Morgunblaðið - 13.12.2006, Síða 2

2 MIÐVIKUDAGUR 13. DESEMBER 2006 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björns-
son, bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Sveinn Guðjónsson,
svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is
netfrett@mbl.is Guðmundur Sv. Hermannsson fréttastjóri gummi@mbl.is
Morgunblaðið í dag
Yf i r l i t

 

 

 


 
 



  

 

  

 


 


 !

"
# 
$
% 

 

   & 

 
 

'() *

 +,,,






 







 Í dag
Sigmund 8 Forystugrein 26
Staksteinar 8 Umræðan 28/30
Veður 8 Minningar 30/35
Viðskipti 16 Leikhús 42
Erlent 17 Myndasögur 43
Menning 18/19, 38/44 Dagbók 45/49
Höfuðborgin 20 Staður og stund 46
Akureyri 20 Víkverji 48
Suðurnes 21 Velvakandi 48
Landið 21 Bíó 46/49
Daglegt líf 22/25 Ljósvakamiðlar 50
* * *
Innlent

Þétting GSM-símakerfisins, með
tilstyrk Fjarskiptasjóðs, hefst næsta
vor. Eftir fyrsta áfanga á GSM-
kerfið að ná til alls hringvegarins og
nokkurra helstu fjallvega. Stefnt er
að því að stafrænar sendingar Ríkis-
útvarpsins um gervihnött hefjist
einnig næsta vor. » Baksíða

Guðbjörn Magnússon rafeinda-
virki vann í gær það afrek að gefa
blóð í 150. sinn í Blóðbankanum.
Enginn Íslendingur hefur oftar gef-
ið blóð en Guðbjörn og má því með
sanni segja að hann sé mikið gæða-
blóð. Hann sagði að sér þætti vænt
um að ná þessum áfanga. » Baksíða

Vafi leikur á því hvort það stand-
ist félagafrelsisákvæði stjórnar-
skrárinnar að leggja gjöld á afla-
verðmæti smábáta og fiskiskipa
samkvæmt lögum og dreifa þeim til
hagsmunaaðila í sjávarútvegi. Sama
gildir um álagningu búnaðargjalds
að því er varðar búgreinasambönd
og einhverjar úrbætur þarf að gera
varðandi Bændasamtök Íslands, en
líklega stenst þessi framkvæmd
varðandi búnaðarsambönd. » 4
Erlent

Sumar af þekktustu stórversl-
unum Bretlands, þ. á m. Tesco, Pri-
mark og Asda, selja „ódýr en flott“
föt með því að nýta sér varnarleysi
verkafólks í Bangladesh sem fær að-
eins sem svarar um sex íslenskar
krónur í laun á tímann. » 16

Dómstóll í Eþíópíu dæmdi í gær
Mengistu Haile Miriam, fyrrverandi
einræðisherra landsins, sekan um
þjóðarmorð þegar marxistastjórn
hans var við völd á árunum 1974–
1991. » 16

