Morgunblaðið - 16.12.2006, Blaðsíða 10
10 LAUGARDAGUR 16. DESEMBER 2006 MORGUNBLAÐIÐ
FRÉTTIR
STARFSMÖNNUM Alþýðu-
sambands Íslands verður áfram
óheimilt að gera verðkannanir í
verslunum Bónuss í það minnsta
þar til eftir helgi. ASÍ hafnar gagn-
rýni Bónuss á vinnulag við verð-
könnun á bókum sl. miðvikudag.
Starfsmenn ASÍ fóru yfir fram-
kvæmd verðkönnunarinnar í gær
og var niðurstaðan sú að eðlilega
hefði verið staðið að gerð könn-
unarinnar, og staðið væri við nið-
urstöðurnar, að því er fram kemur
á vef ASÍ.
„Þær verslanir og þjónustuaðilar
sem kjósa að heimila ekki verðtöku
á vöru og þjónustu sem þeir bjóða
verða að eiga það við sína samvisku
og viðskiptavini að útskýra ástæð-
urnar,“ segir ennfremur á vef ASÍ.
Guðmundur Marteinsson, fram-
kvæmdastjóri Bónuss, segir að leit-
að hafi verið eftir fundi með for-
svarsmönnum ASÍ en þeir hafi ekki
séð sér fært að funda vegna málsins
fyrr en eftir helgi. ASÍ hafi ekki
svarað fyrirspurnum Bónuss vegna
málsins.
Afstaða ASÍ kemur honum ekki á
óvart. „Þeir segjast aldrei hafa
rangt fyrir sér og hafa aldrei við-
urkennt mistök. Við erum með
þetta ljóslifandi fyrir framan okkur
og sjáum alveg hvernig þetta var
unnið.“
Bónus Áfram er bann við því að
starfsmenn ASÍ geri kannanir.
Áfram bann við
verðkönnunum ASÍ
„SIGURJÓN M. Egilsson hafði
frumkvæði að því að leita eftir
vinnu hjá 365 miðlum hf. og fékk.“
Þetta segir í bréfi sem Morgun-
blaðið hefur undir höndum. Það er
dagsett 4. október sl. og er frá
Hreini Loftssyni, lögmanni 365, til
Jóns Magnússonar, lögmanns Sig-
urjóns. Í bréfinu kemur fram að
Sigurjón hafi átt að hefja störf 1.
október 2006 sem ritstjóri DV „og
er samningsbundinn til 18 mánaða
samkvæmt greindum samningi til
að starfa hjá 365 miðlum hf. og í
kjölfarið í 6 mánuði til að hefja ekki
störf hjá samkeppnisaðila 365
miðla hf. á samningstímanum,“ seg-
ir m.a. í bréfinu.
Fram kemur einnig að með sér-
stakri yfirlýsingu Sigurjóns til hlið-
ar við samninginn hafi hann greint
frá því með hvaða hætti hann hygð-
ist efna ákvæði 3. mgr. 9. gr. samn-
ingsins um starfslok hjá Ári og degi
ehf. sem gefur út Blaðið.
Hafði frum-
kvæði að því
að ráða sig
til DV
UMHVERFISSVIÐ Reykjavíkur-
borgar hefur aflétt banni á notkun
leikfimihúss Vogaskóla og Mennta-
skólans við Sund. Úttekt fór fram í
gær og engar athugasemdir komu
fram frá skoðunaraðilum við aðbún-
að.
Már Vilhjálmsson, rektor MS,
segir að skólinn muni í kjölfar þessa
máls fara yfir málsatvik og stjórn-
sýsluna á bak við ákvörðunina um
lokun á íþróttaaðstöðu skólans og í
kjölfar þess meta hvernig tekið verð-
ur á þeim þætti málsins. Það sé skoð-
un skólans að afar mikilvægt sé að
verkferlar séu alveg skýrir og fram-
kvæmd skoðunar og vinnsla mála
þar á eftir séu með þeim hætti að
ekki leiki vafi á að verið sé að fylgja
ákvæðum laga og reglna.
