Morgunblaðið - 08.12.2006, Blaðsíða 15
MORGUNBLAÐIÐ FÖSTUDAGUR 8. DESEMBER 2006 15
ÚR VERINU
MEÐALVERÐ á þorski á fisk-
mörkuðum í haust hefur verið
hærra en nokkru sinni áður. Í októ-
ber fór meðalverðið í 217,54 krónur
og í nóvember varð það enn hærra,
225,86 krónur á kíló. Hið háa verð í
nóvember skýrist að nokkru leyti af
því að framboð þá var það minnsta
sem verið hefur vegna gæftaleysis.
Eyjólfur Guðlaugsson, fram-
kvæmdastjóri Íslandsmarkaðar,
segir hafa farið saman í haust,
minna framboð og aukna eftirspurn.
Því sé verðið hátt. „Fiskkaupendur,
sem voru í heimsókn hjá mér í vik-
unni sögðu að það vantaði fisk um
allan heim,“ segir Eyjólfur.
Árið í ár hefur verið mjög gott að
sögn hans. Í flestum mánuðum hef-
ur verið selt meira en í sömu mán-
uðum í fyrra, en það ár þótti mjög
gott. Á þessu ári hefur verið selt
fyrir meira en milljarð í hverjum
mánuði, en það hefur aldrei gerzt
áður. Mest var salan í marz og maí,
um 1,6 milljarðar hvorn mánuð.
Þrátt fyrir að mjög lítið hafi verið
selt í nóvember, nam salan þá 1,2
milljörðum króna, sem er met í þeim
mánuði.
Nú eru 6 til 7 fastir erlendir kaup-
endur á innlendu mörkuðunum.
Skozkur kaupandi er þar stærstur,
en hann sérhæfir sig í skötusel. Í
verðmætum talið er hann 13. stærsti
kaupandinn en sá 18. mælt í magni.
! "
#
$%
Þorskverð aldrei hærra
HB Grandi hefur ákveðið að leggja
ísfisktogaranum Brettingi NS 50 í
byrjun marz á næsta ári. Hann
hefur verið gerður út frá Vopna-
firði en einkum aflað hráefnis fyrir
þorskvinnslu HB Granda á Akra-
nesi. Veiðiheimildir skipsins verða
fluttar yfir á önnur skip í eigu fé-
lagsins. Áhöfninni hefur verið sagt
upp og verður reynt að ráða sem
flesta í pláss á öðrum skipum fé-
lagsins.
Eggert Benedikt Guðmundsson,
forstjóri HB Granda, segir þetta
nauðsynlega hagræðingu, meðal
annars í ljósi minnkandi þorsk-
veiðiheimilda. HB Grandi gerir eft-
ir sem áður út þrjá ísfisktogara og
munu þeir afla hráefnis fyrir
vinnslur fyrirtækisins í Reykjavík
og á Akranesi.
Þótt Brettingur sé skráður á
Vopnafirði mun það ekki hafa áhrif
á starfsemi félagsins þar að skipinu
verður lagt. Eins og áður sagði
hefur þorskafli Brettings farið til
vinnslu á Akranesi og ýsa farið á
markað.
Mikil uppbygging
á Vopnafirði
Mikil uppbygging hefur átt sér
stað í uppsjávarvinnslu HB Granda
á Vopnafirði í ár og á síðasta ári og
hefur vinnslugetan ekki aðeins ver-
ið þrefölduð, að sögn Eggerts,
heldur hefur öll vinnuaðstaða verið
bætt mikið. Þá er kominn grunnur
að frystigeymslu á staðnum, sem
verður reist í vetur. Þar sem
áherzlan hefur verið lögð á vinnslu
á uppsjávarfiski á Vopnafirði, er
botnfiskur aðeins unninn þar þann
tíma, sem uppsjávarfiskur er ekki
unninn. Hráefnis til þeirrar
vinnslu, fyrst og fremst ýsu, hefur
verið aflað á fiskmörkuðum og af
ýmsum viðskiptabátum.
„Þessi aðgerð er hluti af nauð-
synlegri hagræðingu, en hún kem-
ur því miður niður á áhöfn skips-
ins. Við munum gera það sem við
getum til að finna pláss fyrir
mannskapinn á öðrum skipum fé-
lagsins.“ segir Eggert Benedikt
Guðmundsson.
Á fertugsaldri
Brettingur er kominn til ára
sinna, smíðaður 1973 og er einn
hinna svokölluðu Japanstogara,
sem komu til landsins á þessum
tíma. Hann er 582 brúttórúmlestir
og ríflega 57 metrar að lengd.
Hann var lengdur 1988 og þá sett-
ur í hann búnaður til heilfryst-
ingar.
Brettingi verður lagt
Reynt að ráða sem flesta úr áhöfninni á önnur skip HB Granda
– Engin áhrif á fiskvinnslu félagsins á Vopnafirði
Eftir Hjört Gíslason
hjgi@mbl.is
Í HNOTSKURN
»Veiðiheimildir skipsinsverða fluttar yfir á önnur
skip í eigu félagsins
»Brettingur er kominn tilára sinna, smíðaður 1973
og er einn hinna svokölluðu
Japanstogara