Morgunblaðið - 13.12.2006, Side 21
MORGUNBLAÐIÐ MIÐVIKUDAGUR 13. DESEMBER 2006 21
SUÐURNES
Að njóta foreldrahlutverksins
Námskeið sem eflir og styrkir unga foreldra.
Fjallað er um foreldrahlutverkið, forgangsröðun, vöxt og þroska ung-
barnsins, næringu, svefn, samstillingu, kærleikstengsl o.fl.
Næstu námskeið: 9. janúar, 11. jan. og 16. jan. kl. 19:30 - 21:30
23. janúar, 25. jan. og 30. jan. kl. 19:30 - 21:30
Kynningarverð: 12.000 kr. fyrir parið í janúar 2007 – Gjafabréf
til hamingju
með mikilvægasta
hlutverk lífsins!
Foreldrar
Staðsetning: Ármúli 40, 2. hæð
Skráning: Hertha sími 860 5966
og Kristín sími 865 7970
sjá nánar á
www.viskusprotinn.is
Eftir Helga Bjarnason
helgi@mbl.is
Keflavík | „Ég er mjög ánægður með
lokin á þessu, hvað varð úr þessu
húsi,“ segir Ragnar Jón Skúlason
rakari sem er ásamt fjölskyldu sinni
að opna hótel við Hafnargötuna í
Keflavík, Hótel Keili. Lóðina keypti
hann fyrir þrjátíu árum og hefur síð-
an verið að byggja húsið og innrétta.
Á þessum langa tíma hefur hann
þurft að yfirstíga margrar hindranir.
Mikil tímamót eru í lífi Ragnars um
þessar mundir, auk opnunar hótels-
ins. Hann varð sextugur á laugardag-
inn og á 40 ára starfsafmæli sem hár-
skeri á þessu ári.
Byggt fyrir rakarastofu
Þegar hann útskrifaðist gekk hon-
um illa að fá leigt pláss fyrir rakara-
stofu en það hafðist að lokum. Ragnar
segir að það hafi orðið til þess að hann
var mikið að horfa í kringum sig eftir
húsum. Þá stóð autt húsnæði sem Al-
þýðubrauðgerðin hafði notað fyrir
starfsemi sína, á góðri lóð, Hafnar-
götu 37. Á þessum tíma hafi fjársterk-
ir menn verið að safna að sér lóðum
við Hafnagötuna. Hann segist hafa
farið á fund stjórnenda fyrirtækisins í
Reykjavík og falast eftir lóðinni, seg-
ist hafa borið sig aumlega. Svo hafi
farið að hann hafi fengið hana keypta.
Hann reif kofann sem var á lóðinni
og lét teikna myndarlegt hús. Svo hóf-
ust framkvæmdir sem stóðu í langan
tíma enda efnin ekki mikil hjá ein-
staklingi til að byggja 1.400 fermetra
atvinnuhúsnæði. En þetta hafðist í ró-
legheitunum. Hann flutti rakarastof-
una inn á hálfkaraða jarðhæðina og
þar voru einnig opnaðar verslanir.
Jafnframt var unnið að því að innrétta
efri hæðirnar sem íbúðir. Þar voru sjö
íbúðir tilbúnar undir tréverk þegar
Ragnar skipti skyndilega um stefnu
fyrir sjö og hálfu ári og ákvað að inn-
rétta húsið sem hótel. Þá þurfti hann
að moka út milliveggjunum og breyta
húsinu á ýmsan hátt. Að því hefur
verið unnið með hléum síðan.
„Ég taldi að það væri framtíð í hót-
elrekstri en gerði mér enga grein fyr-
ir því út í hvað ég væri að fara. Það
eru gerðar miklar kröfur til svona
húsnæðis. Ég bara hjólaði í þetta og
það hafðist,“ segir Ragnar.
Nú er unnið að lokafrágangi og bú-
ið að búa um rúmin. Og öll leyfi til hót-
elrekstrar eru komin.
Upphaflega var hugmyndin að hafa
28 herbergja hótel en svo bauðst
Ragnari að kaupa húsið við hliðina
þannig að nú eru herbergin orðin 40.
Ragnar segir að það sé mun hag-
kvæmari eining.
Á jarðhæðinni við Hafnargötuna er
mótttakan, andlit fyrirtækisins, þar
sem rakarastofan var áður til húsa en
þar er einnig morgunverðarsalur með
eldhúsi, vínstúka og lítill fundarsalur.
