Morgunblaðið - 14.12.2006, Blaðsíða 6
6 FIMMTUDAGUR 14. DESEMBER 2006 MORGUNBLAÐIÐ
FRÉTTIR
Borðaði ég kvöldmat í gær?
„Svona skrifar alvöru stílisti,
tilgerðarlaust, nákvæmt, meitlað og
mátulega absúrd.“
Ágúst Borgþór Sverrisson, www.vettvangur.net.
„Þetta er þaulhugsaður texti, hverfist
um skýra fléttu hverrar sögu án
útúrdúra. Og um allt leikur elskuleg
hæðni sem veldur hlátri hjá
grandalausum lesanda sem veit varla
hvers er von.“
Páll Baldvin Baldvinsson,
Fréttablaðinu 13. nóvember.
„Óskar er leikinn í að skapa tvíræðar
aðstæður og hefur gott auga fyrir
hinu sérstaka í fari manna. Þetta er fyrsta bók
höfundar og mér finnst þetta góð byrjun á rithöfundarferli.“
Skafti Þ. Halldórsson, Mbl. 25. nóvember.
„Bókin er vel skrifuð, markviss og látlaus stílbrögð gera hana
einstaklega læsilega. Er það athyglisvert hversu sterkar allar
sögurnar eru.“
Valur Grettisson, Blaðinu 6. desember.
Önnur prentun komin
Eftir Rúnar Pálmason
runarp@mbl.is
Í BYRJUN nóvember fæddi Rejane Santana Da
Silva, brasilísk eiginkona Stefáns Þorgríms-
sonar, dreng á fæðingardeild Landspítalans.
Reikningurinn sem foreldrarnir þurfa að greiða
mun að líkindum hljóða upp á rúmlega 480.000
krónur því þar sem Rejane hafði ekki verið með
lögheimili hér á landi í sex mánuði og ekki er
fyrir hendi gagnkvæmur samningur um sjúkra-
tryggingar við Brasilíu, lendir allur kostnaður
við fæðinguna á henni.
Stefán ætlar ekki að una þessu og í gær hitti
hann Siv Friðleifsdóttur heilbrigðisráðherra og
bað hana að beita sér í málinu.
Í september sagði Morgunblaðið frá sambæri-
legu máli Hafliða Sigfússonar og bandarískrar
eiginkonu hans. Reikningurinn var rúmlega
240.000 krónur í því tilfelli en þar sem sonur
Stefáns og Rejane var tekinn með keisaraskurði
var kostnaðurinn meiri.
„Mér finnst þetta mjög ósanngjarnt gagnvart
mér sem einstaklingi, íslenskum ríkisborgara og
skattgreiðanda að þurfa að reiða fram tæplega
500.000 krónur, því þó að reikningurinn sé á
hennar nafni, þá erum við fjölskylda og það er-
um við sem fjölskylda sem greiðum reikning-
inn,“ sagði Stefán.
Stefán og Rejane kynntust í fyrrahaust þegar
hann var á ferðalagi um Brasilíu. Þau skrifuðust
á og hringdu á milli landa og í desember kom
hún í heimsókn til Íslands. „Hún varð ófrísk,
eins og gerist. Við reiknuðum ekki alveg með
því en það gerðist nú samt og níu mánuðum síð-
ar kom barn,“ sagði Stefán. Þau gengu í hjóna-
band 22. mars og þar með voru komnar for-
sendur fyrir því að óska eftir búsetuleyfi. Öll
tilskilin gögn voru komin til Útlendingastofn-
unar þann 3. maí og þaðan var málið afgreitt 20.
júní. Í kjölfarið gat Rejane skráð lögheimili sitt
hér á landi og sex mánuðum síðar, þ.e. 20. des-
ember nk., verður hún að fullu sjúkratryggð hér
á landi.
