Morgunblaðið - 09.12.2006, Blaðsíða 47
MORGUNBLAÐIÐ LAUGARDAGUR 9. DESEMBER 2006 47
KIRKJUSTARF
Aðventusamverur í
Laufássprestakalli
AÐVENTUSAMKOMA í Grenivík-
urkirkju í dag, laugardaginn 9.
des. kl. 18. Þar mun kór kirkj-
unnar syngja aðventu- og jólalög
undir stjórn Petru Bjarkar Páls-
dóttur organista. Hljóðfæranem-
endur úr Grenivíkurskóla munu
leika á ýmis hljóðfæri undir stjórn
Ármanns Einarssonar og Bjargar
Sigurbjörnsdóttur. Yngri börn úr
grunnskólanum og leikskólabörnin
koma upp og taka lagið, en í lokin
sýna nemendur úr 8. og 9. bekk
Grenivíkurskóla helgileikinn “Gef-
um þeim ljós af okkar ljósi.
Aðventusamverunni lýkur með
ljóshátíð, þar sem öll börn í kirj-
unni fá ljós í hönd.
Laufásskirkja og Gamli bærinn í
Laufási sunnudaginn 10. des. frá
kl. 13.30 til 16. Hinn árlegi starfs-
dagur Gamla bæjarins í Laufási á
aðventu verður 10. desember. Há-
tíðin byrjar í Laufásskirkju kl.
13.30 með fjölskyldustund, þar
sem mikið verður sungið, sagðar
sögur og rifjað upp hið eina sanna
jólaævintýri. Eftir stundina í kirkj-
unni verður gengið í Gamla bæinn
þar sem allt iðar af lífi við und-
irbúning jólanna að gömlum sið.
Jólatónleikar í
Grafarvogskirkju -
Ragnar Bjarna syngur
RAGNAR Bjarnason syngur nýtt
jólalag eftir Gunnar Þórðarson. Á
sunnudag halda hátíðarhöldin sem
hófust síðastliðinn sunnudag
áfram, kl. 16 verða jólatónleikar í
kirkjunni.
Ragnar Bjarnason flytur nýtt
jólalag eftir Gunnar Þórðarson.
Magga Stína syngur einsöng,
Krakkakór, Barnakór, Unglinga-
kór og Kór Grafarvogskirkju
syngja jóla- og aðventulög. Hljóð-
færaleikarar eru: Hörður Braga-
son organisti, Birgir Bragason
leikur á bassa, Gróa Hreinsdóttir á
píanó, Kristinn H. Árnason á gítar
og Matthías Stefánsson á fiðlu.
Kórar Grafarvogskirkju.
Magnús Kjartansson
og Flugfreyjukórinn í
Keflavíkurkirkju
LÉTT jólatónlist verður í Kefla-
víkurkirkju sunnudaginn 10. des.
kl. 20. Að þessu sinni er það
Magnús Kjartansson sem mun
ásamt fríðu föruneyti halda uppi
söng á þessari 2. aðventustund
jólaföstunnar.
Magnús þarf vart að kynna í
Keflavík en tónlistarferill hans er
orðinn afar fjölþættur og er hann
mjög farsæll á sviði léttrar tónlist-
ar. Magnús hefur samið fjölda
þekktra sönglaga og leikið með
fjölmörgum landskunnum hljóm-
sveitum í fremstu röð undanfarna
áratugi. Má með réttu halda því
fram að Magnús sé einn af gull-
drengjum Keflvískrar poppmenn-
ingar. Með Magnúsi í för að þessu
sinni verður flugfreyjukórinn en
Magnús hefur verið stjórnandi
hans í um fimm ár og hefur kór-
inn sungið með honum víða um
lönd.
Magnús mun ásamt kórnum
flytja fjölda hefðbundinna og
nýrra jólalaga. Í flugfreyjustétt
eru margir kunnir tónlistarmenn
eins og kunnugt er og mun Magn-
ús nýta sér krafta þeirra eftir
föngum á þessari söngstund.
