Morgunblaðið - 16.12.2006, Blaðsíða 26
26 LAUGARDAGUR 16. DESEMBER 2006 MORGUNBLAÐIÐ
AKUREYRI
Stokkseyri | „Framundan eru bjart-
ir tímar hjá nemendum og starfsfólki
Barnaskólans,“ segir í fundargerð
frá skólanefnd Árborgar en á fundi
hennar 20. nóvember voru sagðar
fréttir frá byggingarnefnd Barna-
skólans á Eyrarbakka og Stokks-
eyri. Þeir björtu tímar sem talað er
um byggjast á þeirri ákvörðun
nefndarinnar að byggja nútímalega
skólabyggingu, sem gefur möguleika
á sveigjanlegu skólastarfi, með
áherslu á einstaklingsmiðað nám.
Áform eru uppi um að í skólanum
verði færri veggir en fleiri þar sem
auðveldara er að setja upp veggi en
rífa þá. Unnið er að því að yfirfara
rýmisþörf og norm skólabygginga.
Í fundargerðinni segir: Stefnt er
að því að boðið verði út í alútboði,
sem sagt bæði hönnun og bygging-
arframkvæmdir, í báðum þorpum í
einu. Útboð verður auglýst upp úr
næstu áramótum og framkvæmdir á
Eyrarbakka hefjist í apríl eða maí
2007. Afhending skólahúss, leikfimi-
húss og sundlaugar á Eyrarbakka
verði 15. júlí 2008. Afhending skóla-
húss á Stokkseyri verði 15. apríl
2010. Á báðum stöðum verður skoð-
að hvort hægt verður að nýta gömlu
skólahúsin undir stjórnunaraðstöðu
og t.d. félagsaðstöðu nemenda. Þá er
sagt í fundargerð að samstarf í bygg-
ingarnefnd gangi mjög vel og mikill
áhugi og væntingar séu meðal nefnd-
armanna um uppbyggingu skólans.
Gaman að taka þátt
„Það er núna unnið samkvæmt
þeirri hugmynd að byggja skólann
upp á báðum stöðunum og framund-
an er vinna að stefnumótun fyrir
skólann,“ sagði Daði Ingimundar-
son, skólastjóri Barnaskólans á Eyr-
arbakka og Stokkseyri, sem leysir
Arndísi Hörpu Einarsdóttur af á
þessu skólaári.
Í skólanum á Stokkseyri eru um
70 nemendur í 1.–5. bekk grunnskól-
ans og á Eyrarbakka eru nemendur
6.–10. bekkjar. „Mér finnst þetta allt
spennandi og jákvæð staða í málinu.
Það er búið að ákveða framkvæmda-
daga og það verður gaman að taka
þátt í þessari vinnu,“ sagði Daði.
Skóli byggður í tveimur
þorpum við ströndina
Morgunblaðið/Sigurður Jónsson
Eyrarbakki Nýr skóli verður byggður á Eyrarbakka og Stokkseyri.
ÁRBORGARSVÆÐIÐ
Eftir Sigurð Jónsson
Selfoss | „Það er mikilvægt og gott
að fá stuðning sem þennan og mikil
hvatning,“ sagði Svanborg R. Jóns-
dóttir sem hlaut styrk úr vísindasjóði
Fræðslunets Suðurlands sem afhent-
ur var á hátíðarfundi í gær.
Svanborg fær stuðning úr sjóðnum
til að vinna að rannsókn á nýsköpun-
ar- og frumkvöðlamennt. Hún segist
vilja kalla verkefnið nýsköpunar-
mennt og hefur hún notað það efni í
kennslu í tíu ár í Þjórsárskóla í
Skeiða- og Gnúpverjahreppi, þar sem
hún hefur verið kennari í 28 ár. Svan-
borg stundar nú nám í Háskóla Ís-
lands þaðan sem hún lauk masters-
prófi í fyrra með starfi. Hún segir að
með því að nýta áherslur nýsköpunar
megi gefa fleiri nemendum tækifæri
til að njóta sín og segist hún hafa
beina reynslu af því að verkefnið nái
vel til nemendanna. „Rannsóknin
beinist að því að auðvelda kennurum
að taka þessa kennsluhætti upp í al-
mennri kennslu. Það er hægt að nota
efnið eða aðferðina við margar náms-
greinar,“ sagði Svanborg.
