Morgunblaðið - 13.12.2006, Síða 19
MORGUNBLAÐIÐ MIÐVIKUDAGUR 13. DESEMBER 2006 19
MENNING
Eftir Ingveldi Geirsdóttur
ingveldur@mbl.is
VELGENGNI Íslensku kvikmynd-
arinnar Barna hefur náð út fyrir
landsteinana. Um nýliðna helgi
hlaut myndin sérstök verðlaun
dómnefndar, „Special Jury Prize“, á
kvikmyndahátíðinni Courmayeur
Noir á Ítalíu.
„Þetta er lítil kvikmyndahátíð en
mjög sterk og þarna voru margar
góðar myndir samankomnar. Ég er
mjög ánægður með að fá þessi
verðlaun og þau þýða mjög mikið
fyrir myndina,“ segir Ragnar
Bragason, leikstjóri Barna.
Meðal mynda sem kepptu um
verðlaun á hátíðinni voru The Last
King Of Scotland eftir Kevin
McDonald með Forrest Whitaker í
aðalhlutverki sem Idi Amin og nýj-
asta mynd Nicks Casavettes Alpha
Dog sem hlaut aðalverðlaun hátíð-
arinnar. Í dómnefnd sátu m.a. Pet-
er James, Mike Hodges (Get Car-
ter) og hinir ítölsku
Manetti-bræður.
Aldrei að vita um Óskarinn
Afhending verðlaunanna fór fram
á sunnudaginn og gat Ragnar ekki
verið viðstaddur þar sem hann var í
Búdapest að ganga frá sýning-
areintökum af kvikmyndinni For-
eldrum.
„Ingvar Sigurðsson, sem er einn
af framleiðendum Barna, fór til
Ítalíu í vikunni til að vera við-
staddur sýninguna á myndinni og
sat svo blaðamannafund á eftir, en
hann fór heim fyrir verðlaunaaf-
hendingu svo það lenti á Arnaldi
Indriðasyni rithöfundi, sem var
staddur á bókmenntahluta hátíð-
arinnar, að taka við verðlaununum
fyrir Íslands hönd,“ segir Ragnar
og gefur lítið fyrir það að þessi vel-
gengni gefi tóninn fyrir Ósk-
arsverðlaunaafhendinguna á næsta
ári en Börn verða framlag Íslands í
forvali til Óskarsverðlaunanna 2007.
„Ég veit ekkert hvort svona dökk
og grimm mynd eins og Börn fellur
í kramið í Hollywood. Það er samt
ómögulegt að spá um Óskarinn svo
það er aldrei að vita,“ segir Ragnar
og hlær.
Aðspurður hvort Börn fari á
margar fleiri kvikmyndahátíðir seg-
ir Ragnar það vera öruggt en hvaða
hátíðir það verða sé allt í skoðun
núna.
Fjörutíu fyrirspurnir
„Börn var búin að vera í bið á
kvikmyndahátíðum vegna sölumála
en það var verið að kynna hana á
American Film Market fyrir um
þremur vikum. En það er mikil eft-
irspurn eftir myndinni og núna
liggja fyrir hátt í fjörutíu hátíð-
arfyrirspurnir sem við þurfum að
svara. Við erum ekki búin að svara
neinu endanlega en Foreldrar verða
að öllum líkindum á hátíð í Gauta-
borg í janúar og ætli Börn fari ekki
þangað líka. Síðan erum við bara að
skoða beiðnir, velja og hafna. Það
er svo mikið af hátíðum í heiminum
að við reynum að velja bestu bit-
ana.“
Sala á myndinni til annarra landa
gengur einnig vel. „Þetta söluferli
er í gangi en við erum búin að selja
hana til fjögurra landa núna, það er
breskt sölufyrirtæki sem sér um
alla sölu á myndinni.“
Ragnar segir löndin í Mið- og
Austur-Evrópu hafa verið fyrst í
gang til að kaupa myndina. „Rúm-
enía keypti myndina fyrst allra
landa. Það virðist vera eitthvað í
myndinni sem höfðar til þessa hluta
af Evrópu.“
Eitt verk
Ragnar er nú að leggja lokahönd
á kvikmyndina Foreldra sem verð-
ur frumsýnd 19. janúar hér á landi,
en hún er seinni myndin í tví-
leiknum Börn og Foreldrar.
Ragnar gerir ekki upp á milli
myndanna og lítur á þær sem eitt
verk þar sem þær eru unnar sam-
hliða.
„Foreldrar er ekki eins myrk og
Börn, það er léttari tónn í henni.“
Spurður hvort von sé á fleiri
myndum í þessum tvíleik segir
Ragnar það ekki vera.
„Í þessu þema er ekki von á fleiri
myndum. Ég ætla að halda áfram
með svipaðar vinnuaðferðir og í
Börnum og Foreldrum en þróa þær
frekar. Ég get samt lofað því að það
verða myndir í þessum fasa, minni
og persónulegri,“ segir Ragnar sem
er með tvö verkefni í smíðum núna
sem hann vill ekki tjá sig um.
Fær fjölda boða á hátíðir
Börn unnu til sérstakra dómnefndarverðlauna á ítalskri kvikmyndahátíð
Morgunblaðið/ÞÖK
Leikstjórinn Ragnar Bragason segir kvikmyndahátíðir víðsvegar um
heiminn óska eftir því að fá íslensku kvikmyndina Börn til sýningar.
FÓLK með lítið sjálfsálit ætti að
forðast glæpasögur með óvæntum
endi – alla vega ef marka má nið-
urstöður þýsk-bandarískrar rann-
sóknar.
Rannsakendur komust nefnilega
að þeirri niðurstöðu að fólk með lítið
sjálfsálit fær meiri ánægju út úr
lestri glæpasagna þar sem grunur
þeirra er staðfestur í lokin meðan
þeir sem eru miklir í eigin augum
kjósa frekar óvæntan endi.
„Fólk með lítið sjálfsálit kann vel
við þá tilfinningu að það hafi vitað
allan tímann hver framdi glæpinn,
sennilega vegna þess að því finnst
það gáfaðra fyrir vikið,“ er haft eftir
Knobloch-Westerwick, meðrannsak-
anda og aðstoðarprófessor við Ohio
State-háskóla í Bandaríkjunum.
Lásu þrjár útgáfur
Rannsóknin náði til 84 þýskra há-
skólanemenda. Þeir leystu til að
byrja með skrifleg verkefni af ýms-
um toga sem lögð voru til grundvall-
ar mati á sjálfsáliti þeirra. Að því
loknu lásu nemendurnir blaðsíðu-
langa glæpasögu þar sem tvær kon-
ur liggja undir grun um morð; eig-
inkona fórnarlambsins og hjákona
hans.
Hver nemandi las eina af þremur
útgáfum sögunnar. Í einni útgáfunni
eru konurnar gerðar jafn líklegar til
að hafa framið glæpinn, í annarri er
gefið í skyn að hin seka sé líklegri og
í þeirri þriðju sú saklausa. Að lestr-
inum loknum gáfu þátttakendurnir
sögunum einkunn eftir skemmt-
anagildi og kom þá í ljós að þeir þátt-
takendanna sem höfðu lítið sjálfsálit
kunnu mun síður við hin óvæntu
sögulok en hinir sjálfsöruggari.
Sjálfsálit
ráði reifara