Morgunblaðið - 17.12.2006, Side 39

MORGUNBLAÐIÐ SUNNUDAGUR 17. DESEMBER 2006 39
ans og ganga þá í víkingafélög. Þar
er bardagatæknin rannsökuð og nið-
urstöðurnar notaðar við æfingar og
sýningar á víkingahátíðum.
Aðrir fara í þetta vegna áhuga á
handverki og listum. Það eru mörg
skapandi störf í víkingabúðum og á
mörkuðum. Gerðir eru skartgripir og
minjagripir ýmiss konar, vopn smíð-
uð eða hljóðfæri og tónlist flutt. Í
þessum hópi eru nokkrir atvinnuvík-
ingar. Þeir nota veturinn til að smíða
gripina og fara svo á milli sem flestra
víkingahátíða og markaða á sumrin
til að selja afurðirnar og halda áfram
að framleiða. Þetta er þó ekki stór
hópur, flestir eru í annarri vinnu og
nota sumarfríið til að leika víkinga.
Starfsfólk safna og víkingagarða er
auðvitað atvinnuvíkingar en þar eru
einnig margir hugsjónamenn með
brennandi áhuga á faginu.
Enn aðrir ganga í víkingafélög
vegna áhuga á textíl. Cathrine
Glette, umsjónarmaður víkingabæj-
arins í Bukkøy við Ögvaldsnes
(Avaldsnes) í Noregi, er ein þeirra.
Hún er frá Körmt, sveitarfélaginu
sem Ögvaldsnes tilheyrir, og gekk
þar í víkingahóp fyrir rúmum áratug
vegna áhuga síns á listum og gömlum
vefjarefnum. Að sjálfsögðu hefur
hún sjálf saumað allan sinn vík-
ingafatnað. Hún bjó lengi í Ósló en er
nú flutt aftur á æskustöðvarnar og
getur sinnt þessu áhugamáli sínu og
unnið við það um leið.
Enn eina ástæðuna nefnir danski
víkingurinn Jacob Hessellund, það
er að vinna að rannsóknum á vík-
ingatímanum. Hann hefur hætt allri
sölumennsku og snúið sér meira að
rannsóknum. Er til dæmis að vinna
að athugun á notkun á skjám gerðum
úr kálfsmaga og ull í stað glers í
gluggum víkingahúsa. Um leið og
hann hryllir sig segist Jacob ætla að
leggja það á sig að búa í slíku húsi í
hálfan mánuð í mestu kuldunum í
vetur, til að athuga hvort hægt sé að
lifa við þetta.
Víkingasirkusinn fer af stað
Mikill áhugi er á víkingatímanum
á Norðurlöndunum, heimasvæði vík-
inganna, en einnig í löndunum sem
víkingarnir herjuðu á. Þetta á við um
Bretland þar sem víkingarnir skildu
eftir sig mikil ummerki, Pólland,
Holland og Þýskaland, svo nokkur
helstu löndin séu nefnd. En á vík-
ingahátíðirnar kemur einnig fólk frá
fleiri löndum Evrópu, til dæmis Ítal-
íu, og frá Ameríku.
Jacob Hessellund telur að um 500
Danir lifi eins og víkingar einhvern
hluta úr árinu og að í Evrópu séu ein-
hver þúsund virkra víkinga.
Fólkið hittist á fjölmörgum vík-
ingahátíðum og mörkuðum sem efnt
er til flestar helgar sumarsins. Ég
tók eftir því þegar ég kom á vík-
ingamarkaðinn í Foteviken, vík-
ingabænum á Skáni, að þar urðu
fagnaðarfundir þegar víkingar komu
til hátíðarinnar og hittu fólk sem fyr-
ir var. Jacob líkir þessu við sirkus,
það verði fagnaðarfundir þegar vík-
ingasirkusinn fari af stað.