Góður jarðvegur fyrir sjóðinn
Fræðslunet Suðurlands úthlutaði
nú styrk úr vísindasjóði í 5. sinn. Sjö
umsóknir bárust sjóðsstjórninni og
voru allar vel hæfar að mati stjórn-
arinnar. Tveir styrkþegar kynntu
verkefni sín. Margrét Lilja Magnús-
dóttir sagði frá rannsókn sinni á
seltu- og þurrkþoli trjáplantna, og
Jón Ágúst Jónsson lýsti rannsókn
sinni á umhverfisáhrifum skógrækt-
araðgerða.
Ólafur Ragnar Grímsson, forseti
Íslands, afhenti Svanborgu vísinda-
styrkinn og sagði að jarðvegur fyrir
vísindasjóð Fræðslunetsins væri
greinilega öflugur og góður. Verkefn-
in sem kæmu fram væru metnaðarfull
og hvatti hann fyrirtæki og stofnanir
til að standa vel við bakið á sjóðnum
svo hann mætti eflast, en árangurinn
af starfsemi sjóðsins væri greinilega
mikill.
Ásmundur Sverrir Pálsson, fram-
kvæmdastjóri Fræðslunetsins, sagði
frá helstu þáttum í starfsemi þess og
nefndi hann tölvukennslu fyrir eldra
fólk í heimahúsum, og íslenskunám
fyrir útlendinga, en 186 manns hafa
sótt slík námskeið. Sagði hann fyrir-
tæki leita í auknum mæli til Fræðslu-
netsins um námskeið fyrir stafsmenn.
Einnig nefndi hann námskeið í sam-
starfi við Fræðslunet atvinnulífsins
og ráðningu tveggja náms- og starfs-
ráðgjafa. Gat hann þess meðal annars
að nú stunda 53 nemar fjarnám við
Háskólann á Akureyri.
Sagði Ásmundur háskólanám á
Suðurlandi vera eins og fósturbarn
Fræðslunetsins sem hefði reynst því
þungur baggi. Vonir væru bundnar
við að háskólanám á Suðurlandi yrði
brátt að veruleika en verkefnisstjóri
hefði verið ráðinn af hálfu At-
vinnuþróunarfélags Suðurlands. „Ég
kýs að sjá Fræðslunet Suðurlands
sem öfluga endurmenntunardeild
innan væntanlegs Háskóla á Suður-
landi,“ sagði Ásmundur.
Vill taka upp nýsköp-
unarmennt í skólum
Morgunblaðið/Sigurður Jónsson
Styrkur Ólafur Ragnar Grímsson afhenti Svanborgu R. Jónsdóttur viður-
kenningu vísindasjóðs. Með þeim er Gylfi Þorkelsson, formaður stjórnar.
HVALASKOÐUN er erlendum
ferðamönnum efst í huga og Mývatn
eftirminnilegast, skv. könnun sem
gerð var á meðal útlendinga sem
ferðuðust um Norðurland sl. sumar.
Þegar spurt var hvað erlendum
ferðamönnum sem höfðu heimsótt
Norðurland væri efst í huga varð-
andi landshlutann nefndu flestir
hvali (26%) en síðan Mývatn (21%).
Náttúruna nefndu 17%, Akureyri
nefndu 10%, jafnmargir firði og flóa,
9% eldfjöll og hraun og 8% nefndu
fjöll.
„Það er mjög athyglisverð niður-
staða að hvalir séu nú ofar í hugum
erlendra sumargesta en Mývatn
þegar þeir hugsa til Norðurlands og
ótvírætt saga til næsta bæjar, eins
og segir í greinargerð með könnun-
inni,“ segir á vef Ferðamálastofu.
Könnunin var unnin af Rannsókn-
um og ráðgjöf ferðaþjónustunnar
fyrir Vaxtarsamning Eyjafjarðar,
matvæla- og ferðaþjónustuklasa
meðal erlendra brottfararfarþega í
Leifsstöð og á Seyðisfirði.
Af þeim gestum á Norðurlandi
sem afstöðu tóku töldu 86% að Norð-
urland væri frábrugðið öðrum lands-
hlutum. Nær helmingur þeirra
nefndu að náttúran þar væri öðru-
vísi, 16% töldu gott veður einkenna
landshlutann umfram önnur svæði
og 11% nefndu að þar væru ferða-
menn víða færri en annars staðar.
