Morgunblaðið - 05.12.2006, Blaðsíða 45
MORGUNBLAÐIÐ ÞRIÐJUDAGUR 5. DESEMBER 2006 45
dægradvöl
Staðan kom upp á minningarmóti
Capablanca sem lauk fyrir skömmu í
Havanna á Kúbu. Sigurvegari mótsins,
Vassily Ivansjúk (2741) frá Úkraínu
hafði svart gegn heimamanninum Jes-
us Nogueiras (2554). 40 … Hxh4+!
41. gxh4 c2 42. Bxe2 d2! og hvítur
gafst upp enda getur hann ekki komið í
veg fyrir að svartur fái drottningu.
Lokastaða mótsins varð þessi:
1. Vassily Ivansjúk (2741) 6½ vinn-
ing af 10 mögulegum.
2. Evgeny Bareev (2683) 6 v. 3. Ka-
mil Miton (2638)
4. Lenier Dominguez (2655) 4½ v.
5.–6. Lazaro Bruzon (2648) og Jesus
Nogueiras (2554).
SKÁK
Helgi Áss Grétarsson | ritstjorn@mbl.is
Svartur á leik.
Íslendingasveitin.
Norður
♠K865
♥ÁD32
♦ÁD103
♣7
Vestur Austur
♠G109 ♠743
♥KG10 ♥9764
♦92 ♦K54
♣109653 ♣842
Suður
♠ÁD2
♥85
♦G876
♣ÁKDG
Suður spilar 6♦ og fær út hjarta-
gosa.
Íslendingasveit Tony Kasday vann
Norður-Ameríkumótið á haustleik-
unum á Hawaii - „Keohane Swiss
Teams“ - en það er annað af tveimur
stórmótum leikanna. Í sveitinni spiluðu
landsliðsmennirnir Jón Baldursson,
Þorlákur Jónsson, Bjarni Einarsson og
Sigurbjörn Haraldsson, auk Hjördísar
Eyþórsdóttur og Kasday. Spilið að of-
an kom upp í síðasta leik mótsins í við-
ureign við sveit Mahaffey sem endaði í
þriðja sæti. Sex tíglar voru spilaðir á
báðum borðum. Bjarni fékk út spaða-
gosa sem skapaði engin vandamál.
Hinum megin fann Þorlákur hjarta-
gosann út. Kínverjinn Fu Zhong var
sagnhafi og hann valdi að drepa á ásinn
og reyndi síðan að henda þremur hjört-
um niður í lauf. En Jón í austur gat
trompað fjórða laufið og fékk svo ann-
an slag á tígulkónginn: einn niður.
BRIDS
Guðmundur Páll Arnarson | ritstjorn@mbl.is
Sudoku
Miðstig
Lausnir síðustu Sudoku
Lausn, ábendingar og tölvuforrit á www.sudoku.com
Frumstig Miðstig Efstastig
Frumstig
© Puzzles by Pappocom
Þrautin felst í því að fylla út í reitina
þannig að í hverjum 3x3-reit birtist
tölurnar 1-9. Það verður að gerast þannig
að hver níu reita lína bæði lárétt og lóðrétt
birti einnig tölurnar 1-9 og aldrei má
tvítaka neina tölu í röðinni.
Efstastig
Krossgáta
Lárétt | 1 beygja, 4
glyrna, 7 veik, 8 fárviðri,
9 miskunn, 11 skrifaði, 13
hlífa, 14 jarðarför, 15
kjáni, 17 vítt, 20 sjór, 22
seiga, 23 meðalið, 24
hafna, 25 heyið.
Lóðrétt | 1 trjástofn, 2
komumanni, 3 heimili, 4
stólpi, 5 fatnaður, 6
streyma, 10 svana, 12
ræktað land, 13 bók-
stafur, 15 áfjáð, 16 for-
smán, 18 ósætti, 19 veð-
urfarið, 20 rófu, 21
bráðin tólg.
Lausn síðustu krossgátu
Lárétt: 1 hraklegur, 8 pokar, 9 illur, 10 inn, 11 líðan, 13
sænga, 15 barðs, 18 áttan, 21 vit, 22 lygna, 23 túðan, 24
varfærnar.
Lóðrétt: 2 rokið, 3 körin, 4 efins, 5 uglan, 6 spöl, 7 erta,
12 auð, 14 æst, 15 báls, 16 ragna, 17 svarf, 18 áttir, 19
tuðra, 20 nánd.
1
7
11
15
22
24
12
14
3
9
20
10
4
8
21
23
25
13
17
5
18
6
19
2
16
1 Í hvaða bandaríska stórblaðibirtist harðorður leiðari gegn af-
stöðu Íslendinga varðandi bann við
botnvörpuveiðum í úthöfundum.
2Miklar umræður hafa orðið umnauðsyn vegabóta á aðalvegum
út frá borginni vegna banaslyssins á
laugardag og forstöðumaður rann-
sóknarnefndar umferðarslysa sagt
brýnt að aðskilja akstursleiðir á veg-
unum til að fyrirbyggja slík slys. Hver
er hann?
3 Íslenskur rithöfundur hefur veriðtilnefndur til ítölsku Nonino-
verðlaunanna. Hver er hann og fyrir
hvaða verk?
