Morgunblaðið - 05.12.2006, Blaðsíða 4

Morgunblaðið - 05.12.2006, Blaðsíða 4
4 ÞRIÐJUDAGUR 5. DESEMBER 2006 MORGUNBLAÐIÐ FRÉTTIR Eftir Guðna Einarsson gudni@mbl.is NÝR meirihluti hefur verið mynd- aður í sveitarfélaginu Árborg. Ragnheiður Hergeirsdóttir, oddviti S-lista Samfylkingar, verður bæjar- stjóri og Þorvaldur Guðmundsson, oddviti B-lista Framsóknarflokks, og Jón Hjartarson, oddviti V-lista Vinstrihreyfingarinnar – græns framboðs, munu skiptast á um að gegna embættum forseta bæjar- stjórnar og formanns bæjarráðs út kjörtímabilið. Í gær var gefin út yfirlýsing um samstarf flokkanna þriggja. Þar segir að megináherslur nýja meiri- hlutans verði lagðar á fjölskyldu-, jafnréttis- og velferðarmál, um- hverfis- og skipulagsmál, félagslegt réttlæti, samráð og skilvirka stjórn- sýslu og ábyrga fjármálastjórnun. Ragnheiður Hergeirsdóttir sagði í gær að hún tæki formlega við starfi bæjarstjóra seinna í vikunni. Hún kvaðst hafa hitt Stefaníu K. Karls- dóttur bæjarstjóra í gær og mundi hitta hana aftur í dag. Málefna- samningur nýja meirihlutans verður kynntur á fundi bæjarstjórnar Ár- borgar næstkomandi fimmtudag. Að sögn Ragnheiðar verða þar lagðar sömu megináherslur og greint er frá í yfirlýsingunni. Í tengslum við sam- starfsslit fyrrverandi meirihluta Framsóknarflokks og Sjálfstæðis- flokks var minnst á ágreining um skipulagsmál við Austurveg og á Sigtúnsreit. Hvernig verður tekið á honum í nýrri bæjarstjórn? „Við munum að sjálfsögðu ganga strax í að vinna þau mál sem liggja fyrir,“ sagði Ragnheiður. Hún kvaðst ekki á þessu stigi geta tjáð sig nánar um hvernig þessi mál yrðu leyst. En það þyrfti að ljúka þeim og það mundi nýi meirihlutinn gera hiklaust. Laun bæjarfulltrúa og nefndar- manna voru einnig nefnd sem ágreiningsmál í fráfarandi meiri- hluta. Verður breyting á þeim? „Ég las í fréttum að þau væru mál málanna en laun bæjarfulltrúa hafa ekki verið til umræðu í meirihluta- viðræðunum,“ sagði Ragnheiður. Hætt við þingframboð Sem kunnugt er fékk Ragnheiður bindandi kosningu í 4. sæti fram- boðslista Samfylkingarinnar í Suð- urkjördæmi fyrir komandi alþing- iskosningar. Hún kvaðst hafa ákveðið að gefa kost á sér í próf- kjörinu þegar Margrét Frímanns- dóttir tilkynnti að hún myndi hætta á þingi og Samfylkingin var í minni- hluta bæjarstjórnar Árborgar. „Ég hafnaði í fjórða sæti sem var bind- andi. Stjórnarslit í bæjarstjórn komu svo upp á föstudaginn var og í framhaldi af því viðræður okkar og sá kostur að fá bæjarstjórastarf. Ég ákvað að segja mig frá fjórða sætinu og mat stöðuna svo að ég hlyti að taka þeirri áskorun að taka embætti bæjarstjóra að mér. Það var ekki annað að ræða í stöðunni. Þetta er gríðarlega umfangsmikið starf og margt framundan. Ég vil setja alla mína starfskrafta í það. Það vinna margir með manni í prófkjöri og styðja mann, ég vona að fólk skilji ákvörðun mína í þessu,“ sagði Ragn- heiður. En verða stjórnarskiptin kostn- aðarsöm fyrir sveitarfélagið Ár- borg? Hver verða biðlaun fráfarandi bæjarstjóra? „Það kostar auðvitað að skipta um bæjarstjóra. Sam- kvæmt ráðningarsamningnum sem fyrri meirihluti gerði við hann á hann rétt á launum í tólf mánuði. Stjórnarslit eru alltaf kostnaðar- söm, enda væntanlega sjaldnast far- ið út í þau nema annað sé fullreynt,“ sagði Ragnheiður. Bjartsýnir á framhaldið „Ég er ánægður með þessa nið- urstöðu og mér líst vel á framhald- ið,“ sagði Þorvaldur Guðmundsson, oddviti B-listans. Hann sagði fullan vilja í nýjum meirihluta til að ná lendingu í skipulagsmálum. Launa- mál bæjarfulltrúa hefðu verið slitin úr öllu samhengi og skiptu engu máli í þessu sambandi. Jón Hjartarson, oddviti V-lista, sagði nýjan meirihluta leggjast ágætlega í sig. „Þetta er merkilegur áfangi fyrir Vinstrihreyfinguna – grænt framboð í Suðurkjördæmi að vera komin í meirihluta í einu sveit- arfélagi.