Morgunblaðið - 16.12.2006, Blaðsíða 33

úr bæjarlífinu
MORGUNBLAÐIÐ LAUGARDAGUR 16. DESEMBER 2006 33
Ármúla 10 • Sími: 5689950
Jólatilboð
Með hverri sæng
fylgir 50x70 gæsadúnskoddi frítt með
að verðmæti kr. 11.800
Duxiana Royal
Gæsadúnssængur
140x200 kr. 34.980
140x220 kr. 39.360
150x210 kr. 39.360
220x220 kr. 58.880
260x220 kr. 68.640
Þau sögulegu tíðindi urðu hér í Bolungarvík í
vikunni að kynnt var skýrsla vegagerðarinnar
um jarðgöng á leiðinni Bolungarvík – Ísafjörð-
ur.
Í skýrslunni eru teknir út þeir fimm helstu
möguleikar sem til greina geta komið í jarð-
gangagerð á milli þessara staða.
Samgönguráðherra Sturla Böðvarsson kom,
af þessu tilefni, ásamt fulltrúum úr ráðuneyt-
inu og Vegagerðinni til fundar við bæj-
arstjórnir Bolungarvíkur og Ísafjarðar þar
sem hann fylgdi skýrslunni úr hlaði.
Í skýrslunni kemur fram að þrjár leiðir, þ.e.
Hnífsdalsleið, Skarfaskersleið og Tungudals-
leið, uppfylla allar þær öryggiskröfur sem lagt
var upp með.
Í ályktun sem bæjarráð Bolungarvíkur hef-
ur sent frá sér er skýrslunni fagnað jafnframt
því sem rómað er að allt frá því að ríkisstjórnin
tók þá ákvörðun árið 2005, að gerð yrðu jarð-
göng milli Ísafjarðar og Bolungarvíkur, hefur
verið haft samráð við heimamenn.
Einnig segir í ályktuninni, að að teknu tilliti
til fjarlægðar, samfélagsþátta og umhverf-
issjónamiða telji bæjarráð að Skarfaskersleið
og Tungudalsleið séu álitlegustu kostirnir.
Ráðherra færði fólkinu sem hér býr þau
gleðitíðindi að ákvörðun um jarðgöng milli Bol-
ungarvíkur og Ísafjarðar yrði afgreidd á al-
þingi fyrir þinglok í mars.
Það er að vonum að sérstaklega bjart sé yfir
fólki nú á þessari jólaföstu þegar hillir undir
það að innan fárra ára verði Óshlíðarvegur af-
lagður sem samgönguleið milli þessara staða.
Nú líður senn að hátíð ljóss og friðar og Bolvík-
ingar sem aðrir landsmenn keppast við taka á
móti þessari mestu hátíð kristinna manna.
Bærinn hefur verið ljósum prýddur, en á
seinni árum hafa bæjarbúar lagt aukinn metn-
að í að hafa dýrð jólaljósanna sem mesta.
Kveikt var á jólatré bæjarins fyrsta sunnu-
daginn í aðventu og var af því tilefni safnast
saman í söng jólalaga og glaðst með jólasvein-
um og fleirum.
Hið árlega aðventukvöld var haldið í Hóls-
kirkju s.l sunnudag þar sem Kirkjukór Bol-
ungarvíkur flutti vandaða söngdagskrá sem
helguð var aðventunni og jólahátíðinni.
Ræðumaður á aðventukvöldinu að þessu
sinni var Ragna J. Magnúsdóttir veitinga-
maður og bæjarfulltrúi.
Framundan er svo skötuveislan á Þorláks-
messu, en fullyrða má að á langflestum heim-
ilum í bænum er borin fram kæst skata á degi
hins heilaga Þorláks.
Dæmi eru um að fólki af erlendum uppruna
sem hér býr og starfar falli þessi matur bara
vel og það borði skötuna af bestu lyst.
Nú þegar skammt er eftir að þessu ári og lit-
ið er um öxl í því skyni að meta það liðna þá
verður ekki annað sagt en að árið fram að
þessu hafi verið Bolvíkingum að mörgu leyti
hagsælt til sjávar og sveita og það sem mestu
máli skiptir, stóráfallalaust.
Bolvíkingar senda landsmönnum öllum sín-
ar bestu jóla- og nýjársóskir með ósk um Guðs
blessun á komandi ári.
BOLUNGARVÍK
Gunnar Hallsson fréttaritari
Hallmundur Kristinssontrésmiður vann dagstund í
sama húsi og Davíð Hjálmar
Haraldsson og setti saman vísu til
að geta flutt ef þeir hittust. En þar
sem þeir urðu ekki á vegi hvor
annars, lét hann vísuna á Leir,
póstlista hagyrðinga:
Menn eru iðnir við mikilvæg störf.
Mörgu hér þarf að sinna.
En Davíð samt yrkir af þrálátri þörf
þegar hann á að vinna.
Davíð Hjálmar leiðrétti,sagðist
ekkert hafa ort þennan daginn, en
forðast Hallmund af illri nauðsyn:
Þeir sóttu mann að setja hér upp bekk
en svo ég þetta kurteislega orði:
Sá timburmaður trylltur hér um gekk.
Ég tók þann kost að felast undir borði.
Hallmundur svaraði:
Eftir að hafði ég allt lagt í rúst,
eyðilagt stóla og bekki,
ég sá undir borðinu þónokkra þúst,
sem þagði og hreyfði sig ekki.
Ég held að mig gruni og hef á því trú,
þótt haldbærar sannanir skorti,
ég vissi þá ekki en veit það samt nú
hver var þar í felum – og orti.
Þá Davíð Hjálmar:
Fullur hef ég tæpast orðið enn,
aldrei verið drykkjusvoli neinn
og feginn er ég að fá ei timburmenn
fyrst að þessi er svona slæmur einn.
VÍSNAHORNIÐ
Skáld og
timburmaður
pebl@mbl.is
Talið er að offitufaraldurinn, sem nú
ríður yfir hinn vestræna heim hafi í
för með sér ýmsar slæmar heilsu-
farslegar afleiðingar og nú er því
spáð að krabbameinstilvikum muni
fara ört fjölgandi vegna þessa, en
vitað er að yfirþyngdin er áhættu-
valdur nokkurra tegunda krabba-
meina. Í nýlegri könnun bresku
krabbameinsrannsóknastöðvarinnar
sem sagt var frá í vefútgáfu BBC
kom í ljós að aðeins 29% aðspurðra
voru meðvituð um þessi tengsl. Talið
er líklegt að aukin framleiðsla horm-
ónsins estrógens í fituvefum lík-
amans hafi til að mynda áhrif á
krabbamein í brjóstum og kviði auk
þess sem tengsl hafa fundist milli of-
fitu og krabbameina í ristli og nýr-
um. Sérfræðingar vita minna um ná-
kvæma virkni í öðrum
offitu-tengdum krabbameinum, en
þeir fullyrða að krabbameinstilfelli
komi til með að aukast verði þróun-
inni ekki snúið við hvað offitu varð-
ar. Bent er á að fólk í yfirvigt sem
fær krabbamein á sér minni lífslíkur
en þeir, sem eru í kjörþyngd þar
sem erfiðara sé oft að greina sjúk-
dóminn meðal „of feitra" en hinna
sem ekki falla í þann hóp.
Offita og
krabbamein
heilsa