Morgunblaðið - 23.11.2006, Blaðsíða 17
MORGUNBLAÐIÐ FIMMTUDAGUR 23. NÓVEMBER 2006 17
bus á þriggja mánaða fresti. Sá
stjórnunarstíll er ástæða þess
slæma vanda sem fyrirtækið á nú
við að glíma,“ höfðu franskir fjöl-
miðlar eftir háttsettum heimildar-
mönnum.
Hvað gerist hjá Peugeot?
Sérfræðingar segja að starfsmenn
PSA Peugeot-Citroën megi eiga
von á því að Streiff gangi jafn
röggsamlega og hiklaust til verka
þar á bæ. Þó er bent á að Peugeot
hafi nýlega tekið ákvarðanir um
hagræðingaraðgerðir til að auka á
skilvirkni en þó ekki gengið eins
langt í róttækum niðurskurði
kostnaðar og blasti við hjá Airbus.
Sérfræðingur UBS-bankans í
London segir að fjárfestar myndu
taka róttækum ráðstöfunum af
hálfu Streiff hjá Peugeot vel.
Hvorki sé þó um að ræða neinn
augljósan ofvöxt til að sníða af fyr-
irtækinu né óskilvirkni til að ráðast
gegn.
Samkvæmt ráðstöfunum sem
Peugeot kynnti í september til að
auka skilvirknina verður hemill
settur á stjórnunarkostnað og
starfsmönnum í bílsmiðjum þess í
Evrópu fækkað um 10.000 manns.
Ennfremur að kjarnamódelin í bíla-
framleiðslunni verði endurnýjuð og
uppfærð hraðar en verið hefur,
ásamt því að frá og með árinu 2009
var boðuð smíði sex nýrra bíla af
tegundum sem ekki hafa látið til
sín taka á markaðnum.
Í hlut Streiff kemur að reyna að
auka bílasölu á ný en í ár er í
fyrsta sinn í sjö ár útlit fyrir að bíl-
smiðjur Peugeot starfi ekki með
fullum afköstum. Fyrirtækið er þó
ekki jafn illa statt og Airbus kann
að vera. Nýi 207-bíllinn hefur hlotið
góðar viðtökur og stóri bróðir hans,
308-bíllinn, er á lokastigi þróunar
en talsverðar vonir eru einnig
bundnar við hann.
„Arftaki Folz tekur í raun við til-
tölulega heilbrigðu búi. Hann þarf
þó að ganga rösklega til verks við
niðurskurð kostnaðar,“ segir Steve
Cheetham, sérfræðingur hjá San-
ford Bernstein.
Þarf samþykki fjölskyldunnar
Peugeot hefur sneitt hjá samruna
við önnur fyrirtæki en kosið fremur
að stofna til samstarfs um þróun,
smíði og hönnun við nær alla keppi-
nauta sína. Þar hefur ráðið sá vilji
Peugeot-fjölskyldunnar að fyrir-
tækið haldi velli sem sjálfstæður
framleiðandi. Þótt framundan virð-
ist frekari uppstokkun og samruni
bílafyrirtækja að mati sérfræðinga
mun Streiff ekki fá þessu breytt
nema með samþykki fjölskyldunnar
en fimm fulltrúar hennar sitja í
stjórn PSA og ráða þeir yfir 45%
hlutafjár samsteypunnar. Spurning
þykir hins vegar hvort Peugeot sé
nógu stórt til að halda velli og vera
samkeppnisfært til frambúðar. Það
muni örugglega koma til kasta
Streiff að meta það.
Seint mun skýrast hvort einhver
tengsl séu á milli uppsagnar Streiff
hjá Airbus og hins nýja starfs en
rétt áður en Streiff sagði upp
komst sá orðrómur á kreik í
frönsku pressunni, að hann væri að
búa sig undir brottför frá Airbus til
að taka við Peugeot-Citroën.
Viðskiptablaðið La Tribune hélt
því fram að hann væri farinn að
leita sér að annarri vinnu. Sagðist
það hafa heimildir fyrir því að hann
hefði átt fund með nokkrum afkom-
endum Peugeotanna um að taka við
af Jean-Martin Folz er hann hætti í
byrjun nýs árs. Atburðarásin varð
einfaldlega mun hraðari en blaðið
þóttist sjá fyrir sér.
agas@mbl.is
flísar
Stórhöfða 21, við Gullinbrú,
sími 545 5500.
www.flis.is ● netfang: flis@flis.is
Allt fyrir baðherbergið
FJÁRMÁLAEFTIRLITIÐ hefur
gefið út nýja útgáfu af leiðbein-
andi tilmælum um efni starfs-
reglna stjórna fjármálafyrirtækja.
