Morgunblaðið - 14.12.2006, Blaðsíða 21
MORGUNBLAÐIÐ FIMMTUDAGUR 14. DESEMBER 2006 21
LANDIÐ
Skóverslun - Kringlunni
Sími 553 2888
Teg. 7980
Stærð 36-41
Litur: Svartur
Verð 9.995
Teg. Al-CHer
Stærð 36-41
Litur: Svartur
Verð 9.995
Teg. 115
Stærð 36-41
Litur: Rauður og svartur
Verð 9.995
Teg. 19392
Stærð 36-41
Litur: Svartur og brúnn
Verð 13.995
Teg. 7980
Stærð 36-41
Litur: Svartur
Verð 12.995
Jólagjöfin
Jólaskórnir
Einnig mikið úrval
af töskum og
beltum
Opið til kl. 22.00
fram að jólum
Hvanneyri | „Við höfum stefnt að því að fá verk-
efnið viðurkennt sem hluta af Háskóla Samein-
uðu þjóðanna. Það er að ganga eftir, því við höf-
um fengið jákvæð viðbrögð fyrr en við reiknuðum
með. Það myndi veita okkur ákveðinn gæða-
stimpil,“ segir Ingibjörg Svala Jónsdóttir, pró-
fessor við umhverfisdeild Landbúnaðarháskóla
Íslands. Hún vinnur meðal annars að þróun sex
mánaða starfsþjálfunar- og námsáætlunar fyrir
þróunarlönd vegna landeyðingar og landgræðslu.
Þróunarverkefnið er á vegum utanríkisráðuneyt-
isins sem hefur falið Landbúnaðarháskóla Ís-
lands og Landgræðslu ríkisins að vinna það. Ingi-
björg Svala hefur undanfarin ár starfað sem
prófessor við háskólasetrið á Svalbarða en hefur
nú verið ráðin verkefnisstjóri þessa þróunarverk-
efnis. Áætlað er að fyrstu nemendurnir komi
hingað á næsta ári.
Mikil þekking á landgræðslu
„Verkefnið snýst um baráttuna gegn eyðimerk-
urmyndun í sem víðustum skilningi. Því er ætlað
að styrkja þá vinnu sem unnin er í þróun-
arlöndum til að sporna við hnignun gróðurs og
eyðingu lands – og síðan að bæta landið,“ segir
Ingibjörg.
Hún segir að hér á landi sé mikil þekking á
þessu sviði sem unnt sé að nýta víðar. „Þeir sem
hafa unnið að þessum verkefnum hér telja sig
geta miðlað af reynslu sinni og þekkingu. Hér
hefur verið unnið að landgræðslu í hundrað ár og
á þeim tíma hefur safnast mikil reynsla í upp-
græðslu og landbótum. Rannsóknir á þessu sviði
hófust þó nokkru seinna en hafa farið mjög vel af
stað,“ segir hún.
Ingibjörg telur að þótt Íslendingar séu ekki
búnir að leysa öll sín verkefni á þessu sviði hafi
þeir margt fram að færa. Nú þegar stjórnvöld
vilji auka aðstoð við þróunarlönd sé góð leið að
fara inn á þennan vettvang því þörfin sé svo
sannarlega fyrir hendi.
Verður hluti af Háskóla SÞ
Fyrirmynd að fyrirkomulagi þessa verkefnis er
sótt til Jarðhitaskóla og Sjávarútvegsháskóla
jákvæð svör við þeirri hugmynd að tengja jarð-
vegsverndarverkefnið háskólanum, að sögn Ingi-
bjargar Svölu, með svipuðum hætti og jarðhita-
og sjávarútvegsháskólana.
Ingibjörg segir að þörfin fyrir aukna þekkingu
í landgræðslu sé augljósust í Afríku en ekki megi
gleyma þróunarlöndum í Asíu og jafnvel Suður-
Ameríku. Hún tekur fram að ekki sé einfalt að
leysa vandamálin í þessum löndum því oft sé um
það að ræða að íbúarnir séu algerlega háðir því
að lifa á landinu og því þurfi að huga vel að mann-
lega þættinum, auk umhverfisþátta. „Við verðum
að nálgast þetta með ákveðinni auðmýkt og því
hugarfari að við getum einnig margt lært af því
fólki sem vinnur að þessum störfum á vettvangi í
þróunarlöndum,“ segir hún.
