Morgunblaðið - 06.12.2006, Blaðsíða 23
hönnun
MORGUNBLAÐIÐ MIÐVIKUDAGUR 6. DESEMBER 2006 23
Listakonurnar fimm, sem nú rekaListaselið, eiga húsnæðið og rekaþað í sameiningu og skiptast á umað vera á búðarvaktinni á milli
þess sem þær búa til fagra listmuni heima
hjá sér.
Nokkrar mannabreytingar hafa átt sér
stað í hópnum síðan stofnað var til þessarar
ágætu listasamvinnu árið 2000.
Listakonurnar fimm, sem nú bera hita og
þunga af Listaselinu, þær Helena, Þóra,
Harpa, Ólöf og Guðbjörg, hafa nú tekið búð-
ina í gegn til að skapa réttu stemninguna og
ætla að vera með kaffi og piparkökur á
borðum út aðventuna.
Þóra Einarsdóttir var í fjögur ár í
Myndlistarskólanum í Reykjavík og lærði
auk þess hjá myndlistarmanninum Þorra
Hringssyni. Nú er Þóra aðallega að mála ol-
íu- og vatnslitamyndir auk þess sem hún
málar á silki. Verkin sín selur hún einnig í
Listfléttunni og Gallerý Thors í Hafnarfirði.
Guðbjörg Magnúsdóttir var í síðasta
árganginum sem útskrifaðist úr Myndlista-
og handíðaskóla Íslands árið 1999 sem nú er
orðinn Listaháskólinn. Hún er nú á kafi í
keramikinu og selur verkin sín einnig í Gall-
ery Fold.
Helena Sólbrá Kristinsdóttir er textíl-
listakona fram í fingurgóma. Hún fór á
listabraut Fjölbrautaskólanum í Breiðholti
og er nú að búa til nytjahluti á borð við
peysur, trefla, púða og síðast en ekki síst
töskur úr fiskroði, leðri og skinni.
Harpa María Gunnlaugsdóttir smíðar
skartgripi eftir eigin hönnun úr messing og
silfri og notar perlur og steina í bland. Hún
segist hafa lært iðnina með því að sækja
nokkur námskeið, en síðan hafi þetta
skemmtilega áhugamál bólgnað út í bíl-
skúrnum heima. Skartgripirnir hennar
Hörpu eru líka til í Norska húsinu í Stykk-
ishólmi og svo fer hún á hverju sumri hlaðin
skartgripum á handverkssýninguna að
Hrafnagili í Eyjafirði.
Ólöf Sæmundsdóttir vinnur í gler. Tólf ár
eru liðin síðan hún fór að prófa sig áfram,
en er nú að útskrifast af listabraut FB auk
þess sem hún hefur sótt glerlistanámskeið
til Danmerkur og hefur auk þess sjálf haldið
slík námskeið hér heima.
Líf og fjör í miðborginni
Listakonurnar fimm sjá ekkert nema já-
kvætt við það að sameinast í versl-
unarrekstrinum en skilyrði sé að þær komi
hver úr sinni áttinni svo að vöruúrvalið sé
sem fjölbreyttast.
„Það er líka fínt að vera í miðbænum.
Hérna er hringiðan og hérna eru túristarnir
þó segja megi að Íslendingar séu okkar
stærsti viðskiptamannahópur. Það er mikil
stemning hér í kringum alls konar viðburði,
t.d. á menningarnótt, fyrsta vetrardag, kjöt-
súpudaginn og á aðventunni. Skólavörðu-
stígurinn er að verða svo skemmtilega
menningarlegur. Hér eru gallerí, hönnuðir
og handverksfólk allt í kring. Miðbærinn er
svo sannarlega ekki dauður úr öllum æðum
því hér er oft mikið líf og fjör,“ segja þær
stöllur og bæta við að verslunarsamvinnan
sé með ágætum. Þær setji bara pening í
krús fyrir sameiginlegum rekstri.
join@mbl.is
Ólíkar listakonur saman í rekstri
Morgunblaðið/Ásdís
Listakonur og verslunareigendur Harpa María Gunnlaugsdóttir, Guðbjörg Magnúsdóttir,
Helena Sólbrá Kristinsdóttir, Ólöf Sæmundsdóttir og Þóra Einarsdóttir.
Leir Keramikverk eftir Guðbjörgu.
Í litlu vinalegu rauðu húsi á
miðjum Skólavörðustígnum er
lítil og krúttleg búð í aðeins fjöru-
tíu fermetra rými þar sem allt úir
og grúir í list. Jóhanna Ingv-
arsdóttir brá sér í heimsókn.
Gagnsætt Glerlist eftir Ólöfu.