Í þeim tilvikum sem íslensk kona eignast barn
með útlendum manni sem ekki er sjúkratryggð-
ur, borga sjúkratryggingarnar allan kostnað og
telur Stefán að þetta hljóti að vera brot á jafn-
ræðisreglu. Þá benti hann á að fólk sem ætt-
leiðir börn fái 500.000 króna styrk frá ríkisvald-
inu, sem væri auðvitað hið besta mál, en að
sama skapi furðulegt að hann yrði að borga fullt
gjald fyrir fæðinguna.
Fjárhagur fjölskyldunnar er slæmur, að sögn
Stefáns. Ýmis kostnaður fylgdi því að eignast
barn, Rejane hefði lítið getað unnið og hún ætti
heldur ekki rétt á fæðingarorlofi. „Og Ísland er
samfélag sem gerir ráð fyrir að báðir foreldrar
vinni,“ sagði Stefán. Þessi staða kæmi bæði nið-
ur á uppeldisskilyrðum drengsins sem aðlögun
Rejane að íslensku samfélagi.
Eiga von á 480.000 króna
reikningi fyrir fæðinguna
Móðirin ekki með lög-
heimili hér á landi í sex
mánuði fyrir fæðingu
Morgunblaðið/ÞÖK
Fjölskylda Orfeus Þór Stefánsson ásamt for-
eldrum sínum, Rejane og Stefáni.
TÍMARITIÐ Nýtt líf hefur útnefnt Dorrit Moussaieff,
forsetafrú, konu ársins ársins 2006. Í rökstuðningi seg-
ir m.a. að hún sé glæsilegur fulltrúi lands og þjóðar
hvar sem hún komi. Þá hafi hún verið ötul við að leggja
velferðarmálum lið, einkum málefnum barna og ung-
linga, sem eigi við fötlun og geðrænan vanda að stríða.
Dorrit Moussaieff útnefnd kona ársins
Morgunblaðið/Sverrir
TRAUSTI Haf-
liðason, frétta-
stjóri á Frétta-
blaðinu, hefur
verið ráðinn rit-
stjóri Blaðsins
og mun hann
taka við starfinu
af Sigurjóni M.
Egilssyni sem
sagði starfi sínu
lausu nýlega. Samkvæmt upplýs-
ingum sem mbl.is fékk hjá Karli
Garðarssyni, framkvæmdastjóra
Blaðsins, í gær liggur þó enn ekki
fyrir hvenær Trausti tekur við
starfinu.
Trausti hefur starfað á Frétta-
blaðinu frá stofnun þess árið 2001
og starfaði fyrir þann tíma á
Morgunblaðinu. Hann er með BA-
gráðu í stjórnmálafræðum frá Há-
skóla Íslands og MA-gráðu í blaða-
mennsku frá Háskólanum í Ari-
zona í Bandaríkjunum.
Ráðinn rit-
stjóri Blaðsins
Trausti Hafliðason
Eftir Andra Karl
andri@mbl.is
„ÞESSI könnun
mælir í sjálfu sér
ekki fátækt. Hún
mælir í raun og
veru tekjudreif-
ingu í þjóðfélag-
inu og þá skil-
greina menn
fátækt sem ein-
hvern hluta af
þeirri dreifingu.
Það getur auðvitað verið umdeil-
anlegt,“ sagði Árni Mathiesen fjár-
málaráðherra á fundi með fjölmiðl-
um um skýrslu um fátækt barna á
Íslandi sem forsætisráðherra
kynnti á Alþingi í síðustu viku. Árni
sagði skýrsluna merkilega og afar
athyglisverða en takmarkanir felast
í aðferðafræðinni sem beitt er auk
þess sem mælikvarðarnir séu af-
stæðir. „Það góða við þetta er að
skýrslan byggir á aðferðafræði sem
er beitt hjá nágrannaþjóðum okkar
þannig að við getum upp að vissu
marki borið okkur saman við það
sem er að gerast annars staðar,“
sagði Árni og benti á að við værum
í svipaðri stöðu og Norðurlanda-
þjóðirnar. Hann sagði hins vegar
margt hafa breyst á undanförnum
tveimur árum, en skýrslan byggir á
árinu 2004, s.s. varðandi barnabæt-
ur og skattamál og telur hann að
tölur fyrir árið 2007 muni sýna já-
kvæðari niðurstöður.
