Morgunblaðið - 08.12.2006, Blaðsíða 62

|föstudagur|8. 12. 2006| mbl.is
staðurstund
Jólamyndin The Holiday er róm-
antísk gamanmynd með þeim
Jude Law og Cameron Diaz.
Hún er frumsýnd í dag. » 67
kvikmynd
Árni Matthíasson segir tilnefn-
ingar til Íslensku tónlistarverð-
launanna gefa villandi mynd af
tónlistarárinu. »65
af listum
Jóhann Helgason talar þrjú
tungumál og er að hlusta á Jeff
Buckley. Jóhann er aðalsmaður
vikunnar. » 64
Fólk
Tónlistarmaðurinn Keith Rich-
ards er svalur að mati tónlist-
artímaritsins NME, þrátt fyrir
að vera sagður 326 ára. » 75
tónlist
Gísli Árnason gefur plötu Svið-
innar jarðar, Lögum til að skjóta
sig við, þrjár stjörnur og segir
gleðina víðsfjarri. » 69
dómur
Eftir Bergþóru Jónsdóttur
begga@mbl.is
Sull og skvett á plexígler,þar sem sköpun og eyðingfallast í óafturkræfan faðmlosta og umburðarlyndis.“
Þannig lýsir Bjarni Sigurbjörns-
son eigin verkum sem verða á sýn-
ingu sem opnuð verður í Anima
galleríi í dag kl. 17. Bjarni verður
ekki einn í Animu, því með honum
sýna þeir Kristinn Már Pálmason
og Jón Óskar. Kristinn Már lætur
ekkert uppi um sín verk, annað en
það að hann haldi áfram upp-
teknum hætti við að mála og skafa
aftur og aftur, inn að sálarkvikunni
í verkum sem unnin eru með olíu á
krossvið.
Jón Óskar er jafn tæpitungulaus
í lýsingum á eigin verkum og segir
þau: „„allover“ krot í ætt við De-
laware-málverkin sem hann sýndi í
101 ekki alls fyrir löngu.“
Opið er í Animu alla daga nema
mánudaga frá kl. 13–17.
Tuttugu félagsmenn í Íslenskri
Grafík sameinast í sýningu sem
opnuð verður kl. 14 á morgun í
Grafíksafni Íslands, Tryggvagötu
17, hafnarmegin. Eins og gefur að
skilja með stóra samsýningu, þá
eru verkin sem þar verða sýnd
unnin með ýmiss konar tækni; þar
verður grafík, teikningar, málverk,
skúlptúr og fleira. Sýnendur eru
Ásrún Tryggvadóttir, Bjarni Björg-
vinsson, Björg Þorsteinsdóttir,
Daði Guðbjörnsson, Díana M.
Hrafnsdóttir, Elva Hreiðarsdóttir,
Friðrika Geirsdóttir, Gunnhildur
Þórðardóttir, Iréne Jensen, Jó-
hanna Bogadóttir, Jón Reykdal,
Kristín Pálmadóttir, Kristjana F.
Arndal, Margrét Guðmundsdóttir,
Pjetur Stefánsson, Rut Rebekka,
Sigrid Valtingojer, Sigrid Osterby,
Soffía Sæmundsdóttir og Valgerður
Björnsdóttir.
Sýningunni lýkur á Þorláks-
messu, en salurinn er opinn
fimmtudag til sunnudags frá kl. 14–
18.
Verk sem veitir skjól
Það er einmanalegri tónn í yf-
irskrift sýningarinnar sem opnuð
verður í Banananananas á Lauga-
vegi 80, Barónstígsmegin kl. 18 á
morgun. Hún heitir Einskismanns-
land, og sú sem sýnir er Hye Joung
Park.
