Morgunblaðið - 17.12.2006, Qupperneq 26
|sunnudagur|17. 12. 2006| mbl.is
Það má segja að Sálin hans
Jóns míns leiti aftur í rætur
sínar með samstarfinu við
Gospelkór Reykjavíkur. » 32
tónlist
Þótt Hannes Pétursson kunni
vel við sig á Álftanesinu liggja
rætur hans engu að síður í
Skagafirðinum. » 28
skáldið
Víkingar samtímans höggva
e.t.v. ekki mann og annan en
hafa engu að síður hefðirnar í
hávegum. » 40
nútíma víkingar
Gerður G. Óskarsdóttir er
ánægð með þær breytingar
sem hafa orðið á starfi grunn-
skólanna sl. 10 ár. » 34
menntun
Gamla Reykjavíkurhöfn sem
byggð var á árunum 1913 til 1917
var á þeim tíma mesta mann-
virki Íslandssögunnar. » 42
sagan
Eftir Ásgeir Sverrisson
asv@mbl.is
H
éðinn Svarfdal Björnsson er
maður atorkusamur. Hann
starfar sem fræðslufulltrúi við
Lýðheilsustöð, rekur fyrirtæki
og tvívegis hefur hann haldið
sem fararstjóri til Kína og kynnt undur þess
mikla menningarríkis fyrir Íslendingum. Síð-
ast en ekki síst er Héðinn rithöfundur, í
haust hlaut hann Íslensku barnabókaverð-
launin fyrir bók sína Háski og hundakjöt.
Hlýtur það að teljast glæsilegur árangur því
hér ræðir um fyrstu bók höfundar.
Háski og hundakjöt fjallar um Aron Björn
sem þiggur boð um að fara með pabba sínum
í vinnuferð til Kína og lendir í miklum æv-
intýrum. Kínversku borgirnar eru yfirþyrm-
andi stórar, fljótin breið og mannmergðin
mikil, svo ekki sé talað um matinn sem er
býsna frábrugðinn því sem Aron er vanur að
heiman. Af óviðráðanlegum ástæðum þarf
pabbi hans að vinna meira en hann átti von á
þannig að Aron kannar borgina Zhaoqing
einn síns liðs, þangað til hann kynnist Ling
sem gerist leiðsögumaður hans og vinkona.
Auk Héðins hlutu þau Margrét Tryggvadótt-
ir og Halldór Baldursson Íslensku barna-
bókaverðlaunin fyrir Söguna af undurfögru
prinsessunni og hugrakka prinsinum hennar.
„Söguna skrifaði ég upphaflega sem ferm-
ingargjöf handa frænda mínum á Akureyri.
Ég byrjaði á henni í kringum jólin í fyrra.
Þegar ég sá síðan barnabókasamkeppnina
auglýsta í blöðum ákvað ég að taka þátt. Í
vor þegar ég kom heim úr ferðalagi í Kína
fékk ég símhringingu þar sem mér var til-
kynnt að ég hefði hlotið verðlaunin,“ segir
Héðinn. Vaka-Helgafell gaf síðan bókina út
og fékk frændinn á Akureyri, hann Aron,
fyrsta eintakið. „Nafn aðalsöguhetjunnar í
bókinni er búið til úr nafni hans og yngri
bróður hans, Björns.“
Verðlaunin mikil hvatning
Héðinn kveðst hafa orðið afar undrandi er
honum var tilkynnt að verðlaunin hefðu fallið
honum í skaut. Sem fyrr sagði er þetta fyrsta
bók Héðins og hann kveðst lítt hafa fengist
við skriftir fram til þessa. „Ég skrifaði vit-
anlega ritgerðir og þess háttar í skóla. Ég
bjó í æsku í Bandaríkjunum og þar var mikil
áhersla lögð á að nemendur sinntu skapandi
skrifum, skiluðu af sér ljóðum, sögum og
þess háttar. Móðir mín lagði einnig ríka
áherslu á að ég tapaði ekki niður íslenskunni
og gerði mér að skila af mér skriflegu verk-
efni í viku hverri. En að þessu slepptu hef ég
aldrei fengist við að skrifa skáldskap, mín
skrif hafa fram til þessa einkum verið fræði-
legs eðlis,“ segir Héðinn.
Höfundurinn segir verðlaunin mikla hvatn-
ingu og kveðst hafa uppi áform um að skrifa
fleiri bækur. „Þetta er skemmtileg byrjun og
óneitanlega fylgir þessu einhver pressa hvað
næstu bók varðar. Ég lít á það sem jákvæða
ögrun. Ég hlakka að minnsta kosti til þess að
láta reyna á það hvort ég get ekki skrifað
meira. Ég er með ákveðnar hugmyndir í koll-
inum bæði hvað varðar framhald á þessari
sögu og einnig aðrar barnabækur. Á end-
anum er nú samt draumurinn sá að skrifa
bók fyrir fullorðna.“
Héðinn telur barnabókamarkaðinn á Ís-
landi sérlega mikilvægan og tiltekur að nauð-
synlegt sé að í boði séu bækur fyrir stráka.
„Stelpurnar lesa nánast allt eins og við vitum
en þegar ég settist niður um jólin í fyrra og
hóf að skrifa söguna mína fannst mér ekki
vera mikið framboð á bókum fyrir unglings-
stráka.“ Héðinn segir að saga hans, Háski og
hundakjöt, henti sérstaklega krökkum á
grunnskólaaldri.
