Morgunblaðið - 16.12.2006, Blaðsíða 62

|laugardagur|16. 12. 2006| mbl.is
Eftir Jóhann Bjarna Kolbeinsson
jbk@mbl.is
Nú í haust kom barnabókin Stórskrímsli gráta ekki samtímis út íSvíþjóð, Færeyjum og á Íslandi.Áslaug Jónsdóttir er höfundur
mynda í bókinni, auk þess sem hún á hlut í
textanum ásamt þeim Kalle Güettler frá Sví-
þjóð og Rakel Helmsdal frá Færeyjum. Þetta
er önnur bókin um skrímslin sem kemur út
og segir Áslaug viðtökurnar við þeim hafa
verið góðar. „Já, þær hafa bara verið að gera
það mjög gott, ekki síst í Svíþjóð. Þar var
fyrsta bókin mjög vinsæl en hún heitir Nei!
sagði litla skrímslið. Hún seldist upp og var
prentuð aftur,“ segir Áslaug, en bókin hlaut
Íslensku myndskreytiverðlaunin sem kennd
eru við Dimmalimm árið 2004. Þá hafa
skrímslabækurnar hlotið góða dóma í Svíþjóð
og hefur meðal annars verið sagt að þær séu
bæði sérstakar og öðruvísi en aðrar barna-
bækur á markaðnum.
Vald tungunnar
Áslaug segir að höfundarnir þrír skrifi
textann í sameiningu en hún sjái ein um
myndskreytingar og hönnun. „Þegar margir
höfundar standa að einni hugmynd koma svo
margir útúrdúrar þegar verið er að ræða
saman, en ef maður situr einn þá veit maður
nokkurn veginn hver hugmyndin er, maður
þarf ekkert að vera að ræða það við aðra en
sjálfan sig,“ segir Áslaug og bætir því við að
búið sé að vinna fleiri handrit og því sé von á
nýrri skrímslabók á næsta ári.
Áslaug segir sérstaklega skemmtilegt að
taka þátt í norrænu samstarfi sem þessu, því
Íslendingar eigi margt sameiginlegt með
bæði Svíum og Færeyingum, en einnig sé
margt ólíkt með þjóðunum. „Það sem hefur
þó verið sérstakast í hópi okkar skrímslahöf-
undanna er þetta nána samstarf milli höf-
unda sem eru staddir hver í sínu landinu.
Þetta kostar ferðalög og langa tölvupósta og
þess háttarskeyti,“ segir Áslaug. „En við höf-
um unnið sögurnar á öllum þremur tungu-
málunum samtímis sem hefur komið af stað
mjög fjörugum umræðum um vald tung-
unnar, sem er oft ólíkt í þessum löndum. Til
dæmis hvað má segja og hvernig segir maður
það, eitt smáorð til eða frá getur breytt gangi
sögunnar.“
Engin væmni
Svíar hafa mikinn áhuga á myndbókum og
er markaður fyrir slíkar bækur stór þar í
landi. Áslaug segist því mjög ánægð með að
hafa komist inn á þann markað.
„Ef maður skoðar sænskar myndabækur
sér maður að myndskreytingarnar eru mjög
ólíkar þessu, svona ljúfar eins og við þekkj-
um til dæmis úr Ólátagarði. Þessar eru hins
vegar frekar krassandi,“ segir hún, en ítrek-
ar þó að þetta séu barnabækur fyrir allra
yngstu kynslóðina sem eldri krakkar geti þó
líka haft gaman að. „Ég hef verið að lesa
bækurnar fyrir leikskólakrakka en líka fyrir
krakka alveg upp í fjórða bekk. Myndirnar
eru langt frá því að vera væmnar og því geta
þau alveg verið með og það skilja allir það
sem um er rætt.“
Aðspurð segir Áslaug yngstu börnin ekki
vera hrædd við skrímslin. „Nei nei, ég kom
til dæmis í einn leikskóla og þar voru börnin
búin að gera heilmikið skrímslaþema og þau
voru öll meira eða minna í skrímslabúningum
og mjög vígaleg.“
Önnur bók sem Áslaug myndskreytti kom
út á átta tungumálum nú í nóvember, en það
er bókin Draugurinn sem hló. Áslaug segir
bókina fyrir eldri börn og unglinga.
„Þetta eru alvöru draugasögur og mjög
skemmtilegar,“ segir hún, en í bókinni eru 15
nýjar draugasögur eftir jafnmarga norræna
höfunda. Áslaug myndskreytti söguna Bara
Sara eftir Gerði Kristnýju, en sögurnar
komu meðal annars út á samísku og græn-
lensku, auk allra norðurlandamálanna.
Áslaug segir nóg af verkefnum framundan.
„Ég er sjálf að vinna handrit sem vonandi
kemur út í vor, þar verð ég bæði með texta
og myndir,“ segir hún. „Svo er ég með margt
fleira á döfinni, ég má bara ekki segja frá,“
segir Áslaug hlæjandi.
Stór skrímsli og hlæjandi draugur
Vinsæl skrímsli „Ég kom til dæmis í einn leikskóla og þar voru börnin búin að gera heilmikið
skrímslaþema og þau voru öll meira eða minna í skrímslabúningum og mjög vígaleg.“
Áslaug Jónsdóttir myndskreytir vinsælar barna- og unglingabækur
Norrænt Rakel Helmsdal, Áslaug Jónsdóttir
og Kalle Güttler, höfundar skrímslabókanna.
staðurstund
Arnar Eggert Thoroddsen skoð-
ar þær barnaplötur sem koma
út fyrir þessi jól og segir mis-
jafnan sauð í mörgu fé. » 64
barnaplötur
Flóki Guðmundsson fjallar um
nýjustu kvikmynd Mel Gibson
sem heitir Apocalypto og er
mjög umdeild. » 65
kvikmyndir
Hljómsveitin Trabant leikur á
tónleikum á NASA í kvöld
ásamt nokkrum öðrum sveit-
um. » 63
tónlist
Helga Þórey Jónsdóttir gefur
jólaplötu Bogomils Font og
Stórsveitar Reykjavíkur fjórar
stjörnur. » 64
gagnrýn
Angelina Jolie og Brad Pitt
velta nú vöngum yfir því hvað-
an þau eigi að ættleiða næsta
barn. » 75
fólk
N
æ
st
Þessar skemmtilegu og spennandi sögur
hins kunna höfundar Enid Blyton fjalla
um nokkur börn og vini þeirra úr dýraríkinu
sem lenda í ótrúlegustu ævintýrum.
ÆVINTÝRA
eyjan
Hver man ekki eftir Fimm-bókunum
og Ævintýra-bókunum. Hér eru þær
komnar aftur í nýrri útgáfu til óblandinnar
ánægju fyrir alla.
KLASSÍSKAR BARNABÆKUR
Sími 562 2600
Endurútgáfa
þessara
bókaflokka
hófst í fyrra.
í nýjum
ævintýrum
Fimm
Kíkí ...