Morgunblaðið - 17.12.2006, Blaðsíða 33

MORGUNBLAÐIÐ SUNNUDAGUR 17. DESEMBER 2006 33
Karlar vilja ekki horfa
á hálfbera karla.
www.jbs.dk
spurðu eftir þeimmeð nafni
framleitt af
syngja um eitthvað sem væri klúrt
og tvírætt.“
Stefán grípur fram í. „Við skul-
um orða það svo, að lagið „Sód-
óma“ var aldrei inn í myndinni. Né
nokkurt lag af Þessi þungu högg
(hlær).“
Sálin hans Jóns míns hóf starfs-
semi á sínum tíma í heiðursskyni
við sálartónlist, eins og heyra má á
fyrstu skífu sveitarinnar, Syngj-
andi sveittir. Þá var liðsskipan
nokkuð önnur, einu meðlimirnir þá
sem enn eru Sálverjar eru þeir
Stefán og Guðmundur. Stefáni
„leið bærilega“ á skífunni eins og
hann tilkynnti um í laginu „Á tjá
og tundri“ og menn renndu sér í
gegnum staðalnúmer eins og
„When a Man loves a Woman“ og
„Everybody needs Somebody to
Love“. Segja má því að Sálin hafi
að einhverju leyti verið að fara aft-
ur í ræturnar í þessu nýjasta verk-
efni sínu. Stefán hefur auk þess
troðið upp við og við sem söngvari
sveitarinnar Straumar og Stefán,
sálartónlistarsveitar sem hann og
Jón Ólafsson reka. Þannig að
gospelið hefur aldrei verið langt
undan, þannig séð.
„Jú, jú … þetta var á margan
hátt „eðlilegt“ fyrir okkur,“ segir
Stefán. „Okkar rætur eru í „soul“-
tónlistinni og sú taug hefur alla tíð
verið sterk í okkur. Þannig að það
er ekki spurning um að okkur
fannst þetta mjög viðeigandi.
Þetta var næsta póstnúmer við.“
„Á grensunni“
Gospelkórinn syngur í nær öll-
um tilfellum trúarlega tónlist, og í
mörgum tilfellum hafa þau hafnað
tilboðum um samstarf við poppara.
En tækifæri til að vinna með Sál-
inni var dálítið annað, einstakt
tækifæri að sögn Óskars.
„Sumir kórfélagar neituðu að
taka þátt, fannst þetta ekki sér-
staklega spennandi og völdu því að
sitja hjá. Af ákveðnu prinsippi þá,
og ég virði það.“
Þau lög og textar Sálarinnar
sem valin voru á tónleikana (t.d.
„Þú fullkomnar mig“, „Ekki nema
von“ og „Upplifun“) falla vel að
gospelhugmyndinni.
„Já, þetta eru friðarins textar og
rólyndislegir,“ segir Stefán jánk-
andi. „Þeir komust a.m.k. í gegn-
um stækkunargler Óskars og þá
möskvastærð sem hann hafði girt
(kímir). En að öllu gríni slepptu,
þá vorum við búnir að undirbúa
þetta með tilliti til þess sem fram
átti að fara.“
Stefán segir að þau lög sem röt-
uðu á diskinn séu þægileg áheyrn-
ar, eins og svo mörg Sálarlög.
„Við storkum ekki örlögunum
með þessum lögum og ætlum ekki
að frelsa heiminn með þeim. Við
höfum ekki verið pólitískir í text-
um okkar hingað til og tónlistin
hefur ekkert kallað á slíkt. Lítið
og melódískt þriggja mínútna
popplag úr smiðju Guðmundar
Jónssonar á jafnan lítinn samhljóm
með texta um Framsóknarflokkinn
eða Íraksstríðið. Þetta er eitthvað
sem hefur ekki ratað inn í okkar
tónlist, einfaldlega vegna forms-
ins.“
Óskar tiltekur að textar Sálar-
innar, alltént þeir sem völdust í
verkefnið, séu jákvæðir og lögin
undirstriki þá enn frekar. Stefán
segir hins vegar að hann eigi erfitt
með að tjá sig um þessa texta.