Ragnar stefnir að því að reka þarna
hótel í fremstu röð. Hann segir að
staðsetningin sé ákjósanleg. Gott út-
sýni er úr herbergjunum, sérstaklega
þeim sem snúa út á Faxaflóa. „Þetta
er besti staðurinn á landinu fyrir hót-
el vegna nálægðarinnar við flugstöð-
ina. Við erum með það hótel sem næst
er alþjóðaflugvellinum.“
Hann mun vinna við rekstur hótels-
ins og sonur hans, Þorsteinn Lár,
vinnur að markaðsmálunum. Ragnar
segist þó ekki geta yfirgefið trygga
viðskiptavini. Hann hefur komið sér
upp lítilli stofu í húsinu og mun vinna
við iðn sína þar vissan tíma á dag.
Markaðssetning á Netinu
Þorsteinn er að byrja að kynna hót-
elið. Segir að ekki hafi verið hægt að
gera það fyrr en allt væri klárt. Hann
reiknar með að markaðssetningin
muni fara mikið fram á Netinu, í
gegnum heimasíðu Hótels Keilis sem
mikið sé í lagt. Þar muni væntanlegir
gestir geta skoðað ljósmyndir og
hreyfimyndir af aðstöðunni. Þor-
steinn bendir á að frá því faðir hans
fékk þá hugmynd að koma þarna upp
hóteli hafi ferðaþjónustan aukist mik-
ið og spár geri ráð fyrir áframhald-
andi aukningu. Þeir feðgar ætla sér
að ná í hluta af þeirri aukningu en
einnig að bjóða Íslendingum að gista,
ekki síst þeim sem leið eiga um Kefla-
víkurflugvöll.
Fyrstu gestirnir eru væntanlegir
næstu daga. „Við fyllum þetta í maí.
Við erum búnir að horfa nógu lengi á
þetta tómt,“ segir Ragnar.
„Ég er ánægður með lokin,
hvað varð úr þessu húsi“
Morgunblaðið/Helgi Bjarnason
Hótel Keilir Þorsteinn Lár Ragnarsson og Ragnar Jón Skúlason eru að
opna hótel við Hafnargötuna í Keflavík, loksins, eftir langa mæðu.
Í HNOTSKURN
»Ragnar Jón Skúlason keyptilóð við Hafnargötu fyrir 30
árum til að byggja yfir rakara-
stofu, verslanir og íbúðir.
»Fyrir sjö árum breyttustáformin, byrjað var að inn-
rétta hótel sem nú er verið að
opna.
Garður | Bæjarstjórn Sveitarfé-
lagsins Garðs hefur ákveðið að
hækka útsvarshlutfall úr 12,7 í
13,03% um ára-
mót. Er það há-
marksútsvar, það
sama og í Grinda-
víkurbæ og Sveit-
arfélaginu Vog-
um. Reykja-
nesbær og
Sandgerðisbær
verða áfram með
lægra útsvars-
hlutfall, 12,7%.
„Við þurfum
auknar tekjur þar sem framundan
eru stór og fjárfrek verkefni, svo
sem lagfæringar á frárennslismálum
bæjarins. Því er okkur nauðsyn að
nýta tekjustofna sveitarfélagsins,“
segir Oddný Harðardóttir, bæjar-
stjóri í Garði. Meirihluti bæjar-
stjórnar samþykkti útsvarshækk-
unina en fulltrúar minnihlutans sátu
hjá. Fram kemur í bókun meirihlut-
ans að sveitarfélagið hafi verið að
taka stór lán ár hvert og áætlað sé að
afborganir þeirra verði 88 milljónir á
næsta ári. Lántakan hafi verið nauð-
synleg þar sem tekjur sveitarfé-
lagsins hafi ekki nægt fyrir rekstri
málaflokka, gatnagerð og fjárfest-
ingum.
Oddný óttast ekki að samkeppn-
ishæfni Garðsins skerðist við þetta.
„Við viljum vera þekkt fyrir að veita
íbúunum góða þjónustu, góða skóla
og góðan aðbúnað,“ segir hún. Bætir
því við að unnið sé að því að bæta
þjónustuna á ýmsum sviðum.
Reiknað er með að útsvarshækk-
unin skili átta milljónum í bæjarsjóð.
