Morgunblaðið - 06.12.2006, Blaðsíða 10
10 MIÐVIKUDAGUR 6. DESEMBER 2006 MORGUNBLAÐIÐ
ALÞINGI
HÁSKÓLI Íslands (HÍ) og Kenn-
araháskóli Íslands (KHÍ) verða
formlega sameinaðir hinn 1. júlí árið
2008 samkvæmt frumvarpi sem
menntamálaráðherra, Þorgerður K.
Gunnarsdóttir, hefur lagt fram á Al-
þingi. Í fyrstu grein frumvarpsins
segir að háskólarnir skuli sameinast
undir einu nafni: Háskóli Íslands.
Embætti rektors KHÍ leggst niður
við sameiningu skólanna.
Í annarri grein frumvarpsins segir
að nemendur, sem við gildistöku lag-
anna eru í námi við KHÍ, eigi rétt á
að ljúka því námi við sameinaðan há-
skóla, Háskóla Íslands. Þá segir í
þriðju grein að sameinaður háskóli,
Háskóli Íslands, taki við eignum og
skuldbindingum KHÍ, við gildistöku
laganna. Jafnframt segir í greininni
að störf starfsmanna KHÍ muni
flytjast yfir til hins sameinaða skóla,
við gildistöku laganna.
Í athugasemdum frumvarpsins
segir að samstarf eða sameining
KHÍ og HÍ hafi verið til skoðunar á
undanförnum árum. „Á árinu 2002
unnu skólarnir sameiginlega athug-
un á nánara samstarfi eða samein-
ingu sem síðan var lögð til grundvall-
ar í starfi nefndar sem mennta-
málaráðherra skipaði í upphafi árs
2006 til að skoða fýsileika samein-
ingar skólanna,“ segir í athugasemd-
unum. Þar segir ennfremur að
nefndin hafi skilað svokallaðri skila-
grein í apríl 2006.
Í henni segir að markmiðið með
sameiningu KHÍ og HÍ sé m.a. að
stuðla að eflingu háskólamenntunar
á Íslandi. Háskólastofnanirnar verði
með sameiningu sterkari heild sem
byggi á sérstöðu og sérhæfingu
þeirra beggja. Þá segir m.a. í skila-
greininni að sameining skólanna
skapi tækifæri sem mikilvægt sé að
nýta. „Sameining háskólanna getur
haft í för með sér aukna fræðilega
breidd sem gefur færi á fleiri nám-
skeiðum. Sameinaður háskóli verður
þannig betur í stakk búinn til að
auka fjölbreytni kennaramenntunar
og ýmissa annarra tengdra greina.“
Morgunblaðið/Kristinn
Kátir þingmenn Þótt þingmenn takist á í umræðum á þingi eru þeir kátir vinir þess á milli.
HÍ og KHÍ verði sam-
einaðir 1. júlí 2008
Í HNOTSKURN
» Menntamálaráðherra,Þorgerður K. Gunnars-
dóttir, hefur lagt fram á Al-
þingi frumvarp um samein-
ingu HÍ og KHÍ.
» Í frumvarpinu er gert ráðfyrir því að skólarnir verði
formlega sameinaðir 1. júlí
2008. Á sama tíma falla úr
gildi lög um KHÍ.
» Við gildistöku lagannaverður embætti rektors
KHÍ lagt niður.
FJÖRUGAR umræður urðu um
flokksstjórnarræðu Ingibjargar Sól-
rúnar Gísladóttur, formanns Sam-
fylkingarinnar, í upphafi þingfundar á
Alþingi í gær. Ýmsar yfirlýsingar
voru látnar falla með tilheyrandi
frammíköllum og hlátrasköllum.
Stjórnarliðar sögðu m.a. að ræða
Ingibjargar Sólrúnar hefði falið í sér
kaldar kveðjur formannsins til þing-
manna sinna, en samfylkingarmenn
frábáðu sér slíka umhyggju stjórnar-
liða. Samfylkingarmenn sögðu m.a.
að framsóknarmenn ættu að líta sér
nær og Ingibjörg Sólrún sagði að
fylgi Framsóknarflokksins væri kom-
ið við pilsnersmörk. Guðni Ágústsson,
landbúnaðarráðherra og varaformað-
ur Framsóknar, sagði hins vegar að
farga hefði þurft fuglunum í húsdýra-
garðinum, sennilega vegna þess að í
garðinum hefði fundist samfylkingar-
gen. Guðjón Ó. Jónsson, þingmaður
Framsóknarflokks, hóf umræðuna.
Hann gerði ræðu Ingibjargar Sólrún-
ar á flokksstjórnarfundi um helgina
að umtalsefni, en þar sagði hún m.a.
að kjósendur þyrðu ekki að treysta
þingflokknum. Guðjón þakkaði Ingi-
björgu Sólrúnu fyrir þessa afdráttar-
lausu yfirlýsingu en sagði um leið að
formaðurinn hefði með orðunum nið-
urlægt þingmenn sína.
Ingibjörg Sólrún svaraði því m.a. til
að þingmaðurinn væri að koma upp í
örvæntingarfullri tilraun sinni til að
kasta rýrð á Samfylkinguna. „Hann
veit auðvitað að þingflokkur Samfylk-
ingarinnar er öflugur þingflokkur, til
alls líklegur á næstu mánuðum.“ Hún
bætti því við að Framsóknarflokkur-
inn ætti í vök að verjast; hann væri að
tapa miðjunni í íslenskum stjórnmál-
um, því þangað sækti Samfylkingin.
Sjálfumgleði og andvaraleysi væri
ekki farsælt veganesti þegar flokkar
væru komnir við pilsnersmörk í fylgi.