Viðræður við sveitarfélög?
Aðspurður um hvort að grípa
þyrfti til aðgerða vegna skýrslunn-
ar sagði Árni umræðu síðustu daga
jafnvel vekja upp þá spurningu
hvort félagsmálayfirvöld sveitarfé-
laga ættu kannski að koma meira
að þessum málum. „Það hefur ekki
verið rætt um það en þessi umræða
gefur kannski tilefni til þess að það
sé skoðað frekar hvernig eigi að
standa að þessu nærumhverfi, s.s.
að það eigi að ná betur til þeirra
sem renna í gegnum þetta stóra
kerfi og stóra kerfið á erfiðara að
ná til.“
Merkileg skýrsla en
afstæðir mælikvarðar
Árni Mathiesen
Í HNOTSKURN
»Samkvæmt aðferðafræðiOECD, sem notuð er í
skýrslunni, miðast fátækt-
armörk við ráðstöfunartekjur
heimilanna, eða 50% af mið-
tekjum.
»Það þýðir að ávallt munueinhverjir mælast fátækir
en fátæktarmörkin voru t.a.m.
nær 50% hærri að raunvirði
árið 2004 en tíu árum áður.
REGLUM um flutning fanga frá
Litla-Hrauni verður ekki breytt í
kjölfar þess að fangi komst undan
fangavörðum sem fluttu hann í hér-
aðsdóm hinn 14. nóvember sl. Aðeins
þrír fangar hafa flúið með þessum
hætti á sl. 14 árum, en um eitt þúsund
fangaflutningar eru frá fangelsinu á
hverju ári.
Fram kemur á vef Fangelsismála-
stofnunar ríkisins að reglur um flutn-
ing fanga hafi verið endurskoðaðar í
kjölfar stroksins í nóvember. Í kjölfar
þess hafi vaknað sú spurning hvort
ávallt ætti að flytja fanga í handjárn-
um eins og tíðkast hjá lögreglu. Sú
krafa hefur ekki verið gerð varðandi
flutning afplánunarfanga og maður-
inn, sem flúði í nóvember, var ekki í
járnum. Gæsluvarðhaldsfangar skuli
þó almennt fluttir í járnum.
Flutningur
fanga
óbreyttur
SIV Friðleifs-
dóttir heilbrigð-
isráðherra sagði
í samtali við
Morgunblaðið í
gær að mál,
sambærileg því
sem Stefán Þor-
grímsson og eig-
inkona hans hafa
nú lent í, ætti að
leysa með gagnkvæmum samn-
ingum við önnur ríki. Tryggja
þyrfti að Íslendingar nytu sam-
bærilegra réttinda erlendis og út-
lendingar hér á landi.
Siv sagði það grundvallaratriði í
sjúkratryggingum á Norð-
urlöndum að réttur til sjúkra-
trygginga væri einstaklingsbund-
inn. Í umræddu tilviki hefði
viðkomandi móðir ekki búið hér á
landi í sex mánuði og nyti því ekki
sjúkratrygginga. Lög um þetta
hefðu verið sett fyrir 13 árum og
þá hefði ætlunin einkum verið að
koma í veg fyrir að Íslendingar
sem byggju erlendis kæmu hingað
gagngert til að nýta sér þjónustu
almannatrygginga. Búið væri að
gera gagnkvæma samninga við 28
ríki um að borgarar ríkjanna nytu
sambærilegra réttinda til sjúkra-
trygginga. Slíkir samningar hefðu
ekki verið gerðir við Brasilíu og
Bandaríkin en Ísland hefði óskað,
án árangurs, eftir samningi við
Bandaríkin.
Leysist með
samningum
Siv Friðleifsdóttir