Sameinuðu þjóðanna sem starfræktir eru hér á
landi. Stefnt er að því að nemendur frá þróun-
arlöndunum komi hingað til lands í sex mánaða
starfsnám. „Við viljum fá fólk sem þegar er búið
að ljúka háskólanámi og starfar að þessum mál-
um í sínum heimalöndum. Þannig er hægt að
styrkja rannsóknarumhverfi þeirra og starf,“
segir Ingibjörg. Stefnt er að því að bjóða 20–25
styrkþegum hingað á ári, þegar verkefnið verður
komið vel af stað. Ætlunin er að byrja þegar á
næsta ári með fáa nemendur, ef til vill fjóra til
sex, í stuttan tíma í það skiptið.
Valgerður Sverrisdóttir utanríkisráðherra átti
fund með Hans J. A. van Ginkel, rektor Háskóla
Sameinuðu þjóðanna, þegar hún var í opinberri
heimsókn í Tókýó í Japan á dögunum. Fékk hún
Förum í þetta af auðmýkt
Morgunblaðið/Ásdís
Þróun Ingibjörg Svala Jónsdóttir þróar
kennslusetur í landgræðslu fyrir þróunarlönd.
Eftir Helga Bjarnason
helgi@mbl.is
Seyðisfjörður | Tónlistarskólinn á
Seyðisfirði hefur löngum þótt vel
starfandi og nú stendur skólinn að
útgáfu jólageislaplötunnar Jóla-
seyðs 2006. Hún kemur formlega út
í dag.
Á Jólaseyð leika flestallir nem-
endur Tónlistarskólans jólalög í
bland við annað efni og má m.a.
finna þar Have your self a merry
little Christmas, Hæ Mambó, Peter
Gunn, Heims um ból, Boðskap Lúk-
asar og 17 önnur lög.
Upptökur fóru fram í Tónlistar-
skólanum en Páll Thamrong, nem-
andi í 10. bekk Seyðisfjarðarskóla,
hannaði umslag.
Tónlistarskólinn heldur sína ár-
legu jólatónleika í Seyðisfjarð-
arkirkju kl 19.30 í kvöld og eru allir
velkomnir. Í lok jólatónleikanna fá
nemendur Tónlistarskólans eintak
af geislaplötunni, en auk þess verð-
ur hún seld á vægu verði á staðn-
um.
Þetta er í annað sinn sem Tónlist-
arskólinn gefur út geislaplötu, en
árið 1999 kom út geislaplatan Jóla-
seyður sem undanfarin ár hefur
verið mikið spiluð á seyðfirskum
heimilum í desember.
Ljósmynd/Einar Bragi
Jólaviðburðir Nemendur úr 1.–6. bekk Seyðisfjarðarskóla fluttu nýlega
helgileik eftir Maríu Gaskell og sr. Cecil Haraldsson í kirkjunni.
Tónskólanemend-
ur gefa út jóladisk
Ljósmynd/Einar Bragi
Jólalög Nemendur Tónlistarskóla
Seyðisfjarðar spila jólatónlist.