Svör við spurningum gærdagsins:
1. Hversu mörg jólaljós verða í ljósaskreyt-
ingum Orkuveitu Reykjavíkur? Svar: 85
þúsund ljós á 70 ljósatrjám og 250 upp-
lýstum skreytingum. 2. Borgarfulltrúar
vinstri grænna hafa sent kæru til félags-
málaráðuneytisins? Út á hvað gengur
kæran? Svar: Að sala á hlut borgarinnar í
Landsvirkjun verði dregin til baka þar sem
lagaheimildir skorti. 3. Komin er út á
geisladiski Brynjólfsmessa? Hver er höf-
undurinn? Svar: Gunnar Þórðarson. 4.
Geir Þorsteinsson hefur boðið sig fram til
formanns Knattspyrnusambands Íslands.
Hvaða starfi gegnir Geir nú?
Svar: Framkvæmdastjóri KSÍ.
Spurt er …
ritstjorn@mbl.is
SÁLIN hans Jóns míns, popp-
hljómsveit Íslands, hefur verið iðin
við kolann undanfarin ár. En í stað
þess að hjakka á gömlum slögurum,
eitthvað sem hún gæti hæglega
komist upp með, er nýjum verk-
efnum stöðugt hleypt af stokkunum.
Temabundin plötutvenna, söng-
leikur í kjölfarið, tónleikar með Sin-
fóníuhljómsveitinni
(þar sem öll lögin
voru samin sér-
staklega fyrir það
verkefni) og svo ný
plata fyrir síðustu jól.
Meðlimir hafa greinilega ríka þörf
fyrir að beita sér og takast á við
eitthvað nýtt, frekar en að koma sér
þægilega fyrir í hægindastólum og
fylgjast með stefgjöldunum tikka
inn.
Samstarf Sálarinnar við Gosp-
elkór Reykjavíkur er af þessum
meiði en hugmyndin fæddist fyrir
um ári. Kórinn hefur sótt í sig veðr-
ið jafnt og þétt hin síðustu ár, undir
styrkri stjórn hins ástríðufulla
stjórnanda og píanista, Óskars Ein-
arssonar.
Þegar ég frétti af þessum sam-
slætti hugsaði ég sem svo að það
væri aðeins tvennt í stöðunni, ann-
aðhvort gengi þetta upp eða þá alls
ekki. Blessunarlega er hið fyrra upp
á teningnum. Lög Sálarinnar öðlast
hér nýtt og annars konar líf og
gospelklæðin sem þau skrýðast
smellpassa. Nýjustu lög sveit-
arinnar, þ.e. lögin af Sól- og Mána-
tvennunni, Vatninu (sinfóníuplatan)
og af plötunni sem út kom í fyrra,
Undir þínum áhrifum, ganga einkar
vel upp í þessu samhengi. Textarnir
þar eru oft á einhvers konar óræðu
andlegu plani (Sól og Máni sér-
staklega) og iðulega á björtum nót-
um. Þeir falla því ágætlega undir
þann kristilega ramma sem tónleik-
arnir voru í. Tvö ný lög eru þá á
plötunni, „Þú trúir því“ og „Handrit
lífsins“ en þau voru samin sér-
staklega með þessa tónleika í huga.
Eldri lög, eins og „Ekkert breytir
því“ sem opnar tónleikana, og „Get-
ur verið“ frískast upp; dýpkað er á
dramatíkinni í hinu fyrrnefnda með
kórsöngnum á meðan hið síðast-
nefnda er rifið upp með ósviknu
gospelstuði. Bæði kór og hljómsveit
eru þannig að græða hvor á öðrum,
maður finnur og heyrir hvernig báð-
ir aðilar eggja hvor annan áfram.
Lag eins og „Upplifun“ er skínandi
gott dæmi um þetta; Stefán Hilm-
arsson söngvari á stórleik; dettur
inn í mikla innlifun og sömu sögu er
að segja af kórnum.
Platan er tvöföld, þ.e. geisla- og
mynddiskur, og bætir mynddisk-
urinn enn frekar á upplifunina. Þar
er og að finna heimildarmynd sem
lýsir tilurð þessa verkefnis.
Lifandi í Laugardalshöll er verð-
ug viðbót í safn Sálaraðdáenda en
einnig þeirra sem hugnast tónlist
flutt af krafti og ástríðu. Amen.
Af lífi og sál
TÓNLIST
Geisla- og mynddiskur
Hljóð- og myndupptaka frá tónleikum Sál-
arinnar hans Jóns míns og Gospelkórs
Reykjavíkur hinn 15. september 2006 í
Laugardalshöll. Sálin, Óskar Einarsson
og Þóra Gísladóttir útsettu lögin en Sam-
úel J. Samúelsson útsetti fyrir blást-
urssveit. Guðmundur Jónsson stýrði
hljóðupptöku en Óskar Einarsson stýrði
hljóðeftirvinnslu á kór. Addi 800 og
Sveinn Kjartansson tóku upp og Axel
Árnason, Haffi Tempó og Daði Dax gengu
frá í hljóðveri. Þorvarður Björgúlfsson
stýrði myndupptökum og klippti. Sena
gefur út.
Sálin & Gospel – Lifandi í Laugardalshöll
Arnar Eggert Thoroddsen
Sálin Arnar Eggert segir Lifandi í Laugardalshöll vera verðuga viðbót í safn Sálaraðdáenda.