Háskólakennari í Zhaoqing
Söguhetjan, Aron Björn, lendir í miklum
ævintýrum í Kína og svo vill til að höfund-
urinn þekkir vel til þar, einkum í borginni
Zhaoqing. „Ég bjó í Kína í eitt og hálft ár en
hafði nú áður farið þangað í öðrum erindum.
Ég fékk tilboð um að gerast fyrsti erlendi
sálfræðikennarinn við háskóla í Zhaoqing-
borg,“ segir Héðinn. Hann segir að dvölin
þar hafi verið ánægjuleg í alla staði. „Ég
keypti mér mótorhjól og ók um sveitir Suður-
Kína. Þar lenti ég ýmsum ævintýrum sem ég
reyndi síðan að nýta þegar ég settist niður og
skrifaði söguna um ferðalag Arons Björns.
Þetta var áhugaverð og skemmtileg reynsla
og gaman að fá tækifæri að kynnast landi og
þjóð.“
Héðinn kom heim frá Kína í fyrra og starf-
ar nú sem fræðslufulltrúi við Lýðheilsustöð.
Þar sinnir hann margvíslegum forvarn-
arverkefnum. Hann bjó í Minnesota í Banda-
ríkjunum sem barn og unglingur, kom þá til
Íslands og lauk stúdentsprófi frá Mennta-
skólanum við Hamrahlíð. Þaðan lá leiðin aft-
ur til Bandaríkjanna þar sem hann lauk BA-
og MA-gráðum í sálfræði. Þá lá leiðin til
Húsavíkur þar sem Héðinn bjó í tvö ár áður
en hann hélt til Bretlands þar sem hann
sinnti rannsóknarstörfum við háskólann í
York um fimm ára skeið. Héðinn sem varð 32
ára á föstudaginn hefur því búið í útlöndum í
samtals um 20 ár. „Ég á einkum foreldrum
mínum að þakka að ég tapaði aldrei niður ís-
lenskunni og ég hef alltaf haldið góðu sam-
bandi við mitt fólk,“ segir hann.
Héðinn vinnur nú að doktorsverkefni sínu
samhliða öðrum störfum. Hann hefur nýverið
hafið rekstur lítils fyrirtækis sem nefnist
Léraður ehf. Þetta er fyrirtæki sem fram-
leiðir kennsluefni einkum fyrir tónfræði og
tónmennt. Héðinn kveðst áhugasamur um
tónlist þótt ekki sé hann tónlistarmaður. „Ég
söng í Hamrahlíðarkórnum á sínum tíma og
þekki mikið af góðu fólki í tónlistarlífinu en
ég kem aðallega að hinum kennslufræðilega
hluta þessa efnis,“ segir hann og bætir við að
viðtökur í grunnskólum og tónlistarskólum
hafi verið ágætar. „Við erum nýbyrjuð á
þessum rekstri og viðtökur lofa góðu.“
Íslendingar áhugasamir
um Kína
Héðinn hefur tvívegis á þessu ári farið sem
fararstjóri til Kína á vegum Heimsferða.
„Mér hefur þótt það jákvæð og skemmtileg
reynsla. Mér hefur gefist tækifæri til að
kynnast Kína með öðrum hætti en áður. Sem
ríkisstarfsmaður í Kína hafði ég nú ekki efni
á að gista á fjögurra eða fimm stjörnu hót-
elum,“segir Héðinn og hlær.
Hann kveðst vona að tækifæri og tími gef-
ist til að fara fleiri ferðir sem fararstjóri til
Kína. Hann hafi gaman af því að kynna land
og þjóð fyrir Íslendingum og ef til vill gefist
aftur tækifæri í sumarfríinu á næsta ári að
halda á ný í austurveg. „Mér þykir ánægju-
legt hversu blómleg viðskipti hafa tekist með
Íslendingum og Kínverjum. Fólk hér á landi
hefur mikinn áhuga á Kína og þeim sögulegu
umskiptum sem þar eiga sér stað. Kína er nú
þegar orðið stórveldi og á eftir að verða enn
öflugra þannig að það er mikilvægt fyrir okk-
ur Íslendinga að efla enn frekar samskiptin
við Kína.“
Fermingargjöfin til frændans
varð að verðlaunabók
Morgunblaðið/ÞÖK
Verðlaun Héðinn Svarfdal Björnsson, fræðslufulltrúi við Lýðheilsustöð og höfundur Háska og
hundakjöts, segir drauminn þann að skrifa skáldsögu fyrir fullorðna. Áður en til þess kemur
hyggst Héðinn vinna að fleiri barnabókum og er hann þegar tekinn að leggja drög að næstu sögu.
Héðinn Svarfdal Björnsson hlaut
í ár Íslensku barnabókaverðlaun-
in fyrir fyrstu bók sína, Háski og
hundakjöt, sem upprunalega var
skrifuð sem gjöf handa ungum
frænda norður á Akureyri.
» Þetta er skemmtileg
byrjun og óneitanlega
fylgir þessu einhver pressa
hvað næstu bók varðar. Ég
lít á það sem jákvæða ögrun.
daglegtlíf