Morgunblaðið - 09.12.2006, Blaðsíða 43
MORGUNBLAÐIÐ LAUGARDAGUR 9. DESEMBER 2006 43
hestum í göngum eða rekið fé á af-
rétt. Orð voru ekki á takteinum en
kveðjuhandtakið var þétt og innilegt
og verður geymt í sjóði minning-
anna. Friðriku og afkomendum
þeirra Erlings sendi ég mínar bestu
samúðarkveðjur.
Páll G. Björnsson.
Við fráfall mágs míns Erlings
Arnórssonar á Þverá hrannast upp
minningar um bóndann og smiðinn.
Erlingur var við nám í húsasmíði er
faðir hans Arnór Sigurjónsson, áður
skólastjóri á Laugum og síðar
fulltrúi á Hagstofunni, festi kaup á
jörðinni Þverá í Dalsmynni árið
1942. Forfeður Arnórs höfðu áður
setið jörðina. Allar byggingar þurfti
að endurreisa á jörðinni. Eftir að
Erlingur hafði lokið sínu námi í
húsasmíði flutti hann að Þverá og
hófust þá uppbyggingarfram-
kvæmdir af fullum krafti með smið
innan fjölskyldunnar.
Erlingur tók síðan formlega við
búsforráðum árið 1952, en hann gift-
ist eftirlifandi eiginkonu sinni, Frið-
riku Jónsdóttur, árið 1950.
Uppbygging hélt áfram og búið
stækkaði, ekki síst eftir að sonur
þeirra Arnór kom inn í búskapinn
með foreldrum sínum. Erlingur var
mikill áhugamaður um búskap og
uppbyggingu sveitanna. Hann sat
um tíma á Búnaðarþingi fyrir S-
Þing. og gat á þeim vettvangi þokað
málum fram fyrir bændastéttina.
Hann beitti sér með öðrum fyrir
uppbyggingu skólans að Stórutjörn-
um, sem var sameiginlegur skóli
þriggja sveitarfélaga í Þingeyjar-
sýslu, og var byggingarstjóri við
þær framkvæmdir. Þá var honum
mjög umhugað um að búskapur
byggðist á sátt við landið. Hann
beitti sér fyrir að afréttur þeirra,
Flateyjardalsheiði, væri metinn af
fagfólki með hliðsjón af beitarþoli.
Þannig vildi hann stunda búskap í
fullkominni sátt við landið. Þetta
sjónarmið var mjög ríkt í fari hans
og maður fann hvað fjölskyldan öll
hreifst með honum í að fara vel með
heiðina.
Erlingur var mikill áhugamaður
um hesta, átti góða reiðhesta og
naut þeirra. Oft rifjaði hann upp
samskiptin við Handlegg, sem ekki
var allra eða öllu heldur aðeins
fárra. Hann var mikill fjölskyldu-
maður og leið aldrei betur en þegar
stórfjölskyldan var öll samankomin
á Þverá. Maður fann hvað hann var
stoltur af sínu fólki.
Þá höfum við hjónin og fjölskylda
okkar ætíð notið sannrar gestrisni
þeirra Þverárhjóna, sem ber að
þakka af alhug. Að lokum færum við
Arnþrúður fjölskyldunni innilegustu
samúðarkveðjur okkar.
Stefán Pálsson, Búlandi.
Deyr fé,
deyja frændur,
deyr sjálfur it sama;
(Úr Hávamálum)
Með örfáum orðum vil ég minnast
vinar míns Erlings Arnórssonar,
bónda á Þverá í Dalsmynni. Við, sem
nýtum okkur eyðibýlin norðan Flat-
eyjardalsheiðar, sum hver milli
snjóa, áttum bóndann á Þverá sem
næsta nágranna innan heiðar og
betri nágranna að öðrum ólöstuðum
er ekki hægt að eiga. Oft leitaði ég
til Erlings um upplýsingar hvenær
fært væri á vorin á heiðinni, var þar
ekki komið að tómum kofanum.
