Morgunblaðið - 18.12.2006, Page 21
tíska
MORGUNBLAÐIÐ MÁNUDAGUR 18. DESEMBER 2006 21
FRANSKUR ilmvatnsgerðarmaður
hefur nú endurskapað ilmvatn sem
María Antoinette á að hafa notað
meðan allt lék í lyndi við frönsku
hirðina. Eins og þekkt er var
drottningin hálshöggvin árið 1793
þegar franska byltingin stóð sem
hæst.
Að sögn Berlingske tidende er
upplag ilmsins takmarkað enda er
hann ekki ókeypis. 25 millilítra
kristallsflaska kostar um 31.500
krónur en aðeins verða 1000 flösk-
ur framleiddar. Þeir, sem finnst sú
útgáfa ekki nægilega einstök, geta
þó mögulega nælt sér í sérstaka
viðhafnarútgáfu af þessum dýr-
mæta vökva séu þeir tilbúnir til að
punga út fyrir henni. Hún verður
sett á markað í 10 númeruðum
flöskum sem hver um sig kostar um
726 þúsund krónur.
Hagnaður af sölunni á að renna
til viðgerðar á híbýlum Maríu
Antoinette í Versölum, en það er
einmitt höllin sem stendur að baki
ilmvatnsframleiðslunni. Upp-
haflega skóp ilmvatnsgerðarmaður
frönsku hirðarinnar, Jean-Louis
Fargeon, angan Maríu en sagn-
fræðingur fann nokkrar af upp-
skriftum hans við ritun ævisögu
hans. Þessar uppskriftir nýtti ilm-
vatnsgerðarmaðurinn Francis
Kurkdjian sér þegar hann end-
urskapaði ilminn, sem er sagður
mjög þungur miðað við nútíma-
ilmvötn.
Ilmur
Antoinette
á markað
Reuters
Þung angan María Antoinette ku hafa angað meðal annars af rósum,
jasmínu og appelsínublómum. Úr kvikmynd Sofie Coppola um frönsku
drottninguna sem kom á markað fyrr á árinu.
Fáðu fréttirnar
sendar í símann þinn