Leikfimihús
MS opnað
Eftir Brján Jónasson
brjann@mbl.is
FORSVARSMENN Árs og dags
ehf., útgáfufélags Blaðsins, óskuðu
eftir því í gærmorgun að Sigurjón M.
Egilsson, ritstjóri blaðsins, yfirgæfi
þegar í stað vinnustaðinn, og sökuðu
hann um að reyna að fá starfsmenn
Blaðsins til liðs við nýtt blað sem
hann ætlar að ritstýra.
Sigurjóni var jafnframt afhent bréf
sem Sigurður G. Guðjónsson, stjórn-
arformaður Árs og dags, skrifar und-
ir, en bréfið var í kjölfarið sent fjöl-
miðlum. Sigurjón sagði upp starfi
sínu sem ritstjóri Blaðsins um síð-
ustu mánaðamót, en hafði samþykkt
að gegna starfinu til áramóta.
Fréttastjórar Blaðsins, þau Brynj-
ólfur Þór Guðmundsson og Gunnhild-
ur Arna Gunnarsdóttir, munu gegna
störfum ritstjóra þar til í byrjun jan-
úar, þegar Trausti Hafliðason tekur
við starfinu, segir Karl Garðarsson,
framkvæmdastjóri Blaðsins.
Í bréfinu sem Sigurjóni var afhent
í gær kemur fram að stjórn Árs og
dags líti svo á að Sigurjón hafi hætt
störfum hjá félaginu og hafið störf
fyrir nýjan vinnuveitanda. Ár og dag-
ur muni mæta öllum frekari brotum á
trúnaðarskyldu með viðeigandi
hætti, m.a. með því að krefjast lög-
banns við því að hann komi fram eða
vinni fyrir aðra fjölmiðla á uppsagn-
arfresti, sem er átta mánuðir frá og
með byrjun desember.
Verður krafinn um skaðabætur
„Jafnframt mun Ár og dagur ehf.
krefja þig um greiðslu skaðabóta
vegna alls þess tjóns sem félagið
hefur orðið fyrir eða kann að verða
fyrir vegna hins ólögmæta brott-
hlaups þíns úr starfi hjá félaginu,“
segir í bréfinu. Þar kemur einnig
fram að Ár og dagur mini jafnframt
fella niður allar greiðslur til Sigur-
jóns.
Í bréfinu er fjallað um endurskoð-
un á ráðningarsamningi Sigurjóns
sem fram fór í september sl., en þá
voru sögusagnir í gangi um að hann
hygðist segja upp og hefja störf sem
ritstjóri DV.
„Aðspurður þvertókstu fyrir þetta
og sagðir að þér stæðu til boða ýmis
störf, m.a. utan fjölmiðla, og þangað
stefndi hugur þinn. Á daginn hefur
hins vegar komið að þetta var hrein
lygi hjá þér. Því samkvæmt skrifleg-
um gögnum, sem Ár og dagur ehf.
hefur undir höndum, hafðir þú frum-
kvæðið að því að ráða þig til 365 miðla
hf. í september til að ritstýra DV,“
segir í bréfinu.
Vitna í tölvupóst lögmanna
Sigurður G. Guðjónsson segir
þessi gögn vera tölvupóstssamskipti
milli lögmanns 365 og lögmanns Sig-
urjóns sem sýni fram á ósannindi Sig-
urjóns. Spurður hvernig Ár og dagur
hafi fengið aðgang að tölvupósti lög-
mannanna vildi Sigurður ekki gefa
það upp.
Sigurjón er einnig sakaður um að
hafa komið af stað ágreiningi við aug-
lýsingastjóra Blaðsins vegna meintra
brota á ritstjórnarlegu sjálfstæði.
