Morgunblaðið - 09.12.2006, Blaðsíða 54

|laugardagur|9. 12. 2006| mbl.is
staðurstund
Ort verður um fuglana í Hús-
dýragarðinum sem slátrað var
á dögunum í útvarpsþættinum
Orð skulu standa í dag. » 57
útvarp
Bogomil Font gefur út plötuna
Majones jól fyrir jólin en þar er
meðal annars að finna lag um
samkynhneigt jólatré. » 56
tónlist
Arnar Eggert Thoroddsen gefur
tónleikadiski Björgvins Hall-
dórssonar fjórar stjörnur af
fimm mögulegum. » 56
dómur
Teiknimyndin Hnotubrjóturinn
og músakóngurinn var frum-
sýnd hér á landi í gær með ís-
lensku og ensku tali. » 58
kvikmynd
Blúsgoðsögnin BB King verður
sæmd Frelsisorðu Bandaríkj-
anna af George W. Bush síðar í
mánuðinum. » 65
fólk
Eftir Guðjón Guðmundsson
gugu@mbl.is
ÞAÐ verður sannkallað ættarmót á
árlegum jólatónleikum Salarins
næstkomandi sunnudag þegar stór-
fjölskylda Ólafs Kjartans Sigurð-
arsonar flytur hátíðardagskrá sem
Ólafur Kjartan hefur sett saman.
Fimm ættliðir fjölskyldunnar verða
þátttakendur í tónleikunum.
„Það er búið að stefna saman
fimm ættliðum. Mér voru gefnar
frjálsar hendur með útlistingu á tón-
leikunum og ég talaði náttúrulega
fyrst við meistara Jónas Ingimund-
arson um að hann veitti mér lið. Eig-
inlega er þetta dálítið Jónasi að
kenna hvernig komið er því hann fór
að impra á því hvort fleiri úr fjöl-
skyldunni vildu hugsanlega taka
þátt,“ segir Ólafur Kjartan.
„Það eru náttúrulega hæg heima-
tökin hjá mér. Ég vanur því að níð-
ast á karli föður mínum með aðstoð
við ýmiss konar tónlistarflutning.
Síðan kom það nú til að draga afa
gamla inn í spilið, afa Jón bassa. Síð-
an fór þetta að vinda upp á sig.
Langafi minn, Gissur Ó. Erlingsson,
sem er ekki nema 97 ára, var að
ljúka við nýjan texta fyrir okkur við
nýtt lag eftir karl föður minn. Það
getur vel verið að ég dragi hann upp
á svið en í það minnsta verður hann í
salnum. Ég ætla síðan að syngja
bæði ljóð og þýðingar eftir dóttur
hans og ömmu mína, Jóhönnu G.
Erlingsson. Hún er landskunn söng-
textakona. Afi minn og hennar mað-
ur, Jón bassi, ætlar að plokka
kontrabassann sinn. Við ætlum með-
al annars að syngja jólalag fjölskyld-
unnar, Jólin alls staðar, sem er ljóð
ömmu við lagið hans afa. Pabbi,
Diddi fiðla, á svo nýja tónsmíð sem
við flytjum við ljóð eftir afa hans og
langafa minn. Síðan er búið að draga
blessuð börnin mín inn í spilið líka.
Fjölnir sonur minn mætir með sinn
gítar og dætur mínar, Ásgerður og
Brynja, ætla að spila og syngja líka.
Ég er nokkuð viss um að þetta sé
einsdæmi, jafnvel á heimsvísu, að
fimm ættliðir komi að einum tón-
leikum. Eigum við ekki alltaf heims-
metið í öllu?“ segir Ólafur Kjartan.
Boð um að syngja í Falstaff
Auk stórfjölskyldunnar koma
fram á tónleikunum Jónas Ingi-
mundarson og Skólakór Kársness
undir stjórn Þórunnar Björnsdóttur.
Ólafur Kjartan kom til landsins í
fyrradag eftir sex mánaða dvöl í
London þar sem hann söng í Rigo-
letto. Hann segir að síðustu mánuðir
hafi verið sérlega viðburðarríkir.
