Morgunblaðið - 09.12.2006, Blaðsíða 23

PÉTUR Már Gunnarsson er mynd-
listarmaður af yngri kynslóðinni
sem sýnir nú í minnsta sýning-
arrými landsins, Undir stiganum í
galleríi i8. En það sýnir sig hér sem
oftar að stærðin skiptir ekki öllu
máli. Ljóðabókin Eins og að sjálf-
sögðu er aðalefni sýningarinnar en
röð innsetninga er unnin upp úr
henni og er skipt út reglulega meðan
á sýningartímabilinu stendur.
Í bókinni eru 200 ljóð í lauslegu
hækuformi. Hækur eru þrjár línur
og skiptast á fimm, sjö og fimm at-
kvæði en ljóð Péturs eru ekki ort
innan þess stranga ramma þótt öll
séu þau þrjár línur. Margir þræðir
liggja í gegnum þessi litlu ljóð, eitt
þeirra er hugsanleg sjálfsmynd
listamanns, eða klisjukennd ímynd
listamanns í samtímanum, Eins og
að sjálfsögðu/eru þeir annarra/
aurarnir. Einnig er vísað til mynd-
listar í nokkrum ljóðum. Pétur gefur
litlar persónulegar sögur í skyn;
Eins og að sjálfsögðu/
bakar það vandræði/
brosið. Eins og að sjálf-
sögðu/sýður það egg/
hatrið. Meginþema
bókarinnar er þó
stefnumót hlutanna,
stundum ljóðrænt og
leiftrandi; Eins og að
sjálfsögðu/kljúfa þau
heima/skærin. En oftar
einfaldar staðhæfingar
sem um leið vekja
spurningar; Eins og að
sjálfsögðu/elskar hann
kaffið/bollinn. Slík ljóð
minna mig á þýska
listamanninn Ulrich
Meister sem yrkir um
hversdagslega hluti á
borð við plastpoka og
svampa og sýnir hlut og
texta hlið við hlið. Ljóðin
minna líka á t.d. verk
súrrealistanna sem ortu
um stefnumót regnhlífar
og saumavélar á skurð-
arborðinu.
Japanskar hækur
voru gjarnan birtar fjöl-
margar saman, hver og
ein sem sjálfstæð eining
en um leið hluti af heild
og þannig er einnig um
ljóð Péturs. Hér birtast á látlausan
og auðskilinn hátt vangaveltur um
lífið og tilveruna, vakin er athygli á
sofandahættinum sem oftast nær
einkennir hugsun okkar þar sem við
gerum jafnan ráð fyrir því að lífið
gangi sinn vanagang. Höfundur nær
að stoppa lesandann í miðri hugsun
og snúa henni á hvolf og fela dýpri
merkingu í einföldum setningum án
þess að verða tilgerðarlegur. Mynd-
gerving ljóðanna er síðan annar og
snúnari kafli þessa verks, en upp-
stillingin sem ég sá var skemmtilega
í anda þessara ljóða, þar sem leikið
er með vanafestu hugans.
Þessi litla bók lætur ekki mikið yf-
ir sér við fyrstu sýn en kemur
skemmtilega á óvart við lesturinn,
hún er fullkomlega sjálfstætt verk
en ljóðin bjóða um leið upp á ýmsar
myndrænar útfærslur, bæði í huga
lesandans og í útfærslu listamanns-
ins í galleríinu. Bókin er í anda ljóð-
og hugmyndalistar 20. aldarinnar og
í henni birtist heimspekilega þenkj-
andi listamaður sem nær að gæða
hugmyndir sínar lífi og birta þær á
máta sem er auðskilinn öllum, án
þess að gleyma húmornum. Þetta er
bók sem án efa á eftir að spyrjast vel
út, en ekki er hún auglýst í bókaflóð-
inu.
Eins og að sjálfsögðu leynist í jólabókaflóðinu perla
MYNDLIST/BÆKUR
i8
Til 23. desember. Opið mið. til fös. frá kl.
11–17 og lau. 13–17.
