Morgunblaðið - 14.10.2006, Blaðsíða 60

ÁSKRIFT-AFGREIÐSLA 569 1100 LAUGARDAGUR 14. OKTÓBER 287. DAGUR ÁRSINS 2006 VERÐ Í LAUSASÖLU 220 KR. MEÐ VSK.
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
 SV- og V-átt,
10–18 m/sek.
Skúrir, hvassast
við austurströnd-
ina, léttir til norðanlands.
Lægir í kvöld. » 8
Heitast Kaldast
14°C 6°C
MISSKILNINGS gætir enn meðal
almennings, nemenda og kennara
annarra skóla, um hlutverk Lands-
bókasafns – Háskólabókasafns, tólf
árum eftir stofnun þess í Þjóð-
arbókhlöðu. „Eftir opnunina héldu
margir að um væri að ræða nýtt og
betra borgarbókasafn, streymdu að
og spurðu hvar barnakrókurinn
væri,“ segir þjónustusviðsstjóri.
Það hafi reyndar lagast. Hins vegar
nýti aðrir skólar og nemendur safn-
ið eins og það væri þeirra eigið. „En
í lögum stendur að við séum safn
Háskóla Íslands. Þess vegna veitum
við nemendum HÍ forgang, við tök-
um frá lessæti fyrir þá á próftíma
og þeir greiða ekki fyrir safn-
skírteini. Þetta hefur valdið úlfúð
meðal nemenda annarra skóla –
fólk skilur þetta ekki.“
Sigrún Klara Hannesdóttir,
landsbókavörður, segir í viðtali í
Lesbók Morgunblaðsins í dag að
safnið gæti vel hugsað sér að verða
eins konar Rannsóknabókasafn Ís-
lands, sem þjónaði nemendum og
kennurum allra háskóla, en til þess
þyrfti skilgreint fé. Sem stendur
leggi HÍ einn fé til fræðibókakaupa
safnsins og það fé hrökkvi ekki einu
sinni fyrir kostuppbyggingu skól-
ans sjálfs.
Morgunblaðið/ÞÖK
Óljóst hlutverk
bókasafnsins
OSTA- og smjörsalan misnotaði
markaðsráðandi stöðu sína gagn-
vart Mjólku við sölu á und-
anrennudufti, að mati Samkeppn-
iseftirlitsins og braut þannig
gegn samkeppnislögum.
Samkeppniseftirlitið telur að
undanþága sem mjólkursamlög
njóta frá ákvæðum samkeppn-
islaga sé skaðleg og beinir þeim
tilmælum til landbúnaðarráð-
herra að hann beiti sér fyrir því
að afnema verð- og magntolla á
mjólkurduft og eins að afnema
ákvæði laga varðandi samráð og
samruna afurðastöðva í mjólk-
uriðnaði. Þá segir í áliti Sam-
keppniseftirlitsins að innkoma
Mjólku á markaðinn sýni að auk-
in samkeppni geti bætt bæði hag
neytenda og bænda.
Framkvæmdastjóri Mjólku seg-
ir þetta vera mikinn sigur og
undirstriki að það sem fyrirtækið
hafi bent á sé hárrétt. | 16
Undanþága mjólk-
ursamlaga skaðleg
TVEIR menn slösuðust í vinnuslysi
í nágrenni Hvolsvallar í gær og
voru fluttir til Reykjavíkur með
sjúkrabifreiðum. Annar þeirra
hafði fallið 3 metra úr kari á lyftara
og þurfti aðhlynningu augnlæknis
en meiðsli hans voru ekki alvarlegs
eðlis að sögn læknis á slysadeild
Landspítalans í Fossvogi. Hinn
maðurinn hlaut einnig minniháttar
áverka.
Slösuðust í vinnu-
slysi við Hvolsvöll
Eftir Hjálmar Jónsson
hjalmar@mbl.is
ÁKVÖRÐUN stjórnar Elkem um að
flytja framleiðslu á magnesíumkísil-
járni hingað sýnir þá möguleika sem
fólgnir eru í orkufrekum iðnaði hér á
landi, að mati Ingimundar Birnis,
forstjóra Íslenska járnblendifélags-
ins.
Flutningurinn, sem háður er sam-
þykki Orkla, eiganda Elkem, þýðir
að fjörutíu ný störf verða til hjá fyr-
irtækinu, til viðbótar við þau 200 sem
fyrir eru hjá því og dótturfyrirtækj-
um þess. Velta fyrirtækisins eykst
jafnframt um 3,5 milljarða króna við
breytinguna, sem gert er ráð fyrir að
verði komin til framkvæmda í febr-
úar 2008. Jafnframt þarf að leggja í
þriggja milljarða króna fjárfestingar
á Grundartanga, en framleiðsla á
magnesíumkísiljárni kallar ekki á
aukna raforkunotkun.
