Morgunblaðið - 21.12.2006, Blaðsíða 14
14 FIMMTUDAGUR 21. DESEMBER 2006 MORGUNBLAÐIÐ
AKUREYRI
Eftir Skapta Hallgrímsson
skapti@mbl.is
ENGAN sakaði en mikið eignatjón
varð á bænum Grænuhlíð í Eyja-
fjarðarsveit í gær þegar aurskriður
ruddu burt útihúsi og bragga og
skemmdu íbúðarhúsið töluvert. Þá
varð mjög mikið tjón á mann-
virkjum Djúpadalsárvirkjunar þeg-
ar stór stífla brast og mildi þykir að
ekki fór verr er bíll lenti í flóðbylgj-
unni úr ánni. Rúmlega tugur kálfa
drapst í útihúsi í Grænuhlíð og aflífa
varð nokkra til viðbótar.
Óskar Kristjánsson, bóndi í
Grænuhlíð, vaknaði um það bil 20
mínútum yfir sex í gærmorgun.
Hann tók skömmu síðar eftir því að
smávegis vatn hafði lekið inn í for-
stofuna þeim megin í húsinu sem
veit að fjallinu, og þegar hann leit út
blasti við honum aurskriða úr Hóla-
fjalli sem staðnæmst hafði rétt við
íbúðarhúsið. Bærinn er í Saurbæj-
arhreppi hinum forna, um 30 km
sunnan Akureyrar.
Sonurinn var í húsinu þegar
skriðan lenti á húsinu
„Ég fór út hinum megin og upp í
dráttarvélina sem stóð norðan við
hús, fór einn hring og sá hvað hafði
gerst og dreif mig til baka.“ Eig-
inkona hans, Rósa María Tryggva-
dóttir, var þá komin á fætur og kom
strax út. Þá kom önnur skriða og
stærri niður fjallið og lenti á húsinu.
Fimmtán ára sonur þeirra hjóna var
enn inni en kom út í snarhasti og
fjölskyldan dreif sig burt á drátt-
arvélinni. Ók yfir aurskriðuna og fór
að nágrannabænum Æsustöðum.
„Þar biðum við birtunnar,“ sagði
Óskar í gær.
Seinni skriðan fór yfir veginn neð-
an bæjarins á um það bil 100 metra
kafla.
Tvö hús í Grænuhlíð eru gjörónýt;
gamalt fjós þar sem voru um það bil
15 kálfar og braggi sem hvarf af yf-
irborði jarðar. „Hann sést ekki leng-
ur, það er ekkert eftir af honum,“
sagði Óskar.
Þegar Morgunblaðið kom að
Grænuhlíð í gærmorgun hafði hóp
manna drifið að til aðstoðar, félagar
í björgunarsveitinni Dalbjörg og
fólk af nágrannabæjum. Reynt var
að bjarga kálfum úr gamla fjósinu,
sem sumir hverjir voru á kafi í leðj-
unni, og húsfreyjan var komin í fjós
til þess að mjólka kýrnar.
„Ný skriða, það er ný skriða!“ var
þá kallað þegar sá sem þetta skrifar
ræddi við Rósu Maríu í fjósinu. Þá
hafði hún nýlega tilkynnt gestinum
að ekki væru bara slæmar fréttir
þennan morguninn; þegar hún
komst loks í fjós hefði nefnilega
blasað við henni nýfæddur kálfur.
En við tilkynninguna um enn eina
skriðuna þusti fólk á brott. Skömmu
síðar kom reyndar í ljós að ekki var
mikil hætta á ferðum heldur að-
allega vatn sem kom niður hlíðina í
farvegi skriðnanna tveggja, en allur
er varinn góður. Tekist hafði að ná
tveimur kálfum lifandi úr gamla
fjósinu þegar þarna var komið sögu
en aðrir drápust. Fjórum lógaði
Óskar þegar ljóst var að ógerningur
var að ná þeim þar sem þeir voru á
kafi í leðju og undir braki, og ein-
ungis hausinn stóð upp úr.
Það var ekki fyrr en um hádeg-
isbil sem þau Óskar fengu leyfi til
þess að fara heim að íbúðarhúsinu.
Stígvélafæri í eldhúsinu
„Þá var stígvélafæri í eldhúsinu.
Ég óð drulluna uppundir hné,“ sagði
Óskar við Morgunblaðið. Ljóst er að
öll gólfefni eru ónýt, bæði í eldhúsi,
„Hef oft horft smeykur
til fjalls í svona tíðarfari“
Morgunblaðið/Skapti Hallgrímsson
Eyðilegging Hvíta húsið með græna þakinu er fjós Grænuhlíðarfólksins, mjólkurkúnum þar varð ekki meint af. Leifar gamla fjóssins eru hægra megin.
Miklar skemmdir á húsum í aurskriðum Ökumaður sem lenti í flóðbylgju bjargaðist ótrúlega
Eftir Ragnhildi Aðalsteinsdóttur
og Skapta Hallgrímsson
„ÉG HEFÐI gjarnan viljað undirbúa
jólin með börnunum en þetta gerðist
og þá verður bara að taka því. Og
jólin koma þrátt fyrir allt og verða
hátíðleg,“ sagði Halla Tuliníus, íbúi
við Grenilund á Akureyri við Morg-
unblaðið síðdegis í gær en töluverð-
ar skemmdir urðu á neðri hæð par-
húss hennar og Guðjóns Ingva
Geirmundssonar í fyrrinótt, þegar
vatn flæddi þar inn.
Mikill snjór hefur verið á Ak-
ureyri undanfarið en þegar skyndi-
lega hlýnaði og hellirigndi að auki
hafði holræsakerfi bæjarins ekki
undan og víða var vatnselgur. Loka
þurfti einstaka götu, Hlíðarbraut
rofnaði til að mynda en verst var
ástandið við Grenilund ofarlega á
Brekkunni, og þar flæddi mikið inn í
þrjú hús. Hluti götunnar varð eins
og stórt stöðuvatn seint í fyrrakvöld
og þegar Morgunblaðið kom þar aft-
ur við í gærmorgun óðu slökkviliðs-
menn vatnið enn upp að hnjám.
Halla sagði að vatn hefði ekki
hætt að flæða inn á neðri hæðina í
húsi þeirra Guðjóns Ingva, sem er
niðurgrafin til hálfs, fyrr en á milli
klukkan fjögur og fimm síðdegis í
gær. „Nú vona ég bara að það fari
ekki að flæða inn aftur – þetta er
nóg í bili.“ Halla kvaðst ekki enn
vita nákvæmlega um skemmdir en
þó væri ljóst að gólfefni í kjall-
Jólin verða
samt hátíðleg
Morgunblaðið/Skapti Hallgrímsson
Nóg að gera Margir hjálpuðust að við að bjarga verðmætum og ausa vatni í kjallara hússins við Grenilund 17 hjá
Höllu og Guðjóni Ingva, m.a ættingjar og vinir. Myndin er tekin um klukkan eitt aðfararnótt miðvikudagsins.