Morgunblaðið - 08.12.2006, Blaðsíða 32
aðventan
32 FÖSTUDAGUR 8. DESEMBER 2006 MORGUNBLAÐIÐ
Kórtónleikar
Á aðventu keppast kórar landsins við að
syngja sig inn í hjörtu okkar og um helgina er
um auðugan garð að gresja í þeim efnum. Vox
feminae verður með útgáfutónleika í Þjóð-
menningarhúsinu á sunnudag, Söngsveitin Fíl-
harmónía heldur aðventutónleika í Langholts-
kirkju á sunnudagskvöld, Freyjukórinn
syngur í Reykholtskirkju í Borgarfirði á föstu-
dag, Kvennakór Garðabæjar er með aðventu-
tónleika á laugardag og sama dag syngur Mos-
fellskórinn í Mjóddinni svo eitthvað sé nefnt.
Jólahlaðborð fjölskyldunnar
Grýla og jólasveinarnar koma í snemmbúna
heimsókn í bæinn og verða veislustjórar á
Jólahlaðborði fjölskyldunnar í Fjölskyldu- og
húsdýragarðinum um helgina. Gleðin stendur
yfir milli klukkan 11.30 og 13 á laugardag og
sunnudag.
Aðventudagar Sólheima
Vinnustofur Sólheima verða opnar almenn-
ingi milli klukkan 13 og 18 á laugardag auk
þess sem brúðuleikhús verður í íþróttaleikhús-
inu á staðnum kl. 13.30 sama dag. Kl. 15.30
verða tónleikar og upplestur í Grænu könn-
unni þar sem Kristjana Stefánsdóttir söng-
kona, Andrés Þór Gunnlaugsson gítarleikari
og Aðalsteinn Ásberg rithöfundur munu troða
upp. Á sunnudaginn kl. 14 verða litlu jólin í
íþróttaleikhúsinu á vegum Lionsklúbbsins
Ægis. Ókeypis aðgangur.
Jólaljósin
Ef þú ert ekki þegar búinn að varpa bjarma
jólaljósa á nánasta umhverfi er ekki seinna
vænna að grafa gömlu jólaseríuna upp úr kjall-
aranum og skella henni út á svalir. Það eru
nefnilega bara tvær vikur til jóla.
Ghostigital í Liborius
Snillingarnir í Ghostigital verða með tón-
leika á laugardag kl. 17 í Loborius, sem er á
Mýrargötu, gegnt Hamborgarabúllunni við
gömlu höfnina. Bandið er önnum kafið við að
kynna nýja plötu sína, In cod we trust, um
þessar mundir. Aðgangur er ókeypis og ekkert
aldurstakmark.
Sund
Látum streituna líða úr okkur í heitu pott-
unum áður en tekist er á við hasarinn sem
fylgir innkaupunum og öðrum undirbúningi
jólanna.
Aðventukvöld
Þeir sem vilja notalega og hátíðlega stund
geta farið á aðventukvöld í Árbæjarkirkju á
sunnudag kl. 20. Ræðumaður verður Guðfinna
Bjarnadóttir, Gunnar Kvaran leikur á selló og
Guðný Guðmundsóttir á fiðlu. Þá flytja ferm-
ingarbörn helgileik. Eftir athöfnina geta gestir
gætt sér á heitu súkkulaði og piparkökum.
Ljóð og tónar
Elísabet Eyþórsdóttir og hljómsveit munu
syngja og leika lög af plötunni „Þriðja leiðin“ í
Von við Efstaleiti laugardaginn kl. 21. Kaffi og
veitingar verða í boði SÁÁ og Súfistans. Að-
gangur er ókeypis.
mælt með ...
