Morgunblaðið - 14.12.2006, Blaðsíða 17
MORGUNBLAÐIÐ FIMMTUDAGUR 14. DESEMBER 2006 17
ERLENT
Eftir Kristján Jónsson
kjon@mbl.is
BLÖKKUMAÐUR hefur ekki enn
orðið forseti Bandaríkjanna enda
þótt um 12% þjóðarinnar teljist til
svartra. En nú er kominn fram á
sjónarsviðið demókrati sem gæti
orðið fyrsti blökkumaðurinn í Hvíta
húsinu. Barack Hussein Obama, öld-
ungadeildarþingmaður frá Illinois,
er 45 ára, móðir hans er hvít og frá
Kansas en faðirinn var svartur hag-
fræðingur frá Kenýa. Obama hyggst
gefa upp á næstunni hvort hann helli
sér í slaginn og ógni þannig Hillary
Rodham Clinton.
Obama hefur aðeins setið á þingi í
tvö ár og margir óttast að hann hafi
of litla reynslu til að raunhæft sé að
hann bjóði sig fram til forseta. Einn-
ig er bent á að litaraftið og fram-
andlegt nafnið (sem auk þess minnir
suma bæði á Osama bin Laden og
Saddam Hussein!) verði honum
hvorttveggja óþægur ljár í þúfu. En
eitt er þegar ljóst: hann á auðvelt
með að hrífa kjósendur með mál-
flutningi sínum, virkar ekki hroka-
fullur, tónninn er ekki skerandi en
ekki heldur með yfirstéttarbrag þótt
hann sé menntaður í Harvard. Um
1.600 manns komu á fund í New
Hamsphire um sl. helgi þar sem
Obama var aðalræðumaðurinn og
greiddu fundargestir 25 dollara, nær
2.000 ísl. kr., hver fyrir aðganginn.
Að borga eða fá borgað
„Er ekki vaninn að borga fólki 25
dollara fyrir að hlusta á ræðu öld-
ungadeildarþingmanns?“ spyr
fréttamaður breska ríkisútvarpsins,
BBC, Matt Frei, hissa – og kannski
háðskur – í pistli sínum í gær.
Frei var á fundinum og segir
Obama hafa tekist að koma fram
sem maður er vilji forðast skítkast
en leggi áherslu á að brúa bilið mili
repúblikana og demókrata. Og
Bandaríkjamenn leiti nú að ein-
hverjum sem græði sárin, ekki
frambjóðanda sem auki enn misklíð-
ina.
„Hann dregur upp mynd af
Bandaríkjunum sem er flóknari,
blæðbrigðaríkari og viðfelldnari en
sú afskræming sem flestir flokka-
pólitíkusar og hlutdrægir frétta-
menn notast mest við,“ segir Frei.
Sjálfur segist Obama vera hissa á
þeirri miklu fjölmiðlahylli sem hann
hafi notið en jafnframt að hann sé á
varðbergi gagnvart slíkum faðmlög-
um, að sögn The Washington Post.
Margir hafa farið flatt á því að verða
vinsælir of snemma en fuðra síðan
upp. Enn er ár í forkosningarnar.
Þegar jafn lítið þekktur stjórn-
málamaður verður skyndilega eftir-
læti fjölmiðla getur liðið nokkur tími
áður en sporhundar keppinautanna
finna eitthvað misjafnt í fari hans
eða fortíð. Breska tímaritið The
Economist segir að ef til vill geti
ásakanir um spillingu sem nú eru til
athugunar reynst Obama erfiðar.
Auk þess er enn margt á huldu um
skoðanir hans.
Ímyndarvandi Hillary Clinton
En hve miklar líkur eru á að
Obama verði forsetaefni demókrata
ef hann gefur kost á sér? Hillary
Rodham Clinton, öldungadeildar-
þingmaður frá New York, er enn lík-
legust, ef marka má kannanir og álit
flestra fréttaskýrenda. Vandi henn-
ar er hins vegar að þótt margir hafi
álit á henni þykir ljóst að henni muni
reynast erfitt að höfða til óákveð-
inna kjósenda á miðju pólitíska lit-
rófsins, hvað þá til hægri. „Margir
demókratar sem komu til að hlusta á
Obama [í New Hampshire] sögðu að
enda þótt þeir dáðust að Clinton
væru þeir hræddir um að hún gæti
ekki sigrað og þess vegna teldu þeir
að Obama gæti hugsanlega orðið
eftirsóknarverður frambjóðandi,“
sagði í grein The Washington Post.
Margir kjósendur vestra sjá Clin-
ton fyrir sér sem vinstrisinnaða
menntakonu enda þótt hún hafi síð-
ustu árin lagt sig fram um að breyta
þeirri ímynd. Hún studdi m.a. inn-
rásina í Írak og hefur reynt að
blíðka ákafa trúmenn með því að
setja nokkurn fyrirvara við stuðning
sinn við rétt kvenna til að ákveða
sjálfar hvort þær láti eyði fóstri.
Nefna má að fjárhagsstaðan
skipti miklu, ætli frambjóðandi sér
sigur verður hann að ráða yfir tug-
um milljóna dollara. Clinton stendur
vel að vígi í þeim efnum en algerlega
óljóst enn sem komið er hvort
Obama tekst að safna nægilegu fé.
Obama gæti ógnað for-
setadraumum Clinton
Margir telja blökkumanninn frá Illinois vænlegan kost
Næsti forseti? Barack Obama.
Í HNOTSKURN
»Ef Clinton eða Obamaverða forsetaefni demó-
krata merkir það þáttaskil:
Kona eða blökkumaður hafa
aldrei náð svo langt í stjórn-
málum stóru flokkanna
vestra.
»Líklegast er nú talið aðforsetaframbjóðandi repú-
blikana verði John McCain
öldungadeildarþingmaður en
einnig er oft nefndur til sög-
unnar Rudy Giuliani, fyrrver-
andi borgarstjóri í New York.
Reuters
ÞEIR voru vandvirkir kokkarnir í
anddyrinu á hótelinu í miðborg
Bangkok þegar ljósmyndara bar að
garði í gær. Taílendingar eru
þekktir fyrir glæsilegar skreyt-
ingar og það virtist félögunum létt
verk að útbúa „jólatré“ úr 50 kíló-
um af súkkulaði. Skreyttu þeir svo
tréð, sem er sex metra hátt, með
35.000 M&M súkkulaðikúlum.
Reuters
Snurfusa súkkulaðitréð
EN
N
EM
M
/
SÍ
A
/
N
M
24
57
0
2006
Nýr bæklingur um
hátíðarvínin í næstu vínbúð
SKEIFAN 3E-F · SÍMI 581-2333
WWW.RAFVER.IS
TÖFRA
SÓPURINN
...ávallt við hendina
K 55
■ Fyrir parket, teppi
og flísar
■ Léttur og þægilegur
■ Hleðslutæki fylgir
■ Auðvelt að tæma
■ Veggfesting
7.750,-Kr.