Morgunblaðið - 17.12.2006, Page 6

6 SUNNUDAGUR 17. DESEMBER 2006 MORGUNBLAÐIÐ
FRÉTTIR
24,7%
H
V
ÍT
A
H
Ú
S
IÐ
/
S
ÍA
-
7
54
1
SJÓÐUR 10 – ÚRVAL
INNLENDRA HLUTABRÉFA
BESTA ÁVÖXTUN SAMBÆRILEGRA
SJÓÐA SÍÐUSTU 12 MÁNUÐI**
Markmið sjóðsins er að ná hærri ávöxtun
en úrvalsvísitala Kauphallar Íslands.
Þú getur fjárfest í áskrift eða keypt fyrir
staka upphæð. Farðu á www.glitnir.is og
kláraðu málið.
Sjóður 10 er fjárfestingarsjóður skv. lögum nr. 30/2003 um verðbréfa-
sjóði og fjárfestingarsjóði. Rekstrarfélag sjóðsins er Glitnir Sjóðir hf.
Útboðslýsingu og útdrátt úr útboðslýsingum má nálgast í útibúum Glitnis
eða á www.glitnir.is/sjodir.
* Ávöxtun í fortíð er ekki ávísun á ávöxtun í framtíð
** Sjá ávöxtun innlendra hlutabréfasjóða á www.sjodir.is
Nafnávöxtun síðustu 12 mánuði m.v. 30.11.2006*
Eftir Sunnu Ósk Logadóttur
sunna@mbl.is
„MAÐUR veitir ekki þá þjónustu
sem maður telur sig eiga að veita.
Maður kemst ekkert yfir nema það
allra nauðsynlegasta. Það veldur
vanlíðan,“ segir Ragnheiður Sigur-
geirsdóttir, sjúkraliði og trúnaðar-
maður á Hrafnistu í Hafnarfirði, en
39 sjúkraliðar af 41 sem starfa við
heimilið afhentu forráðamönnum
stofnunarinnar áskorun á föstudag
þar sem krafist er úrbóta sem fyrst.
Ragnheiður segir launin í engu
samræmi við álagið. Mannekla hafi
verið viðvarandi í lengri tíma og
starfsmenn orðnir langþreyttir á
ástandinu. Hið mikla álag sé langt
frá því metið við starfsmennina og
því sé meira um uppsagnir nú en áð-
ur. Fjórir sjúkraliðar, sem starfað
hafa á heimilinu í fleiri ár, hafa sagt
upp störfum á síðustu dögum. Sam-
kvæmt upplýsingum frá forstjóra
Hrafnistu vantar í um 15 stöðugildi á
Hrafnistu í Reykjavík og líklega í
álíka mörg í Hafnarfirði. Þar sem
heimilið þar er minna er ástandið
nokkuð verra en í Reykjavík. Fyrst
og fremst vantar ófaglært fólk í
umönnunarstörf sem og sjúkraliða.
„Það er gríðarlegt álag á okkur og
tíðari veikindi, hiklaust,“ segir
Ragnheiður um ástandið.
Í fréttatilkynningu frá sjúkralið-
unum segir að undirmönnun í lengri
tíma valdi óhjákvæmilega miklu
álagi, andlegu sem líkamlegu. Afleið-
ingar þess séu þreyta, veikindi og
uppgjöf.
Knúnir til að segja upp
„Stjórnendur Hrafnistu verða að
gera sér grein fyrir þeirri staðreynd,
að það er ekki að ófyrirsynju að
fjöldi reyndra sjúkraliða sem í raun
hafa verið burðarásar heimilisins í
áratugi sjá sig knúna til að segja
störfum sínum lausum vegna
óánægju með kjörin,“ segir í áskor-
uninni.
Sveinn H. Skúlason forstjóri, segir
Hrafnistu fara nákvæmlega eftir öll-
um kjarasamningum. „Hins vegar
telja þær sig eiga inni ákveðinn
framgang samkvæmt samningnum
sem er alltaf ákveðið matsatriði í
báðar áttir.“ Hann segir að viðræður
milli Hrafnistu og Sjúkraliðafélags-
ins séu að fara af stað og ekkert verði
hægt að aðhafast í launamálum
starfsmanna fyrr en þeim loknum.
