Morgunblaðið - 24.10.2006, Side 40
|þriðjudagur|24. 10. 2006| mbl.is
Staðurstund
Verk Valgerðar Hauksdóttur
myndlistarmanns á yfirlitssýn-
ingu á verkum hennar í Hafn-
arborg sem nú stendur yfir,
spanna meira en 20 ár af ferli
hennar. » 45
myndlist
Mýrin, kvikmynd Baltasars
Kormáks eftir samnefndri
skáldsögu Arnalds Indr-
iðasonar, sló öll met í íslenskum
bíóhúsum um helgina, enda
afbragð að margra mati. » 42
bíó
Gamla rokkkempan Chuck
Berry lætur ekki deigan síga
þrátt fyrir háan aldur. Hann
varð áttræður þann 19. október
síðastliðinn og rokkar enn af
miklum móð. » 49
fólk
Arnar Eggert Thoroddsen rekur
síðasta kvöld Iceland Airwaves-
tónlistarhátíðarinnar á sunnu-
dag – kvöld sem margir telja
þynnkukvöld, en reyndist vera
stórskemmtilegt. » 41
tónlist
„[Þ]að vekur óneitanlega at-
hygli hvað útkoman er gam-
aldags.“ Þorgeir Tryggvason
fjallar um uppfærslu Cinnober
Teater á Suzannah eftir Jon
Fosse. » 43
leiklist
Eftir Ingveldi Geirsdóttur
ingveldur@mbl.is
Ítilefni af Kanadískri menning-arhátíð í Kópavogi var opnuðnýlega sýning á inúítalist íGerðarsafni. Gripirnir á sýn-
ingunni eru allir fengnir frá Þjóð-
listasafninu í Québec og kom for-
stöðumaður þess, dr. John R.
Porter, hingað til lands til að vera
viðstaddur opnunina.
„Fyrir einu ári keypti Þjóð-
listasafnið frábært einkasafn af
inúítalist sem Raymond Brousseau
hafði safnað síðan 1956. Þetta er sér-
stakt safn sem var byggt upp af ein-
um manni og sýnir sögu listarinnar. Í
því eru 2635 verk frá öllum nyrstu
svæðum Kanada, þar af 2107 högg-
myndir. Hér á sýningunni á Íslandi
eru 110 verk úr þessu safni, þau eru í
senn fjölbreytt og dæmigerð og vitna
um sköpunargáfu þjóðar sem lifir og
hrærist í djúpri virðingu fyrir nátt-
úrunni. Í byrjun seinustu aldar leit
fólk á þessa list sem viðfang þjóðfræði
en ekki lengur, hún er algjörlega list-
ræn,“ segir Porter og bætir við að
sýningin hér á landi sé sú fyrsta úr
þessu safni fyrir utan Kanada.
Mikil fjölbreytni
„Allir gripirnir á sýningunni eru
unnir á seinni helmingi tuttugustu
aldar og eru mismunandi eftir svæð-
um. Heimskautasvæði Kanada, lönd
inúíta, eru í norðvesturhlutanum,
þar sem heitir Nunavut, Nunatsia-
vut og Nunavik. Í þessum víðernum
búa um 51 þúsund manns. Byggðin
er dreifð og skiptist í um fimmtíu
samfélög og fjarlægðin á milli sumra
þeirra er þúsundir kílómetra. Nokk-
ur munur er á menningu þessara
svæða, mismikill þó. Engu að síður
tengir sameiginlegur uppruni þessa
hópa og það sést í list þeirra. En það
er mikil fjölbreytni og hver lista-
maður hefur sín sérkenni. Á sýning-
unni hér eru verk nokkurra lista-
manna og hver og einn er sérstakur
en þeir eru samt að fást við sama
viðfangsefnið sem er lífið í Kanada.“
Listin fjallar um lífið
Aðspurður hvort það gæti áhrifa
frá hvítum mönnum í list þeirra seg-
ir Porter svo ekki vera. „Þegar þú
skoðar inúítalist þá er lítið fjallað um
hvíta manninn sem kom að sunnan,
þau eru að fást við sitt daglega líf í
listinni; hefðir, goðsagnir, börn, trú
og fólkið. Listin fjallar um hvernig
þeir lifa. Inúítar voru alltaf á ferð-
inni en um miðja 20. öld fóru þeir að
setjast að í sérstökum þorpum, þá
voru líka komin áhrif frá hvíta
manninum inn í lifnaðarhætti þeirra.
