Morgunblaðið - 14.10.2006, Blaðsíða 4

4 LAUGARDAGUR 14. OKTÓBER 2006 MORGUNBLAÐIÐ
FRÉTTIR
Heimsferðir bjóða ótrúlegt tilboð á síðustu sætunum til Benidorm
19. október í 1 eða 2 vikur. Þú bókar og tryggir þér sæti og 4 dögum
fyrir brottför færðu að vita hvar þú gistir. Gríptu tækifærið og tryggðu
þér sumarauka á frábærum kjörum á einum vinsælasta sumarleyfisstað
Íslendinga.
Skógarhlíð 18 • sími 595 1000 • www.heimsferdir.is
Stökktu til
Benidorm
19. október
frá kr. 29.990 m.v. 2
Allra síðustu sætin
Verð kr. 29.990
Netverð á mann, m.v. 2-4 í herbergi/stúdíó
/íbúð í viku, 19. október.
Aukavika kr. 12.000.
Munið Mastercard
ferðaávísunina
SAMTÖK atvinnulífsins áætla að
áhrif skattalækkana á verð matvæla
séu um 11% og matvælaútgjöld með-
alheimilis lækki um 70.000 kr. á ári,
ef óljósar hugmyndir um tollalækk-
anir eru undanskildar. Gert er ráð
fyrir að tekjutap ríkissjóðs verði um
sjö milljarðar króna á ári og að vísi-
tala neysluverðs lækki um 1,9%
vegna verðlækkunarinnar.
„Þrátt fyrir að þessi álagning
þessa skatts, sem nefnist vörugjald,
sé margfalt víðtækari en í öðrum
löndum virðist ekki hafa náðst sam-
staða í ríkisstjórninni um afnám
hans af öllum matvælum. Það eru
vonbrigði að ekki skyldi vera sam-
staða um að fella þessa brenglandi
skattheimtu alfarið niður þar sem í
því hefði falist kærkomin tiltekt í úr-
eltu skattkerfi, óbeinn ávinningur
fyrir neytendur í formi lækkunar á
samkeppnisvörum og niðurfelling
flókins skrifræðiskerfis…,“ segir
m.a. á vef SA, þar sem fjallað er um
skatta- og tollalækkunina.
Tollvernd meginskýringin
Fram kemur að með lækkun virð-
isaukaskatts í 7% á matvæli sé Ís-
land komið í hóp ríkja sem leggi
lægstan skatt á matvæli og hvergi
muni meira á almenna þrepinu og
matarþrepinu og hér nema í Bret-
landi þar sem enginn vsk. sé á mat-
vælum.
„Það kom skýrt fram í skýrslu for-
manns matvælaverðlagsnefndarinn-
ar sl. sumar að meginástæðan fyrir
háu verðlagi á matvælum á Íslandi
liggur í tollvernd innlendrar kjöt- og
mjólkurafurða og brenglandi áhrif-
um vörugjalda og mishárrar álagn-
ingar VSK á matvæli. Aðrir þættir
eins og launastig og lega landsins
hafa vissulega áhrif en með afnámi
tolla og vörugjalda mætti koma mat-
arverði niður á sama stig og í Finn-
landi og Svíþjóð, án þess að lækka
núverandi lægra þrep VSK. Stjórn-
völd hafa valið aðra og kostnaðar-
samari leið sem felur það í sér að
æskilegum breytingum í íslenskum
landbúnaði, m.a. að færa hann undan
forsjá ríkisins, er slegið á frest um
óákveðinn tíma,“ segir ennfremur.
