Morgunblaðið - 04.12.2006, Blaðsíða 6
6 MÁNUDAGUR 4. DESEMBER 2006 MORGUNBLAÐIÐ
FRÉTTIR
Gar›atorgi - Grindavík - Keflavík - Kringlunni - Lágmúla - Laugavegi - Setbergi - Smáralind - Smáratorgi - Spönginni
Egilsstö›um - Höfn - Fáskrú›sfir›i - Sey›isfir›i - Neskaupsta› - Eskifir›i - Rey›arfir›i - Ísafir›i - Bolungarvík
Patreksfir›i - Borgarnesi - Grundarfir›i - Stykkishólmi - Bú›ardal - Húsavík - Kópaskeri - Raufarhöfn
K
R
A
FT
A
V
ER
K
Omega-3 fitusýrur geta dregið úr hættu á hjarta og
kransæðasjúkdómum. Jafnframt hafa rannsóknir sýnt fram
á gagnsemi omega-3 gegn liðagigt.
SVEINN Kristins-
son skákmeistari
lést aðfaranótt 2.
desember á heimili
sínu í Reykjavík, 81
árs að aldri.
Hann fæddist á
Hjaltastöðum í
Skagafirði 2. mars
1925. Foreldrar
hans voru Kristinn
Jóhannsson og Al-
dís Sveinsdóttir.
Eftirlifandi eigin-
kona Sveins er Jó-
hanna Jónsdóttir.
Dóttir þeirra var
Álfheiður Þorbjörg Sveinsdóttir
en hún lést á fyrsta ári.
Sveinn Kristinsson var kunnur
skákmeistari, m.a. var hann skák-
meistari Taflfélags Reykjavíkur
1951 og 1957. Hann tefldi í skák-
sveit á Heimsmeistaramóti stúd-
enta í Lyon í Frakklandi 1955. Þá
var hann formaður Taflfélags
Reykjavíkur 1953.
Sveinn ólst upp í
Skagafirði við al-
menn sveitastörf.
Hann flutti tvítugur
til Reykjavíkur og
lauk stúdentsprófi
frá Menntaskólan-
um í Reykjavík
1951. Hann lagði
um skeið stund á ís-
lensk fræði og lög-
fræði við Háskóla
Íslands. Síðar
stundaði hann sagn-
fræðirannsóknir.
Sveinn skrifaði
skákþætti í Morgunblaðið og
Þjóðviljann og var með skákþátt í
Ríkisútvarpinu auk þess sem
hann flutti fjölda fyrirlestra þar.
Þá var Sveinn bókavörður á
Landsbókasafninu um skeið. Eftir
Svein hafa birst smásögur, kvæði
og ýmsar greinar í blöðum og
tímaritum.
Andlát
Sveinn Kristinsson
HLUTI af eyra manns var bitinn af í
áflogum í miðbæ Reykjavíkur að-
faranótt sunnudags. Samkvæmt
upplýsingum frá lögreglu stöðvaði
maður annan mann í Pósthússtræti
til að spyrja til vegar. Þau samskipti
enduðu í slagsmálum þar sem hluti
af eyra þess sem spyrja vildi til veg-
ar var bitinn af.
Að sögn lögreglu tókst manninum
að finna stykkið sem bitið var af og
var hann fluttur á slysadeild til að-
hlynningar þar sem búturinn var
saumaður aftur á. Árásarmaðurinn
er enn ófundinn.
Fimm aðrar líkamsárásir voru til-
kynntar í Reykjavík eftir nóttina, all-
ar minniháttar. Talsverður mann-
fjöldi var í miðborginni fram eftir
nóttu og annasamt hjá lögreglu.
Í gærmorgun um kl. 7 varð svo
umferðarslys á gatnamótum
Kringlumýrarbrautar og Miklu-
brautar. Fjórir voru fluttir á slysa-
deild en meiðsl talin minniháttar.