“ Jón sagði þetta í fyrsta sinn sem VG væri í meirihluta í Ár- borg. Nýr meirihluti þriggja flokka hefur verið myndaður í bæjarstjórn Árborgar Ragnheiður Hergeirsdótt- ir bæjarstjóri Morgunblaðið/Sigurður Jónsson Meirihluti F.v. Jón Hjartarson, Gylfi Þorkelsson, Ragnheiður Hergeirs- dóttir, Margrét Katrín Erlingsdóttir og Þorvaldur Guðmundsson. DÓMSMÁLARÁÐHERRA hefur skipað Sigríði B. Guðjónsdóttur, sýslumann á Ísafirði, í embætti að- stoðarríkislögreglustjóra frá og með 1. janúar 2007. Hún hefur starfað hjá ríkislögreglustjóra frá 1. sept- ember sl. við verkefni sem lúta m.a. að nýskipan lögreglumála, gerð ár- angursstjórnunarsamnings milli dómsmálaráðuneytis og ríkislög- reglustjóra og stofnsetningu grein- ingardeilda rls. Sigríður Björk er fædd 1969 og lauk lagaprófi frá Háskóla Íslands 1993, starfaði hjá ríkisskattstjóra frá 1993 til 1995 og lagði stund á framhaldsnám í lögfræði við Kaupmanna- hafnarháskóla frá 1995 til 1996. Hún fékk námsleyfi árið 2000 og lauk meistaranámi í Evrópurétti frá háskólanum í Lundi 2002. Hún lauk stjórnunar- námi frá Lögregluskóla ríkisins 2004 og stundaði nám á vegum CEPOL. Skipuð aðstoðar- ríkislögreglustjóri Sigríður B. Guðjónsdóttir LYFJAFYRIRTÆKI bjóða bæði lungnalæknum og öldrunarlæknum til kvöldverðar að loknum fræðslu- erindum á vegum félaganna nú í des- ember. „Fræðslufundur/jólafundur“ Fé- lags íslenskra öldrunarlækna er styrktur af lyfja- og heilbrigðisvöru- fyrirtækinu Icepharma. Fundurinn hefst með kynningu en síðan verða tvö fræðsluerindi um sögu öldrunar- lækninga hér á landi og starfsemi á Landakotsspítala fram á seinni hluta síðustu aldar, að því er segir í fund- arboði frá Aðalsteini Guðmundssyni, formanni félagsins. Þá segir að nán- ari kynning á fyrirlesurunum og efni fyrirlestranna berist þegar nær dregur. Kveðst hann eiga von á áhugaverðri umfjöllun og umræðu sem muni gagnast félögum bæði í daglegu starfi og reynast verðmætt innlegg í umræðu um framtíðarupp- byggingu. Að loknum fundi verður fordrykkur og kvöldverður á Hótel Centrum. Aðalsteinn hafði ekki tök á því að ræða nánar um fundinn, þegar eftir því var leitað í gærdag. Bessi H. Jóhannesson, fram- kvæmdastjóri lyfjasviðs Icepharma, sagði fyrirtækið styrkja kvöldverð- inn en fyrirlesarar væru alfarið á vegum Félags öldrunarlækna. Sam- komulag hefði verið um að kynning yrði á fyrirtækinu Northpharma sem væri tiltölulega nýtt innan lyfja- geirans. Í samræmi við reglur „Fræðslufundur og jólakvöldverð- ur“ Félags íslenskra lungnalækna er haldinn í samvinnu við lyfjafyrirtæk- ið GlaxoSmithKline og felst sam- vinnan í því að fyrirtækið greiðir þóknun fyrirlesarans, leggur til hús- næði og greiðir fyrir kvöldverð læknanna á Grillinu, að sögn Gunn- ars Guðmundssonar, formanns fé- lagsins. Gunnar sagði alveg ljóst að styrk- ur fyrirtækisins væri innan þeirra marka sem sett hefðu verið í siða- reglum um samskipti lækna og lyfja- fyrirtækja. „Þetta er viðurkennt form og þetta eru hóflegar veitingar, líkt og segir í siðareglunum,“ sagði Gunnar. Fyrirlestur kvöldsins fjallar um áhrif