Sveinn segir ekkert svigrúm innan
kjarasamninganna til að umbuna
fólki á miklum álagstímum. „Við höf-
um valið að umbuna okkar fólki á
ýmsan máta,“ segir Sveinn. M.a.
með því að gefa starfsfólki afmæl-
isgjafir eftir ákveðinn tíma í starfi,
þá er öllum starfsmönnum boðið í
grillveislu á haustin og sömuleiðis á
árshátíð. Að auki fær hver deild ár-
lega ákveðna upphæð sem hún getur
ráðstafað að vild og oft er nýtt til að
fara út að borða í kringum jólin.
„Þetta höfum við gert því við viljum
sýna starfsfólkinu þakklæti fyrir
sína miklu vinnu. Ef við reiknum
þetta inn í kjarasamninga eru þetta
einhverjir þúsundkallar á mánuði á
mann.“
Sveinn segir að starfsmannavelt-
an á Hrafnistu sé mikil og ástandið
hafi verið sérstaklega slæmt í haust.
Ákveðinn kjarni, um 70–80% starfs-
manna, hafi verið lengi í vinnu. Aðrir
staldri stutt við og erfitt sé að fylla í
skörðin.
Þreyta, veikindi og
uppgjöf á Hrafnistu
Viðvarandi undirmönnun hefur tekið sinn toll af starfsfólki
Hrafnistu og sjúkraliðar krefjast úrbóta hið snarasta
Eftir Egil Ólafsson
egol@mbl.is
FRAMSÓKNARFLOKKURINN
ætlar að standa fyrir ýmsum við-
burðum á næstu mánuðum í tilefni
af 90 ára afmæli flokksins sem er
16. desember. Flokkurinn ætlar
m.a. að halda málþing í janúar um
miðjustefnu í stjórnmálum og efnt
verður til afmælishátíða víða um
land í febrúar. Í mars verður síðan
haldið flokksþing þar sem málefna-
skrá flokksins fyrir þingkosning-
arnar í vor verður mótuð.
Stofnskrá Framsóknarflokksins
var undirrituð 16. desember 1916,
en áður höfðu verið haldnir fundir
á Austurlandi og Suðurlandi þar
sem stofnun flokksins var undirbú-
in. Flokkurinn var í upphafi stofn-
aður sem þingflokkur en upp úr
1930 var farið að stofna félög um
allt land.
Afmælisviðburðir fram í mars
„Þó að Framsóknarflokkurinn sé
orðinn þetta gamall þá endurnýj-
ast hann með hverri kynslóð og
þeim einstaklingum sem taka þátt
í starfi hans. Hann er því enn ung-
ur og öflugur. Flokkurinn hefur
lagt mikla áherslu á að fylgjast
með tímanum og endurmeta stöðu
sína. Við erum jafnframt núna á
þessum tímamótum að rifja upp og
skerpa á ýmsum sígildum verð-
mætum og hugsjónum eins og
þjóðlegum gildum, félagslegum
gildum og mannúðlegum gildum.
Við erum að fara yfir þessi atriði í
aðdraganda flokksþings sem haldið
verður í mars,“ sagði Jón Sigurðs-
son, formaður Framsóknarflokks-
ins.
Í gær, á afmælisdaginn, stóð
Framsóknarflokkurinn fyrir hátíð-
ardagskrá á 14 stöðum um allt
land. Í janúar kemur út 5. bindi í
ritröðinni Sókn og sigrar, en þetta
bindi er tileinkað 25 ára sögu
Landssambands framsóknar-
kvenna. Í febrúar ætlar Fram-
sóknarflokkurinn að standa fyrir
málþingi um miðjustefnu í stjórn-
málum. Í sama mánuði ætlar Sam-
band ungra framsóknarmanna að
standa fyrir afmælishátíð. Þá
verða afmælishátíðir í febrúar á
15–20 stöðum víða um land þar
sem fjallað verður um sögu og
verk Framsóknarflokksins.