Beit hluta
eyra af í
slagsmálum
VÍÐA var kveikt á jólatrjám á opinberum stöðum nú um
helgina. Í gær var einnig Alþjóðadagur fatlaðra.
Ljósin á Óslóartrénu á Austurvelli voru tendruð
klukkan 16.00 í gær að viðstöddu fjölmenni. Rúm hálf öld
er nú liðin frá því að Norðmenn færðu Íslendingum fyrst
grenitré að gjöf til að skreyta Reykjavík. Tréð sem prýð-
ir Austurvöll var höggvið í Finnerud í Sørkedalen fyrir
utan Ósló og er rúmlega 12 metra hátt.
Dagskráin á Austurvelli hófst með leik Lúðrasveitar
Reykjavíkur og svo söng Dómkórinn. Þá færði Guttorm
Vik, sendiherra Noregs, Vilhjálmi Þ. Vilhjálmssyni borg-
arstjóra og öðrum Reykvíkingum tréð að gjöf. Jóel Ein-
ar Halldórsson, 11 ára drengur af norsku og íslensku for-
eldri, varð þess heiðurs aðnjótandi að tendra ljósin á
Óslóartrénu. Eftir það stigu jólasveinarnir Giljagaur,
Bjúgnakrækir og Skyrgámur á svið og skemmtu.
Hundrað Kertasníkjar Styrktarfélags lamaðra og fatl-
aðra (SLF) prýða Óslóartréð og er það í fyrsta sinn sem
tréð er skreytt einhverju auk jólaljósa. Listakonan Sigga
Heimis útbjó Kertasníki, sem er órói úr burstuðu stáli,
og skáldið Sjón frumflutti kvæði sitt, Kertasníkir snýr
aftur, á Austurvelli í gær. Óróinn Kertasníkir verður
seldur dagana 5. – 19. desember í versluninni Casa og
rennur allur ágóði til Æfingastöðvar SLF. Æfingastöðin
fagnar nú 50 ára afmæli en hún sinnir umfangsmestu
sjúkra- og iðjuþjálfun barna og ungmenna í landinu, að
því er fram kemur í fréttatilkynningu frá SLF. Þar segir
að vænta megi fleiri jólasveina næstu jól í túlkun ann-
arra listamanna. Austurvöllur er nú fagurlega skreyttur
og upplýstur því auk ljósanna á Óslóartrénu prýða átta
þúsund ljósaperur önnur tré á Austurvelli.
Morgunblaðið/ÞÖK
Aðventa Óslóartréð prýðir nú Austurvöll eins og það hefur gert í meira en hálfa öld um hátíðarnar.
Jólaljósin tendruð
í byrjun aðventu
Skraut Kertasníkir, órói úr burstuðu stáli, skreytir
tréð auk ljósanna. Kertasníkir verður seldur til styrkt-
ar Æfingastöð Styrktarfélags lamaðra og fatlaðra.
Víða um land var kveikt á jólatrjám á torgum og opinberum stöðum um fyrstu helgi í aðventu
LJÓS voru tendruð á Hamborgartrénu á Miðbakka Reykjavíkurhafnar um
helgina. Johann Wensl, sendiherra Þýskalands, og Horst Grubert, fulltrúi
blaðamannaklúbbsins Wikingerrunde í Hamborg, afhentu tréð.
Morgunblaðið/ÞÖK
Hamborgartréð
skreytir Miðbakka
LJÓSIN voru kveikt samtímis á
jólatrjám í allri Fjarðabyggð síð-
astliðinn laugardag. Nú loga
ljósin björt allt frá Mjóafirði til
Stöðvarfjarðar.
Mikil gleði og spenningur var
meðal barnanna á Eskifirði, þar
sem myndin var tekin, þegar
jólasveinarnir birtust á slökkvi-
bíl.
Morgunblaðið/Helgi Garðarsson
Jól í Fjarðabyggð