Pétur Már Gunnarsson
Ragna SigurðardóttirPétur Már Gunnarsson
MORGUNBLAÐIÐ LAUGARDAGUR 9. DESEMBER 2006 23
MENNING
– stæði fyrir alla
... svo í borg sé leggjandi
Nú er einnig hægt að greiða
fyrir stæði við stöðu- og miða-
mæla í gegnum gsm-síma.
Upplýsingar um skráningu
á www.rvk.is/bilast
Á bíl í jólaösinni í miðborg Reykjavíkur.
Hvað má bjóða þér? Miðastæði,
stöðumæli eða bílahús. Viltu greiða
með korti eða krónum, eða kannski
gsm símanum þínum?
Tímamiðar úr miðamælum gilda
áfram þegar lagt er við stöðumæli
innan sama gjaldsvæðis.
Ótakmarkaður tími býðst á stöðu-
mælum í miðborginni.
N
æ
st
Ertu að leita að gjöf?
Ídesember verða bílahúsin opin
klukkustund lengur en verslanir
í miðborginni. Gleðilega aðventu!
TIL eru þeir sem tala og tala um að
fara að drífa í plötu, koma sér í að
taka upp, stefna á
að gefa út o.s.frv.
Og svo eru það
þeir sem láta verk-
in tala. Þeir sem
láta vaða, kýla á
það og umbreyta
plötunni sem situr
í hausnum í efnislegt form.
Wipeout er dúett tveggja ung-
menna sem nú hafa gefið út átta laga
plötu, þrátt fyrir að vera aðeins þrett-
án og fjórtán ára. Ólafur Alexander
leikur á trommur en Margrét Rán
syngur og spilar á gítar. Platan var
tekin upp á fjórum tímum í Geim-
steini, sem verður að teljast harla
gott, það tók t.d. Bítlana um helmingi
lengri tíma að taka upp sína fyrstu
plötu (níu tímar).
Nú halda líklega margir að hér sé
losaraleg afurð á ferðinni; vegna ald-
urs meðlima og knapps hljóðverstíma
en svo er bara alls ekki. Tvíeykið hef-
ur greinilega komið vel æft á staðinn
og þetta hefur greinilega bara verið
spurning um að rúlla þessu inn.
Tónlistin er rokk, með þónokkrum
háskólarokkskeim. Mér verður hugs-
að til Blink 182 og Avril Lavigne og
stundum til amerískra nýrokksbanda
eins og R.E.M. (þegar þeir voru enn
ungir og hungraðir).
Wipeout fyllir glettilega vel út í
hljóminn, þrátt fyrir að hafa aðeins tvö
hljóðfæri til umráða. Margrét kann
auðheyranlega vel að spila á gítar, hún
veit hvenær hann á að vera rífandi og
hrár, eins og í tveimur fyrstu lögunum,
„Hey boy“ og „Do something right“ en
kann líka að láta hann hvísla, eins og
heyra má í lokalaginu, ballöðunni „I
wanna be“. Söngur hennar er ástríðu-
fullur, furðu þroskaður reyndar miðað
við aldur. Ólafur passar þá vel upp á
taktinn og reyndar gott betur en það.
Lögin eru misinnblásin en í gegnum
lögin átta er engu að síður hægt að
greina eitthvað sem kalla mætti „Wi-
peout“-hljóm.
Umslagshönnun er smekkleg og
tónar vel við innihaldið. Þau Margrét
og Ólafur mega vera stolt af þessari
fyrstu plötu sinni, hér eru komin fram
efni sem eiga hiklaust eftir að láta
meira að sér kveða í framtíðinni.
Látum
bara vaða
TÓNLIST
Geisladiskur
Wipeout eru Margrét Rán Magnúsdóttir
(gítar og söngur) og Ólafur Alexander
Ólafsson (trommur). Lög og texta eiga
meðlimir. Guðmundur Kristinn Jónsson
tók upp. Wipeout músík gefur út.
Wipeout – Wipeout

Arnar Eggert Thoroddsen