Matvælaútgjöld lækka
um 70 þúsund krónur
Morgunblaðið/Ásdís
Eftir Andra Karl
andri@mbl.is
HÉRAÐSDÓMUR Reykjavíkur hefur hafnað frá-
vísunarkröfu íslenska ríkisins vegna máls á hend-
ur þess. Í málinu er farið fram á að úrskurður
skattstjórans í Reykjavík, vegna álagningar
tekjuskatts og útsvars stefnanda, verði felldur úr
gildi, og ef dæmt verður stefnanda í hag getur rík-
ið ekki skattlagt þann hluta lífeyrisgreiðslna sem
felur í sér vexti, verðbætur og aðra ávöxtun inn-
borgaðs iðgjalds nema með 10% skatti, eins og
gengur og gerist með fjármagnstekjur.
Stefnandi, sem er ellilífeyrisþegi, heldur því
fram að líta verði svo á að auk þess að fá með líf-
eyrisgreiðslum endurgreiddar iðgjaldagreiðslur
sínar til sjóðsins fáist einnig greiddir vextir, verð-
bætur og önnur ávöxtun iðgjaldagreiðslnanna
sem lífeyrissjóðurinn hefur haft með höndum. Þar
sé því um að ræða fjármagnstekjur sem bera eigi
10% skatt en ekki 38,45% eins og nú er. Telur
stefnandi að hér sé um að ræða fyrirkomulag á
skattheimtu sem brjóti í bága við 65. og 72. grein
stjórnarskrárinnar og 1. gr. viðauka nr. I við
Mannréttindasáttmála Evrópur sbr. 14. gr. sátta-
málans. Um sé að ræða ólögmæta mismunun á
milli þeirra sem verði að greiða 38,45% tekjuskatt
af ávöxtunarhluta lífeyrisgreiðslna og hinna sem
ekki þurfi að greiða nema 10% tekjuskatt af fjár-
magnstekjum.
Stefnandi kærði álagningu á tekjur sínar á
árinu 2004 til skattstjórans í Reykjavík. Fór hann
fram á að álagning tekjuskatts og útsvars yrði
felld niður að því leyti, sem með henni var lagður
25,75% tekjuskattur og 12,70% útsvar á tekjur
hans, sem rekja má til þess hluta greiðslna hans
úr lífeyrissjóði sem var umfram innborgað iðgjald,
að teknu tilliti til skerðingar á grundvelli sam-
þykkta lífeyrissjóðsins vegna samtryggingar, og
fól í sér fjármagnstekjur í formi vaxta, verðbóta
og annarrar ávöxtun innborgaðs iðgjalds í lífeyr-
issjóðinn. Skattstjórinn hafnaði kröfum stefnand-
ans og vísaði til laga um lífeyrisréttindi þar sem
m.a. segir: „Tekjur þessar [koma] ekki til skatt-
lagningar fyrr en við útborgun á lífeyri og teljast
þær þá til tekna … og skattlegjast í almennu
skatthlutfalli en ekki sem fjármagnstekjur“.
Talið er að einstaklingar hafi að jafnaði 2/3
hluta lífeyris sem aukningu ofan á innborgað ið-
gjald, sem sé þá ávöxtunarhlutfall. Miklar kjara-
bætur myndu því felast í breytingum af þessu
tagi. Málið verður tekið fyrir í héraðsdómi í nóv-
ember. Jónas Þór Guðmundsson hdl. flutti málið
fyrir stefnanda en Einar K. Hallvarðsson hrl. fyrir
ríkið.
Dómstólar munu fjalla
um skattlagningu lífeyris
Í HNOTSKURN
»Stefnandi höfðaði fyrst mál í október2002 og gerði þá kröfu um að álagningu
tekjuskatts og útsvars vegna tekjuársins
2001 yrði felld úr gildi.
»Málinu var vísað frá dómi í héraðsdómiReykjavíkur og Hæstiréttur staðfesti
ákvörðunina í febrúar 2004.
»Krafan hefur nú verið skilgreind frekarog héraðsdómur ákveðið að taka málið
fyrir. Aðalmeðferð fer fram um miðjan nóv-
ember og dómur gæti fallið fyrir áramót.
ÞAÐ var enginn æsingur í þessum grágæsum sem
syntu rólegar um í veðurblíðunni á dögunum.
