Morgunblaðið - 16.12.2006, Blaðsíða 27
MORGUNBLAÐIÐ LAUGARDAGUR 16. DESEMBER 2006 27
SUÐURNES
Jólatilboð
Jón & Óskar bjóða Antwerpen-verð á
alvöru demöntum fyrir jólin. Þetta eru eins
karata hágæða demantar sem fást núna á
verði sem ekki hefur sést áður á Íslandi.
Góður demantur er ekki einungis glæsileg
gjöf heldur góð fjárfesting sem gengur í
erfðir um ókomin ár. Gleddu þann sem
stendur hjarta þínu næst með fallegum
demöntum frá Jóni & Óskari.
1 karat í fallegri umgjörð.
Verð frá 481.000 til 671.000 kr.
Aðeins 5 demantar til á þessu verði. Hægt er
að setja þá í nokkrar gerðir hringa. Ábyrgðar-
skírteini frá viðurkenndri rannsóknarstofu fylgir
hverjum demanti.
á stórum demöntum
Laugavegi 61 • Sími 552 4910 • jonogoskar.is
Eftir Helga Bjarnason
helgi@mbl.is
Reykjanesbær | „Móðir mín segir
að ég hafi fengið þetta í vöggugjöf.
Allavegana hef ég þetta ekki frá
henni,“ segir Þorbjörn Einar Guð-
mundsson, sautján ára listamaður í
Reykjanesbæ sem opnar í dag list-
sýningu í kjallara menningarmið-
stöðvarinnar 88-hússins ásamt fé-
laga sínum Davíð Eldi Baldurssyni.
Þorbjörn sýnir akrýlmálverk og
Davíð sýnir ljósmyndir. Þá sýna
þeir og boli sem þeir hafa í samein-
ingu hannað merkingar á og látið
silkiprenta. Bolirnir eru með fimm
mismunandi myndum en þeir und-
irbúa fleiri útgáfur undir vörumerki
sínu, Dream Catcher. „Ætli við
séum ekki í hópi þeirra sem grípa
draumana,“ segir Þorbjörn þegar
hann er spurður um heitið. „Kemur
ekki alltaf nýr draumur þegar einn
rætist?“ bætir Davíð við.
Ótrúlega gaman
Báðir hafa strákarnir töluvert
fengist við listir en á mismunandi
sviðum. Þorbjörn hefur, þótt ungur
sé að árum, haldið nokkrar sýn-
ingar, aðallega í verslunum. Sýnt
akrýlmyndir og ýmsar skreytingar.
Hann hefur lengi fengist við veggja-
krot sem hann vill fremur nefna
veggjalist. Verið meðal annars feng-
inn til að skreyta barnaherbergi og
stofur hjá fólki og verslanir. Hann
skreytti svartholið í 88-húsinu. „Ég
hef ótrúlega gaman af þessu. Ann-
ars væri ég ekki að því,“ segir Þor-
björn Einar.
Hann stefnir að því að mennta
sig í listum. Byrjar á listnámsbraut
í Fjölbrautaskóla Suðurnesja eftir
áramótin og setur stefnuna á
listaháskóla í framtíðinni.
Davíð Eldur hefur mest fengist
við kvikmyndagerð, ljósmyndun og
stafræna hönnun. Hann var í Kvik-
myndaskóla Íslands og hefur unnið
við listina með ýmsum hætti. Hann
var til dæmis aðstoðarmaður við
kvikmyndatökur Bjólfskviðu. Þá
hefur hann aðstoðað við eða gert
sjálfur stuttmyndir, auglýsingar og
tónlistarmyndbönd. „Mamma fór
mikið með mig í bíó. Þar fékk ég
áhugann á kvikmyndum,“ segir
Davíð Eldur um upphafið.
Davíð vinnur vaktavinnu á hóteli
og hefur því oft góðan tíma til að
sinna áhugamálunum.
Davíð verður með handrit að
stuttmynd á sýningunni, það er að
segja innrammaða forsíðu handrits-
ins. Handritið verður til sölu, eins
og önnur verk á sýningunni. „Ég
hef ekki efni á að gera þessa mynd
nógu vel og verð því með það til
sölu á 350 þúsund krónur,“ segir
Davíð.
Nýr sýningarsalur
Þorbjörn vinnur í menningarmið-
stöð ungs fólks, 88-húsinu, og fékk
augastað á sal í kjallarnum sem not-
aður var sem draslgeymsla. Hann
fékk leyfi til að taka til og mála sal-
inn og skreyta. Er orðinn til ágætis
sýningarsalur sem hentar þeim fé-
lögum vel. „Við vorum búnir að tala
lengi um að sýna saman og núna
fengum við tækifærið. Vonandi
verður salurinn notaður í svona
hluti í framtíðinni.
Sýning þeirra félaga verður opn-
uð klukkan 16 í dag og stendur út
árið.
Erum í hópi þeirra
sem grípa draumana
Morgunblaðið/Helgi Bjarnason
Veggjalist Davíð Eldur og Þorbjörn í nýja sýningarsalnum í 88-húsinu.