Hafsteinn Pétursson, jarl í
Rimmugýgjar og Jómsvíkingum,
tekur þátt í flestum víkingahátíðum
hér á landi og fer með félögum sínum
á eina til tvær erlendar hátíðir á
hverju sumri. Hann segir að þetta sé
góður félagsskapur. „Ég hef kynnst
mörgum góðum félögum í gegnum
þetta, í Bretlandi, á Norðurlönd-
unum og víðar. Menn vinna náið
saman og kynnast vel. Maður hittir
suma félagana annað hvert ár eða
sjaldnar en það verða alltaf fagn-
aðarfundir. Samt veit maður ekki
mikið um bakgrunn fólksins, til
dæmis hvað það starfar. Maður
kynnist persónunni þeim mun bet-
ur,“ segir Hafsteinn.
Hann segist vera forvitinn um
fólk, til dæmis hvað það starfi en
menn gefi það ekki mikið upp. Vitað
er að margir kennarar eru í víkinga-
sirkusnum og kannast Hafsteinn við
það en hann er sjálfur kennari í
Hafnarfirði. Hann telur þó að þarna
sé nánast að finna þversnið af sam-
félögunum. Nefnir hann sem dæmi
að óhapp hafi orðið í bardaga á einni
hátíðinni og þurft hafi að gera að sár-
um þátttakanda. Þá hafi stokkið vík-
ingur út úr einum sölubásnum, mað-
ur sem hafi verið að búa til skartgripi
úr grjóti. Komið hafi í ljós að þetta er
læknir og hann hafi verið með áhöld
til að sauma sárið.
Hópurinn alltaf að stækka
Jerker Fahlström er sænskur vík-
ingur sem blaðamaður hitti á vík-
ingamarkaðnum í Foteviken. Hann
er leikari, meðal annars með eigin
leikflokki í Gautaborg. Hann fer á
margar víkingahátíðir á hverju ári og
segir sögur, meðal annars á Íslandi.
„Ég hef mikinn áhuga á sögu víking-
anna og hef gaman af því að lesa
þær,“ segir Jerker. Hann býr í eigin
tjaldi á víkingahátíðunum og tjaldið
er jafnframt leikhús því það er bæki-
stöð sagnamannsins. Það muna sjálf-
sagt margir gestir víkingahátíðanna í
Hafnarfirði eftir þessum litríka sögu-
manni, enginn kemst hjá því að
heyra hann segja frá. Jerker kemur
til Íslands tvisvar til þrisvar á ári,
alltaf á víkingahátíðina í Hafnarfirði
og svo vinnur hann yfirleitt í mán-
aðartíma sem sögumaður í Fjöru-
kránni. „Ég skil ekki af hverju ég
sæki svona til Íslands. Ég fer af stað
með áform um að sjá eitthvað nýtt en
enda svo alltaf á Íslandi.“
„Þetta er bara áhugamálið. Ég á
bíl og hús heima í Gautaborg, líka
DVD-spilara og sjónvarp,“ segir Jer-
ker þegar hann er spurður hversu al-
varlega hann taki víkingahlutverkið.
Hann segir að hópurinn sé alltaf að
stækka, ný andlit sjáist á hverju ári,
„en við þessir gömlu erum ekkert að
hætta. Það er ekki hægt að hætta að
fara í víking,“ segir Jerker Fa-
hlström.
helgi@mbl.is
í víking
Bogfimi Æfð er bogfimi í sumum víkingagörðunum og geta allir tekið þátt.
JÓLAGJAFIRNAR Í ÁR
Pókersett 500 chips
Tilboðsverð 4.990
Pókersett 300 chips
Tilboðsverð 3.390
Glæsilegt 10 manna
pókerborð
Tilboðsverð 17.990
Aerobic stepper
Tilboðsverð 990
Tilboðsverð 3900
Körfuboltaspjald
Körfubolta-standur
Verð frá 13.900
Rafmagnshlaupahjól
með sæti
Tilboðsverð 2990
WWW.VERSLA.IS
Hlíðasmári 13 s. 5666 999
Pantaðu á netinu eða kíktu til okkar
og verslaðu á staðnum.
10-40% afsláttur fram að jólum
(tilboð miðast við vöru sótta í búð).
. .I
lí s ri s.
t ti í t til r
v rsl st .
- fsl tt r fr j l
(til i st vi v r s tt í ).