Þá varð það þeim mikilvægt að und-
irstrika einkenni sín og það kemur
fram í listinni. Áhrif hvíta mannsins
koma helst fram í stærð gripanna en
inúítar voru á faraldsfæti og gátu
ekki íþyngt sér með þungum hlut-
um. Þegar þeir komust í kynni við
hvíta menn á 18. öld þróaðist list-
gerðin frekar og varð að gjaldmiðli
og þá fóru gripirnir stækkandi.“
Spurður út í framtíð inúítalistar
segir Porter að það verði alltaf
inúíta-listamenn sem muni halda
áfram að skapa á rótum forfeðranna
en í samruna við aðra list. „Það mun
alltaf verða þessi mikla virðing fyrir
upprunanum og hefðinni en það eru
líka mjög nútímalegir listamenn
meðal inúíta, fólk er farið að sjá
muninn á minjagripum sem það
kaupir á flugvöllum og alvöru inúíta-
list. En miðað við fjölda inúíta í Kan-
ada er þar að finna mjög marga
myndhöggvara og frjóa listsköpun,
svo framtíðin er björt,“ segir Porter
að lokum.
Sýningin stendur yfir í Gerð-
arsafni til 10. desember en ásamt
skúlptúrum inúíta má þar sjá verk
eftir Carl Beam sem fjallar um
menningararfleifð indíána og Myron
Zabol sem sýnir sviðsettar portrett-
ljósmyndir af Írókesa-indíánum.
Morgunblaðið/Brynjar Gauti
Uppruninn Verkið Hvalfangarar eftir Ross Kayotak, gert úr serpentín, hreindýrshorni og leðri árið 1998.
Frjó listsköpun
meðal inúíta
í Kanada
Inúítar Dr. John R. Porter stendur hér í Gerðarsafni við verkið Veiðimað-
ur með boga frá Þjóðlistasafninu í Québec í Kanada.
SÖNGVAKEPPNI Sjónvarpsins verður hald-
in af Sjónvarpinu í samvinnu við framleiðslu-
fyrirtækið BaseCamp með undankeppni og
lokakeppni í janúar og febrúar á næsta ári.
Tilgangur keppninnar er að velja það lag sem
verður framlag Íslands í forkeppni evrópskra
sjónvarpsstöðva 2007 sem fram fer í Finn-
landi í maí.
Nú hefur verið auglýst eftir lögum til þátt-
töku í hinni íslensku keppni. Þeir sem hyggj-
ast taka þátt í henni hafa tæpan mánuð til að
skila inn lögum til BaseCamp en umsókn-
arfresturinn er til 16. nóvember. Innsend lög
skulu vera ný og áður óútgefin verk og mega
vera hámark þrjár mínútur að lengd. Má
hver höfundur senda inn að hámarki þrjú lög.
Söngtextinn skal vera á íslensku.
Eins og flestum er í fersku minni stóð
Silvía Nótt uppi sem sigurvegari Söngva-
keppni Sjónvarpsins 2006. Það voru hins veg-
ar hinir stórgerðu rokkarar í Lordi sem
tryggðu Finnum sigurinn í Söngvakeppni
evrópskra sjónvarpsstöðva.
Auglýst eftir lögum til þátttöku í Evróvisjón
Silvía Nótt Hin óútreiknanlega Silvía Nótt lenti í 13. sæti í und-
ankeppni Söngvakeppni evrópskra sjónvarpsstöðva í fyrra.
Morgunblaðið/Eggert
Skrímslarokk Skyldi skrímslarokk í anda Lordi verða áberandi í
Söngvakeppni Sjónvarpsins sem fram fer í upphafi næsta árs?