Sr. Sigfús Baldvin Ingvason
mun flytja kirkjugestum hugvekju
í tilefni af komu jólanna. Aðgang-
ur að aðventutónleikunum er
ókeypis og eru allir bæjarbúar vel-
komnir að koma í kirkjuna til að
fagna aðdraganda jólanna með fal-
legri tónlist og gefandi orði.
Annar í aðventu
í Seljakirkju
SUNNUDAGASKÓLINN kl. 11.00.
Kveikt á Betlehemskertinu. Al-
menn Guðsþjónusta kl. 14.00. Sr.
Bolli Pétur Bollason prédikar.
Gerður Bolladóttir syngur ein-
söng. Kór Seljakirkju leiðir söng
undir stjórn Jóns Bjarnasonar. Að-
ventutónleikar kl. 20.00. Karlakór-
inn Fóstbræður syngur undir
stjórn Árna Harðarsonar. Verið
velkomin! Sjá heimasíðu kirkj-
unnar seljakirkja.is
Aðventu- og jóla-
tónleikar í Hjallakirkju
í Kópavogi
ÁRLEGIR aðventu- og jóla-
tónleikar Kórs Hjallakirkju verða
á sunnudag kl. 20.
Á efnisskránni eru hefðbundin
lög þessa árstíma og eru þau frá
ýmsum tímum og löndum.
Byrjað er á aðventulögum og
færum okkur svo til jóla. Má t.d.
nefna lög eins og Kom þú, kom,
vor Immanúel, Síons dóttir, sjá nú
kemur í útsetningu eftir J.S. Bach
úr kantötu 147. Litlu perluna Jes-
ús þú ert vort jólaljós, Betlehems-
stjörnu Áskels Jónssonar, Jólasálm
eftir þá Pál Ísólfsson og Freystein
Gunnarsson, Það aldin út er
sprungið, Vögguvísu á jólum eftir
John Rutter í þýðingu Sigfinns
Þorleifssonar, Jólaljóð eftir Jón
Ásgeirsson og Einar Braga auk
þess syngjum við enska carola o.fl.
Einsöngvarar eru Magnea Tóm-
asdóttir og Kristín R. Sigurð-
ardóttir. Orgelleikari er Lenka
Mátéová. Söngstjóri er Jón Ólafur
Sigurðsson. Kórsöngur, einsöngur
og almennur söngur. Allir vel-
komnir og aðgangur er ókeypis.
Sjá nánar á www.hjallakirkja.is
Bjarni Harðarson á
aðventukvöldi í
Villingaholtskirkju
HIÐ árlega aðventukvöld í Vill-
ingaholtskirkju verður nk. sunnu-
dagskvöld kl. 21. Eins og und-
anfarin ár verður boðið upp á
fjölbreytta dagskrá. Ræðumaður
kvöldsins verður Bjarni Harðarson
ritstjóri. Söngkór Hraungerði-
sprestakalls undir stjórn Inga
Heiðmars Jónssonar flytur nokkur
tónlistaratriði og leiðir fjöldasöng
í lokin. Hermundur Guðsteinsson
syngur einsöng og Birgit Myschi
og nemendur hennar, Ingunn
Harpa Bjarkadóttir og Hanna Ein-
arsdóttir, munu flytja vönduð tón-
listaratriði.
Vænst er þátttöku ferming-
arbarna og aðstandenda þeirra og
þátttöku barna úr Flóaskóla til að
syngja hefðbundin aðventulög.
Sóknarpresturinn, sr. Kristinn
Ágúst Friðfinnsson, flytur ritning-
arlestur og stutta hugleiðingu um
aðventuna. Í lok samverunnar
verður fjöldasöngur.
Aðventukvöldvaka Frí-
kirkjunnar í
Hafnarfirði
ANNAÐ kvöld verður aðventu-
kvöldvaka í Fríkirkjunni í Hafn-
arfirði og hefst hún kl. 20.
