Morgunblaðið - 13.10.2006, Síða 23

MORGUNBLAÐIÐ FÖSTUDAGUR 13. OKTÓBER 2006 23
AUSTURLAND
Egilsstaðir | „Öll sveitarfélögin níu
skrifuðu undir viljayfirlýsingu um
þátttöku í Vaxtarsamningi fyrir
Austurland“ segir Þorvaldur Jó-
hannsson, framkvæmdastjóri Sam-
bands sveitarfélaga á Austurlandi
(SSA), sem hélt aðalfund sinn nýver-
ið og fjallaði m.a. um Vaxtarsamn-
ing. „Burðarásinn í Vaxtarsamn-
ingnum er atvinnusköpun og horft
sérstaklega til jaðarsvæða, sem
standa utan stærstu áhrifa af stór-
iðjuframkvæmdunum.“
SSA ályktaði um fjölmörg mál-
efni. M.a. um mikilvægi þess að
stjórnvöld viðurkenni aukið álag á
heilbrigðisþjónustuna á Austurlandi,
þar sem verið er að þjónusta allt að
fjögur þúsund starfsmenn við stór-
framkvæmdir í fjórðungnum, að
Norðfjarðargöng og Vopnafjarðar-
göng væru næstu jarðgangakostir á
Austurlandi, nauðsyn þess að Gunn-
arsstofnun á Skriðuklaustri, forn-
leifarannsóknir þar og Þórbergsset-
ur á Hala fái viðunandi opinbert
fjárframlag, nauðsyn áframhaldandi
uppbyggingar símenntunar, há-
skólanáms, fjarnáms á háskólastigi
og rannsóknastarfs í landshlutanum,
auk þess sem Verkmenntaskóla
Austurlands verði að gera kleift að
rækja hlutverk sitt sem kjarnaskóli
iðn- og tæknimenntunar þar sem eft-
irspurn eftir iðnlærðu fólki og með
starfsmenntun sé gríðarmikil á
Austurlandi.
Klárar skyldur við nýbúa
Á aðalfundinum var m.a. haldinn
fyrirlestur um verkefni sem SSA
leiðir og varðar innflytjendur á
Austurlandi. „Það er enn í gangi og
tekur á því hvernig við getum bætt
þjónustu við innflytjendur hér“ segir
Þorvaldur. „Meiningin er svo að
verkefnisstjórn þess skili af sér um
áramótin. Þetta er eitt af stærri
verkefnum sem við erum í og um 30
aðilar sem koma að því. Við erum að
vakna upp við að hafa ekki sinnt
þessu og ljóst að hér er töluverður
fjöldi innflytjenda, ekki bara vegna
virkjunar og stóriðju, heldur stór
hópur af nýbúum í okkar samfélagi
sem við höfum ekki sinnt nægjan-
lega vel. Ríki, sveitarfélög og at-
vinnurekendur hafa klárar skyldur
gagnvart þessu fólki.“
Þá var vöktunarverkefni um sam-
félagsáhrif af stóriðju- og virkjana-
framkvæmdum á Austurlandi kynnt
af hálfu Rannsóknarstofnunar Há-
skólans á Akureyri og Þróunarfélags
Austurlands. „Við lögðum á það
mikla áherslu á sínum tíma þegar
framkvæmdir fóru í gang, að ástand-
ið yrði vaktað. Verkefnið hefur að
okkar mati ekki verið nægjanlega
vakandi og því vildum fá á því kynn-
ingu. Verkefninu á að ljúka árið 2009
en við óskuðum eftir að það yrði
framlengt í nokkur ár til viðbótar.“
SSA veitti Guðjóni Sveinssyni rit-
höfundi á Breiðdalsvík menningar-
verðlaun SSA 2006 á aðalfundinum,
en hann hefur verið mikilvirkur höf-
undur um árabil. Jafnframt var
haldið upp á 40 ára afmæli sam-
bandsins og nýr formaður, Björn
Hafþór Guðmundsson, sveitarstjóri
á Djúpavogi, tók við af Soffíu Lár-
usdóttur, forseta bæjarstjórnar
Fljótsdalshéraðs.
„Það er mjög góður hugur í mönn-
um og mikið af nýju fólki, ásamt auð-
vitað gömlum refum og tófum“ segir
Björn Hafþór. „Mér sýnist að Aust-
firðingar búi vel í þessum efnum eins
og þeir hafa lengi gert.“
Ljósmynd/Andrés Skúlason
Fagnað Fyrrverandi formenn og framkvæmdastjórar Sambands sveitarfé-
laga á Austurlandi fögnuðu 40 ára afmæli samtakanna með fundargestum.
Mikill hugur í austfirskum
sveitarstjórnarmönnum
HÁLSLÓN er nú ríflega 5 km² að
stærð og yfirborðið um 535 m.y.s.
Dýpið næst Kárahnjúkastíflu er
að nálgast 80 metrana og vatnið
að skríða fyrir lokur aðrennslis-
ganga virkjunarinnar út Fljóts-
dalsheiði.
Aðeins er eftir að bora tæpa
500 m af þeim og á að slá í gegn
seint í næsta mánuði.
Jökla sígur jafnt
og þétt í Hálslón
FJARÐABYGGÐ hefur keypt sex
ríkisjarðir í Reyðarfirði vegna
byggingar Fjarðaáls. Land þess
ásamt hafnar- og iðnaðarsvæði
spannar um 110 hektara. Eru þetta
Framnes, Sómastaðir, Sóma-
staðagerði, Flateyri, Hraun og
Hólmar. Kaupverðið er 53 milljónir
króna og er flatarmál jarðanna
samtals tæpir 2200 hektarar.