Útsvarið
hækkar í
Garðinum
Oddný
Harðardóttir
LANDIÐ
Borgarfjörður | Ráðgert er að halda
tónleika í gíg Grábrókar í Norður-
árdal í júní, að því er fram kemur á
vef Skessuhorns. Þar verða verkin
Skugga-Baldur, Fjalla-Eyvindur og
Gullna hliðið flutt og blásarahljóm-
sveit leikur undir. Tónleikarnir
verða liður í borgfirsku tónlistarhá-
tíðinni Isnord en á hennar vegum
voru tónleikar í Surtshelli í sumar.
Leikhústónlist verður annars í
öndvegi á hátíðinni, sem haldin verð-
ur dagana 8. til 10. júní, hefur
Skessuhorn eftir Jónínu Ernu Arn-
ardóttur, aðalskipuleggjanda hátíð-
arinnar. Meðal annars verður tónlist
úr leikritum Kjartans Ragnarssonar
flutt. Bræðurnir Þorsteinn Gauti og
Jóhann Sigurðarsynir flytja lög úr
vel völdum verkum, Guðrún Ingi-
marsdóttir söngkona syngur og
margir fleiri, en listamennirnir sem
koma fram á hátíðinni eru borgfirsk-
ir eða tengdir héraðinu á einhvern
hátt. Gullaldartónlist verður í bland
við alþýðlega, nánast öll úr íslensk-
um leikritum, þótt vissulega votti
fyrir norrænum blæbrigðum.
Skugga-Baldur og Fjalla-
Eyvindur í gíg Grábrókar
Eftir Örn Þórarinsson
Siglufjörður | Í Siglufirði hafa síðan
árið 2005 staðið yfir endurbætur á
svokölluðu Ytrahúsi. Þetta er með
elstu húsum bæjarins byggt árið
1905.
Í Ytrahúsi var um 40 til 50 ára
skeið rekin sjoppa og gekk húsið þá
undir nafninu Söluturninn. Áður var
þar fyrsta póst- og símstöð staðarins,
einnig var Sparisjóður Siglufjarðar
þar til húsa um tíma og um árabil var
það notað sem íbúðarhús.
Það er Ytrahúsið – áhugamanna-
félag sem á húsið og stendur að end-
urbótum á því. Að félaginu standa
fimm einstaklingar og er framlag
þeirra einkum vinna.
Eins og í upphafi
Að sögn Hinriks Aðalsteinssonar,
formanns áhugamannafélagsins, var
húsið upphaflega timburbygging en
var fyrir allnokkru klætt utan með
járni. Byrjað var að rífa allt utan af
húsinu og er stefna eigendanna sú að
útlit þess verði eins og í upphafi.
Þó svo að þarna sé ekki um stór-
hýsi að ræða, 40 til 50 fermetra að
grunnfleti, kosta endurbæturnar sitt.
Til dæmis eru gluggarnir vandaðir.
Nú er búið að klæða framhlið hússins,
þá er snýr að Aðalgötu, en aðrar hlið-
ar eru eftir. Líklegt er að endurbæt-
urnar taki 2 til 3 ár.
Helstu styrkjendur framkvæmdar-
innar eru Húsfriðunarsjóður, Siglu-
fjarðarkaupstaður, Menningarsjóður
Sparisjóðs Siglufjarðar, Guðný Ró-
bertsdóttir og Kristján Möller.
Að sögn Hinriks er ekkert ákveðið
hvaða hlutverk húsið fær í framtíð-
inni en ýmsum möguleikum þar um
hefur verið velt upp.
Áhugamenn gera upp Ytrahús
Morgunblaðið/Örn Þórarinsson
Ytrahús Búið er að klæða framhlið Ytrahúss, þá er snýr að Aðalgötu. End-
urbætur hússins taka tvö til þrjú ár og er mikið eftir enn.
Húsavík | Fyrir skemmstu var opnuð ný al-
hliða útivistar- og tískuvöruverslun á Húsavík
sem nefnist Metro. Að henni standa athafna-
hjónin Birna Ásgeirsdóttir og Hilmar Þór Guð-
mundsson. Birna segir bæjarbúa og nærsveit-
unga hafa tekið versluninni vel til þessa og eru
þau hjón bjartsýn á rekstur hennar.
Metro er til húsa á Garðarsbraut 26, efri
hæð, en þar eru einnig til húsa hársnyrtistofan
Metro og snyrtistofan Hilma auk tveggja nudd-
stofa.
Á myndinni er Birna, til hægri, ásamt Ragn-
heiði Björnsdóttur afgreiðsludömu í versl-
uninni Metro.
Bjartsýn á búðina
Morgunblaðið/Hafþór Hreiðarsson