvirkjum, en oftast
snúast kvartanirnar um tafir sem
framkvæmdirnar valdi. Sjaldnar sé
um að ræða kvartanir vegna of lítils
öryggis í þágu vegfarenda.
Morgunblaðið/Ásdís
Götulýsing talin duga
HÉRAÐSDÓMUR Austurlands hef-
ur dæmt karlmann í 70 þúsund kr.
sekt fyrir utanvegaakstur við Laug-
arfell á Fljótsdalshéraði hinn 15.
október í fyrra.
Jafnframt var ákærði sviptur skot-
vopna- og veiðileyfi í eitt ár fyrir til-
raun til ólöglegra rjúpnaveiða í um-
rætt sinn.
Sagði snjóalög hafa
villt um fyrir sér
Ákærði viðurkenndi að hafa ekið
upp í hlíðar Laugarfells til að halda
þaðan til rjúpnaveiða en sagðist ekki
hafa gert sér grein fyrir því hversu
langt hann ók út fyrir gamla vegslóð-
ann vegna snjóalaga.
Dómurinn taldi ljóst á grundvelli
ljósmynda og athugunar á vettvangi
að enginn vegur eða vegslóði hefði
verið á þeirri 175 metra leið, sem
ákærði var sakaður um að hafa ekið.
Var hann að auki sakfelldur af ákæru
fyrir tilraun til ólöglegra fuglaveiða
þar sem lög heimila ekki notkun
vélknúinna farartækja til að flytja
veiðimenn til og frá veiðilendum
nema ekið sé á vegum eða merktum
vegaslóðum.
Með vélknúnum ökutækjum er
ekki átt við vélsleða eða fjórhjól eða
önnur torfærutæki.
Sonurinn sýknaður
Sonur ákærða sem var með í för
var einnig ákærður fyrir tilraun til
ólöglegra fuglaveiða en var sýknaður
vegna sönnunarskorts.
Ragnheiður Bragadóttir dómstjóri
dæmdi málið. Verjandi var Hilmar
Gunnlaugsson hdl. og sækjandi Helgi
Jensson sýslumannsfulltrúi.
Dæmdur
fyrir utan-
vegaakstur
aða, fimm mánaða, 12 mánaða og
18 mánaða aldur.
Kíghósti er bakteríusýking sem
veldur slæmum og langvarandi
hósta. Hann er hættulegur ef börn
yngri en sex mánaða fá hann þar
sem þau hafa þrengri öndunarveg
en eldri börn, segir á vefsíðunni
doktor.is. Kíghósti smitast með
úðasmiti og er mjög smitandi.
Ónæmi gegn sjúkdómnum fer
minnkandi með árunum sem líða
frá bólusetningu. Alvarleg tilfelli
eru óalgeng hér á landi.
BÓLUSETNING gegn kíghósta
verður tekin upp við fjórtán ára
aldur frá og með næstu áramótum.
Með þessu er verið að viðhalda
ónæmi gegn kíghósta í þjóðfélag-
inu, minnka líkur á sýkingu hjá
eldri einstaklingum og koma í veg
fyrir smit hjá ungum börnum, segir
í nýjasta hefti Farsóttarfrétta
Landlæknisembættisins.
Um síðustu áramót var bætt við
bólusetningu gegn kíghósta við
fimm ára aldur, en einnig er bólu-
sett gegn sjúkdómnum við 3 mán-
Unglingar bólusettir
gegn kíghósta

 



 

    

    


              
 

    !"  
"      
 
     !    
      "  
# ! "    