Ingimundur sagði að fjárfest yrði í
bestu fáanlegri tækni til framleiðsl-
unnar. Þarna væri ekki um það að
ræða að flytja verksmiðju milli landa
heldur væri verið að flytja afurð á
milli landa og verðmætasköpun fyr-
irtækisins myndi aukast verulega við
það án þess að raforkunotkunin yk-
ist. „Við munum nota fljótandi málm
frá einum af ofnunum og það þýðir í
rauninni að við erum að auka virð-
isaukann fyrir hverja einingu af orku
sem við tökum inn í fyrirtækið,“
sagði Ingimundur.
Hann sagðist ekki reikna með að
verksmiðjan þyrfti umhverfismat
eða nýtt starfsleyfi vegna þessara
breytinga á framleiðslunni. Þau
teldu meira að segja að umhverfis-
málin yrðu í enn betra horfi en þau
væru í dag. Hins vegar þyrfti að
sjálfsögðu að taka upp viðræður við
stjórnvöld vegna þessa, en að auki
þyrfti að endurnýja starfsleyfi fyr-
irtækisins, almennt séð, árið 2009.
Ingimundur segir að undirbúning-
ur breytingarinnar sé þegar hafinn
hjá fyrirtækinu, en hún sé til þess
fallin að auka til muna stöðugleika í
rekstrinum.
„Ef maður hugsar um orkufrekan
iðnað á Íslandi þá er þetta dæmi um
þau tækifæri sem liggja í honum og
þá er ég ekki bara að tala um Járn-
blendifélagið,“ sagði Ingimundur
ennfremur.
Ákvörðun Elkem sýnir mögu-
leika orkufreks iðnaðar hér
Í HNOTSKURN
»Sérframleiðsluhlutfallverksmiðjunnar á Grund-
artanga var 15% 2000, en verð-
ur komið í 85% 2008.
» Magnesíumkísiljárniðverður meðal annars notað
til að steypa blokkir í bílvélar.
» Reist verður nýtt deiglu-verkstæði, en að öðru leyti
nýtt sú aðstaða sem fyrir er.
40 störf skapast vegna framleiðslu magnesíumkísiljárns á Grundartanga 2008
ÞAÐ ER hverjum manni nauðsynlegt að hreyfa
sig og ekki síður hundum. Beagle-hundurinn
Gletta er í pössun hjá vini sínum Haraldi Guðna
Viðarssyni og þau nýttu sér haustblíðuna á Ak-
ureyri nýlega til að fara út og viðra sig. Sagt er
um Beagle-hunda að þeir séu kátir og hug-
rakkir, orkumiklir, ákveðnir og góðir veiði-
hundar.
Glettu þykir augljóslega gaman að hlaupa um
í föllnu laufinu og sperrir sig á hlaupunum. Har-
aldur Guðni hefur þó á henni gott taumhald og
sér til þess að hún haldi sig við hlið hans.
Ljósmynd/Ragnhildur Aðalsteinsdóttir
Glettilega gaman að vera saman
HÉRAÐSDÓMUR Reykjavíkur úrskurðaði í gær
að tekin yrði til efnislegrar meðferðar krafa lífeyr-
isþega um að sá hluti lífeyris sem myndast hefur í
formi vaxta, verðbóta og með annarri ávöxtun skuli
bera 10% fjármagnstekjuskatt en ekki 38,45% tekju-
skatt. Íslenska ríkið hafði krafist frávísunar málsins.
Þetta hefur verið baráttumál lífeyrisþega, en talið
er að um 2/3 lífeyris hafi myndast með þessum hætti.
Friðgeir Björnsson kvað upp úrskurðinn.
„Líta verður svo á að auk þess að fá með lífeyr-
isgreiðslum endurgreiddar iðgjaldagreiðslur til
sjóðsins fáist einnig greiddir vextir, verðbætur og
önnur ávöxtun iðgjaldagreiðslnanna sem lífeyris-
sjóðurinn hefur haft með höndum, þar sé því um að
ræða fjármagnstekjur sem bera eigi 10% en ekki
38,45% eins og nú er,“ segir m.a. í forsendum máls-
ins.
Stefnandi telur að um sé að ræða skattheimtu sem
brjóti í bága við stjórnarskrána og Mannréttinda-
sáttmála Evrópu. Um sé að ræða ólögmæta mis-
munun á milli þeirra sem verði að greiða 38,45%
tekjuskatt af ávöxtunarhluta lífeyrisgreiðslna og
hinna sem ekki þurfi að greiða nema 10% tekjuskatt
af fjármagnstekjum.

Lækka | 4
Skattlagning lífeyris tekin til
meðferðar hjá dómstólum
Morgunblaðið/Kristinn
Skattheimta Stefnandi telur að skattheimtan
brjóti í bága við stjórnarskrána.