Þegar kafað hafi verið ofan í þau mál
hafi hins vegar komið í ljós að um
hrein og klár mistök var að ræða.
Að lokum er Sigurjón sakaður um
að hafa notað vinnutíma sinn hjá Ári
og degi og aðstöðuna á vinnustaðnum
til þess að reyna að ráða nokkra af
starfsmönnum Blaðsins til starfa við
nýtt dagblað sem Sigurjón hafi í
hyggju að ritstýra. Þetta brot feli í
sér gróft brot á vinnuréttarlegum
skyldum við Ár og dag.
Karl Garðarsson sagði í samtali við
Morgunblaðið að það væri deginum
ljósara að Sigurjón hefði þegar hafið
störf fyrir nýtt blað sem hann væri að
koma á legg. Hann hefði til að mynda
talað í nafni blaðsins í fjölmiðlum
undanfarið, en einnig stæði hann að
því að reyna að ráða fólk til starfa á
hið nýja blað.
Fráfarandi ritstjóri
krafinn um skaðabætur
Útgáfufélag Blaðsins segir ritstjórann þegar hafa hafið störf fyrir annað blað
Sigurjón M. Egilsson hafnar ásökunum og segir yfirlýsingar félagsins rangar
Morgunblaðið/Ásdís
Unnu að útgáfu Starfsmenn Blaðsins létu ekki deigan síga þrátt fyrir að
ritstjóra þeirra hefði verið vísað á dyr í gær og héldu áfram að vinna.
„ÉG HEF engu logið,“ segir Sigurjón M. Egilsson, frá-
farandi ritstjóri Blaðsins. Hann þvertekur fyrir að hann
hafi verið búinn að ráða sig til 365 þegar forsvarsmenn
Árs og dags hafi spurt sig um það í september. Hann
segir að hann sé í raun atvinnulaus í bili, en sé á leið á
nýtt dagblað. Það sé því algerlega rangt að hann hafi
þegar ráðið sig til starfa á öðru blaði. Hann muni því
berjast af alefli gegn mögulegri lögbannskröfu.
Spurður um ágreining við auglýsingastjóra Blaðsins
segir Sigurjón að þegar hann hafi komið inn á blaðið
hafi það tíðkast að auglýsingasölufólk hafi horft yfir öxl
blaðamanna og reynt að selja viðmælendum þeirra aug-
lýsingar vegna viðtalanna. Einnig hafi efni sem selt var í blaðið ekki verið
aðskilið frá efni unnu á ritstjórn. Þetta stangist á við grundvallarsjónarmið
blaðamanna og hann hafi náð því fram að því væri breytt.
Hann hafnar því einnig alfarið að hafa reynt að fá starfsmenn Blaðsins
til liðs við sig á nýjum vettvangi. „Ég hef forðast alla umræðu um þetta
vegna þess að ég var bundinn í vinnu hjá Ári og degi, og þess vegna hefur
umræða um þetta verið í algeru lágmarki. Þetta er fólk sem kom með mér
á Blaðið mín vegna en ekki blaðsins vegna. Ég hef ekki ráðið neinn af
starfsmönnum Blaðsins yfir á nýtt blað, þótt það sé ljóst að Janus Sigur-
jónsson [sonur Sigurjóns] muni fylgja mér,“ segir Sigurjón.
Mun berjast gegn lögbanni
Sigurjón M.
Egilsson
TÖLUVERÐAR skemmdir urðu í
eldishúsi fyrir hænur á bænum
Hellnatúni í Ásahreppi í Rangár-
vallasýslu í gær. Húsið var tómt en
til stóð að flytja þangað kjúklinga í
dag til eldis fyrir hænsnabú, sam-
kvæmt upplýsingum frá lögreglunni
á Hvolsvelli.
Eldurinn kviknaði út frá hitablás-
ara og barst þaðan í lofttúður og í
einangrun og þurfti m.a. að rífa plöt-
ur í lofti til að komast að eldinum.
Eldur í eldishúsi