Listakonan er frá Suður-Kóreu,
en býr og starfar í Reykjavík og í
London. Viðfangsefni hennar í list-
inni er skynjun okkar á tíma og
rými og upplifun einstaklingsins á
hlutskipti sínu. Hye Joung Park
sýnir aðeins eitt verk í Bananan-
ananas nú, en sérstakt, því það er
skapað kringum íslenska skamm-
degið og vetrarhörkur. Það stendur
í porti gallerísins, og veitir sýning-
argestum skjól. Unnur Mjöll Leifs-
dóttir skrifar hugleiðingu í sýning-
arskrána, og niðurlag hennar er
svohljóðandi: „Holdið hrörnar og
smám saman safnast fyrir reynsla
og viska um einskisnýta hluti. Dýr-
mætum tíma hefur verið fórnað.
Það er öllum sama um það hvað
einstaklingurinn hefur reynt og
hvað hann veit – nú er mál að halda
því fyrir sjálfan sig ef ekki er hægt
að koma því skipulega frá sér.
Það er alltaf nokkurra sekúndna
áfall sem fylgir því að vakna og vita
ekki hvar eða hver maður er.“
Smæð manneskjunnar
Í Boxi á Akureyri verður Barn
undir fjalli, opinberað á morgun kl.
14. Þetta er verk Kristínar Gunn-
laugsdóttur, unnið með aldagamalli
tækni – allt frá miðöldum, sem kall-
ast eggtempera. Verkið er unnið á
tré, en Kristín notar líka blaðgull.
Stærð verksins er 74 x 108 cm, og á
miðfleti þess blasir við stór stapi,
eða stór hluti af fjalli, klofinn í
þrennt. Undir fjallinu hvílir barn,
verndað af ógnarstærð og aldastyrk
þess. Verkið sýnir smæð og við-
kvæmni manneskjunnar, umvaf-
innar stórkostlegum kröftum, him-
ins og jarðar.
Sýning Kristínar í Boxi verður
opin fram á þrettánda.
Að lokum er vert að minna á
sýningar Spessa og Rúnu í Hafn-
arborg, og sýningar Magdalenu
Margrétar Kjartansdóttur og Tuu-
liu Vänämö í Dalí galleríi á Ak-
ureyri
Í vetrarmyrkrum einskismannslands
Bananananas Hye Joung Park sýnir verk skapað kringum íslenska skammdegið og vetrarhörkur.
Grafík, málverk og eggtempera meðal þess sem sjá má á sýningum sem opnaðar verða um helgina
Skvettur, skaf og krot Bjarni Sig-
urbjörnsson, Jón Óskar og Kristinn
Már Pálmason sýna í Anima galleríi.
ANNAÐ kvöld stendur útgáfufyr-
irtækið Triangle productions fyrir
tónleikum á Barnum á Laugavegi
22. Um er að ræða tónleika númer
tvö í tónleikaröð fyrirtækisins, en
til stendur að halda eina til tvenna
tónleika í hverjum mánuði næstu
mánuðina og að sögn aðstandenda
munu flestar tónlistarstefnur fá að
njóta sín. Á morgun verður hins
vegar hip-hopið í fyrirrúmi, en þeir
sem koma fram eru Beatmakin
Troopa, B Ruff, Rain, Guðni Acous-
tic og Original Melody. Pan Thor-
arensen, einn af aðstandendum tón-
leikanna, vill þó meina að ekki
verði eingöngu um hip-hop að
ræða. „Auðvitað er þetta fyrst og
fremst hip-hop en svo verður líka
smá blús-kántrí í þessu, þetta er
bara svona hrærigrautur,“ segir
Pan. Beatmakin Troopa er eins
manns hljómsveit, B-Ruff er plötu-
snúður, Rain er rappari, Guðni
Acoustic spilar tilraunakenndan
blús og Oricinal Melody er hip-hop
sveit sem sendi frá sér sína fyrstu
plötu fyrr á þessu ári. Pan segir að
á næstu tónleikum sem haldnir
verða þann 20. desember verði
rokk og indí í hávegum haft. Þá
segir hann að til standi að fá er-
lenda listamenn til landsins á
næsta ári.
Tónleikarnir hefjast klukkan 22
og aðgangur er ókeypis.
Blús og kántrí skotið
hip-hop á Barnum
Hljóðbæting Audio Improvement á Iceland Airvawes, en flestir meðlimir sveitarinnar koma fram annað kvöld.