Jón sagði að flokksþingið í mars
yrði málefnaþing. Þingið sem hald-
ið hefði verið í ágúst hefði kosið
nýja forystu fyrir flokkinn og síðan
hefði þinginu verið frestað. Á
flokksþinginu yrðu stefnumál
flokksins rædd og áherslur lagðar
fyrir komandi þingkosningar.
Brýnt erindi
Jón sagði að saga Framsóknar-
flokksins væri samofin sögu þjóð-
arinnar. Flokkurinn hefði setið í
mörgum ríkisstjórnum og komið
miklu í verk. Flokkurinn byggði á
samvinnuhugsjón og það hefði oft
verið hans hlutverk að draga ólík
öfl saman að borði. Hann sagði að
flokkurinn ætti enn brýnt erindi
við þjóðina.
„Það er mikið rætt um að flokk-
urinn mæti andbyr nú um stundir
en sannleikurinn er sá að það eru
kosningar sem meta byrinn en ekki
skoðanakannanir. Við höfum um-
boð u.þ.b. 18% kjósenda og það er
á þeim grundvelli sem við erum að
vinna.“
Framsóknarflokkurinn
fagnar 90 ára afmæli
Framsóknarmenn ætla að efna til málþings í febrúar um miðjustefnu í stjórn-
málum og einnig ætlar flokkurinn að standa fyrir afmælishátíðum um allt land
Í HNOTSKURN
»Í gær kynnti Framsóknar-flokkurinn nýtt afmælis-
merki sem hann ætlar að nota á
afmælisárinu og í kosningabar-
áttunni næsta vor.
»Framsóknarflokkurinn hef-ur átt aðild að 22 rík-
isstjórnum, að þeirri sem nú
situr meðtalinni. Alls hafa 36
ríkisstjórnir setið að völdum
frá 1917.
»Framsóknarflokkurinn hef-ur farið með forystu í 13
ríkisstjórnum eða 14 ef með er
talin sú stjórn sem nú situr.
»Núverandi formaður, JónSigurðsson, er 13. formað-
ur Framsóknarflokksins. Að-
eins sex menn hafa veitt
flokknum forystu frá stofnun
lýðveldisins.
»Framsóknarflokkurinn erelstur þeirra stjórn-
málaflokka sem nú starfa.
Næstelstur er Sjálfstæðisflokk-
urinn, en hann var stofnaður
1929.
»Alþýðuflokkurinn var líktog Framsóknarflokkurinn
stofnaður árið 1916.
Morgunblaðið/Brynjar Gauti
Afmæli Létt var yfir leiðtogum flokksins í gær. Jón Sigurðsson formaður og Guðni Ágústsson varaformaður tak-
ast í hendur og með þeim eru Arnar Þór Sævarsson, aðstoðarmaður Jóns, og Sæunn Stefánsdóttir, ritari flokksins.
Á EINUM sólarhring tók lögreglan í
Reykjavík tólf ökumenn yfir ölvun-
arakstur sem er óvenju mikið.
Ef litið er í dagbók lögreglu frá
klukkan sjö á fimmtudagsmorgni til
sjö að morgni föstudags sést að tíu
karlmenn og tvær konur voru tekin
fyrir ölvunarakstur.
Karlarnir voru á ýmsum aldri; sá
yngsti 17 ára en sá elsti um áttrætt.
Konurnar voru báðar á fertugsaldri.
Þrír þessara ökumanna höfðu þegar
verið sviptir ökuleyfi en sá fjórði í
hópnum var jafnframt tekinn fyrir
ölvunarakstur fyrr í vikunni. Síðdeg-
is á föstudag hafði einn ölvaði öku-
maðurinn enn lent í klóm lögregl-
unnar en ekki fylgir sögunni hvort
jólaglöggin eru að valda þessu í
miðri viku.
Tólf ökumenn teknir
ölvaðir á sólarhring