Að venju verður boðið upp á
vandaða dagskrá í tali og tónum
sem tengist aðventu og jólum. Kór
Fríkirkjunnar leiðir sönginn og
flytur okkur fallega jólasyrpu í út-
setningu Skarphéðins organista og
Erna Blöndal syngur einsöng.
Hljómsveit kirkjunnar spilar undir
og kórstjóri er Örn Arnarson. Þá
mun Hrafnistukórinn í Hafnarfirði
koma í heimsókn og syngja tvö
jólalög. Að lokinni kvöldvöku býð-
ur kirkjukórinn upp á kaffi og
góðar veitingar í safnaðarheim-
ilinu.
Brautarholtssókn
á Kjalarnesi
FJÖLSKYLDUGUÐSÞJÓNUSTA
verður haldin í Klébergsskóla ann-
an sunnudag í aðventu sem er 10.
des. Athöfnin hefst kl. 11 f.h., þar
munu börn úr TTT starfinu flytja
helgileik. Eftir messu býður sókn-
arnefndin upp á súpu og brauð.
Sungin verða aðventulög og að-
ventusálmar.
Reynivallasókn í Kjós
AÐVENTUKVÖLD verður í Fé-
lagsgarði í Kjós annan sunnudag í
aðventu, 10. des. kl. 20.30. Lesin
verður jólasaga, aðventusálmarnir
sungnir, Ásdís Arnalds syngur að-
ventu– og jólalög og hugvekja
verður út frá þekktum listaverk-
um þar sem jólaguðspjallið er
túlkað. Síðan verður boðið upp á
kakó og smákökur. Sóknarnefnd
Reynivallasóknar og sókn-
arprestur ásamt Kvenfélagi Kjós-
arinnar sjá um aðventukvöldið.
Kirkjukór Grens-
áskirkju með tónleika
KIRKJUKÓR Grensáskirkju,
ásamt strengjasveit, heldur tón-
leika í Grensáskirkju sunnudaginn
10. desember kl. 17. Á efnis-
skránni er Missa Brevis í B-dúr
(litla orgelmessan) eftir Jpseph
Haydn ásamt verkum W.A. Mozart
o.fl. Einsöng og tvísöng syngja
þær Ingibjörg Ólafsdóttir og Hell-
en Helgadóttir. Stjórnandi er Árni
Arinbjarnarson.
Kvennakirkjan í
Grensáskirkju
AÐVENTUMESSA Kvennakirkj-
unnar verður í Grensáskirkju
sunnudaginn 10. desember kl.
20.30. Yfirskriftin er gleði og frið-
ur aðventunnar. Hugleiðingar
flytja kvennakirkjukonurnar Ásdís
Ólafsdóttir, Gréta Sigurðardóttir
og Ólöf Úlfarsdóttir og séra Auður
Eir Vilhjálmsdóttir. Kvennakórinn
Kyrjurnar syngur jólalög undir
stjórn Sigurbjargar H. Magn-
úsdóttur. Kór Kvennakirkjunnar
leiðir söng aðventu- og jólalaga
undir stjórn Aðalheiðar Þorsteins-
dóttur. Á eftir verður kaffi í safn-
aðarheimilinu.
Opið hús í Áskirkju
SÍÐASTA„Opna húsið“́í Áskirkju
fyrir jól verður þriðjudaginn 12.
desember og hefst það með jóla-
föndri kl. 10. Kl. 12 verður síðan
bænastund í umsjón sóknarprests
og hugvekja sem Þorgils Hlynur
Þorbergsson cand. theol. flytur.
Að bænastund lokinni verður bor-
in fram hádegisverður/hangikjöt
og kostar það 1000 kr. Að loknum
hádegisverði ræðir Þórunn Erla
Valdimarsdóttir, sagnfræðingur
um nýútkomna bók sína um ævi
Matthíasar Jochumssonar. Allir
viðstaddir koma með jólapakka að
verðgildi ca. 300 kr. Að því loknu
um kl. 14 verður spilað brids.