Suðurlandsbraut 20 – 108 Reykjavík – Sími 588 0200 – www.eirvik.is
-hágæðaheimilistæki
Ef þú kaupir Miele þvottavél færðu kaupverðið
endurgreitt með betri meðferð á þvottinum þínum
Miele þvottavélar eru með nýrri tromlu með
vaxkökumynstri sem fer betur með þvottinn.
Einkaleyfi Miele.
Miele þvottavélar eru byggðar á stálgrind
og eru með ytri þvottabelg úr ryðfríu stáli
ólíkt flestum öðrum þvottavélum.
Miele þvottavélar endast lengur en aðrar
þvottavélar.
Íslenskt stjórnborð
AFSLÁTTUR
30%
ALLT AÐ
1. VERÐLAUN
í Þýskalandi
W2241WPS
Gerð Listaverð TILBOÐ
Þvottavél W2241 kr. 160.000 kr. 114.800
1400sn/mín/5 kg.
Þurrkari T223 kr. 112.200 kr. 78.540
útblástur/5 kg.
Þurrkari T233C kr. 131.000 kr. 91.700
rakaþéttir/5 kg.
MIELE ÞVOTTAVÉL
- fjárfesting sem borgar sig
Hreinn sparnaður
GÍSLI Gíslason, hafnarstjóri Faxa-
flóahafna og formaður Hafnasam-
bands sveitarfélaga, segir að óvenju
mörg spennandi mál liggi að þessu
sinni fyrir þingi Hafnasambandsins,
sem hófst í gær á Höfn í Hornafirði.
Unnið sé að breytingum á hafnalögum
og fjármál hafnanna séu stöðugt til
skoðunar.
„Fjárhagsstaða hafnanna er sum-
staðar erfið og sumstaðar ágæt eins
og gengur, og þó að umræðan beri oft
keim af vandamálum, eru líka tæki-
færi sem eru mjög spennandi fyrir
hafnirnar,“ segir Gísli og nefnir stór-
auknar ferðir skemmtiferðaskipa
hingað til lands. „Hluti tekna af
skemmtiferðaskipum fer stækkandi
hjá mörgum höfnum og það er mjög
mikilvægt fyrir bakland hafnanna því
skemmtiferðaskipin skila verulegum
virðisauka inn í samfélagið umfram
hafnirnar.“
Svokölluð óreiðuskip eru vaxandi
vandamál í höfnum landsins. Þetta
eru hundruð skipa af ýmsum stærð-
um og gerðum sem eru verulegt um-
hverfisvandamál í höfnum. Þetta eru
m.a. skip sem eru í hirðuleysi og van-
skilum við hafnarstjórnirnar og jafn-
vel skip sem enginn eigandi finnst að.
Einnig er um að ræða skip sem ekki
hafa haffærniskírteini og munu aldrei
láta úr höfn, en eru þó ekki endilega í
vanskilum.
„Vandinn við að farga þessum skip-
um er það stór að hann verður ekki
settur yfir á hafnirnar og þar köllum
við eftir aðstoð og úrlausn ríkisins um
það hvernig eigi að standa að málun-
um,“ segir Gísli. „Þetta er vaxandi
vandamál og í dag eru úrræðin frem-
ur fátækleg fyrir hafnirnar.“
Gagnrýnt hefur verið að rafmagn,
sem útgerðum og skipaeigendum
býðst að kaupa til að kynda og lýsa
skip sín meðan þau liggja við bryggju,
sé alltof dýrt. Ódýrara sé að keyra
ljósavélar en að kaupa rafmagn úr
landi. „Rafmagnið er einn af þessum
mikilvægu þjónustuþáttum sem menn
vilja að sé fyrir hendi í höfnunum.
Raunin er hinsvegar sú að orkuverð
hefur hækkað til hafnanna þannig að
þrátt fyrir mjög hátt olíuverð er raf-
magnið ekki nægjanlega álitlegur
kostur fyrir notendur okkar. Þetta er
auðvitað mjög óskynsamlegt, að við
séum með umhverfisvæna orkugjafa í
ríkum mæli en séum svo að nota olíu
til að knýja ljósavélar skipanna í höfn-
um landsins. Allar evrópskar áætlanir
gera ráð fyrir að nýta rafmagn frekar
en olíu og þarna finnst okkur vera
tækifæri til að breyta," segir Gísli.
Kostum sjóflutninga
haldið á lofti
Á hafnasambandsþingi er einnig
fjallað um land- og sjóflutninga og for-
svarsmenn hafnanna vilja halda kost-
um sjóflutninga á lofti. „Ég er þeirrar
skoðunar að ákveðin tegund þunga-
flutninga sé skynsamleg á sjónum en
svo eru annarskonar flutningar sem
er eðlilegt að beina á vegina, það fer
m.a. eftir tíðni ferða og afgreiðslu-
tíma,“ segir Gísli og segist hafa trú á
því að sjóflutningar muni að einhverju
leyti verða teknir upp aftur. „Nú er
það svo að öllum er heimilt að fara í
strandflutninga á sjó en augljóslega
væru menn í þeim flutningum ef þeir
væru hagkvæmir,“ segir Gísli og
bendir á að þeim spurningum sé
ósvarað hvort afleiddur kostnaður við
flutninga á vegum sé í réttu hlutfalli
við m.a. slit á vegum og hvernig land-
flutningarnir standi þá gagnvart sjó-
flutningum.
Óreiðuskip vax-
andi vandamál í
höfnum landsins