Rúmlega helmingur þeirra sem
höfðu komið á Norðurland höfðu séð
auglýsinga- eða kynningarefni um
landshlutann. Þeir sem höfðu séð
slíkt kynningarefni áður en þeir fóru
að heiman sáu það helst á netinu
(33%) en því næst í ferðabæklingum
(22%). Eftir að fólk var komið til Ís-
lands fékk það helst upplýsingar um
Norðurland í ferðabæklingum (30%)
og á upplýsingamiðstöðvum (23%).
Af einstökum stöðum á Norður-
landi þótti flestum erlendum gestum
þar Mývatn vera á „topp þremur“
sem eftirminnilegasti staðurinn
(69%), síðan Akureyri (43%), Húsa-
vík (41%) og Dettifoss (30%) en síðan
komu Krafla (9%) og Ásbyrgi (7%).
Áberandi flestir af gestum Norð-
urlands nefndu að náttúran/lands-
lagið hefði verið það besta við lands-
hlutann (43%) en síðan kom
hvalaskoðun (15%), Mývatn (11%).
Hvalir efst í
huga útlendinga
Ljósmynd/Heimir Harðarson
Efst í huga Hnúfubakur stekkur
glæsilega á Skjálfanda í sumar.
Í HNOTSKURN
»Hvalir voru erlendum ferða-mönnum, sem heimsóttu
Norðurland í sumar, efst í huga
en Mývatn eftirminnilegast.
»Af einstökum stöðum á Norð-urlandi þótti langflestum er-
lendum gestum þar Mývatn vera
á „topp þremur“ sem eftir-
minnilegasti staðurinn.
ÍBÚAR „tvíburaturnanna“, Baldurshaga og Myllunnar,
neðst við Þórunnarstræti, fengu afhenta lykla að íbúð-
um sínum í gær. Kristján Þór Júlíusson bæjarstjóri, t.v.,
dró nöfn þeirra fyrstu; Knúts Otterstedt og Harriet
Margareta Otterstedt. Sigurður Sigurðsson, forstjóri
SS Byggis, sem byggði húsin, er til hægri. Fram-
kvæmdir hófust sumarið 2005 og hefur vinna við hverja
íbúð tekið 14,2 daga að meðaltali að sögn Sigurðar. Það
var arkitektastofan Kollgáta sem hannaði húsin. 40
íbúðir eru í húsinu og fyrsta fólkið flutti inn strax í gær.
Morgunblaðið/Skapti Hallgrímsson
Voru 14,2 daga með hverja íbúð!
LAY Low, Lovísa Elísabet Sigrún-
ardóttir, kemur fram á tónleikum á
Græna hattinum á Akureyri í kvöld.
Hún hefur fengið lofsamlega dóma
fyrir fyrstu breiðskífu sína, Please
Don’t Hate Me, og hefur meðal ann-
ars verið tilnefnd til Íslensku tónlist-
arverðlaunanna í fjórum flokkum.
Ívar Bjarklind, sem hefur einnig
nýverið gefið út sína fyrstu plötu,
Blóm eru smá, kemur einnig fram á
tónleikunum ásamt hljómsveit.
Verslunin Frúin í Hamborg
kynnir í dag nýja hönnun í galleri-
BOX í Kaupvangsstræti 10 kl. 15.
Tveir ungir höfundar lesa upp úr
nýjum skáldsögum sínum í Amts-
bókasafninu í dag kl. 14. Þetta eru
þeir Eiríkur Norðdahl og Haukur
Már Helgason. Bók Eiríks heitir
Eitur fyrir byrjendur og er hans
önnur skáldsaga og bók Hauks heitir
Svavar Pétur & 20. öldin og er hans
fyrsta skáldsaga. Gert er ráð fyrir að
dagskráin taki um 20–30 mínútur.
Kór Akureyrarkirkju syngur sína
árlegu jólasöngva á morgun, sunnu-
daginn 17. desember, kl. 17 og 20, í
Akureyrarkirkju. Kórinn flytur ís-
lensk, dönsk og sænsk jólalög ásamt
Björgu Þórhallsdóttur sópran og
Birni Steinari Sólbergssyni organ-
ista. Aðgangur er ókeypis.
Jólasveinar spila og syngja á svöl-
um Pennans Eymundsson í göngu-
götunni í dag kl. 15. Þetta er ára-
tugagömul hefð og í hugum margra
eitt helsta einkenni jólastemningar-
innar á Akureyri.
List fyrir auga og eyra