Morgunblaðið - 13.12.2006, Page 15
MORGUNBLAÐIÐ MIÐVIKUDAGUR 13. DESEMBER 2006 15
ÚR VERINU
ÖRN KE 14 hefur verið fengsæll í ár
og aflaverðmætið hátt, enda landað á
uppboðsmarkaðina. Þegar Örninn
kom til löndunar í Sandgerðishöfn
eins og venjulega í síðustu viku, beið
áhafnarinnar heljarmikil rjómaterta
sem áhöfnin gæddi sér á eftir löndun
á aflanum sem var frekar lítill að
þessu sinni. Þó var ástæða til að
fagna, því í þessari veiðiferð fór afla-
verðmæti skipsins það sem af er
þessu ári í 202 milljónir.
Örn KE 14 er 159 tonna dragnóta-
bátur sem rær með snurvoð allt árið
og er veiðisvæðið hefðbundin snur-
voðasvæði við Faxaflóann og útaf
Sandgerði. Sjö manna áhöfn er á
skipinu og skipstjóri er Karl Ólafs-
son, Karl segir að allur afli skipsins
fari á markað og með því fáist besta
verðið sem skili sér í hærri hlut til
áhafnarinar. Þegar Karl var spurður
um aflahlutinn sagði hann að hann
væri ágætur, en kokkurinn, sem
reyndar er sonur skipstjórans, sagði
að aflahluturinn væri ljómandi góð-
ur. Um þessar mundir eru tveir úr
áhöfninni í fæðingarorlofi, en þeir
mættu um borð til að gera tertunni
góðu skil með félögum sínum.
Morgunblaðið/Reynir Sveinsson
Áhöfnin Á myndinni eru frá vinstri Atli Þór, Karl skipstjóri, Hólmar, Pétur, Ólafur, Erlingur, Jóhann og Sigmar.
Örn KE 14 með yfir 200
milljónir í aflaverðmæti
AFLINN í nóvember 2006 var
104.567 tonn sem er rúmlega sex
þúsund tonnum meiri afli en í nóv-
ember 2005 en þá var aflinn 98.474
tonn.
Síldaraflinn í nóvember 2006 var
rúmlega 17 þúsund tonnum meiri en
í fyrra. Hinsvegar var botnfiskaflinn
rúmlega tíu þúsund tonnum minni í
nóvember í ár en á sama tíma í fyrra,
samkvæmt bráðabirgðatölum Fiski-
stofu.
Minni botnfiskafli
Botnfiskaflinn í nýliðnum nóvem-
ber var 36.606 tonn en botnfiskaflinn
var 46.554 tonn í nóvember 2005.
Samdráttur í þorskafla milli ára var
fimm þúsund tonn eða sem svarar til
helmings af samdrætti botnfiskafla.
Afli flestra annarra botnfisktegunda
var að sama skapi minni í nóvember
2006 en var í nóvember 2005.
Síldaraflinn í nóvember 2007 var
rúmlega 67 þúsund tonn en á sama
tíma í fyrra var aflinn rúmlega 50
þúsund tonn. Engin kolmunnaveiði
var í nýliðnum nóvember.
Heildarafli ársins 2006 var í lok
nóvember orðinn 1.250.532 tonn sem
er 345 þúsund tonnum minni afli en á
sama tíma í fyrra en heildaraflinn
janúar – nóvember 2005 var
1.596.017 tonn. Samdráttur í afla
milli ára stafar af minni loðnuafla í
ár.
Ekki gengur eins rösklega á afla-
mark í ýsu á yfirstandandi fiskveiði-
ári og í fyrra. Annars voru eftir-
stöðvar aflamarks í lok nóvember
2006 í megindráttum svipaðar og á
sama tíma í fyrra.
Veiði sumargotssíldarinnar fór
seinna af stað í ár en í fyrra en veið-
arnar hafa síðan gengið ágætlega.
Um síðustu mánaðamót voru rúm-
lega 44 þúsund tonn eftir af afla-
marki ársins.
Lágt gengi og hátt afurðaverð
Morgunkorn Glitnis fjallar einnig
um fiskaflann og verðmæti hans. Þar
er bent á að þrátt fyrir 22% samdrátt
á milli ára í tonnum talið, megi búast
við auknu aflaverðmæti á árinu.
„Loðnuvertíðin í upphafi árs var
mun styttri en áður og skýrir það
stærstan hluta af samdrættinum. Á
móti kemur að mun hærra hlutfall af
loðnuaflanum í ár fór til manneld-
isvinnslu auk þess sem afurðaverð
var hærra en í fyrra. Almennt eru
ytri skilyrði fyrir sjávarútvegsfyrir-
tækin hagstæð nú. Gengi krónunnar
hefur lækkað frá fyrra ári og afurða-
verð á erlendum mörkuðum er í
sögulegu hámarki. Að teknu tilliti til
þessa má búast við nokkurri aukn-
ingu í aflaverðmæti á þessu ári sam-
anborið við árið 2005 þrátt fyrir afla-
samdrátt í tonnum talið.“
Mikil síldveiði
í nóvember
Fiskafli á árinu mun minni en í fyrra
vegna samdráttar í loðnuveiðum
Í HNOTSKURN
»Samdráttur í þorskafla milliára var fimm þúsund tonn
eða sem svarar til helmings af
samdrætti botnfiskafla
»Heildarafli ársins 2006 var ílok nóvember orðinn
1.250.532 tonn sem er 345 þús-
und tonnum minni afli en á sama
tíma í fyrra.
»Búast má við nokkurri aukn-ingu í aflaverðmæti á þessu
ári þrátt fyrir aflasamdrátt í
tonnum talið.
&' $(')
"
*(') %+
%
,-
.//0
123001
04356/
05/
5232/2
2736/1
08
,-3
.//2 .//09/2 .//29/7
4.53174
4.13/.0
.3786
4423/.4
4223/28
221
* $-
:$ :$- ') 3 $-3
$.//09.//2').//29.//7
Eftir Hjört Gíslason
hjgi@mbl.is
Fagmennska í fFagmennska í fyrirrúmi
Stórar dælur - Litlar dælur
Góðar dælur - Öruggar dælur
Úrval af dælum
Skútuvogi 6 • 104 Reykjavík • Sími 510 4100 • www.danfoss.isDanfoss hf