Þær gætu þurft að leita skjóls nú um helgina því spáð
er stormi, í það minnsta sunnan til á landinu og rign-
ingu víða. Sjálfsagt láta þær þó veðrið ekki mikið á sig
fá enda ýmsu vanar.
Morgunblaðið/Ómar
Á sundi í veðurblíðunni
RJÚPNAVEIÐITÍMABILIÐ hefst
á morgun, sunnudag, og stendur til
30. nóvember. Áframhaldandi sölu-
bann er á rjúpu og
rjúpnaafurðum og
sömuleiðis stend-
ur enn óhögguð sú
ákvörðun um-
hverfisráðherra að
friða svæði á
Reykjanesskaga.
Ennfremur hefur
ráðherra ákveðið
að halda áfram
hvatningarátaki
meðal veiðimanna
um hófsamlegar og ábyrgar veiðar.
Ekki eru heimilaðar rjúpnaveiðar á
mánudögum, þriðjudögum og mið-
vikudögum.
Umhverfisstofnun hvetur veiði-
menn til að sýna áfram hófsemi og
veiða ekki meira en hver þarf fyrir
sig og sína. Til þess að markmið
veiðistjórnunar náist á komandi
rjúpnaveiðitímabili þurfa allir veiði-
menn að axla sameiginlega ábyrgð
og veiða hóflega. Samkvæmt veiði-
tölum síðasta árs eru enn veiðimenn
sem veiða langt umfram þau tilmæli.
Rjúpnaveiði-
tímabilið
að hefjast
Rjúpan fær frið
þrjá daga í viku.
LANDSFUNDUR Vinstrihreyfing-
arinnar – græns framboðs verður
haldinn 23. – 25. febrúar á næsta ári
á Grand Hóteli í Reykjavík. Vegna
komandi alþingiskosninga var
ákveðið að flýta landsfundi, sem er
alla jafna haldinn að hausti til.
Landsfundurinn mun að sjálf-
sögðu bera sterk merki þessa og
verða þar mótaðar og kynntar mál-
efnaáherslur fyrir komandi kosning-
ar, segir í fréttatilkynningu frá
Vinstri grænum.
Landsfundur
VG haldinn
í febrúar
HÉRAÐSDÓMUR Vestfjarða hefur
dæmt egypskan karlmann á fertugs-
aldri til greiðslu 120 þúsund króna
fyrir brot á lögum um útlendinga og
brot á lögum um atvinnuréttindi út-
lendinga, lögum um verslunaratvinnu
og lögreglusamþykkt Ísafjarðarbæj-
ar.
Í málinu voru einnig gerðar upp-
tækar 19.400 krónur.
Manninum var gefið að sök að hafa
dvalið á Íslandi í atvinnuskyni frá 18.
september sl. til 30. september, en 29.
og 30. þess mánaðar stundaði hann
farandsölu á Ísafirði án atvinnuleyfis
og án leyfis lögreglustjóra.
Erlingur Sigtryggsson dómstjóri
kvað upp dóminn.
Kristín Völundardóttir, settur
sýslumaður, flutti málið af hálfu
ákæruvaldsins.
Sekt fyrir
farandsölu
án leyfis
♦♦♦
LÖGREGLAN í Kópavogi leysti upp
skemmtanahald í heimahúsi í bæn-
um upp úr miðnætti aðfaranótt
föstudags vegna gruns um fíkniefna-
misferli.
Við húsleit fannst nokkuð af hassi
og lítilræði af amfetamíni, talið til
einkaneyslu, að sögn lögreglu. Átta
manns á aldrinum 16–27 ára voru
færðir á lögreglustöð til skýrslutöku,
þar af voru tvær stúlkur undir lög-
aldri. Hringt var í foreldra þeirra og
þeir fengnir til að sækja börn sín.
Öðrum var sleppt að lokinni skýrslu-
töku og telst málið upplýst.
Fíkniefni í
heimahúsi
♦♦♦