Í tilmælunum, sem hafa verið
birt á vef FME, er gerð sú krafa
að fjármálafyrirtæki leggi fyrir
ytri endurskoðanda að fara yfir
fyrirgreiðslur til venslaðra aðila
og bera saman við sambærileg við-
skipti annarra viðskiptavina. Sam-
kvæmt tilmælunum skal ytri end-
urskoðandi jafnframt gefa
rökstutt álit um kjör, endursamn-
inga og stöðu viðkomandi aðila
gagnvart fyrirtækinu, þ.e. hvort
„armslengdarsjónarmiða“ hafi
verið gætt við afgreiðslu málsins.
FME fer fram á að fjármálafyr-
irtæki, þar sem niðurstaða efna-
hagsreiknings samstæðu er yfir 50
milljarðar, sendi skýrslur ytri end-
urskoðanda vegna slíkra úttekta
árlega en að önnur fyrirtæki sendi
slíkar skýrslur annað hvert ár.
Í tilkynningu frá FME segir m.a.
að tilmælunum sé ætlað að skýra
framkvæmd einstakra ákvæða í
lögum um fjármálafyrirtæki. Þar
kemur fram að stjórnir þeirra
skuli setja sér starfsreglur þar
sem einkum skal fjallað um hæfi
stjórnarmanna, meðferð stjórnar á
upplýsingum um einstaka við-
skiptamenn, setu stjórnarmanna í
stjórnum dótturfyrirtækja og hlut-
deildarfélaga og framkvæmd
reglna um meðferð viðskiptaer-
inda stjórnarmanna.
„Tilgangurinn með starfs-
reglum stjórna fjármálafyrirtækja
er að tryggja skýrleika í máls-
meðferð ásamt því að styrkja um-
gjörð um viðskipti stjórnarmanna,
félaga þeim tengdum, og vensl-
aðra aðila, við fjármálafyrirtækið
og aðgang stjórnarmanna að upp-
lýsingum um viðskiptamenn. Er
slíkum reglum einnig ætlað að efla
traust íslensks fjármálamark-
aðar,“ segir í tilkynningu FME.
Haft er eftir Jónasi Fr. Jónssyni,
forstjóra FME, að mikilvægt sé að
íslensku fjármálafyrirtækin séu í
fararbroddi hvað varðar góða
stjórnarhætti og gegnsæja eft-
irfylgni við innri reglur.
„Ein leið til þess að tryggja
góða stjórnarhætti er að eigendur
fjármálafyrirtækja gæti þess að
viðskiptatengsl byggi á arms-
lengdarsjónarmiðum og hugi vel
að hæfiskröfum sjálfra sín við
töku einstakra ákvarðana,“ segir
hann.
Endurnýjuð tilmæli FME til fjármálafyrirtækja
Morgunblaðið/Eyþór
Endurskoðendur
fari yfir fyrir-
greiðslur til
venslafólks
NORSKA stórfyrirtækið Orkla
hefur sent kauphöllinni í Osló til-
kynningu um að viðræður standi
yfir við bandaríska álfélagið Alco
um að sameina þær deildir fyr-
irtækjann, sem framleiða álsnið
eða svonefnda prófíla. Gert er ráð
fyrir að sameinaða fyrirtækið
verði það stærsta í heimi í þessari
framleiðslu.
Samkvæmt tilkynningunni er
gert ráð fyrir að sameiningin
gangi í garð í upphafi næsta árs,
nái fyrirtækin samningum. Gert er
ráð fyrir að Orkla verði ráðandi
aðili í nýja fyrirtækinu þar sem
Alcoa vilji draga sig út úr þessari
framleiðslu. Reiknað er með að
velta nýja félagsins verði 4 millj-
arðar dala, jafnvirði um 290 millj-
arða króna.
Sameina deildir
Orkla og Alcoa SKRIFSTOFUHÚSNÆÐI
TIL LEIGU
Glæsilegt 2.000 fm
skrifstofuhúsnæði til leigu í Borgartúni
Upplýsingar gefur Karl í síma 892 0160
eða Aron í síma 861 3889.
Fasteignafélagið Kirkjuhvoll.