Fjarðabyggð
kaupir land
Keflavíkurflugvöllur | Mikilvægt
er að vinna hratt að því að koma
olíubirgðastöðinni í Helguvík í
notkun, að mati Guðmundar Pét-
urssonar hjá RV ráðgjöf sem flutti
erindi um atvinnusvæði vestan-
verðu Reykjanesi á skipulagsþingi
Reykjanesbæjar í gær.
Guðmundur sagði fundarmönn-
um frá þeim miklu mannvirkjum
sem varnarliðið skildi eftir og
þeim tækifærum sem þau gæfu til
atvinnusköpunar.
Olía í leiðslunum
Nefndi hann að Helguvíkurhöfn
og olíubirgðastöðin hefði kostað 11
milljarða króna. Leiðslur væru
upp á vallarsvæðið og væri hægt
að nota þær fyrir þrjár tegundur
eldsneytis, bensín og dísilolíu, auk
flugvélaeldsneytis. Tankarnir
tækju 175 milljónir lítra sem er
helmingur af ársnotkun lands-
manna á olíu. Hann sagði að leiðsl-
urnar væru ekki nema um 500
metra frá flugstöðinni á Keflavík-
urflugvelli og ætti að vera hægt að
tengja þær þangað með tiltölulega
litlum tilkostnaði.
Guðmundur gat þess að í leiðsl-
unum væri 1,4 milljón lítrar af
eldsneyti sem biðu eftir því að
vera dælt áfram.
Mikilvægt
að nýta
olíustöðina
Keflavík | Sýning á munum úr
pappamassa verður í Gömlu búð í
Keflavík næstkomandi sunnudag.
Stuðningsfulltrúar á Suðurnesjum
hafa verið á námskeiði um listræna
sköpun í skólastarfi. Námskeiðin
voru haldin í Fjölbrautaskóla Suð-
urnesja.
Meðal þess sem tekið hefur verið
fyrir er vinna úr pappamassa og hef-
ur Sveindís Valdimarsdóttir leið-
beint í þessum hluta námskeiðsins
ásamt Milenu Kalambura. Þær hafa
staðið að þróunarverkefni með
pappamassa í gamla slippnum í
Innri-Njarðvík.
Nemendur og leiðbeinendur
sýndu afrakstur námskeiðsins í hell-
inum við smábátahöfnina í Keflavík
á dögunum. Fyrirhugað er að end-
urtaka sýninguna og verða verkin til
sýnis í Gömlu búð, einu Duushús-
anna í Keflavík, næstkomandi
sunnudag á milli klukkan 14 og 18.
Sýna muni
gerða úr
pappamassa
SUÐURNES
Reykjanesbær | Gefin hafa verið út
467 byggingaleyfi í Reykjanesbæ,
það sem af er ári. Það sem af er
þessum mánuði hafa verið gefin út
133 leyfi. Útlit er fyrir að fram-
kvæmdir verði hafnar við um 500
íbúðir á árinu, heldur fleiri en á síð-
asta ári. Kom þetta fram á fyrsta
skipulagsþingi Reykjanesbæjar.
Umhverfis- og skipulagssvið
Reykjanesbæjar stendur fyrir
skipulagsþingi sem hófst í gær og
lýkur í dag. Markmið þess er að
fara yfir árangur síðustu ára, taka
út stöðuna í dag og líta til framtíðar.
Íbúum fjölgar ört
Fram kom í ávarpi Steinþórs
Jónssonar, formanns umhverfis- og
skipulagsráðs, að nú er verið að
byggja upp þrjú ný íbúðarhverfi,
Tjarnahverfi, Dalshverfi og Ása-
hverfi, auk þess sem töluvert er
byggt í eldri hverfum. Samtals eru
því um 1800 íbúðir í vinnslu.
Viðar Már Aðalsteinsson, fram-
kvæmdastjóri umhverfis- og skipu-
lagssviðs, sagði að skipulögð hafi
verið hverfi fyrir um 8000 manna
byggð en ekki væri hægt að segja
til um hversu hratt þau byggðust
upp. Viðar gat þess að íbúum hefði
fjölgað um 4% á síðasta ári og útlit
væri fyrir svipaða fjölgun í ár. Ef
þessi þróun héldi áfram yrðu þessi
svæði fullbyggð og Reykjanesbær
orðinn 20 þúsund manna bær á
árinu 2020.
Steinþór gat um gagnrýni á
stjórnendur bæjarins fyrir að fara
of geyst í uppbyggingu nýrra hverfa
en þeir hafi haldið sínu striki og
muni gera það áfram. „Ástæðan er
sú að við höfum trú á verkefninu og
farsælli framtíð bæjarfélagsins.“
Steinþór taldi að þróunin myndi
halda áfram og fljótlega kæmi að
því að nýtt Stapahverfi yrði komið í
notkun. Tækifæri muni skapast í
tengslum við uppbyggingu nýja
akstursíþróttasvæðisins MotoPark
og uppbyggingu verslunar og þjón-
ustu á Landi tækifæranna við
Reykjanesbraut. Loks nefndi hann
ný tækifæri og íbúðahverfi handan
Reykjanesbrautar með tilkomu
nýrra gatnamóta við enda tvöfaldr-
ar Reykjanesbrautar.
Stefnir í að gefin verði út
500 byggingarleyfi í ár
Morgunblaðið/Helgi Bjarnason
Góð þátttaka Fjöldi fólks sótti fyrsta skipulagsþing Reykjanesbæjar, m.a.
stjórnendur og starfsfólk bæjarins auk þeirra sem vinna að skipulagsmálum.