Morgunblaðið - 04.12.2006, Blaðsíða 4
4 MÁNUDAGUR 4. DESEMBER 2006 MORGUNBLAÐIÐ
FRÉTTIR
TVENNT lést í hörðum árekstri
tveggja fólksbíla á Suðurlandsvegi
um miðjan dag á laugardag, fimm
ára stúlka og karlmaður um þrítugt.
Þrír til viðbótar slösuðust, þar af
einn alvarlega.
Slysið varð um kl. 14.30 á Suður-
landsvegi við Sandskeið, við afleggj-
arann að Bláfjöllum. Samkvæmt
upplýsingum frá lögreglunni í
Reykjavík voru bílarnir að koma úr
gagnstæðum áttum er þeir rákust á,
og er talið að ökumaður annars bíls-
ins hafi verið að taka fram úr vöru-
flutningabifreið.
Þrennt var í öðrum bílnum, karl-
maður um fertugt ásamt tveimur
börnum sínum, fimm ára stúlku og
átta ára dreng. Stúlkan lést í slysinu,
og drengurinn slasaðist alvarlega.
Hann liggur á gjörgæsludeild Land-
spítala – háskólasjúkrahúss, og að
sögn læknis er hann mjög alvarlega
slasaður, en líðan hans eftir atvikum.
Faðir drengsins er minna slasaður
en hann hlaut m.a. beinbrot í slys-
inu.
Í hinum bílnum, sem talið er að
hafi verið að aka fram úr þegar slys-
ið varð, voru tveir karlmenn, öku-
maður á tvítugsaldri og farþegi á
þrítugsaldri. Farþeginn lést í slysinu
og ökumaðurinn slasaðist nokkuð.
Ekki er unnt að greina frá nöfnum
hinna látnu að svo stöddu.
Faðir stúlkunnar sem lést býr í
Þorlákshöfn, og vegna slyssins var
aðventustund í Þorlákskirkju og há-
tíðahöldum við ráðhúsið, sem vera
áttu í gær, frestað. Þess í stað var
haldin bænastund í kirkjunni.
Fimm ára stúlka og karlmaður um þrítugt létu lífið í árekstri á Suðurlandsvegi
Bílar úr gagn-
stæðum átt-
um rákust á
Morgunblaðið/Júlíus
Harður árekstur Bílarnir voru mjög illa farnir eftir áreksturinn en talið er
að ökumaður annars bílsins hafi verið að fara fram úr þegar slysið varð.
Morgunblaðið/Jón H. Sigurmundsson
Bænastund Á annað hundrað manns sótti bænastund í Þorlákskirkju í gær
til að minnast og biðja fyrir stúlkunni sem lést og fjölskyldu hennar.
Í HNOTSKURN
»Alls hafa nú 27 látist í um-ferðinni á árinu en á öllu
árinu í fyrra létust 19 í 16 um-
ferðarslysum.
»Eitt versta slysaárið á und-anförnum áratugum var
árið 2000 þegar 33 létust í um-
ferðarslysum. Árið 1977 létust
37, og hafa aldrei látist fleiri í
umferðinni á einu ári hér á
landi.
»Á landinu öllu hafa 206banaslys orðið í umferð-
inni frá árinu 1997 til dagsins í
dag, skv. uppfærðum upplýs-
ingum frá dómsmálaráðuneyt-
inu. Á Suðurlandsvegi, milli
Reykjavíkur og Selfoss, hafa
54 látist í umferðarslysum frá
árinu 1973.
RANNSÓKN er hafin á málsatvik-
um þegar maður fékk hjartaáfall í
vörslu lögreglu aðfaranótt sunnu-
dagsins 26. nóvember sl. en maður-
inn lést á Landspítala – háskóla-
sjúkrahúsi á laugardag.
Embætti ríkissaksóknara hefur
nú fengið málið til meðferðar, segir
Geir Jón Þórisson, yfirlögregluþjónn
hjá Lögreglunni í Reykjavík. Hann
segir það hefðbundin vinnubrögð
þegar rannsaka þarf atvik tengd lög-
reglu, og það þýði ekki að grunur sé
um eitthvað óeðlilegt. Maðurinn
gekk berserksgang á hóteli í Reykja-
vík aðfaranótt 26. nóvember, og
þurfti fimm lögregluþjóna til að
handtaka hann. Grunur leikur á að
maðurinn hafi verið undir áhrifum
fíkniefna en fíkniefni fundust í her-
bergi hans.
Maðurinn fékk hjartaáfall í lög-
reglubíl þegar hann átti skammt eft-
ir ófarið á lögreglustöðina og voru
tveir lögreglumenn viðstaddir.
Sjúkraliðum tókst að bjarga lífi
mannsins en hann lést síðar á
sjúkrahúsi.
Ríkissaksóknari
rannsakar mannslát
SJÁLFSTÆÐISMENN í Árborg
sendu frá sér bréf sl. laugardag, í
3.500 eintökum, sem var borið í hvert
hús í sveitarfélaginu. Þá samþykkti
fulltrúaráð sjálfstæðisfélaganna í
Árborg yfirlýsingu. Þórunn Jóna
Hauksdóttir, bæjarfulltrúi D-lista,
segir að sjálfstæðismenn í Árborg
vilji virða vilja kjósenda eins og hann
birtist í kosningaúrslitum á liðnu
vori. Bæjarstjórn Framsóknarflokks
og Samfylkingar hafi ekki haldið
meirihluta og tapað þremur bæjar-
fulltrúum.