Egilsstaðir | Fimleikadeild Hattar
fagnar um þessar mundir 20 ára af-
mæli sínu. Á glæsilegri fimleikasýn-
ingu sem haldin var af þessu tilefni í
Íþróttamiðstöðinni á Egilsstöðum
um liðna helgi sagði Adda Birna
Hjálmarsdóttir, formaður deildar-
innar, að upphafið mætti rekja til
atorku Unnars Vilhjálmssonar og
Hólmfríðar Jóhannsdóttur sem unnu
mikilvægt brautryðjendastarf við að
koma deildinni á legg. Í byrjunar-
hópnum hjá Unnari og Hólmfríði
voru m.a. Adda Birna sjálf og Auður
Vala Gunnarsdóttir, yfirþjálfari fim-
leikadeildarinnar, en hún hefur unn-
ið af miklum metnaði. Adda Birna
lýsi því hvernig iðkun og tækjabún-
aður deildarinnar hefur vaxið á þess-
um 20 árum. Fimleikadeild Hattar
hlaut titilinn fyrirmyndardeild
Íþróttasambands Íslands árið 2004
og hefur lagt sig sérstaklega eftir
jafnréttis- og umhverfismálum. M.a.
er safnað mjólkurfernum til endur-
vinnslu í bænum til fjáröflunar. 14
þjálfarar vinna með 170 iðkendum á
aldrinum 4 til 17 ára. Deildin hefur
að jafnaði hampað 3-4 Íslandsmeist-
urum árlega síðustu 6 árin. Eiríkur
Bj. Björgvinsson bæjarstjóri á
Fljótsdalshéraði greindi frá því á
samkomunni að búið væri að skipa
nefnd til að kanna möguleika á bygg-
ingu sérstaks fimleikahúss á Egils-
stöðum á næstu árum.
Fimleikadeild Hatt-
ar fagnar 20 árum
Morgunblaðið/Steinunn Ásmundsdóttir
Árangur Adda Birna Hjálm-
arsdóttir segir fimleikana í sókn.
Höfn | Stofnaður hefur verið hópur
um Lónsheiðargöng innan áhuga-
hópsins Samstöðu, sem upphaflega
var stofnaður til að berjast fyrir tvö-
földun Reykjanesbrautarinnar.
Áhugahópur um tvöfalda Reykja-
nesbraut hefur tekið þá ákvörðun að
leggja sitt af mörkum til árangurs í
vegabótum og fækkunar umferðar-
slysa á Íslandi.
Baráttuhópur um Lónsheiðar-
göng hefur fengið heimasíðu á vef
samstöðu og er slóðin www.fib.is/
samstada. Á vefnum er hægt að skrá
sig í baráttuhópinn og leggja með því
lóð á vogarskálarnar. Markmiðið er
að ráðist verði í gerð ganga undir
Lónsheiði sem allra fyrst og hinn al-
ræmdi vegur um Hvalnes- og Þvott-
árskriður verði aflagður. Talsmaður
hópsins er Sigurður Mar Halldórs-
son á Höfn.
Veggöng í stað Hvalness-
og Þvottárskriðna
AUSTURLAND
INGIBJÖRG Svala Jónsdóttir hefur verið 25 ár
erlendis við nám og störf. Eftir líffræðinám hér
fór hún í doktorsnám við háskólann í Lundi og
hélt áfram rannsóknum á áhrifum beitar og stofn-
vistfræði plantna, einkum á norðurslóðum. Hún
vann áfram að þessum málum við háskólann og
varð síðan prófessor við háskólann í Gautaborg.
„Við sóttum um af rælni,“ segir Ingibjörg um
næsta skref sem var að þau hjónin, hún og Ólafur
Ingólfsson jarðfræðingur, réðu sig samtímis sem
prófessora við háskólasetrið á Svalbarða. „Þetta
var gefandi tími, bæði fyrir okkur persónulega og
í starfi,“ segir hún. Ingibjörg vann að ýmsum
rannsóknum á Svalbarða, meðal annars Evrópu-
verkefni um gæsir og gæsabeit, en hefur einnig
unnið að rannsóknum hér heima á áhrifum lofts-
lagsbreytinga á gróður. Á meðan þau Ólafur voru
í Svíþjóð fóru þau í rannsóknaleiðangra með ís-
brjótum um heimskautasvæðin á vegum heim-
skautarannsóknastofnunarinnar.
Ingibjörg starfaði sex ár á Svalbarða en hefur
síðustu árin verið mikið á Íslandi því fjölskyldan
flutti heim nokkrum árum fyrr.
Starfaði í sex
ár á Svalbarða