Að minnsta kosti 70 manns biðu
bana í sjálfsmorðsárásum í miðborg
Bagdad í gær. Flestir þeirra sem
lágu í valnum voru sjítar en á þriðja
hundrað særðist í árásunum. Á sama
tíma bárust tíðindi af því, að George
W. Bush Bandaríkjaforseti myndi
líklega tilkynna nýja stefnu í Írak
eftir áramót en ekki fyrir jól eins og
orðrómur hefur verið uppi um að
undanförnu. » 17
Kynningar – Morgunblaðinu fylgir
Miðbæjarpósturinn.
MIKILL raki myndaðist í sýningar-
sölum Náttúrugripasafns Íslands
eftir að á þriðja hundrað lítra hita-
veituvatns lak á milli hæða í gær-
morgun. Að sögn Álfheiðar Inga-
dóttur, útgáfustjóra hjá NÍ, hefur
rakinn að öllum líkindum valdið ein-
hverjum skemmdum á innréttingum
en ekki er ljóst með fjárhagslegt
tjón. Hún hafði einnig nokkrar
áhyggjur af eintaki af geirfuglinum.
„Hann er ekki varðveittur við
raka- og hitastýrðar aðstæður eins
og þarf að vera og í raun ekki for-
svaranlegt að geyma 186 ára ham við
þessar aðstæður,“ segir Álfheiður en
hamur geirfuglsins er einn af fáum
sem eftir eru í heiminum og verður
vart metinn til fjár.
Lekinn uppgötvaðist á tólfta tím-
anum og var vatn yfir öllu gólfinu, að
sögn Álfheiðar. Hún segir ljóst að
tæring hafi komið fram í hitaveitu-
elementi í kyndiklefa.
Mikill vatnsleki varð hjá
Náttúrugripasafni Íslands
Morgunblaðið/ÞÖK
Hreinsað til Menn frá Slökkviliði höfuðborgarsvæðisins hreinsuðu upp hitaveituvatnið en óljóst er með skemmdir.
UMFANG ferðaþjónustu á Íslandi,
mælt í gistinóttum á hótelum og
gistiheimilum, hefur vaxið margfalt
meira á Íslandi en annars staðar á
Norðurlöndunum. Þetta kemur fram
í Norrænu tölfræðihandbókinni fyr-
ir árið 2006 sem er nýlega komin út.
Í skýrslunni er byggt á tölum frá
Hagstofunni, sem sér um gistinótta-
talningar hérlendis. Fram kemur að
á síðustu 10 árum hefur gistinóttum
hérlendis fjölgað um 85% en fjölg-
unin almennt hjá frændum okkar er
í kringum 20%. Grænlendingar og
Færeyingar njóta þó líkt og Íslend-
ingar talsvert meiri fjölgunar hlut-
fallslega. Í skýrslunni kemur einnig
fram að mun hærra hlutfall gesta á
hótelum og gistiheimilum hérlendis
er útlendingar, samanborið við hin
löndin. Þetta segir í frétt frá Ferða-
málastofu. Þar er haft eftir Magnúsi
Oddssyni ferðamálastjóra að töl-
urnar staðfesti hve miklum árangri
íslensk ferðaþjónusta hefur náð á er-
lendum mörkuðum á síðastliðnum
áratug í samanburði við nágranna-
þjóðirnar.
Að baki þessum árangri liggi mikil
vinna fjölda aðila sem hafa sýnt mik-
ið frumkvæði í vöruþróun og við að
koma íslenskri ferðaþjónustu á
framfæri til neytenda. Á þessum ár-
um hafi stjórnvöld skapað greininni
þá innviði, laga- og rekstrarum-
hverfi, sem hún hefur nýtt til mesta
vaxtar-, þróunar- og framfaraskeiðs
í íslenskri ferðaþjónustu. Einnig
hafa stjórnvöld í auknum mæli kom-
ið að öllu almennu kynningarstarfi,
bæði með stórauknu fjármagni og
með nýjum aðferðum.
Ferðaþjónustan vex mest á Íslandi
Eftir Andra Karl
andri@mbl.is
RÍKISSAKSÓKNARI hefur ákveð-
ið að fella niður mál gegn fv. endur-
skoðanda Tryggingasjóðs lækna og
rökstyður það með því að mikill
dráttur hafi orðið á endurákæru.
Maðurinn var sýknaður í héraðsdómi
Reykjavíkur og var máli hans vísað
frá héraðsdómi með dómi Hæsta-
réttar í maí á sl. ári. Að sögn lög-
fræðings mannsins er verið að skoða
skaðabótakröfu á hendur ríkinu.
Forsaga málsins er sú að fv. fram-
kvæmdastjóri Tryggingasjóðs lækna
varð uppvís að stórfelldum fjár-
drætti en á árunum 1993 til 2001
tókst honum að draga sér um 75
milljónir króna úr sjóðnum. Endur-
skoðandinn var í kjölfarið ákærður
vegna vanrækslu á skyldum sínum.
Í niðurstöðu héraðsdóms frá því í
desember árið 2004 voru gerðar
verulegar athugasemdir við rann-
sókn málsins og ákæran jafnframt
sögð óskýr. Þá hafði framkvæmda-
stjórinn fv. áður upplýst að hann
hefði falsað gögn sem lögð voru fyrir
endurskoðandann en þær fullyrðing-
ar voru ekki rannsakaðar af lög-
reglu.
Málinu var skotið til Hæstaréttar
sem komst að sambærilegri niður-
stöðu. Talið var að verulega hefði
skort á rannsókn lögreglu og vegna
annmarka var ófært að fella efnis-
dóm á málið og ekki komist hjá því að
vísa málinu frá héraðsdómi.
Ekkert heyrðist af endurákæru
Síðastliðið vor fékk efnahags-
brotadeild ríkislögreglustjóra
dómskvadda matsmenn til að meta
og rannsaka tiltekin atriði en að sögn
Kristins Bjarnasonar, lögmanns
mannsins, hafði ekkert heyrst frá
þeim í lok ágúst sl. og sendi hann þá
bréf til embættisins. Kristinn fór yfir
málavexti frá upphafi, benti á að eng-
inn glæpur hefði verið framinn og
vísaði til þess hversu langur tími
væri liðinn frá frávísun málsins.
Í október sendi hann svo erindi til
ríkissaksóknara þar sem óskað var
eftir að rannsókn málsins yrði hætt.
Ríkissaksóknari sendi fyrir
nokkru bréf til efnahagsbrotadeild-
ar, og afrit til Kristins, þar sem hann
lýsti þeirri ákvörðun sinni að það
bæri að hætta rannsókn málsins. Það
gerir hann með þeim rökum að í raun
sé málsmeðferðartíminn orðinn slík-
ur að hann sé í andstöðu við mann-
réttindasáttmála og stjórnarskrá um
réttmæta málsmeðferð.
Mál endurskoðanda
verið fellt niður
Maðurinn íhugar skaðabótakröfu á hendur ríkinu