Fimmtudaginn 14. desember kl.
14 verður síðasta söngstundin fyr-
ir jól í umsjá organista. Gestur
stundarinnar verður Jóhann Frið-
geir Valdimarsson tenór.
Aðventuhátíð Áskirkju verður
sunnudaginn 17. desember og
verður hún auglýst nánar síðar.
Aðventukvöld í
Vídalínskirkju
AÐVENTUSAMVERA verður í Ví-
dalínskirkju sunnudagskvöld kl.
20. Kór Vídalínskirkju mun flytja
jólasálma með himnesku yf-
irbragði undir stjórn Jóhanns
Baldvinssonar organista, en undir-
leikari er Anna Sólveig Jónsdóttir
píanóleikari. Unnur Arngríms-
dóttir mun segja frá upphafi að-
ventukvölda í kirkjum landsins.
Sr.Jóna Hönn Bolladóttir flytur
hugvekju og þjónar ásamt Nönnu
Guðrúnu Zöega djákna, einnig
mun Arnar Már Pétursson flytja
ljóð. Strax að lokinni athöfn verð-
ur öllum boðið yfir í safn-
aðarheimili, þar sem borið verður
fram ekta súkkulaði með rjóma og
piparkökum.
Þennan sama dag verður fjöl-
skylduguðsþjónusta í Vídal-
ínskirkju kl.11. Nemendur og
starfsfólk Hofsstaðaskóla koma í
heimsókn og taka þátt í athöfninni
en þar er sr. Hans Guðberg Al-
freðsson sem sem leiðir stundina.
Kórar Hofsstaðaskóla syngja undir
stjórn Hildar Jóhannesdóttur og
Unnar Þorgeirsdóttur en einnig
munu nemendur leika á hljóðfæri.
Það er sunnudagaskóli á sama
tíma undir stjórn Ármann Hákons
Gunnarssonar.
Kl. 11 er einnig guðsþjónusta í
Garðakirkju með þáttöku Rótarý-
manna í Garðabæ, en þar þjónar
fyrrverandi sóknarprestur í
Garðaprestakalli sr. Bragi Frið-
riksson.
Aðventuguðþjónusta verður í
Bessastaðakirkju kl.11 þennan
sama dag. Þar þjónar sr. Jóna
Hrönn Bolladóttir og Gréta Kon-
ráðsdóttir djákni, en sr. Jóna
Hrönn mun prédika um reiðina.
Bjartur Logi Guðnason organisti
og Álftaneskórinn leiða lofgjörð-
ina. Sunnudagaskóli á sama tíma í
hátíðarsal Álftanesskóla undir
stjórn Kristjönu Thorarensen. All-
ir velkomnir. Sjá www.gardasokn-
.is
Aðventusamkoma í
Lágafellskirkju
AÐVENTUSAMKOMA með fjöl-
breyttri efnisskrá verður í Lága-
fellskirkju sunnudaginn 10. des.
kl. 20.30.
Ræðumaður verður Jón Að-
alsteinn Baldvinsson, vígslubiskup.
Einsöngvarar kvöldins eru Hanna
Björk Guðjónsdóttir, sópran og Jó-
hann Friðgeir Valdimarsson, ten-
ór. Skólakór Varmárskóla syngur
undir stjórn Guðmundar Ómars
Óskarssonar. Kirkjukór Lágafells-
sóknar syngur en kórstjórn og
orgelleikur er í höndum Jónasar
Þóris organista safnaðarins. Eva
Björg Harðardóttir, Helga Stein-
unn Torfadóttir, Richard Korn,
Sigrún Harðardóttir, Sveinn Þórð-
ur Birgisson og Örnólfur Krist-
jánsson skipa strengja- og blás-
arasveit sem fegrar stundina með
list sinni. Prestar safnaðarins leiða
helgistund. Að lokinni stundinni í
Morgunblaðið/Rúnar ÞórÞessi mynd er tekin frá Svalbarðsströnd og sést Svalbarðskirkja í forgrunni.