„Þetta bara kemur og svo fer
þetta … og svona hefur það verið í
átján ár.“
En textarnir fyrir nýju lögin
tvö, „Þú trúir því“ og „Handrit
lífsins“, þar sem Stefán á fyrri
textann en Friðrik Sturluson
bassaleikari þann seinni, voru
samdir sérstaklega með þetta
verkefni í huga eins og lögin.
„Við vildum hafa þá … ja
kannski ekki trúarlegs eðlis en alla
vega á grensunni,“ segir Stefán
um textana.
„Það er hægt að sjá út úr þeim
trúarlega skírskotun ef menn vilja.
Við lágum lengi yfir þessu, en allt
er ort undir rós. Í „Þú trúir því“ er
t.d. sagt „Þú trúir því að hann sé
fyrir þig“, og þessi hann getur ver-
ið Guð, eða einhver maður úti í bæ.
Túlkunin er semsagt opin, sumir
myndu segja að það væri hræsni
af okkur að tala ekki bara beint út
um Guð en okkur langaði einfald-
lega ekki til að gefa okkur þessu
algerlega á vald, með fullri virð-
ingu fyrir trúfólki hvarvetna. Við
dönsuðum á línunni, en það má þó
segja að við höfum þó stigið aðeins
í vænginn við almættið.“
Stefán segist aðspurður ekki
telja félaga sína í Sálinni sérstak-
lega trúaða menn, en sjálfur hafi
hann vissulega ávallt haldið í sína
barnatrú.
Sáluhjálp
Stefán segir bæði kosti og galla
að vinna temabundið, en Sálin er
orðin býsna reynd í slíku.
„T.d. Sól og Mána plöturnar,
þær voru bundnar í ákveðna heild-
arhugmynd. Það gat verið
þvingandi – en það var líka leið-
beinandi. Farvegurinn var til stað-
ar, og svo var bara að veita hug-
myndunum þangað. Eins var með
þessi tvö nýju lög.“
Óskar segir að Gospeltónlistin
sé hægt og bítandi að sækja í sig
veðrið hérlendis, en staðan sé þó
allt önnur en t.d. í Noregi og Sví-
þjóð, en þar er mikill markaður
fyrir slíka tónlist.
„Þetta er svona að koma, og það
var gott að fá Sálina til hjálpar.“
Stefán rifjar nú upp að þegar
lagið „Þú fullkomnar mig“ kom út
á sínum tíma (2002) hafi sókn-
arprestur hringt í hann og Guð-
mund og rætt við þá um að það
væri greinilegt trúartema í text-
anum en lagið nýtur í dag mikilla
vinsælda í brúðkaupum.
„En það var samt alls ekki það
sem var lagt upp með. Presturinn
sagði þó að hér væri kominn fram
nýr sálmur. Það var þá sem fræi
þessa verkefnis var sáð, og tók það
sér bólfestu í höfðina á Gumma.
Þetta hefur legið undir niðri í hans
pækli lengi, hann er alltaf að pæla
í nýjum hugmyndum og hvað við
getum gert við tónlistina okkar.“
Upplifunin við það að koma fram
í Höllinni undir þessum formerkj-
um var þá mjög sérstök að mati
Stefáns.
„Þetta var allt annað en maður
átti von á. Alveg einstök upplifun
og það rigndi yfir óskum í kjölfarið
hvort ekki væri hægt að endurtaka
leik. Ég held að við höfum dottið
niður á mjög góða tímasetningu
hvað það varðar, mér líst mjög vel
á að endurtaka þetta á milli jóla og
nýárs, þá er mikill og skemmti-
legur hátíðleiki yfir öllu og það er
vel hæfandi.“
» Við dönsuðum á lín-
unni, en það má þó
segja að við höfum þó
stigið aðeins í vænginn
við almættið.
Sala á tónleikana, þann 30. des-
ember hófst 6. desember og fer
fram á midi.is
www.salinhansjonsmins.is