Veistu, ég þarf ekki annað en aðfinna lyktina af honum, þá er égkomin aftur til fortíðar!“ segirArnhildur og á þar við stóran, for-
láta jólasvein sem prýddi heimili þeirra
systra þegar þær ólust upp. Elín tekur í
sama streng. Sveininn góða keypti mamma
þeirra í Bandaríkjunum fyrir nokkrum ára-
tugum, þegar hún starfaði sem flugfreyja
líkt og Arnhildur gerir nú. Elín þykir með
betri förðunarfræðingum á landinu og hefur
mikið að gera á þessum árstíma. Það er
kannski vegna þess að Arnhildur hefur
ágætis aðgang að fallegu jólaskrauti í ferð-
um sínum til Bandaríkjanna, að hálfs metra
manninn er nú að finna í jóladóti Elínar.
Dolfallnar á náttfötunum
Þær segja það meðal annars mömmu
þeirra að þakka að þær njóti jólanna til
hins ýtrasta og séu í dag mikil jólabörn.
Henni tókst frábærlega að gera mikið úr
hátíðinni með jólakökubakstri og fagurlega
skreyttum híbýlum. Á þeim tíma tíðkaðist
ekki að byrja að setja upp skraut fyrr en
jafnvel á Þorláksmessu og þegar þær vökn-
uðu á aðfangadag var hún búin að skreyta
allt hátt og lágt. Eftirvæntingin leyndi sér
ekki þegar systurnar læddust fram úr eld-
snemma að morgni aðfangadags og dol-
fallnar stóðu þær í stofugættinni á náttföt-
unum með undrunar- og aðdáunarsvip.
„Mamma hefur alltaf verið rosaleg jóla-
kona. Það er ofboðslega gaman að koma til
hennar og einhvern veginn alltaf eins og
hún sé að bæta við í jólaskrautinu.“
Feðgin spiluðu saman í messu
Pabbi þeirra, Reynir Jónasson, spilaði um
árabil á orgel í Neskirkju og á aðfangadag
spilaði hann í tveimur messum, bæði klukk-
an sex og í miðnæturmessu. Að sex messu
lokinni var farið heim til mömmu sem var
tilbúin með matinn. Eftir að foreldrar
þeirra skildu hélst sú hefð og ekki tiltöku-
mál þótt móðir þeirra hefði kynnst nýjum
manni, því fleiri – því betra. Aldrei hefði
andrúmsloftið verið þvingað heldur var
þvert á móti mikil virðing og vinátta á milli
allra aðila. Þær eru foreldrum sínum afar
þakklátar fyrir þetta fyrirkomulag og segja
að fleiri mættu haga hlutunum með þessum
hætti. Eftir borðhald, pakka og góða sam-
veru endaði kvöldið á því að allir fóru sam-
an í miðnæturmessuna. Þá spilaði Arnhildur
Heims um ból á trompet og pabbi þeirra
lék undir á orgelið. Blaðamaður fær gæsa-
húð við lýsingar systranna sem þykir þetta
aftur á móti hinn eðlilegasti hlutur.
Barnaleg jól
Talið berst að jólabakstri og hefðum í
kringum jól. „Ég er dálítið á móti því að
verið sé að stressa fólk með of miklum
hefðum. Allt í lagi að koma sér upp ein-
hverju en svo verður maður miður sín ef
það næst ekki einhver hefð sem er alltaf.
Morgunblaðið/Ásdís
Aðdragandi jólanna
er skemmtilegastur
„Við fengum oft það sama í jóla-
gjöf og pössuðum okkur því
vandlega að kíkja ekki á hvað
hin var að fá,“ segja þær Arn-
hildur og Elín Reynisdætur.
Katrín Brynja Hermannsdóttir
hitti systurnar til að rifja upp
gamla daga og spá í barnalegt
jólahald á fullorðinsárum.
Morgunblaðið/Ásdís
Morgunblaðið/Ásdís
Systurnar Hér eru Arnhildur og Elín með jólasveininn hálffimmtuga sem hefur fylgt þeim alla tíð.
Einn og þrír Elín er byrjuð að safna gömlu sveinunum og er staðráðin í að eignast þá alla.
Eftirlæti Jólakúlan er spiladós og líka í
miklu uppáhaldi hjá Elínu.