Þorbjörn málaði salinn og skreytti fyrir sýningu þeirra félaga.
Eftir Sigurð Sigmundsson
Hrunamannahreppur | Loðdýra-
bændur eru um þessar mundir að
ljúka við að pelsa skinn sín þetta
árið.
Þau Jóna Heiðdís Guðmunds-
dóttir og Þorbjörn Sigurðsson og
foreldrar hans, Guðrún S. Guð-
mundsdóttir og Sigurður Jónsson,
hafa rekið Loðdýrabúið í Ásgerði II
í Hrunamannahreppi í nítján ár.
Þar eru 2800 minkalæður. Send eru
um 13000 minkaskinn til Danmerk-
ur og Finnlands fyrir áramót. Von-
ast er eftir góðu verði á minka-
skinnum á uppboðum þar í vetur.
Auk þess sem eigendurnir vinna
allir við búið eru þar þrír starfs-
menn á meðan skinnaverkun stend-
ur, frá október til desember. Frjó-
semi er góð og fóðrun hefur gengið
vel en fóðrið er blandað á staðnum
og er uppistaðan í því fiskúrgangur
og afskurður af kjúklingi auk korns
og vítamína.
Tilkostnaður meiri
Sigurður skýtur því að blaða-
manni að velta eftir hverja læðu sé
meiri en tvílemd ær gefur með öll-
um ríkisstyrkjum en hann bætir því
þó við að tilkostnaðurinn sé meiri
við minkinn. Vélakostur við verkun
skinna er dýr, auk þess sem flytja
þarf inn sérstakt sag í tonnavís.
Nú eru 5 minkabú á Suðurlandi
auk eins refabús, og svo er eitt í
Hornafirði. Alls eru nú 25 minkabú
á landinu.
Morgunblaðið/Sigurður Sigmundsson
Grávara Þorbjörn Sigurðsson minkabóndi með skinn sem bíða útflutnings.
Læðan gefur meira
en tvílembd ær
Eftir Hafþór Hreiðarsson
Húsavík | Laufabrauðs-
gerð hefur verið ein af meg-
instoðum í fjáröflun Kven-
félags Húsavíkur um
langan tíma eða allt frá því
að Sigfríður Kristinsdóttir
átti frumkvæði að því að
kvenfélagskonur á Húsavík
hófu laufabrauðsgerð fyrir
jólin 1967. Allt frá upphafi
hefur laufabrauðsgerðin
farið fram í heimahúsum
þar sem konur hittast í
smáum hópum.
Friðrika Baldvinsdóttir
formaður Kvenfélags
Húsavíkur segir að fyrstu
árin hafi konurnar komið
með deigið með sér að
heiman. Þær breiddu allt
út, skáru og steiktu á sama
kvöldinu og þá var oft liðið
á nótt þegar upp var staðið.
„Þær höfðu kökurnar svo
þunnar að stundum var
hægt að lesa bók í gegnum
þær og ekki mátti afskurð-
urinn vera mikill,“ sagði Friðrika og
bætti við að fyrstu árin hafi laufa-
brauðið verið selt í Samkomuhúsinu.
Klæddust konurnar gjarnan ís-
lenska búningnum við laufa-
brauðssöluna.
Allt selt fyrirfram
„Í ár gerðum við fimmtánhundruð
kökur sem allar voru seldar fyrir-
fram og fara víða, m.a. á höfuðborg-
arsvæðið,“ segir Friðrika og bætir
við að þær anni ekki alltaf eftir-
spurn. Nú orðið kaupa þær útbreidd-
ar laufabrauðskökur af Heimabakar-
íi og hittast í laufabrauðspartíum þar
sem kökurnar eru skornar út og
steiktar. Í ár voru þau átta, sjö konur
í hverju þeirra og deilir hvert partí
með sér kostnaði við kökurnar. Sjö-
tíu konur eru skráðar í félagið fyrir
utan heiðursfélaga, en það eru fé-
lagar sem eru áttatíu ára og eldri, en
þeim er að sjálfsögðu alltaf boðið að
vera með.
„Það er notaleg stund að fara í
laufabrauðspartí hjá kvenfélaginu,
þar setjast saman konur og kynnast
öðruvísi en á félagsfundum. Það eru
spiluð jólalög undir og við spjöllum
um allt milli himins og jarðar, oftar
en ekki rifjaðir upp gamlir tímar í
laufabrauðsgerðinni sem og gamlir
jólasiðir. Þá er mikil upplifun fyrir
okkur sem yngri erum að lenda með
þeim eldri í partýum og heyra þeirra
frásagnir af kvenfélagsstarfinu í
gegnum tíðina, það kennir okkur,“
sagði Friðrika Baldvinsdóttir og
bætti við að það sé ekki mikið starf
að vera í kvenfélagi í dag, það sé
bara gaman.
Kvenfélagskonur
halda við 40 ára hefð
Morgunblaðið/Hafþór Hreiðarsson
Vandað Friðrika Baldvinsdóttir sker út
laufabrauð með kvenfélagskonum á Húsavík.
Fáðu fréttirnar
sendar í símann þinn
Fréttir á SMS
LANDIÐ