Kolbrún Halldórsdóttir, Vinstri
grænum, tók næst til máls og kvaðst
vilja ræða allt annað; þ.e. eiga orða-
stað við landbúnaðarráðherra vegna
förgunar 56 fugla í Húsdýragarðinum
nýverið. Sigurður Kári Kristjánsson,
Sjálfstæðisflokki, sagðist hins vegar
vilja ræða förgun annarra fugla í
þjóðfélaginu, nefnilega þeirra sem
sætu í þingflokki Samfylkingarinnar.
Formaður Samfylkingarinnar hefði
með flokksstjórnarræðu sinni slegið
heilan þingflokk af. Kvaðst hann hafa
miklar áhyggjur af stöðu Samfylking-
arinnar. Guðlaugur Þór Þórðarson,
Sjálfstæðisflokki, talaði á svipuðum
nótum.
Ýktar yfirlýsingar
Þórunn Sveinbjarnardóttir, Sam-
fylkingu, kvaðst frábiðja sér slíka um-
hyggju „þessara góðu karla í Sjálf-
stæðisflokki og Framsóknarflokki“,
sagði hún. Þeir hefðu ekkert fram að
færa annað en sjálfumgleði sína og
andvaraleysi. Mörður Árnason, Sam-
fylkingu, þakkaði samúðarkveðjur
stjórnarliða en sagði að yfirlýsingar
um meinta förgun þingflokks Sam-
fylkingarinnar væru ýktar. Þá kvaðst
Jóhann Ársælsson, flokksbróðir hans,
halda að þeir sem væru í flokkum sem
hefðu 8% fylgi skv. skoðanakönnun-
um ættu ekki að tala um að aðrir
væru rúnir trausti.
Guðni Ágústsson þakkaði Ingi-
björgu Sólrúnu fyrir þá miklu hrein-
skilni að átta sig á því að þjóðin treysti
ekki Samfylkingunni. „Þetta var auð-
vitað eitthvað sem við vissum. Þetta
er samsafn fólks undir regnhlíf
kommanna, kratanna, Kvennalist-
ans [...]“ sagði Guðni, sem gat ekki
klárað setninguna fyrir frammíköll-
um. Síðar sagði hann: „Svo sný ég
mér að hinum fuglunum sem voru í
sjálfu sér miklu dýrmætari í Reykja-
vík, í húsdýragarðinum. Þeir áttu að
fá að lifa en þeir urðu að deyja bless-
aðir vegna þess að það fannst í garð-
inum veira: H5N2 og H529.“ Þá var
kallað úr þingsalnum: „Framsóknar-
veira.“ Guðni svaraði að bragði:
„Sennilega samfylkingargen.“
Um pilsners-
mörk og sam-
fylkingargen
Eftir Örnu Schram
arna@mbl.is
JAKOB Falur Garðarsson, fram-
kvæmdastjóri Frumtaka, samtaka
framleiðenda frumlyfja, undrast þá
tölu sem heilbrigðisráðherra, Siv
Friðleifsdóttir, nefndi í umræðum á
Alþingi í fyrradag, um kostnað við
markaðssetningu lyfja. Ráðherra
sagði að talið væri að lyfjafyrirtæki
notuðu u.þ.b. 400 milljónir á ári til
að markaðssetja lyf hér á landi.
Jakob Falur kveðst kalla eftir
því hvaðan ráðherra hafi þessa
upphæð. „Ég get ekki með neinu
móti áttað mig á því hvernig þessi
tala er fundin út,“ segir hann. „Það
er staðreynd að af hálfu ráðuneyt-
isins hefur ekki verið haft samband
við neitt af þeim fyrirtækjum sem
starfa á þessum markaði hér á
landi. Það hefur heldur ekki verið
haft samband við samtök framleið-
enda frumlyfja. Enda kemur þessi
tala ekki heim og saman við þann
raunveruleika sem við búum við í
dag.“
Jakob Falur segir aukinheldur
að hann átti sig ekki á því hvað ráð-
herra eigi við með orðinu „mark-
aðssetningu“. Hann segir að kostn-
aður lyfjafyrirtækja við að halda
lyfi á markaði, þ.e. þannig að það
uppfylli öll leyfi, sé rúmlega ein
milljón á ári. Um það bil 3.300
vörunúmer séu á lyfjaskránni, sem
þýði að kostnaður við að halda
þeim lyfjum á markaði, sé samtals
vel á fjórða milljarð króna á ári. „Í
þessu samhengi er sú tala sem ráð-
herra nefndi glórulaus.“ Hann seg-
ir ennfremur að sé talan sem ráð-
herra nefndi sett í samhengi við
heildarveltu fyrirtækjanna á mark-
aði, komi í ljós að hún sé um það bil
4% af heildarveltunni. „Ef við
göngum út frá því að ráðherrann
hafi rétt fyrir sér hlýtur maður að
spyrja: er 4% mikill kostnaður?
Hvað ætli bankarnir verji miklu í
markaðssetningu [miðað við heild-
arveltuna] nú eða Ríkisútvarpið eða
fjölmiðlarnir?“
Jakob Falur segir ennfremur,
vegna ummæla ráðherrans um
tengsl lækna og lyfjafyrirtækja, að
mikilvægt sé að fyrirtækin geti
kynnt læknum nýjustu lyfin. Það sé
í raun mikilvægur hluti af endur-
og símenntun lækna. „Vinnuveit-
endur lækna standa sig ekki í því
að leggja þeim lið í slíkri endur- og
símenntun en lyfjafyrirtækin hafa
þar komið sterklega til aðstoðar.“
Undrast tölu heil-
brigðisráðherra
Segir mikilvægt að fyrirtækin geti
kynnt læknum nýjustu lyfin