Morgunblaðið - 04.12.2006, Blaðsíða 43
MORGUNBLAÐIÐ MÁNUDAGUR 4. DESEMBER 2006 43
Tónlistarmaðurinn Sir PaulMcCartney viðurkennir, að
hann hafi leitað hjálpar hjá sálfræð-
ingi vegna álagsins, sem fylgt hefur
skilnaði hans og Heather Mills.
„Það er ekki slæm hugmynd að
tala við einhvern,“ segir McCartney
við tímaritið Radio Times.
Hann segist einnig sækja huggun
í tónlistina. „Ef maður er svo hepp-
inn að geta samið tónlist þá er hægt
að fara heim og setjast í hornið og
vinna sig út úr vandamálunum.“
Heather Mills hefur hótað þremur
breskum dagblöðum lögsókn vegna
frétta, sem birtust og sagðar voru
byggðar á skjölum sem Heather
hefði lagt fram í skilnaðarrétti. Þar
var haft eftir Heather, að McCart-
ney hefði beitt hana ofbeldi og notaði
fíkniefni.
Fólk folk@mbl.is LeikkonanMarciaCross sem er bestþekkt fyrir hlut-
verk sitt sem
Bree Van de
Kamp, í sjón-
varpsþáttunum
Aðþrengdar eig-
inkonur, á von á tvíburum í apríl og
segist hlakka mikið til að sjá tvöfalt.
„Að eiga von á tveimur börnum á
mínum aldri er sannkallaður lottó-
vinningur,“ sagði Cross sem er 44
ára og gengur með sín fyrstu börn.
Cross og eiginmaður hennar, hinn
48 ára verðbréfasali Tom Mahoney,
giftu sig í júní á þessu ári og í októ-
ber tilkynnti Cross að þau ættu von
á tvíburum.
„Þegar ég frétti að ég ætti von á
tvíburum fann ég fyrir hræðslu yfir
því að ég gæti ekki orðið góð móðir
tveggja barna, að öðru þeirra fynd-
ist það alltaf haft út undan.“
Hún tekur líka fyrir allan orðróm
um að hún hafi átt í erfiðleikum á
meðgöngunni.
„Ég hef ekki fundið fyrir neinu, ég
er algjörlega 100% í lagi,“ sagði
Cross en bætti við að það væri samt
erfitt að bera alla þessa aukaþyngd
sem fylgir meðgöngunni.
Spurð út í trúlofun meðleikkonu
sinnar í Aðþrengdum eiginkonum,
Evu Longoria, sagði Cross: „Hún
sýndi mér hringinn og ég öskraði, ég
held að ég hafi hrætt þau, Tony unn-
usti hennar var þarna líka og mér
finnst þetta frábært.“
Hin ofurhressa Lindsay Lohanhefur að undanförnu sótt fundi
hjá AA (Alcoholics Anonymous)
samtökunum.
„Já hún hefur sótt nokkra fundi
og þetta verður hægfara ferli hjá
henni,“ sagði talsmaður hennar,
Leslie Sloane, við fjölmiðla. „Að
Lohan sæki AA fundi er jákvætt og
við skulum vona að fjölmiðlar snúi
því ekki upp í eitthvað neikvætt.“
Sloan bað fjölmiðla að trufla ekki
Lohan á AA fundunum eða elta hana
þangað. „Kannski allt gangi betur ef
fjölmiðlar bakka aðeins frá henni og
gefa henni frið,“ bætti Sloan við.
Fyrr í þessari viku var sagt frá því
á blaðsíðu sex í New York Post að
Lohan hefði sést á AA fundi í Los
Angeles. Móðir Lohan, Dina, var
eftir þá frétt spurð af skemmtiþætt-
inum E! hvort dóttir hennar væri í
meðferð og svaraði hún: „Það er satt
og það er mjög jákvætt.“
Aðdáendur hljómsveitarinnarColdplay í Suður-Ameríku geta
nú glaðst því að hljómsveitin mun
frumflytja sæg af nýjum lögum á
tónleikaferð sinni um Suður-
Ameríku í byrjun næsta árs.
Tónleikarnir fara fram í Argent-
ínu, Brasilíu og Síle í febrúar og
Mexíkó í mars. Í þessari ferð mun
sveitin spila á miklu minni tónleika-
stöðum og vera nær áhorfendum en
hún er vön á tónleikaferðum sínum.
Hljómsveitarmenn segja að þeir
vilji gjarnan prófa nýju lögin fyrir
áheyrendur, en lögin hafa þeir verið
að semja á fjórðu plötu hljómsveit-
arinnar sem er væntanleg á næsta
ári.
Þeir vildu líka endilega snúa aftur
til Suður-Ameríku eftir þær frábæru
viðtökur sem þeir fengu þar í síðustu
heimsókn sinni, árið 2003.
Tónleikaferðin hefst með þrenn-
um tónleikum í Santiago, höfuðborg
Síle, 14., 15. og 16. febrúar.