Morgunblaðið - 08.12.2006, Blaðsíða 11
MORGUNBLAÐIÐ FÖSTUDAGUR 8. DESEMBER 2006 11
FRÉTTIR
Rannveig Káradóttir syngur lög
og texta Kristjáns Hreinssonar
SMELLIN OG HUGLJÚF PLATA
FYRIR YNGSTU BÖRNIN!
SKÓLAVÖRÐUSTÍG 15 511-5656
FIOLSTRÆDE 7 3336 5656
WWW.12TONAR.IS
Sea Kelp baðlínan
tilvalin í jólapakkann fyrir hann/hana
Helstu sölustaðir:
Lyf og heilsa, Lyfja,
Hagkaup Smáralind og
Blómavalsverslanirnar.
!
"
# $ % $
&'
"(
Eftir Brján Jónasson
brjann@mbl.is
SAMFYLKINGIN rétti í gær fram sáttahönd
til ríkisstjórnarflokkanna vegna frumvarps
menntamálaráðherra um Ríkisútvarpið. Ingi-
björg Sólrún Gísladóttir, formaður Samfylk-
ingarinnar, sagði að nú þegar samkomulag
hefði náðst um að frumvarpið yrði ekki keyrt í
gegn fyrir jólafrí ætti að nýta tímann til að ná
þverpólitískri sátt.
„Ég tel mikilvægt að við nýtum það lag sem
nú er þar til að það [frumvarpið] kemur til
þriðju umræðu til þess að freista þess að ná
einhverri samstöðu um Ríkisútvarpið,“ sagði
Ingibjörg Sólrún á fundi sem Samfylkingin
boðaði með fjölmiðlafólki til að kynna tillögur
sínar um Ríkisútvarpið (RÚV).
„Ég held að það væri hægt að gera t.d. með
því að setja yfir það pólitíska nefnd, nefnd
skipaða af þingflokksformönnum flokkanna,
sem myndi reyna að ná niðurstöðu í málið.
Það er smáandrými núna og við eigum að
reyna að nýta það,“ sagði Ingibjörg Sólrún.
Hún sagði að svo virtist sem það áttuðu sig
ekki allir á því um hvað deilan um RÚV sner-
ist. „Það er ekki þannig að stjórnarandstæð-
ingar hér á þinginu hafi af því einhverja sér-
staka ánægju af því að teygja lopann hér í
þingsalnum og reyna á þolrifin […] í stjórn-
arliðinu. Það er ekki þess vegna sem við erum
að tala svona mikið um Ríkisútvarpið,“ sagði
Ingibjörg.
Frumvarpið skapar enga sátt
„Verði frumvarpið að lögum núna verður
engin sátt um Ríkisútvarpið. Þá mun frekar
herða á átökum um útvarpið á komandi miss-
erum og árum. Við óttumst að það geti orðið
til þess að við munum ekki, þegar fram líða
stundir, eiga hér sjálfstætt, öflugt almanna-
útvarp. Það er það sem við í Samfylkingunni
leggjum megináherslu á; sjálfstætt, öflugt al-
mannaútvarp,“ sagði Ingibjörg Sólrún á fund-
inum í gær.
Hún sagði aðspurð að hún óttaðist að vegna
þeirra deilna sem mundu verða vegna fyr-
irhugaðra breytinga á RÚV mundu sam-
keppnisaðilar ekki sætta sig við RÚV. Vegna
m.a. fyrirhugaðs nefskatts mundu óvinsældir
þess aukast, og sótt yrði að því vegna þess.
Það mundi svo greiða leiðina fyrir þá hugsun
að ekkert væri unnið við að vera með rík-
isútvarp, og í framhaldinu spyrðu menn hvers
vegna ætti ekki að selja það.
Rekstrarfyrirkomulagið er lykilatriði í að
skapa sátt um RÚV, og ein helsta ástæðan
fyrir því að Samfylkingin leggst gegn hug-
myndum meirihlutans um RÚV. Í tillögum
Samfylkingarinnar er lagt til að það verði
sjálfseignarstofnun með stjórn sem kosin sé af
Alþingi, en ekki hlutafélag eins og gert er ráð
fyrir í frumvarpi menntamálaráðherra. Kost-
urinn við það er að þar myndast ákveðin fjar-
lægð við framkvæmdavaldið, segir Ingibjörg.
„Hlutafélagaformið er hins vegar það form
sem þeim fyrirtækjum er almennt valið sem
keppa á markaði. Við ætlumst ekki til þess að
Ríkisútvarpið verði eins og hver annar sam-
keppnisaðili á útvarpsmarkaði; að það beiti
sér af fullri hörku í samkeppni við aðra miðla,
hafandi jafnframt í farteskinu verulegan að-
gang að sérmörkuðum tekjustofnum sem aðr-
ir fjölmiðlar hafa ekki. Þess vegna teljum við
mikilvægt, og hefur mikla táknræna þýðingu,
að Ríkisútvarpið sé ekki hlutafélag eins og
aðrir miðlar á þessum markaði,“ sagði Ingi-
björg.
Samfylkingin gagnrýnir einnig að óljóst sé
hvert hlutverk hins nýja hlutafélags eigi að
vera. Því sé m.a. gefið undir fótinn að RÚV sé
ætlað að keppa á samkeppnismarkaði með að-
stoð ríkisstyrks. Einnig séu réttindi starfs-
manna ekki tryggð með þeim hætti sem vera
eigi í almannaútvarpi á ábyrgð ríkisvaldsins.