stera á bein en Gunnar sagði umfjöllunarefnið brýnt þar sem lungnalæknar ávísuðu miklu af ster- um sem hefðu slæm áhrif á bein. Þar sem Félag íslenskra lungnalækna hefði takmörkuð fjárráð hefði verið leitað til GlaxoSmithKline um að styrkja fundinn. Aðspurður hvort fræðslugildinu hefði ekki verið náð með því að fá einungis styrk fyrir fræðsluerindinu en ekki kvöldverð- inum sagði Gunnar að einnig hefði verið boðið til kvöldverðar vegna þess að fundurinn væri haldinn að kvöldi til og að hefð væri fyrir því að menn hittust í desember og gerðu sér glaðan dag saman. Meðan á kvöldverðinum stæði ræddu menn þar að auki oft um efni fyrirlestr- arins og hefðu tök á að spyrja nánar út í efni hans. Á fundarboðinu er óskað eftir því að læknar tilkynni þátttöku til GlaxoSmithKline og sagði Gunnar að það væri einfaldlega gert vegna þess að félagið hefði ekki starfsmenn og gæti ekki tekið við fundarboðum. Hjörleifur Þórarinsson, lyfjafræð- ingur og framkvæmdastjóri Glaxo- SmithKline á Íslandi, sagði erindið á fundi lungnalækna fyllilega standast fræðilegar kröfur og í þessu tilfelli snerti það ekki framleiðslu eða vörur fyrirtækisins á nokkurn hátt. Risna í tengslum við fræðslufundi væri ekki óeðlileg væri hún innan tiltekinna marka. Hjörleifur sagði ljóst að lyfjafyr- irtæki yrðu að geta kynnt vörur sín- ar fyrir læknum enda væru læknar þeir einu sem tækju ákvarðanir um notkun á vörum þeirra. Að sama skapi væri mikilvægt að enginn skuggi félli á val læknis á lyfi eða meðferð. Það yrði að vera alveg ljóst að valið væri eingöngu tekið með hagsmuni sjúklingsins í huga og sagðist Hjörleifur ekki vita til þess að nokkur einasti læknir hefði látið risnu sem hann hefði notið hafa áhrif á val sitt. Styrkja fræðsluerindi og jólakvöldverði Lyfjafyrirtæki greiða fyrir kvöldverði læknafélaga Í HNOTSKURN » Samtök framleiðendafrumlyfja og Læknafélag Íslands gerðu samkomulag um að sameiginleg yfirlýsing Evr- ópska læknafélagsins og Sam- taka lyfjaiðnaðarins í Evrópu skyldi gilda hér á landi. » Þar segir m.a. að lyfjafyr-irtæki geti styrkt lækna- fundi hafi þeir skýrt fræðslu- innihald. Risna meðan á fundum stendur skuli vera al- mennt viðeigandi, skynsamleg og einskorðuð við tilgang at- burðarins. STEFANÍA K. Karlsdóttir varð bæjarstjóri í Ár- borg 14. júlí sl. en missir nú starfið eftir tæpa fimm mánuði. Hún sagðist hafa vitað að starfið gæti verið ótryggt. „Þegar nýir meirihlutar koma að er yfirleitt tilhneiging til að skipta um bæjarstjóra í leiðinni,“ sagði Stefanía. Starfið hefði verið fjölbreytt og skemmtilegt. Stefanía flutti á Selfoss og dóttir hennar settist þar í 9. bekk grunn- skóla. Hún ætlar að flytja aftur til Reykjavíkur og dóttirin fer aftur í sinn gamla skóla. Stefanía vildi ekki svara því beint hve mikinn biðlaunarétt hún ætti við starfslokin. „Ég er með ráðningar- samning og ákvæði í honum hafa áhrif núna. Það er allur gangur á því hvað fólk þiggur eftir starf sem þetta. Maður er að ráða sig í ótryggt starfsumhverfi og oft er settur ann- ar verðmiði á slíkt en þegar maður ræður sig í tryggt starf,“ sagði Stef- anía. En hvað tekur við? „Það tekur á fjölskylduna þegar flutningar standa yfir svona fram og til baka. Næstu vikur ætla ég að hlúa að mín- um nánustu og sinna börnunum mín- um. Styðja þau og styrkja.“ Vissi að starfið var ótryggt Stefanía K. Karlsdóttir Stefanía K. Karlsdóttir hættir sem bæjarstjóri

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.