Morgunblaðið - 08.12.2006, Blaðsíða 14

14 FÖSTUDAGUR 8. DESEMBER 2006 MORGUNBLAÐIÐ
FRÉTTIR
GERÐ hefur verið réttarsátt í
máli Björns Friðfinnssonar, fyrr-
verandi ráðuneytisstjóra í iðnaðar-
og viðskiptaráðuneytinu, gegn
stjórnvöldum, sem felur í sér að
Björn fær greidd laun til sjötíu ára
aldurs, auk miskabóta að fjárhæð
2 milljónir króna.
Yfirlýsing Björns af þessu til-
efni, sem undirrituð er af Jakobi
R. Möller hæstaréttarlögmanni
er svohljóðandi: „Í dag lauk með
réttarsátt dómsmáli, sem á rætur
sínar að rekja til ársins 1996.
Stefnandi, Björn Friðfinnsson,
skipaður ráðuneytisstjóri í iðn-
aðar- og viðskiptaráðuneytunum
með æviráðningu, fékk í ágúst
1993 launalaust leyfi frá störfum
til þess að gegna starfi fram-
kvæmdastjóra Eftirlitsstofnunar
EFTA í Brussel í tvö ár, en Björn
hafði tekið mjög virkan þátt í
samningunum um EES. Það leyfi
var síðar framlengt til ársloka
1996 með bréfi Finns Ingólfsson-
ar, iðnaðar- og viðskiptaráðherra,
en um leið var tekið fram í bréfi
ráðherra að ekki yrði um frekari
framlengingu leyfisins að ræða.
Vorið 1996 sagði Björn síðan upp
starfi sínu hjá ESA og bjó sig til
heimferðar í árslok. Fáum dögum
fyrir heimkomuna bárust honum
síðan boð ráðherra um að hann
hefði skipt um skoðun og hygðist
nú ekki fela honum starf ráðu-
neytisstjóra að nýju. Engar
ástæður voru tilgreindar fyrir
þessum sinnaskiptum en tekið
var fram að í staðinn gæti Björn
fengið starf hjá undirstofnun
ráðuneytisins.
Fleiri tilfærslur ráðuneytis-
stjóra milli ráðuneyta
Björn sætti sig ekki við þetta,
en niðurstaðan varð sú að hann
féllst á að taka við starfi sérstaks
ráðgjafa ríkisstjórnarinnar um
EES-mál um tveggja ára skeið,
enda var um leið gerður samn-
ingur um að hann skyldi snúa til
fyrra starfs í síðasta lagi að tveim-
ur árum liðnum. Þegar þar að kom
var enn fyrirstaða hjá ráðherra
um að Björn sneri til fyrri starfa í
iðnaðar- og viðskiptaráðuneytinu
en þá var ákveðið að Björn tæki
við stjórn dóms- og kirkjumála-
ráðuneytisins til 5 ára en þá voru
einnig gerðar fleiri tilfærslur ráðu-
neytisstjóra milli ráðuneyta með
samþykki þeirra. Um leið var gert
skriflegt samkomulag um að Björn
myndi taka við starfi ráðuneyt-
isstjóra í iðnaðar- og viðskipta-
ráðuneytinu þegar 5 ára tímabilinu
lyki.
Ekki var staðið við það sam-
komulag af hálfu nýs ráðherra
þegar til kom. Var endurkomu
Björns frestað um 2 ár með nýjum
samningi, sem ekki var heldur
efndur þegar til átti að taka. Björn
höfðaði þá mál gegn ríkissjóði, þar
sem aðalkrafa hans var að staðið
yrði við gerðan samning um end-
urkomu hans í ráðuneytið. Jafn-
framt var krafist miskabóta vegna
framkomu ríkisins í hans garð.
Niðurstaða dómsáttarinnar sem
gerð var í dag er að ríkissjóður
fellst á að greiða Birni laun til
fullnaðs sjötíu ára aldurs ásamt
miskabótum að fjárhæð 2 milljónir
króna. Ríkissjóður áskilur sér rétt
til að leita til Björns um ráðgjöf og
verkefnavinnu á vegum ráðuneyta
á meðan á launagreiðslum skv.
réttarsáttinni stendur, en það skal
þó ekki hindra Björn í að taka að
sér verkefni fyrir aðra aðila.
Björn telur að sáttin, sem und-
irrituð er af forsætis-, fjármála- og
iðnaðar- og viðskiptaráðherra feli í
sér viðurkenningu á margföldum
vanefndum ríkisins á gerðum
samningum og ólögmætum vinnu-
brögðum af þess hálfu.
Björn telur einnig að málið ætti
að vekja menn til umhugsunar um
skort á skýrum reglum um réttindi
þeirra starfsmanna hins opinbera
sem taka að sér tímabundið að
sinna á erlendri grundu störfum á
vegum íslenskra stjórnvalda. Þar
til slíkar reglur verða settar er
viðbúið að til fleiri dómsmála af
svipaðri rót eigi eftir að koma,“
samkvæmt yfirlýsingu Björns
Friðfinnssonar.
Björn fær laun til sjötugs
Réttarsátt gerð í máli fyrrverandi ráðuneytisstjóra gegn stjórnvöldum
NÝR forstjóri
verður ráðinn að
Umhverfisstofn-
un, en samkomu-
lag hefur tekist
milli umhverfis-
ráðuneytisins og
Davíðs Egilsonar,
forstjóra stofnun-
arinnar, um að
hann láti af störf-
um. Verður staðan auglýst og mun
Davíð gegna embættinu þar til nýr
forstjóri hefur verið ráðinn.
Davíð sagði í samtali við Morgun-
blaðið að það væri sitt mat að þetta
væri starfsemi stofnunarinnar fyrir
bestu og að það væri fullt samkomu-
lag um þessa niðurstöðu. Fyrir lægi
úttekt á stjórn og skipulagi stofnun-
arinnar og þar kæmi skýrt fram að
sameining hennar hefði gengið vel í
upphafi. Nú væri kominn tími til að
þróa stofnunina áfram og það væri
sameiginleg niðurstaða að þær
breytingar sem lagðar væru til væru
það viðamiklar að eðlilegt væri að
nýr forstjóri stýrði því starfi.
Hættir hjá
Umhverfis-
stofnun
Davíð Egilson