„Okkur þykir umhugsunarefni
fyrir VG að vera í þessum viðræðum.
Með því eru þeir að framlengja líf
þessarar gömlu bæjarstjórnar.
Einnig þykir okkur umhugsunarefni
að Samfylkingin skuli ekki vilja
ferskt samstarf, í ljósi þess að gömlu
bæjarstjórninni var sagt upp,“ sagði
Þórunn Jóna.
Yfirskrift bréfs sjálfstæðismanna
er: Af hverju sleit B-listinn sam-
starfinu? Þar segir m.a. að raunveru-
leg ástæða ákvörðunar framsóknar-
manna sé ágreiningur um
skipulagsmál, launamál bæjarfull-
trúa og trúnaðarbrestur.
„Sjálfstæðismenn hafa lagt
áherslu á fagleg vinnubrögð í skipu-
lagsmálum og að vinna með hag íbúa
að leiðarljósi. Þeir höfnuðu hug-
myndum framsóknarmanna um
stórfelldar launahækkanir bæjar-
fulltrúa og hlunnindagreiðslur til
handa formönnum nefnda. Sjálf-
stæðismenn héldu trúnað í meiri-
hlutasamstarfinu allt til loka, þegar
fulltrúar B-lista Framsóknarflokks
gengu gegn fyrri samþykkt
meirihlutans á byggingar- og
skipulagsnefndarfundi í gær.“
Fulltrúaráð sjálfstæðisfélaganna í
Árborg hélt fjölmennan fund á laug-
ardag og sendi frá sér ályktun. Þar
kemur m.a. fram að fundur fulltrúa-
ráðsins harmi ákvörðun B-lista
framsóknarmanna í Árborg um að
slíta meirihlutasamstarfi við Sjálf-
stæðisflokkinn. „Uppgefnar ástæður
B-listans eru ótrúverðugar og að-
dragandinn þeim til minnkunar,“
segir m.a. í ályktuninni. „Þá voru
áform B-listans um stórfelldar
launahækkanir bæjarfulltrúa
óásættanleg. Með þessu hefur verið
gengið gegn vilja kjósenda og góðri
stjórnsýslu.
Fulltrúaráð sjálfstæðisfélaganna
lýsir síðan yfir eindregnum stuðn-
ingi við bæjarstjórnarflokk D-listans
í Árborg.“
Harma ákvörðun
framsóknarmanna
Sjálfstæðismenn í Árborg senda frá sér bréf og yfirlýsingu
Í HNOTSKURN
»Framsóknarmenn slitumeirihlutasamstarfi við
sjálfstæðismenn í bæjarstjórn
Árborgar föstudaginn 1. des-
ember síðastliðinn.
»Strax á föstudagskvöldhófust viðræður um mynd-
un nýs meirihluta milli full-
trúa Framsóknarflokks, Sam-
fylkingar og
Vinstrihreyfingarinnar –
græns framboðs.
» Í síðustu sveitarstjórn-arkosningum fékk B-listi
tvo fulltrúa, D-listi fjóra full-
trúa, S-listi tvo fulltrúa, og V-
listi einn fulltrúa.
Morgunblaðið/Sigurður Jónsson
Samstarfsslit Upp úr samstarfi D- og B-lista slitnaði síðastliðinn föstudag.
LEGGJA þarf
áherslu á að að-
skilja aksturs-
stefnur á fjölförn-
ustu
þjóðvegunum,
Suðurlandsvegi
og Vesturlands-
vegi, til að koma í
veg fyrir alvarleg
umferðarslys sem
verða þegar bílar skella saman úr
gagnstæðum áttum, segir Ágúst Mo-
gensen, forstöðumaður Rannsóknar-
nefndar umferðarslysa.
„Við horfum hér á ákveðna stað-
reynd; á meðan umferðin er óað-
greind úr gagnstæðum áttum er það
því miður þannig að bílar rekast
saman,“ segir Ágúst. „Þegar bílar
rekast saman á svona miklum hraða
þá verða oftast mjög mikil meiðsl.“
Þótt útafakstur sé algengari en
árekstrar þar sem bílar koma úr
gagnstæðum áttum segir Ágúst að í
síðara tilvikinu sé ljóst að hægt sé að
fækka þessum alvarlegu slysum
mikið með því að aðskilja aksturs-
stefnur á þjóðvegunum þar sem um-
ferðin er mest, á Suðurlandsvegi og
Vesturlandsvegi.
„Á meðan þetta er svona verða
áfram svona slys,“ segir Ágúst.
„Þarna verður að bæta úr, og vinna
sem hraðast í því að umferðin verði
aðgreind á þessum vegum. Það hefur
sýnt sig að eftir breikkun Reykja-
nesbrautar hefur ekki orðið banaslys
vegna framanákeyrslu þar.“
Aðskilja
þarf akst-
ursstefnur
Ágúst Mogensen
Alvarlegum slysum
gæti fækkað mikið