„Ég söng hlutverk Rigoletto í sumar
í London sem gekk mjög vel. Síðan
hljóp ég í skarðið fyrir mjög virtan
baritón fyrir skemmstu og söng
tvær sýningar á Rigoletto hjá Opera
North. Í framhaldi af því fékk ég boð
frá þeim um að syngja stórt hlutverk
á komandi hausti. Ég mun syngja
hlutverk Ford í Falstaff eftir Verdi.
Guðmundur Jónsson, söngkenn-
arinn minn, sagði alltaf að það færi
ekkert að gerast hjá mér fyrr en það
færi að halla undir fertugt hjá mér.
Það eru orð að sönnu. Nú er ég 38
ára og hlutirnir loksins farnir að
gerast,“ segir Ólafur Kjartan.
Morgunblaðið/RAX
Tónlistarfjölskylda Diddi fiðla, Ólafur Kjartan og börnin hans þrjú, Ásgerður, Brynja og Fjölnir á æfingu í Salnum í gær.
Stórfjölskyldan syngur í Salnum
Gissur Ó. Erlingsson, langafi Ólafs
Kjartans, er þýðandi og skáld.
Dóttir hans og amma Ólafs Kjart-
ans, er Jóhanna G. Erlingsson.
Jóhann er landskunn söng-
textakona. Eiginmaður hennar er
Jón Sigurðsson, Jón bassi,
Sigurður Rúnar Jónsson, Diddi
fiðla, er sonur Jóns og Jóhönnu.
Diddi fiðla er faðir Ólafs Kjart-
ans.
Þrjú börn Ólafs Kjartans koma
fram á tónleikunum í salnum.
Þau heita Fjölnir, Ásgerður og
Brynja.
Persónur
og leikendur
AÐVENTUTÓNLEIKAR Íslands-
deildar Amnesty International verða
í Neskirkju á sunnudaginn kl. 20.
Tónleikarnir eru haldnir á alþjóðlega
mannréttindadeginum. Fram koma
Auður Gunnarsdóttir sópran og Anna
Guðný Guðmundsdóttir píanóleikari
og flytja verk eftir Mozart, Franck,
Bach-Gound og Sigvalda Kaldalóns.
Þá flytja Kolbeinn Bjarnason flautu-
leikari og Elísabet Waage hörpuleik-
ari verkið Til hafsins eftir Toru Ta-
kemistu. Helga Þórarinsdóttir
víóluleikari, Einar Jóhannesson klar-
ínettuleikari, Richard Talkowsky
sellóleikari og Ari Vilhjálmsson fiðlu-
leikari flytja Klarinettkvartett eftir
Hummel og tyrkneskan mars í út-
setningu Atla Heimis Sveinssonar.
Þá flytja systkinin Kristján og Ellen
Kristjánsbörn lög af plötunni Jólin
eru að koma og ný lög eftir KK.
Í kvöld verða aðventutónleikar í
Skálholti kl. 20.30. Fram koma Skál-
holtskórinn og Barna- og kammerkór
Biskupstungna ásamt Sigrúnu
Hjálmtýsdóttur og Óskari Péturs-
syni. Frumflutt verður jólalag eftir
Elínu Gunnlaugsdóttur.
Annað kvöld kl. 20.30 heldur Kór
Bústaðakirkju sína árlegu jólasveiflu
í kirkjunni. Með kórnum syngur Egill
Ólafsson og gleðisveitin Tangósveit
lýðveldisins leikur undir.
12. og 13. desember verða aðventu-
tónleikarnir Tendrum ljós á tré.
Fram koma Vox feminae, Stúlknakór
Reykjavíkur og Gospelsystur
Reykjavíkur. Einsöngvari er Hanna
Björk Guðjónsdóttir sópran. Vox
feminae mun einnig koma fram í
Þjóðmenningarhúsinu nk. sunnudag
kl. 16 í tilefni af útgáfu á sínum þriðja
geisladiski, Ave Maria.
Björn Steinar Sólbergsson og
kammerkórinn Schola cantorum und-
ir stjórn Harðar Áskelssonar flytja
aðventu- og jólasálma og sálma-
forleiki eftir Johann Sebastian Bach
úr Litlu orgelbókinni nk. sunnudag
kl. 17.
Fjöldi tónleika um helgina
Schola cantorum Kórinn kemur fram í Hallgrímskirkju á morgun.
Morgunblaðið/Jim Smart