Nefskattur óheppilegur
Samfylkingin leggur einnig til að starfs-
menn komi inn í stjórn Ríkisútvarpsins, til að
meirihluti stjórnarinnar endurspegli ekki rík-
isstjórnarmeirihluta á hverjum tíma. Mörður
Árnason, þingmaður Samfylkingarinnar, lagði
í gær áherslu á að stjórnmálamenn skipulegðu
ekki fjölmiðlun í landinu; að ríkjandi stjórn-
völd hefðu ekki meirihluta stjórnar RÚV á
sínu forræði.
Ennfremur telja þingmenn Samfylkingar-
innar það óheppilegt að RÚV fái tekjur með
nefskatti. Spurð hvernig eigi að fjármagna
RÚV segir Ingibjörg Sólrún að afnotagjald
eins og notað sé í dag sé við lýði í mörgum
löndum. Einnig komi framlög á fjárlögum til
greina, að því gefnu að þau stjórnist af lang-
tímasamningum við RÚV en ekki skammtíma-
sjónarmiðum við gerð hverra fjárlaga.
Samfylkingin vill að pólitísk nefnd fjalli um frumvarp um Ríkisútvarpið fyrir þriðju umræðu á Alþingi
Hægt að ná sátt
um Ríkisútvarpið
Morgunblaðið/Árni Sæberg
Kynntu hugmyndir Ingibjörg Sólrún Gísladóttir kynnti í gær hugmyndir Samfylkingarinnar
til að ná sátt um Ríkisútvarpið ásamt Merði Árnasyni (t.v.) og Össuri Skarphéðinssyni.
HÆSTIRÉTTUR hefur stytt fang-
elsisrefsingu tvítugs pilts sem Hér-
aðsdómur Reykjavíkur dæmdi í
tveggja ára fangelsi fyrir kynferð-
isbrot gegn stúlku úti á víðavangi við
tjaldstæði í fyrrasumar. Hæstiréttur
stytti dóminn í 18 mánaða fangelsi
og dæmdi hann til greiðslu 800 þús-
unda króna í skaðabætur. Tekið var
tillit til ungs aldurs ákærða og máls-
atvika. Hann var sakfelldur fyrir að
hafa þröngvað stúlkunni til kynferð-
ismaka með því að neyða hana til að
hafa við sig munnmök. Einnig var
hann sakfelldur fyrir að hafa gert til-
raun til að þröngva henni til samræð-
is. Stúlkan þótti trúverðug í frásögn
sinni. Sagðist hún hafa hitt piltinn á
tjaldstæðinu og gengið með honum
að trjálundi skammt frá. Eftir það
mundi hún ekki eftir sér fyrr en hún
hefði legið á bakinu, verið komin úr
fötum að neðanverðu og strákurinn
legið við hlið hennar. Þegar hann
hafði brotið gegn henni sagði stúlkan
hann hafa staðið upp og hún legið
grátandi í grasinu. Strákurinn hefði
hlegið að henni og sagst myndu
drepa hana ef hún segði frá.
Þegar læknir skoðaði stúlkuna
sagðist hann ekki lengi hafa séð ein-
stakling í eins miklu áfalli. Sálfræð-
ingur sagði hana ennfremur hafa öll
einkenni þess að hafa orðið fyrir
áfalli. Málið dæmdu hæstaréttar-
dómararnir Gunnlaugur Claessen,
Árni Kolbeinsson, Garðar Gíslason,
Hrafn Bragason og Markús Sigur-
björnsson. Verjendur voru Sveinn
Andri Sveinsson hrl. og Sigríður Rut
Júlíusdóttir hdl. Sækjandi var Sig-
ríður Elsa Kjartansdóttir saksókn-
ari hjá ríkissaksóknara.
Dæmdur
fyrir kyn-
ferðisbrot
SAMFYLKINGIN setti í gær fram fimm hug-
myndir sem miða eiga að því að skapa sátt
milli andstæðra sjónarmiða og starfsfrið um
Ríkisútvarpið.
Ríkisútvarpið verði sjálfseignarstofnun
með eigin stjórn sem Alþingi kjósi. Starfs-
menn eigi að auki sæti í stjórninni til að tryggt
sé að ekki myndist ríkisstjórnarmeirihluti.
Komið verði á Hlustendaþingi sem komi að
stefnumótun Ríkisútvarpsins. Útvarpsráð
verði lagt niður og pólitísk afskipti afnumin.
Fjármögnun Ríkisútvarpsins verði blönduð,
annars vegar með ríkisframlagi og sérstökum
öðrum tekjum, en hins vegar með auglýsinga-
tekjum. Þær tekjur verði ekki hærri en 15–
20% af heildartekjum Ríkisútvarpsins.
Ríkisútvarpið sé almannaútvarp og dag-
skráin miðist við vandaðan fréttaflutning,
menningarmiðlun, fræðslu og lýðræðislega
umræðu. Áhersla verði á innlenda dag-
skrárgerð og nána samvinnu við sjálfstæða
framleiðendur dagskrárefnis.
Ríkisútvarpið verði sjálfstætt, óháð stjórn-
mála- og viðskiptahagsmunum. Starfsmenn
búi við ritstjórnarlegt sjálfstæði og skýr að-
greining verði mörkuð á dagskrárgerð og
auglýsingum. Settar verði reglur um kostun
sem taki mið af því.
Skapa þarf sátt
og starfsfrið
AUGLÝSINGADEILD
netfang: augl@mbl.is eða sími 569 1111