Hann átti upprekstrarland ásamt
nokkrum bæjum í Fnjóskadal norð-
anverðum út á Flateyjardalsheiði,
land sem ríkið gerir nú ósvífið tilkall
til, en það er önnur saga. Erlingur
hefði þar snúist til varnar fremstur í
flokki en nú verða aðrir að koma til.
Ég þakka Erlingi langa og góða
vináttu í fjölda ára og alla hjálp sem
hann veitti okkur.
Rikka mín, við Heiða sendum þér
og börnum ykkar innilegar samúð-
arkveðjur.
Guð blessi ykkur öll.
en orðstírr
deyr aldregi,
hveim er sér góðan getur.
(Úr Hávamálum)
Tryggvi Gunnarsson.
✝ Sveinbjörn Krist-inn Steindórsson
fæddist í Ási í Hruna-
mannahreppi hinn 9.
mars 1924. Hann lést
á dvalarheimilinu
Lundi, Hellu hinn 1.
desember síðastlið-
inn. Foreldrar hans
voru Guðrún Stef-
ánsdóttir, f. 11. júní
1885, d. 19. júní
1982, og Steindór Ei-
ríksson, f. 24. júní
1884, d. 5. september
1967. Systkini Svein-
björns eru Stefán, f. 10. mars 1909,
d. 18. ágúst 2001, Guðmundur, f. 6.
ágúst 1911, d. 14. apríl 1992, Krist-
ín, f. 19. maí 1914, Elín, f. 27. apríl
1916., d. 30.desember 1984, Svein-
björg, f. 3. október 1917 , d. 6. des-
ember 1922, Guðrún, f. 14. ágúst
1919, d. 18. febrúar 1984, Eyrún, f.
22. júlí 1921, d. 19. júlí 2006, Ágúst,
f. 6. september 1925 d. 29. nóvem-
ber 2006, Eiríkur, f. 1. júlí 1928 og
Sigurður, f. 22. sept.
1930.
Eiginkona Svein-
björns er Sigurbjörg
Finnbogadóttir, f. í
Minni-Mástungu í
Gnúpverjahreppi
hinn 22. febrúar
1919. Foreldrar
hennar voru Ingunn
Vigfúsdóttir, f. 17.
júlí 1874, d. 24. des-
ember 1946, og Finn-
bogi Guðmundsson,
f. 24. desember 1874,
d. 29. september
1947. Sonur þeirra Sveinbjörns og
Sigurbjargar er Tryggvi, f. 4. ágúst
1955.
Sveinbjörn fluttist ungur að
heiman og stundaði sjómennsku,
vörubílaakstur og ýmis störf þar til
þau hjón fluttu að Heiði árið 1951
og hófu þar búskap.
Útför Sveinbjörns Kristins verð-
ur gerð frá Hrunakirkju í dag og
hefst athöfnin klukkan 14.
Mig langar að minnast föður míns
með nokkrum orðum, með þakklæti
fyrir allar stundirnar sem við áttum
saman.
Sveinbjörn ólst upp í stórum systk-
inahópi að Ási í Hrunamannahreppi,
þar sem foreldrar hans bjuggu mynd-
arlegu búi á þeirra tíma vísu. Börnin
hjálpuðu að sjálfsögðu til við bústörfin
á þeim tíma og mun strákunum oft
hafa hlaupið kapp í kinn við orfaslátt á
engjunum. Bræðurnir voru síðan oft
fengnir í vegavinnu, þar sem möl var
ekið á hestvögnum og mokað á með
handskóflum. Faðir minn minntist
þess að hafa byrjað í þannig vinnu
mjög ungur og þá sem „kúskur“ en
hann var þá látinn teyma hesta sem
drógu vagnana, áður en hann tók þátt
í að moka möl með þeim sem eldri
voru. Myndir sem hann teiknaði á
barnaskólaárunum sýna, að þar átti
hann hæfileika sem hann hefði getað
notað betur. Ungur að árum hleypti
hann heimdraganum og fór að stunda
vinnu bæði til sjós og lands, en á sjón-
um lenti hann í slysi sem átti eftir að
hafa áhrif á líf hans alla ævi. Þá fór
hann að aka vörubíl, fyrst lítillega hjá
Sigurjóni Guðjónssyni við að aka
vörum í hreppinn, og síðan einnig
vegavinnu og öðru sem til féll.
Sveinbjörn réði sig í kaupavinnu að
Minni-Mástungu, Gnúpverjahreppi
vorið 1949, þar sem hann kynntist et-
irlifandi eiginkonu sinni Sigurbjörgu
Finnbogadóttur.
Þegar þau hjónin komu að Heiði,
þurfti að taka til hendi á ýmsum svið-
um. T.d. þurfti fljótlega að huga að
uppbyggingu á jörðinni, þurrkun
mýrlendis og ræktun túna.
Sveinbjörn var handlaginn, vinnu-
samur og vann hann við uppbygg-
inguna á jörðinni að miklu leyti sjálf-
ur, ásamt öðrum bústörfum. Hann
vildi ávallt hlú vel að heimilinu og tók
ætíð vel á móti þegar gesti bar að
garði. Hreinskilinn var hann og oft
fljótur að taka ákvarðanir sem yfir-
leitt reyndust vel. Frá uppvaxtarár-
um mínum minnist ég þess að hann
söng oft fyrir mig og var lagið Buldi
við brestur og brotnaði þekjan í miklu
uppáhaldi hjá okkur. Síðustu æviárin
átti hann við vanheilsu að stríða sem
ágerðist mjög síðustu mánuðina sem
hann lifði. Að hans ósk, fékk hann að
vera heima að mestu leyti og urðu
tengsl okkar meiri eftir því sem á leið
og er ég mjög þakklátur fyrir það.
Viku áður en hann lést var honum
boðin hvíldarinnlögn á dvalarheim-
ilinu Lundi, Hellu og lést hann þar að
morgni föstudagsins 1. desember.
Blessuð sé minning hans,
Tryggvi.
Í dag kveðjum við föðurbróður okk-
ar hann Sveina á Heiði.
Sveini fæddist í Ási í Hrunamanna-
hreppi 9. mars 1924. Hann var níunda
barn afa og ömmu. Alls urðu börnin
tólf en af þeim komust tíu til fullorð-
insára. Nú eru aðeins þrjú systkin-
anna á lífi, þrjú hafa látist á þessu ári,
þar á meðal Gústi sem lést aðeins
tveimur dögum áður en Sveini kvaddi
þennan heim.
Snemma fluttist Sveini að heiman,
hann var eins og öll hans fjölskylda
hörkuduglegur og vann fyrir sér bæði
til sjós og lands. Skömmu fyrir 1950
kynntist Sveini ungri konu úr næstu
sveit, Sigurbjörgu Finnbogadóttur
frá Minni-Mástungu í Gnúpverja-
hreppi. Saman fluttu þau að Heiði í
Ásahreppi. 1955 fæddist Tryggvi
einkasonur þeirra. Sveini og Silla
byggðu jörðina upp af miklum dugn-
aði og þrautsegju. Hverja einustu
byggingu þurfti að endurnýja og jörð-
ina þurfti að yrkja. Þetta tókust þau
hjónin á við, í fyrstu tvö ein en seinni
ár ásamt Tryggva, sem hefur svo
sannarlega veið þeim stoð og stytta,
ekki hvað síst eftir að heilsu foreldr-
anna fór að hraka.
Síðustu árin voru Sveina erfið og
líklega var hann hvíldinni feginn. En
kveðjustundin er alltaf erfið þeim sem
eftir standa. Minningin um góðan eig-
inmann og föður lifir. Elsku Silla og
Tryggvi, við sendum ykkur okkar
innilegustu samúðarkveðjur.
Helena, Steindór, Guðrún
og fjölskyldur.
Sveinbjörn Kristinn
Steindórsson
Guðmundur
Jóhannsson
f. 10. 6. 1932
d. 8. 3. 1989
Minning þín lifir
Hvíl í friði
LEGSTEINAR
SteinsmiðjanMOSAIK
Hamarshöfða 4 – sími 587 1960
www.mosaik.is
✝
Elskuleg systir mín og mágkona,
ELNA HAUNDRUP,
fædd Hintze,
Morelgangen 7,
3460 Birkerød,
Danmörku,
sem lést á Plejehjemmet Solskrænten í Birkerød sunnudaginn 3. desem-
ber, verður jarðsungin frá Bispebjerg Søndre Kapel þriðjudaginn 12. des-
ember kl. 12.00.
Hanne Hintze, Halldór Sigurðsson.
Útfararþjónusta
Davíðs Ósvaldssonar ehf.
Davíð Ósvaldsson
Útfararstjóri
S. 896 6988 / 553 6699
Óli Pétur Friðþjófsson
Útfararstjóri/Framkvæmdarstjóri
S. 892 8947 / 565 6511
✝
Bróðir okkar og mágur,
JÓSEF BIRGIR ÓSKARSSON,
Birkihlíð 4A,
Hafnarfirði,
lést fimmtudaginn 30. nóvember.
Jarðarförin hefur farið fram í kyrrþey að ósk hins látna.
Skúli Óskarsson, Rós Jóhannesdóttir,
Illugi Óskarsson, Margrét Pétursdóttir.
✝
Ástkær faðir okkar, stjúpfaðir, afi og langafi,
ÞORVARÐUR STEFÁN GUÐMUNDSSON,
Sólvangsvegi 1,
Hafnarfirði,
lést á Landspítalanum Fossvogi miðvikudaginn
6. desember.
Útförin auglýst síðar.
Guðmundur Kristján Þorvarðarson,
Eiríkur Rúnar Þorvarðarson, S. Ladda Þorvarðarson,
Guðlaugur Gíslason, Guðbjörg Sigurðardóttir,
barnabörn og barnabarnabörn.
✝
Ástkær sonur okkar, bróðir, mágur, stjúpsonur og
frændi,
GUNNHALLUR GUNNHALLSSON,
Gránufélagsgötu 26,
Akureyri,
lést fimmtudaginn 30. nóvember.
Útförin fór fram í kyrrþey að ósk hins látna.
Lögreglan og Súlur, björgunarsveitin á Akureyri, fá
sérstakar þakkir, sem og allir aðrir sem veittu okkur
samúð og hlýhug.
Karla Hildur Karlsdóttir,
Gunnhallur Antonsson,
Jón Brynjar Gunnhallsson, Þórhildur Haraldsdóttir,
Arngrímur Þór Gunnhallsson,
Hildur Mary Thorarensen, Magnús Jón Bragason,
Karl Jónas Thorarensen, Mary Jean Guino Malana,
Jónas Gunnhallsson, Kamilla Gunnhallsson,
Guðrún Gunnhallsdóttir, Jimmy Anderson,
Leifur Thorarenson og systkinabörn.
✝
Ástkær móðir mín, dóttir okkar, systir og barnabarn,
LILJA BJÖRK ALFREÐSDÓTTIR,
lést þriðjudaginn 5. desember.
Jarðsett verður í kyrrþey.
Sara Líf Sigurbergsdóttir,
Alfreð Ómar Ísaksson, Þórunn Inga Runólfsdóttir,
Inga Huld Alfreðsdóttir,
Nanna Karen Alfreðsdóttir,
Árni Fannar Alfreðsson,
Huld Árnadóttir,
Runólfur Þórðarson, Hildur Halldórsdóttir.
Morgunblaðið birtir minningar-
greinar alla útgáfudagana.
Undirskrift | | Minningargreina-
höfundar eru beðnir að hafa skírn-
arnöfn sín en ekki stuttnefni undir
greinunum.
Myndir | Ef mynd hefur birst í til-
kynningu er hún sjálfkrafa notuð
með minningargrein nema beðið sé
um annað. Ef nota á nýja mynd er
ráðlegt að senda hana á mynda-
móttöku: pix@mbl.is og láta um-
sjónarmenn minningargreina vita.
Minningargreinar